Си лъагъуныгъэ

Сэ балигъ сыхъуащи, си гур мэпӏейтей,

Уей, си лъагъуныгъэ, дэнэ ущыхэт?!

Си нэгум ущӏэтщи, жэщкӏэ сымыжей,

Гъащӏэр зыгъэдахэу си псэгъу хъун, ухэт?!

Гурылъ ӏэфӏ пхуэсщӏахэр хы толъкъуну уэрщ,

Зыгуэр сэ къызэджэм, уи джэ макъ къысщохъу,

Уей, си лъагъуныгъэ, плъапӏэу сиӏэр уэрщ,

Дунейр щӏэспщытыкӏыу псэкӏэ уэ сыплъохъу.

Уи хэщӏапӏэр сщӏатэм, ноби сынежьэнт,

Къуакӏи бгыкӏи уэр щхьэ жэщуи зэпысчынт.

Борэнышхуэ хъуакӏи сэ зызмыӏэжьэнт,

Уей, си лъагъуныгъэ, мы дыгъэр къепсыху.

Дэнэ ущыпсэуми, зэ зыкъэзгъэцӏыху,

Сэ хышхуэ тхьэрыкъуэу уи деж сынэсынщ!

Уей, си лъагъуныгъэ, сытри пхуэсшэчынщ!

Гъатхэу дыздэгъагъэу дэ дыздэпсэунщ!