Хъуаджэм икъэщакӏ

Мафэ горэм мэщытым блэкӏызэ, Хъуаджэм бзылъфыгъэ дахэ горэм мэщытым пӏуаблэхэр къычӏихыхэмэ ыутхыпкӏыхэу ылъэгъугъ. Бзылъфыгъэр инэу ыгу рихьыгъ. Хъуаджэр кӏуи ӏухьагъ.

- Уиӏоф шӏу, сышыпхъу!

- Алахьэм ынэшӏу къыпщэф.

- Адэ, уизэкъо дэд, мыщ фэдиз пӏуаблэр зехьэгъуаеба?!

- Сыд сшӏэн, къыздеӏэн щымыӏэмэ.

- Зи къыбдеӏэн щымыӏэмэ, сэ сыкъыбдеӏэнба!

- Бэу дэгъу, сэ джыдэдэм джэхашъор къэспхъэнкӏыщт, о пӏуаблэхэр къихых.

Пшъашъэм псы щалъэ псынэм къырихи, тхыпхъэ дахэ тырыригъэшӏыхьэу джэхашъом тыриутхагъ, етӏанэ джэхашъор къыпхъэнкӏэу ригъэжьагъ. Хъуаджэр пшъашъэм фыреплъэкӏы зэпыт.

Мэщытыр зэӏахыжьи, аӏэхэр ратхьакӏыжьынэ псынэм псы къырахынэу кӏуагъэх, Хъуаджэм зыфэмыщыӏэу пшъашъэм ӏаплӏ рищэкӏынэу а чӏыпӏэм щыфежьагъ. Пшъашъэм псынэ къуаор къытӏупщи, кӏитхъугъ. Хъуаджэри ащ ыужы илъэдагъ.

«Тхьэм иунэ ар къыщысэбэнынэп» ыӏуи, пшъашъэр мэщытым чӏэлъэдэжьыгъ. Хъуаджэр зыфэягъэр арыти, ыужы итэу дычӏэлъэдагъ. Мэщытым бэрэ къыщезэрэфэкӏыгъэх, ау Хъуаджэр кӏахьэрэп. Арыти, тхьагъэпцӏыгъэм екӏужьи, Хъуаджэм мырэу ыӏуагъ:

- Сэ о усӏэкӏэкӏыжьыщтэп, мухьарабэм уимыхьэри. Пшъашъэм ар зызэхехым, «о, сыдэу джы нэс сыгу къэмыкӏи» ыӏуи, мухьарабэм илъэдагъ. Хъуаджэри ащ ыужы итэу илъади, къыубытыгъ.

- Емыкӏу къысэмышӏ, егъэшӏэрэ гонахьи къэмыхь, сытӏупщ! - ыӏуи къелъэӏугъ пшъашъэр.

- Хьау, - ыӏуагъ Хъуаджэм, - сэ мыхъункӏэ сыкъыппэгъокӏын сыгу хэлъэп, ау сыгу урехьышъ, шъузы укъысфэхъунэу сыфай. Укъыздэкӏонэу тхьарыӏо къысфэшӏыри, зи осӏощтэп, ащ укъемызэгъымэ, угу къысэмыгъэбгъэжь.

Джаущтэу ригъэзи, егъэзыгъэкӏэ тхьэлъанэ ригъэшӏи, ытӏупщыжьыгъ. Ащ ыужым бэ темышӏагъэу Хъуаджэм а пшъэшъэ дахэр къыщагъэу ишъуз.