Хъыджэбзаплъэм и уэрэд
Сэ си къэшэгъуэ тӏэкӏу хэтӏэсами, уей,
Масирэт дахэ нащхьэ хузощӏкъэ, уей.
Ауэ щӏыкӏафӏэу сыхущытами, уей,
Сыфӏэауану ӏупщӏэ къысхуещӏкъэ, уей.
Масирэт нащхъуэ сыкъыпокӏыжри, уей,
Мэржан щӏыкӏафӏэ сыхуокӏуэкӏыжкъэ, уей.
Ауэ я дадэ губжьауэ къосри, уей,
Я хьэ Мыщэжьыр сэ къызеуштрэ, уей.
Мэржан пэ къуаншэ сыпымылъыжу, уей,
Ӏэсят хужьышхуэ гухэлъ хузощӏрэ, уей.
Ауэ я унэ къысхущӏэмыкӏыу, уей,
Я хьэ Мыщэжьыр сэ къызеуштрэ, уей.
Ӏэсят къарэжьи зэзмыпэсыххэ, уей,
Фатӏимэт гуакӏуэщ сэ си хъуапсапӏэр, уей.
Ауэ я анэр мэтхьэусыхэ, уей,
Я бжэӏулъэжьыр къыретыжыпэ, уей.
Фатӏимэт мащӏэу сырысщыхъуауэ, уей,
Жантӏимэт пщэхум сыныдохьэ, уей.
Ауэ унагъуэр къыспежэжьауэ, уей,
Я пхъэ дакъэжьыр си плӏэм къралъхьэ, уей.
Аркъэ ефэныр щызмыгъэтыжмэ, уей,
Сэ щхьэгъусэншэу сыкъэнэпакъэ, уей.
Ди хъыджэбз къомым фӏы зыхуэзмыщӏмэ, уей,
Си нитӏыр къижу сыхэкӏыжакъэ, уей.