Хъуаджэм иш къызэригъотыжьыгъэр

Чэщ горэм Хъуаджэм иш атыгъугъ. Шы дэгъоу къарыушхо хэлъэу, кӏо дэгъу иӏэу щытыгъ. Къехъуапсэщтыгъэх зышӏэхэрэр. Цӏыфхэм агу къеуагъ. Хъуаджэр ежьи, чылэгъо заулэ къыкӏухьагъ, ау ыуж теуцон ылъэкӏыгъэп. Арыти, къыгъэзэжьи, кӏуишъ, къэм дэгъолъхьагъ. Цӏыфмэ амышӏэ хъуна, ашӏагъ Хъуаджэр кӏуагъэу къэм зэрэдэлъыр.

- Сыд, Хъуаджэ, къэм узыфыдэлъыр? - аӏуи, еупчӏыгъэх.

- Сызыфыдэлъыр шъосӏопэн: тыгъосчэщ уахьые къысфэкӏуагъ: «Хъуаджэ, умыгумэкӏ, уиш бгъотыжьыщт, чэщ-мэфищ зытешӏэрэм, уиш зытыгъугъэр, шым ыдзыни, хьэдэгъу фэхъущт, къэм къызахьырэм хьадэ-джадэр пэгъокӏыни бэным къыдидзыжьыщт, пкъынэ-пкъынэу хьэкӏэ-къуакӏэмэ зэбгыратхъыжьыщт, ибыни тхьэр еуагъэу щыӏэщт, къэм кӏори, щеж, пшӏэщт зыщыщыр, - къысиӏуагъи, сежэ къахьыфэ.

Ащ фэдэ къэбарыр мэбыбы, къуаджэмэ анэсыгъ, щтагъэх, мэхъэшагъэх. Ящэнэрэ чэщым Хъуаджэм зыгорэ къеджагъ:

- Хъуаджэр, уиш шэщым ит, къэм къыдэкӏыжь. «Ыхьы, джыри уахьые къысфэкӏуагъ, итымэ дэгъу, кӏо, щэрэӏ, шыр къэзыщэжьыгъэми инасып, дзыгъо имыфэзэ псаоу къэнагъ, сэ сиши згъотыжьыгъэ», - ыӏуи, къэм къыдэкӏыжьыгъ.