Нэмазыр ӏофа, къэбхэр ары нахь

Хъуаджэм ефэндхэр икӏэсагъэхэп. Ыши ефэндыгъэ, ау инэйпсыягъэ пае ренэу ехъоршэрэкӏыщтыгъ. Зэгорэм ефэндыр ӏaey къыдэгущыӏи, ыгу кьыхигъэкӏыгъ. Ау зи риӏуагъэп. Ришӏэщтым егупшысэу бэкӏаерэ хэтыгъ. Зэгорэм нэкӏмазэм илъэхъан цӏыфхэр хэӏэжьынхэу нэмаз аригъэшӏынэу, ахъшэмэ нэмазыр ары, мэщытым ӏутхэу ылъэгъугъ. Мэфэ реным мышхагъэхэм ашӏуабэ мышӏэ хъуна, дэгуӏэх. Нахь ыгъэгужъон ыӏуи, ефэндыр мэщытым зыщыкӏощтым ехъулӏэу мэущтэу ышӏыгъ.

Ефэндым ихатэ къэбыр дизыгъ. Лъэшэу бэгъуагъэ. Икӏэсагъ ащ къэбыр. Арыти, джау мычыжьэу псыцуитӏу щысыхэти, къызыщифыхи, ефэндым икъэб хатэ хигъэзыхьагъэх. Ефэндыр мэщытым ежьагъэу кӏозэ, ихатэ зыдаплъэм, псыцухэм къэбыр ашхэу ылъэгъугъ. Нэмазыр ӏофа, къэб хатэр ары нахь! Фэщэӏэныя! Къыгъэчэрэгъугъ, хатэм дэлъэдагъ. Губжыгъэу дунаир егъахъэ. «Алахьэм къозэу ригъэшъыных, мыщ ашӏэрэр! О бын, шъулъэгъурэба хатэм дэхъуахьырэр!» Бэрэ псыцухэр зэрифагъэх. Чылэр къежэ, хэӏэжьыгъор блэкӏыгъ, ежь мэцӏацӏэшъ хатэм дэт...

Цӏыфхэм ар залъэгъум, «тиефэнд жъы хъугъэ, алахь-алахь, шъхьащехы, хъужьыщтэп» аӏуи, чылэр тегущыӏи, ефэндыгъо ӏэнатӏэр ӏахыжьыгъ...

Джаущтэу ефэндыгъор шӏуигъэкӏодыгъ.