Гупсыси псалъэ

Зы хъыджэбз гуэрым зы дэлъху закъуэ иӏэт. Абы ар апхуэдизкӏэ фӏыщэу илъагъурти, зытет щӏым кӏуэцӏрыхуну къыщыхъурт.

Зы пщэдджыжь гуэрым хъыджэбзыр псыхьэ кӏуащ. Псыхъуэшхуэм хуэфӏу псыр мылгъурыджейуэ щтат. Хъыджэбзым ар щилъагъум:

– Ялэхь, мы мыл къомыр ткӏужыху, си дэлъху закъуэр схуэгъэпсэу! – жиӏэри тхьэ елъэӏуащ.

Ар псы къизыгъахъуэу щыт я гъунэгъу фыз гуэрым щызэхихым:

– Гупсыси псалъэ, си хъыджэбз! – жиӏэри къеущиящ.

– Сыт ар щӏыжыпӏэр? – щӏэупщӏащ хъыджэбзыр. Ауэ фызым жэуап къримытыжу псы пэгунитӏыр зытрилъхьэри дэкӏыжащ.

Фызым и щӏагъыбзэр хъыджэбзым и гум гуауэу илъу щӏымахуэ псор ирихащ. Итӏанэ зы гъатхэ пщэдджыжь гуэрым псыхьэ кӏуэмэ – мыл къомыр, бгъуэтмэ къащтэ – щыӏэжтэкъым…