Ер уи унэм имыхьэкӏэ, сыщыбгъэуащ
Бжэгъуищэ къэшэн хуейти, и къуэр зыдишэри Хъуэжэ мэз кӏуат. Бжэгъухэри къыпаупщӏщ, яухъуэнщӏыжри гум деж къыралъэфэлӏэжащ.
– Къакӏуэ иджы, гум идгъалъхьэ, уэ къызэптынщ, сэ сыбжурэ бжэгъухэр гум зэгъэзэхуауэ ислъхьэнщ, – жиӏэри Хъуэжэ гум иуващ.
Япэ дыдэу и къуэм къырита бжэгъу закъуэр "мыр зы", – жиӏэри Хъуэжэ гум ирилъхьащ. Хъуэжэ и къуэм игу къеуащ и адэм "зым" алыхьыр зэрыдыщӏимыгъуар.
– Дадэ, "зы, зыр алыхьырщ" жыпӏэркъэ?
– Ер уи унэм имыхьэкӏи, уи алыхь кӏуэда, сыщыбгъэуащ! – жиӏэри Хъуэжэ гум ирилъхьа бжэгъу закъуэр и къуэм къыритыжащ: – щӏэрыщӏэу къызэтыжи изгъэлъхьэж!