Хъуаджэм нэмазыр зэриукъуагъэр
Хъуаджэм ышнахьыжъ ефэндыгъ. Пчэдыжь нэмазыр заухыкӏэ ащ къекӏолӏагъэхэр пкӏэнакӏо зыдищэнхэ ефэндым зэрихьисапыгъэр Хъуаджэм ышӏэщтыгъэ. Арыти, нэмазыр амыухызэ Хъуаджэр къэтэджыжьыгъ.
- Сэ непэ пкӏэнакӏо сыкӏон слъэкӏыщтэп, - ыӏуи, мэщытым къычӏэкӏыжьыгъ. Ефэндыр губжыгъэ.
- Сыда къысэпшӏагъэр? - къецӏацӏэ Хъуаджэм. - О къысэпшӏагъэм фэдэ цӏыф рашӏэрэп. Сыдэущтэу нэмазыр уукъуагъа?!
- О зи зэмышӏэжьыгъэ сэ осшӏагъэп. Нэмаз сэшӏы сӏозэ, нэмазышӏхэр пкӏэнэкӏо шӏыхьафы епщэжьагъэхэу зысэлъэгъум, сизакъоу нэмазым сытесыжьынэп сӏуи, сыкъычӏэкӏыжьыгъ, - Хъуаджэр къызэкӏэкӏуагъэп.