«Изитӏур зы мaт...»

Бжыхьэ мафэ горэм Хъуаджэр губгъом ихьагъэу ныбгъукӏако къыубытыгъ. Ныбгъоу къыубытыгъэр шӏоинэу, шӏогъэшӏэгъонэу, цӏыфымэ аригъэлъэгъун ихьисапэу къыхьи къэкӏожьыгъ.

Ныбгъукӏакор мэтэ ныкъом чӏигъэтӏысхьи, Хъуаджэр щагум дэкӏыгъ, мэщыт щагум дэт цӏыфхэм ахэхьагъ.

- Мыдэ, тадэжьы некӏох, зыгорэ шъозгъэлъэгъущт, - зеӏом купышхо къыдежьи ядэжьы къыдэкӏуагъ.

Щагум зыдахьэхэм, джау чъыг чӏэгъым чӏэуӏубэгъэ матэм ычӏэгъы чӏэӏэбагъ. Ныбгъур чӏэмысыжьэу къычӏэкӏыгъ.

Ныбгъур чӏэмысыжьэу зэхъум, Хъуаджэр бэрэ емыгупшысэжьэу мэтэ ныкъор къыӏэти, цӏыфмэ къариӏуагъ:

- О куп! Шъузымрэ сэрырэ тызэнэкъокъу: шъузым мыщ изыр зы мат еӏо, сэ мыщ изитӏур зы мат сэӏо, тар нахь тэрэза?

- Мыр мэтэ ныкъу, ау зыхъурэм изитӏур зы мат, аӏуагъ цӏыфмэ.

- Ащыгъум сэ сӏуагъэр тэрэз, тхьэшъуегъэпсэу, ыӏуи Хъуаджэм мэтэ ныкъор унэм рихьажьыгъ.