«Къушъхьэ машӏом сыкъигъэфэбагъ...»

Кӏымэфэ чъыӏэу, осыри куоу телъэу къоджэпщым «Нычэпэ сиунашъхьэ тесырэм сипшъашъэ естын», - ыӏуи цӏыфмэ ахиӏуагъ.

Хъуаджэм ар зызэхехым, пщым дэжь кӏуи, унашъхьэм тесынэу риӏуагъ. Чэщ зэхъум, ӏуагъэ зэрэзэдашӏыгъэм тетэу, сэе пӏонэкӏэу Хъуаджэр унашъхьэм дэкӏоягъ, осыр ытхъуи ыкӏоцӏ итӏысхьагъ.

Хъуаджэм щэӏэгъэшхо хэлъыгъ.

Пчэдыжьым Хъуаджэр пӏыкӏагъэу, ау щышӏыгъэ щымыӏэуи унашъхьэм къехыжьи, зифэпэжьыгъ.

- Арэп, Хъуаджэ, чъыӏэм уимыгъалӏэу сыдэущтэу нычэпэ нэф укъикӏыгъ? - ыӏуи пщыр Хъуаджэм къеупчӏыгъ.

- Чъыӏэ сылӏэна, къушъхьэм телъ машӏом чэщреным сыкъигъэфэбагъ, - ыӏуагъ Хъуаджэм.

- Адэ о къушъхьэм телъы машӏом зебгъэузэ нэф бгъэшъыгъэкӏэ гуащэ къыуатына? - ыӏуи пщым игущыӏэ зэкӏихьэжьыгъэ.

Хьыкумэтым ӏофыр зыратыми, пщым зэриӏуагъэу ыухыгъ.

Ащ ыужым мэфэ заулэ щышӏагъэу, Хъуаджэм мэлыбгъэ пщэр ыукӏи пщыри, ащ ишыхьатхэри, хьыкумэтыри ыхьэкӏэнхэу ядэжьы къыщагъэх.

Хъуаджэм, лыр лэгъупым изы ышӏи пчъэкъуахэм дэжь щыпилъагъ, джэгум мэшӏошхор ришӏыхьагъ. Тӏэкӏу шӏэ къэси пхъэ къырехьэшъ, машӏом кӏегъэсты, хьакӏэмэ адэжь ежьэшъ: «Шъумыгуаӏ, джыдэдэм хьазыр къэхъущт» - apeӏo.

«Ӏанэр къахьмэ» aӏoy купыр ежэу щысызэ, чэщ хъугъэ. Мэлакӏэ лӏэгъэ купыр къызэплъ-зэплъыжьэу гумэкӏы фежьагъ. Зыгорэ агъакӏуи къагъэплъагъ.

- Олахьэ, ащ ныбжьи тимыгъэшхэн, - ыӏуагъ аӏофытагъэм. - Лэгъупым лыр изэу лъэхъучым пылъагъэу пчъэкъуахэм къот, ежь машӏом кӏегъэстышъ джэныкъом пэс.

- Кӏори къысфедж, - ыӏуи пщым ыгъэкӏуагъэх.

- Сыда тызыпэбгъэсырэр? - пщыр къеупчӏыгъ Хъуаджэм.

- Джыдэдэм къэхъущт, - ыӏуагъ Хъуаджэм.

- Къэхъуна машӏо кӏэмылъэу? - Хъуаджэм еупчӏыгъэх.

- Алахьэм семыукӏи, къушъхьэм телъ машӏом сэ сыкъызигъэфэбагъэкӏэ, джэныкъомрэ пчъэкъуахэмрэ азыфагу лъэбэкъуищ ныӏэп, пчъэкъуахэм пылъэгъэ лэгъупыр джэгум пэлъы машӏом къыгъэжъонба!

Купмэ аӏожьын амышӏэу ыумысыхи, лыри аримыгъэшхэу ытӏупщыжьыгъэх.