Хъуаджэм икъандж ӏac
Хъуаджэм къандж ӏасэ горэ иӏагъ. Пчэдыжь горэм Хъуаджэр унэм зекӏым, икъандж ӏасэ псыцу гъорыкӏо горэм ытхыцӏэ eyӏoy тесэу, псыцур ӏэгум къыдэхьагъ.
- Олъэгъуа, сикъандж ӏасэ дахэу есӏуагъэр зэхишӏыкӏыжьыгъ, псыцу къысфифыгъ, - ыӏуи Хъуаджэм псыцур ӏэщым дигъэзыхьагъ.
Хъуаджэм псыцур мэфэ зытӏу горэм ыӏыгъыгъэу псыцур зыер къыдэхьагъ.
- Хъуаджэ, псыцу гъорыкӏо горэ къыоолӏагъэу къэбар къысэӏугъэти сыкъэкӏуагъ, - ыӏуагъ псыцур зыем.
- Хьау, псыцу гъорыкӏо сэ садэжь дэтэп, сикъанджы ӏасэ дахэу есӏуагъэм ипэгъокӏэу къысфифыгъ, - ыӏуи а чӏыпӏэм ритыжьыгъэп.
- Ащыгъум, ӏофым ефэндыр хэрэплъи, хьыкум къытферэшӏ, - ыӏуи псыцур зыер кӏожьыгъэ.
Хъуаджэр зыфэягъэри арары. Ефэндым иӏорэ ишӏэрэ зэтефэмэ, зафэмэ ыушэтын ыгу хэлъыгъ.
Хъуаджэр кӏуи, ефэндым къыдэгущыӏагъ.
- Псыцур къысфэгъани, псыцутхъур зэдэтшхын, - ыӏуи ефэндыр ыгъэгугъагъ.
Пӏалъэр къэси, ефэндыр хьыкумкӏэ ӏофым хэплъагъ.
- Хъуаджэм псыцур къытыгъугъэп, къатрихыгъэп, икъанджы ӏасэ къыфи, къыритыгъ, тхьэм къыритыгъэ былымышъ, уиӏоф хэлъэп, - ыӏуи псыцур Хъуаджэм къыфигъэнагъ.
Ыужырэ пчэдыжьым, псыцу цуер лагъэм изы ышӏи, ышъхьашъо псыцутхъу тӏэкӏу тырицӏали, «тхъу лагъэ» ефэндым фихьыгъ. Ефэндыр мэщытым ежьагъэти, Хъуаджэр еджи къыгъэуцугъ.
- Ефэнды, апэрэ псыцутхъу лагъэр къыпфэсхьыгъэшъ, «бисмилахь» ӏори хаӏ, риӏуагъ.
- Унэм ихь, унэм ихь, - ыӏуагъ ефэндым.
- Хаӏ, хаӏэри исхьащт, - ыӏуи Хъуаджэм тхъу лагъэм ышъхьэ тырихыгъ.
Ефэндым ыӏэхъуамбэ тхъум хигъэзыхьи, гуаӏэзэ зыӏуилъхьагъ.
- Алахь, алахь, Хъуаджэ, къысэпшӏагъэр сшӏэрэп, псыцу цуе сэбгъэшхыгъэ, - ыӏуагъ ефэндым.
- Ефэнды, джырэп о псыцу цуе зыпшхыгъэр, симыпсыцу къызысэотыр ары нахь, - риӏуагъ.