«Телъыхэп ӏори ежьэжь!..»
Мафэ горэм Хъуаджэм ышнахьыжъ ефэндым щэджэгъо нэмаз аригъэшӏызэ, уазэу къышӏырэм хэтэу ахърэтым ищынагъо къафиӏуатэу фежьагъ, джыхьнэм лъэмыджым изэрэщыт къафиӏотагъ.
- Диныр зыукъорэм, нэмаз шӏыгъо хэзынэрэм иӏоф ахърэтым щыдэищт, - ыӏуагъ ефэндым, - джыхьнэм лъэмыджым рагъэкӏощт. Ар сыд фэдэ лъэмыдж? Зэжъубз, кӏыхьэ, мэшӏошхо кӏэлъ, икӏыгъуай, зэжъур хэгъэкӏи, чэтацэм фэдэу пӏуакӏэ, чан, чэтацэр къэпштэжьын, ар шъуамбгъоба, шъхьац налъэм нахьи нахь псыгъу...
Хъуаджэр едэӏу-едэӏуи, фэмыщыӏэжьэу цӏыфмэ къахэкуукӏыгъ:
- О, ефэнды, земыгъэукӏыхь, телъыхэп ӏори ежьэжь!