Дыгъужь делэ
Мысост къуажэм икӏри къалэм дэс и малъхъэм деж кӏуауэ щыхьэщӏэрт. Ӏэнэм хадэхэкӏ тез къащӏащ.
– Тӏэкӏу хэӏэбэт, Мысост, тхьэ соӏуэ, мы хадэхэкӏыр лыуэ щыӏэм я адэм и уасэм! – жиӏащ и малъхъэм.
– Е уанэ махуэр тезылъхьэн, мы дыгъужьхэми сыту делэ куэд къахэкӏ хъуа? – лӏыжьым и щхьэр игъэкӏэрэхъуащ.
– Сыт дыгъужь, Мысост, зи гугъу пщӏыр? – къэуӏэбжьащ малъхъэр.
– Нтӏэ, уэри зэрыпщӏэщи, си щӏапӏэр и хъуреягъкӏэ хадэхэкӏ защӏэщ, – жэуап итыжащ лӏыжьым. – А къомым пхрыкӏри, дыгъужьым си бэкхъым щӏэта гъэлъэхъужь закъуэр ишхащ. Дауи пэлъэща: гъэлъэхъу щыщӏэт?!