Informa Revolucio kaj Esperanto
Alvin Toffler antaŭdiris en sia liblo "La Tria Ondo"antaŭ ĉirkaŭ 20 jaroj, ke la homaro suferos radikalan reformon pere de informa revolucio, post la Agrikultura kaj IndustriaRevolucioj,
La kerno de la Informa Revolucio estas sendube komputilo. Antaŭ 20 jaroj troviĝis en nia oficejo komputilo, kiu havis magnetajn elementojn kiel ĉefan memorilon kaj magnetajn disk-aparatojn kun memorujo nur de 50 MB, kies tuta grandeco similis al fridujo. Tamen, tiu komputilo estis tre multekosta je 50 milionoj da jenoj kaj ne estis la aĝo facile aĉeteblakiel televidilo. La antaŭdiro de Toffler tiam ŝajnis esti malrealeca simile al sonĝo.
Komputilaj kompanioj de la mondo en tiuj tagoj arde penis disvolvi grand-skalan komputilon kaj en Japanio tuta grupo de tiaj kompanioj kune kun la centra registaro celisekspluatadon de giganta komputilo kun lernokapablo, kiel unua nacia projekto. Aliflanke, usona junulo Bill Gates sola sin ekdediĉis al la disvolvado de persona komputilo, vidantetian grandan fluon tra sia neglektema okulangulo. Do, nun ĉiuj aprobas, ke certe estas ne superkomputilo, sed persona konputilo tiu, kiu realigos la informan revolucion priskribitan de Toffler. La revolucio subite ekaperis el la neanticipita angulo de la socio. En tiu momento rompiĝis la ekonomia ambicio de Japanio, en kiu la lando regos la mondon pere de venontaj gigantaj komputiloj post aŭtomobiloj, kiuj estis unua profitodona egzemplo de la dua ondo de la Industria Revolucio.
Tiu ĉi informa revolucio, kiu komenciĝis tuj antaŭe, integros ĉiujn metodojn por informa komunikado, kiel ekz. elektra komunikado aŭ amaskomunikado, kiuj aperis en la fina etapo de la Industria Revolucio, kaj realigos la socian sistemon, kie homoj povos reciproke havi tujan komunikadon - inter persono kaj persono aŭ inter persono kaj organizaĵo - pere de persona komputilo en sia domo tra komunika reto liganta ĉiujn lokojn en la lando. Per personaj komputiloj prilaboriĝos nuntempaj telefonoj, radiofonoj, televidiloj, video-maŝinoj, ĵurnaloj, revuoj kaj libroj. En tiu maniero, ĉiuj industrioj rilataj al tiuj informiloj devos suferi grandan reformon.
Krome, tio englutos pluajn oficajn laborojn en oficejoj, bibliotekoj kaj registaroj, reserv-rilatajn laborojn en vojaĝagentejoj kaj aliaj, kaj naskos elektran butikumadon aŭ novanmonan sistemon kiel elektran kvitigon.
Post la Industria Revolucio de la dua ondo, homoj amase transloĝiĝis al urboj. Rezulte, en la mondo naskiĝis grandegaj urboj, kiuj superas homloĝeblan skalon kaj tio donasdiversajn problemojn kiel loĝej-nesufiĉecon, troan trafik-densecon, medi-malpurecon kaj krim-multiĝon. En Tokio laboristoj, kiuj iras al sia laborejo, enfermiĝas en traino, porokaze, dum 4 - 5 horoj ĉiutage tra la grandigita urbo pro la foreco de sia hejmo. Tia fakto devigas al la urbantoj perdi karan porton de sia vivo kaj samtempe al ilia socio malefikecon.
Tiu informa revolucio certe ŝanĝos la futuron de la homaro en granda skalo. Unu el la plej gravaj rezultoj okazigotaj pere de la revolucio troviĝas en la fakto, ke ĝi rompasunudirektan rilaton - de organizaĵo al individuo - observatan tipe en amaskomunikiloj. Ni neniam havis la metodon por send nian personan informon samtempe al la tuta mondo. La interreto nun al ni demonstras tiun eblecon. Ĝi estas la mondo, kie ĉiu persono povas send kaj ricevi informojn sen helpo de amaskomunikiloj. Ĉiu persono loĝanta en la plejmalproksima angulo de la mondo ne estas soleca, sed ligata al la tuta mondo kaj per efika uzo de tiu ebleco, la antaŭe menciita problemo de urben-koncentriĝado devas estisolvota. Se la informa revolucio garatios, ke nia socio ŝanĝiĝos de la socio de unudirekta amaskomunikebleco en tiun de ĉiujdirekta minikomunikebleco, ĝi donos nemalestimendan agadscenejon por la movado de esperantistoj. Ni jam akiris efikegan armilon.