302es.htm

Antaŭ 8 jaroj mi unuafoje rajdis motorcikleton en la Insulo de Ranjo en Tajvan, kaj la motorciklo tuj min kaptis per sia ĉarmo. Do, kiam mi revenis al Japanio, mi haste kuris al lernejo de motorcikla rajdado. Du monatojn post kiam mi ricevis ĝian licencon, mi min lanĉis al permotorcikla vojaĝo en Nov-Zelando. En la kvina tago de la motorciklado, mi koliziis kun aŭtomobilo. Mi, feliĉe, transvivis kaj la sekvantan jaron mi denove vizitis Nov-Zelandon por fini mian motorciklan vojaĝon ĉirkaŭ la lando. Poste mi motorcikladis en Aŭstralio, Usono, Meksikio kaj Vjetnamio. Nun, la motorcikloestas nemankebla kunulo por mia vojaĝo.

Libera estas motorcikla vojaĝo. Oni ne bezonas sciiĝi pri bushaltejo kaj pri forira tempo de buso nek rezervi sidejon. La motorcklo transportas viajnpezajn valizojn. Ĝia konsumado de benzino estas nekompareble malpli multa ol tiu de aŭtomobilo. Pro tio la motorciklo iome liberigas el monaferojunajn vojaĝantojn malriĉajn. La prezo de benzino en la landoj, kiujn mi vizitis, estis 30 - 40 jenoj por litro. Se la motorciklo veturas 30 km-jn porunulitro da benzino, vojaĝkosto estas 1 jeno por 1 km. Kiam temas nur pri benzinkosto, ĝi estas pli malmultekosta ol tiu de aŭtobuso. Malmulta konsumo ankaŭ signifas ke tioestas amika al nia vivmedio. Sed la motorciklo estas amika ne nur al medio. Ĝi servas al vi kiel gardisto, kiam vi tendumas. Bedaŭrinde vi ne povas dormi kune kun ĝi en tendo, tamen, vi trovus unu el viaj amatinoj en la motorciklo pro ĝia funkcia beleco. Kaj en la sekvanta tago, kiam fajro estos metita en la motoron, la motorciklo vin transportos al kaŝitavarmfontejo, al rok-ĉirkaŭata plaĝo aŭ ien ajn. Ĝi facile veturas sur ĉiuj vojetoj, kie homoj povas piediri.

Se vojaĝo estas longa, , la motorciklo kelkfoje malsaniĝas. Kaj se tio okaĝus en senhoma kamparo en eksterlando, rajdeisto riskus sian vivon. Pro tio li devas esti ne nur amanto, sed ankaŭ kuracisto por la motorciklo. Mi lernis ĝian reviziadon, helpante mian majstron pri ĝi, dum la lastaj 8 jaroj post la ricevo de mia licenco. Antaŭ ol fariĝi amanto de la motorciklo, mi dediĉis min hobie al revivigado de forĵetitaj bicikloj. Tia tekniko, tamen, estas neniel aplikebla al la motorciklo. Vere motorcikloj estas tiel altgradaj veturiloj kreitaj per la tuta teknologia esenco post la Industria Revolucio. Mi studis en teknologia fakultato de universitato, sed tiaj scioj neniom servas por tia komplikaĵo. Oni ne povas eĉ veturigi kajripari la motorciklon pere de tiaj supraĵaj scioj. Feliĉe mi povis lerni iom realan teknologion pro tiuj spertoj.

Malgraŭ tio, ono atribuas al la motorciklo simbolon de malvirto (fieco, pekado) en tiu ĉi sovaĝa lando kaj ĝia rajdisto ofte devas suferi socian akuzon kiel malbonulo. En multajlernejoj oni ne permesas veni kaj hejmeniri per la motorciklo. Tio similas al lerneja malpermeso al la lernantoj porti krajontranĉilojn kaj okaze de ĝia malkovriĝo, ĝia konfisko pro danĝereco, kio tamen estas nur preteksto por lernejoj. Devas esti nature ke lernejoj instruas ĝustan manieron uzi ĝeneralajn sciojn aŭ kiajn ajn., ne evitante sian propranrespondecon rilate ilian uzon. Kvankam oni ne ĉiam bezonas lerni la filozofion en japanaj lernejoj, ĉu oni minimume ne povus havi, ekzemple, klason pri la motorciklo, montranteĝin antaŭ lernantoj sed ne pri lernolibroj plenaj de literoj aŭ bildoj ne senc-donaj. Cetere estas instrueblaj fiziko, kemio, matematiko, kaj krome, eĉ japana aŭ angla lingvo, se libropor motorcikla reviziado estas donita al lernantoj.

Nu bone, mi deziras almenaŭ, ke vi rememoru la sukcesan helpon, kiun grupoj de junaj motorciklistoj faris en la okazo de la granda tertremo en Kobe.

Mi planas vojaĝi en suda Hindio per motorciklo en vintro de ĉi tiu jaro. La plej grava problemo rilate al motorcikla vojaĝo en eksterlando estas kiel trovi kaj gajni la veturilon. En miakazo, mi kutime aĉetas uzitan motorciklon, ĉar mia vojaĝo daŭras ĉiam nur ĉirkaŭ unu monaton. La aĉetita motorciklo estas ne facile portebla al mia hejmo, pro tio ĝi devas estivendota post la vojaĝo en tiu lando. Ĉar estas treege malfacile trovi tian motorciklan vendejon antaŭe en Japanio. Pro tio necesas helpo de amikoj en vizitota lando. Mi mem ĉiamfaris tion. Rilate al la vojaĝo en Meksikio, tamen, mi ne havis amikojn tie kaj do, rezulte sendis petleteron pri tia helpo al la ĉefoficejo de la meksikia ligo de esperanto-societoj, Post ĉio, la informoj el ili ne helpis min, ĉar la motorcikloj en Meksikio kostas tro multe por mi. Tamen, mi kore dankas por la laŭebla klopodo, kiun meksikaj esperantistoj faris por mi. Mifieras pri mia poveco, kiu ebligas min aranĝi motorciklon kie ajn en la mondo pere de Esperanto. En tiu aspekto mi estas speciala rajdisto malsama ol aliaj rajdistoj.