기독교 - 주기도문, 사도신경

주기도문 ຄຳສັ່ງສອນການອະທິຖານຂອງອົງພຣະເຢຊູ

ຂ້າແດ່ພຣະບິດາເຈົ້າຂອງພວກຂ້ານ້ອຍທັງຫລາຍ ຜູ້ຊົງ ສະຖິດຢູ່ໃນສະຫວັນ

ຂໍໃຫ້ພຣະນາມຂອງພຣະອົງເປັນທີ່ເຄົາຣົບບູຊາ

ຂໍໃຫ້ພຣະຣາຊອານາຈັກຂອງພຣະອົງມາຕັ້ງຢູ່

ຂໍໃຫ້ເປັນໄປຕາມນໍ້າພຣະໄທຂອງພຣະອົງໃນສະຫວັນ ເປັນຢ່າງໃດ ກໍໃຫ້ເປັນໄປຢ່າງນັ້ນທີ່ແຜ່ນດິນໂລກ.

ຂໍຊົງໂຜດປະທານອາຫານປະຈຳວັນ ໃຫ້ແກ່ຂ້ານ້ອຍທັງ ຫລາຍໃນກາລະວັນນີ້

ຂໍຊົງໂຜດຍົກໂທດໃຫ້ຂ້ານ້ອຍ ເໝືອນຂ້ານ້ອຍຍົກໂທດ ໃຫ້ແກ່ຜູ້ທີ່ເຮັດຜິດຕໍ່ຂ້ານ້ອຍນັ້ນ

ແລະຂໍຢ່າພາຂ້ານ້ອຍເຂົ້າໄປໃນການທົດລອງ ແຕ່ຂໍຊົງໂຜດໃຫ້ພົ້ນຈາກມານຊົ່ວຮ້າຍ

ເຫດວ່າ ຣາຊອານາຈັກ ຣິດອຳນາດ ແລະພຣະຣັດສະໝີ ກໍເປັນຂອງພຣະອົງສືບໆໄປເປັນນິດ

사도신경 ຫຼັກຄວາມເຊື່ອຕາມເຫຼົ່າອັກຄະສາວົກ

ຂ້ານ້ອຍເຊື່ອໄວ້ວາງໃຈໃນພຣະຣາຊບິດາເຈົ້າ

ຜູ້ຊົງຣິດທານຸພາບສູງສຸດ ຜູ້ຊົງນິລະມິດສ້າງຟ້າສະຫວັນແລະແຜ່ນດິນໂລກ

ຂ້ານ້ອຍເຊື່ອແລະໄວ້ວາງໃຈໃນອົງພຣະເຢຊູຄິດເຈົ້າ ພຣະຣາຊບຸດອົງດຽວຂອງ ພຣະອົງ ຜູ້ຊົງເປັນອົງພຣະຜູ້ເປັນເຈົ້າຂອງຂ້ານ້ອຍທັງຫລາຍ

ພຣະອົງຊົງປະຕິສົນທິເປັນມະນຸດໂດຍທາງອົງພຣະວິນຍານບໍລິສຸດເຈົ້າ

ຊົງປະສູດຈາກມາຣີຍິງພົມມະຈາຣີ

ຊົງທົນທຸກທໍລະມານດ້ວຍປີລາດຜູ້ປົກຄອງ

ຊົງຖືກຄຶງໄວ້ທີ່ໄມ້ກາງແຂນຊົງສິ້ນພຣະຊົນຊົງຖືກບັນຈຸໄວ້ໃນອຸບໂມງໄດ້ ສະເດັດລົງໄປສູ່ແດນມໍຣະນາ

ໃນວັນຖ້ວນສາມພຣະອົງຊົງຄືນພຣະຊົນ ແລ້ວໄດ້ສະເດັດຄືນສູ່ສະຫວັນສະຖານ

ຊົງປະທັບຢູ່ກໍ້າຂວາພຣະຫັດຂອງອົງພຣະຣາຊບິດາເຈົ້າ ຜູ້ຊົງຣິດທານຸພາບສູງສຸດຈາກທີ່ນັ້ນແຫລະ,

ພຣະອົງຈະສະເດັດຄືນມາຊົງພິພາກສາທັງຄົນເປັນ ແລະຄົນຕາຍ

ຂ້ານ້ອຍເຊື່ອໄວ້ວາງໃຈໃນອົງພຣະວິນຍານບໍລິສຸດເຈົ້າ

ໃນພຣະຄຣິສຕະຈັກສາຄົນອັນບໍຣິສຸດ

ໃນຄວາມສາມັກຄີທໍາລະຫວ່າງໄພ່ພົນທັງປວງຂອງພຣະເຈົ້າ

ໃນການພຣະຣາຊທານອະໄພໂທດບາບ

ໃນການຊົງບັນດານໃຫ້ຊາກຮ່າງກາຍຄືນມາຈາກຕາຍ

ແລະໃນການຊົງໂຜດໃຫ້ຮັບຊີວິດນິຣັນດອນ.