ປະເວນີ
ປະເວນີ [빠왜니]
/명/ 성교, sexual intercourse
풍습, 풍속
ຂາຍປະເວນີ [카이빠왜니] 매춘하다. 성을 팔다.
ນະຄອນຫຼວງວຽງຈັນ ກວດພົບຮ້ານ ຂາຍປະເວນີ 100 ກວ່າຮ້ານ (아래 기사 참조)
ຜູ້ຂາຍປະເວນີ [푸카이빠왜니] 매춘하는 사람
ຄ້າປະເວນີ [카빠왜니] 매춘 장사를 하다.
ຜູ້ຄ້າປະເວນີ [푸카빠왜니] 매춘으로 장사를 하는 사람
ຜິດປະເວນີ [핏빠왜니] 간통하다.
ລ່ວງປະເວນີ [루앙빠왜니] 간통하다.
ຮ່ວມປະເວນີ [후암빠왜니] 성교하다. 성관계를 가지다. have sexual intercourse
=================================
ນະຄອນຫຼວງວຽງຈັນ ກວດພົບຮ້ານຂາຍປະເວນີ 100 ກວ່າຮ້ານ
ປັດຈຸບັນ, ຄະນະກໍາມະການຕ້ານການຄ້າມະນຸດ ນະຄອນຫຼວງວຽງຈັນ ໄດ້ກວດພົບ ຮ້ານຄ້າ-ຂາຍປະເວນີ 105 ຮ້ານ ໃນນັ້ນລວມມີທັງ ໂຮງແຮມ, ເຮືອນພັກ, ຮ້ານອາຫານ-ຮ້ານກິນດື່ມ ແລະ ພື້ນທີ່ສັບສົນ, ເຊິ່ງເດັ່ນກວ່າໝູ່ແມ່ນ ຮ້ານອາຫານ-ຮ້ານກິນດື່ມ ກວມເອົາ 80 ກວ່າຮ້ານ ທົ່ວນະຄອນຫຼວງວຽງຈັນ.
ພັທ ສຸລິວັນ ລາດຊະວົງ ຫົວໜ້າຫ້ອງຕໍາຫຼວດ ຫົວໜ້າກອງເລຂາ ນະຄອນຫຼວງວຽງຈັນ ໄດ້ລາຍງານໃນກອງປະຊຸມການຕິດຕາມກວດກາ ແລະ ການຈັດຕັ້ງການເຄື່ອນໄຫວວຽກງານຄ້າມະນຸດ ປະຈໍາປີ 2019 ທີ່ຈັດຂຶ້ນໃນວັນທີ 4 ທັນວາ ວ່າ: ໄລຍະຜ່ານມາ, ການເກັບກໍາສະຖິຕິ ກ່ຽວກັບ ວຽກງານການຄ້າ-ຂາຍປະເວນີ ໃນນະຄອນຫຼວງວຽງຈັນ ຢູ່ບັນດາສະຖານທີ່ຕ່າງໆ ທີ່ເປັນຈຸດຫຼ່ໍແຫຼມ ເປັນຕົ້ນແມ່ນ ໂຮງແຮມ, ເຮືອນພັກ, ຮ້ານກິນດື່ມ-ບັນເທີງຕ່າງໆ ພົບວ່າ: ທົ່ວນະຄອນຫຼວງວຽງຈັນ ສາມາດກວດພົບ ຮ້ານອາຫານ-ຮ້ານກິນດື່ມ ທີ່ມີການຄ້າ-ຂາຍປະເວນີ 82 ຮ້ານ, ໂຮງແຮມ 16 ແຫ່ງ, ຮ້ານຄາລາໂອເກະ 3 ຮ້ານ, ເຮືອນພັກ 2 ຫຼັງ ແລະ ຮ້ານເສີມສວຍ-ກາເຟ ຈໍານວນ 2 ຮ້ານ. ນອກນີ້, ຍັງມີພື້ນທີ່ສັບສົນ ຈໍານວນ 9 ຈຸດ, ໂດຍສະເພາະ ເສັ້ນທາງ 450 ປີ, ເຂດບ້ານໜອງບຶກ, ບ້ານໂຊກນ້ອຍ, ບ້ານໂພນປ່າເປົ້າ ແລະອື່ນໆ.
ເຊິ່ງໃນຈໍານວນດັ່ງກ່າວ ໄດ້ເຮັດບົດບັນທຶກ-ສຶກສາອົບຮົມກັບ ຜູ້ຄ້າປະເວນີ ຈໍານວນ 82 ຄົນ ເປັນຄົນຫວຽດນາມ 21 ຄົນ, ຜູ້ຂາຍປະເວນີ 357 ຄົນ ເປັນຄົນຫວຽດນາມ 36 ຄົນ, ສຶກສາອົບຮົມ ຜູ້ທີ່ມີຄວາມສ່ຽງຕົກເປັນເຫຍື່ອການຄ້າມະນຸດ ຈໍານວນ 45 ຄົນ
ທ່ານ ພັທ ສຸລິວັນ ລາດຊະວົງ ຍັງໃຫ້ຮູ້ຕື່ມອີກວ່າ: ໄລຍະປີ 2012 ຫາ 2019, ໄດ້ດໍາເນີນຄະດີຄ້າມະນຸດທັງໝົດ 13 ເລື່ອງ; ໃນນັ້ນ, ສົ່ງໄອຍະການ ຈໍານວນ 9 ເລື່ອງ, ໂຈະການດໍາເນີນ 4 ເລື່ອງ, ຜູ້ຖືກເຄາະຮ້າຍມີ 25 ຄົນ, ຕໍ່າກວ່າ 18 ປີ ຈໍານວນ 16 ຄົນ, ຜູ້ຖືກຫາມີ 13 ຄົນ ຍິງ 10 ຄົນ ແລະ ກໍາລັງດໍາເນີນຄະດີຄ້າ-ຂາຍປະເວນີ 6 ເລື່ອງ.
ກອງປະຊຸມດັ່ງກ່າວ, ເຂົ້າຮ່ວມໂດຍ ທ່ານ ຄໍາລາວັນ ຈັນທະລາ ຮອງລັດຖະມົນຕີ ຮອງຫ້ອງວ່າການ ສໍານັກງານນາຍົກລັດຖະມົນຕີ ຄະນະກໍາມະການຕ້ານການຄ້າມະນຸດ ລະດັບຊາດ ແລະ ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ປະທານຄະນະກໍາມະການຕ້ານການຄ້າມະນຸດ ນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງ.
ຂໍ້ມູນຈາກ: ຫນັງສືພິມ ຄວາມສະຫງົບ