Attila Csihar

Aurkezpena

Attila Csihar (Budapest, Hungaria, 1971ko martxoaren 29a), Norvegiako black metal Mayhem musika taldeko abeslaria. Venom, Celtic Frost, Kreator edo Destruction bezalako musika taldeen influentzia zuela, 15 urte zituela Csiharrek Tormentor taldea sortu zuen taldeko gazteena izanik eta Hungariako black metal musikaren aintzindaritzat hartzen dira. 1990ean Tormentor banatu egin zen eta Csihar dark ambienteko Plasma Pool taldea eratu zuen Csiharrek. 1993an, Euronymous gitarrajole norvegiarraren gonbidapena jaso zuen Mayhemen lehen albumean ahotsak grabatzeko, De Mysteriis Dom Sathanas izenekoa. Hamaika urte geroago, Csihar Mayhem taldera itzuli zen Maniac ordezkatzeko eta gaur egun Necrobutcher eta Hellhammerekin batera taldeko kide ofiziala da. Baita ere, Keep of Kalessin, Sunn O))),Aborym, Limbonic Art taldeetan parte hartu du. Csiharrek bi seme-alaba ditu, Arion izeneko semea eta Julia izeneko alaba.

Biografia

Lehen urteak

Csihar Hungarian, Budapesten jaio zen, 1971eko martxoaren 29an. Txikia zela abeslaria izatea amesten zuen eta denbora asko igarotzen zuen etxean Iron Maidenen eta Black Sabbathen abestiak abesten. 14 urte zituela herriko waterpolo taldera batu zen eta bertako kide batek guitarra jotzen zuen bere lagun batez hitz egin zion,Tamás Buday izenekoa. Hurrengo urtean, 15 urte besterik ez zituela, Csihar eta Budayk Tormentor musika taldea sortu zuten, György Farkas bajujole eta Márton Dubecz baterijolearekin batera. Gaztaroan beste talde batzuk ezagutu zituen: Swans, Coil,Current 93, Einstürzende Neubauten, Laibach o Skinny Puppy, geroago influentzia handia izango zuena bere proiektuetan, pornografia munduan bezala.

1987an, Hungarian emaitza oso txarrak lortu zituen lehiaketa musikal batzuetan parte hartu ondoren, Tormentorrek bere lehen grabazioa atera zuen; The Seventh Day of Doomen demoa. Hurrengo urtean bigarren grabazioa atera zuten, Anno Domini (1995ean berriz aterata) eta 1990ean taldeak bere banaketaren berri eman zuen. Orduan, Csiharrek dark ambienteko Plasma Pool musika taldea sortu zuen István Zilahy teklista eta Lázló Kuli baterijolearekin batera. Garai honetan hasi zen abeslaria drogak kontsumitzen.

Mayhem

Tormentorren banaketa eta bi urte geroago, bertako kideek Anno Dominiren kopia batzuk egin zituzten aseteetan beraien lagunei oparitzeko; hauetako kasete batzuk askotan kopiatuak izan ziren black metal undergroundeko album oso ezaguna izatera iritsiz. Hauetako kopia batek Norbegian bukatu zuen, Øystein Aarsethen (Euronymous izenez ezaguna) eskuetara iritsi zen, Mayhemeko gitarrajolea eta Deathlike Silence Productions disketxearen jabea. Aarsethi Tormentorrek interesa sortu zion eta albuma berriro ateratzeko eskaini zen, gainera Csihar bere abeslaririk gustokoenetako bat bihurtu zen, eskutitz bat idatzi zion orduan. Eskutitzean abeslari berri bat bilatzen ari zela diska berri bat grabatzeko azaldu zion Euronymousek,zeren aurreko abeslariak, Per Yngve "Dead" Ohlinek, bere buruaz beste egin zuen. Attilak onartu egin zuen eta Bergenera zijoan tren bat hartu zuen. Musika guztia grabatua izan zen eta letrak Deadek idatziak ziren. Albumaren grabazioa amaitu ondoren, Mysteriis Dom Sathanas izenekoa, Csihar Hungariara itzuli zen Euronymousen hilketaren albistea jaso zuenean Varg Vikernes bajujolearen eskutik, Mayhemen banaketa eragin zuen eta albumaren argitaratzearen data atzeratu zen 1994ko maiatzera arte.

1995ean, Mayhem berrian bera abeslari bezala ez egotearen erabakiak eta gertatu berri zen Aarsethen galerak Csiharrek kontsumitutako drogen kopurua areagotzea eragin zuen eta honek musika eszenatik urruntzea erabaki zuen denboraldi baterako karrera bukatzen konzentratzeko eta familia bat eratzeko.

Aborym

1998an, metal extrem eszenara itzuli zen abeslari bezela parte hartuz Aborym10 italiar taldearen Kali Yuga Bizarre albumean eta Mayhemeko taldeko kideekin harremana berreskuratuz Milanen kontzertu batean berak parte hartu zuen, «From the dark past» abestia abestuz. Hurrengo urtean, Aborymeko abeslari ofiziala izango zela igarri zuten aurretik zegoen Yorga SM abeslaria joan ondoren. Handik urte batera, Tormentor sortu zuen berriro ere, baina beste kide batzuekin. 2001eko urtarrilean Aborymen lehen diska argitaratu zuten Csiharrekin abeslari ofizial moduan, Fire Walk With Us izenekoa eta irailean, Avantgarde Music disketxeak Recipe Ferrum! atera zuen merkatura, Tormentorren azken estudio diska.

2002an, Csihar atxilotua izan zen Trevison (Italia) 158 extasis pirula edukitzeagatik eta haxix kopuru txiki batengatik. Urte bat geroago, Aborymen hirugarren albuma argitaratua izan zen, With No Human Intervention izenekoa. 2005ean, Csiharrek taldea utzi zuen eta Prime Evil abeslariak ordezkatu zuen, naiz eta Generatorren abesti baten grabazioan parte hartu zuen, taldearen laugarren albumean.

Mayhemera itzulera

Mayhemetik alde egin eta hamaika urtera, Csiharrek Maniac (Sven Erik Kristiansen) abeslariarak taldea utzi zuenaren berri izan zuen eta 2004ko azaroan, txutxumutxu askoren ondoren, ofiziala egin zen Attila Csiharren sarrera taldera. Elkarrizketa batean, Csiharrek, zera esan zuen:Egia esan ez nuen inoiz utzi taldea, beti egon naiz harremanetan beraiekin. Chimera albumaren ondoren hasi ziren arazoak Maniacekin, ez zen denbora asko faltako banda uzteko.2006ean , Mayhem beraren laugarren estudio diskaren grabazioekin hasi zen, Ordo Ad Chao izenekoa. Csiharrek idatzi zituen letra gehienak bertan. Hellhammer baterijoleak esan zuen, "Bere ahotsak aldaketa garrantzitsua jasan du, ez du zerikusirik De Mysteriis Dom Sathanasen zuenarekin" eta Necrobutcher bajujoleak Csiharrek bandarekin zuen lana nabarmendu zuen, zera esaten, " Bere konpromezua taldearekin gu hirurona batuta baino handiagoa da".

Ordo Ad Chaok aipamen onak jaso zituen eta kritikariek Attila Csiharren itzulera goraipatu zuten. Chad Bowarrek, About.com-eko kritikariak esan zuen "Albuma oso atmosferikoa da, baina baita ere riff interesgarriak ditu belarrian sartzen direnak. Attilaren ahotsak gogorrak dira eta madarikatuak eta bere itzulerak taldearen soinua hobetu du". Harald Fossbergek, Aftenposten egunkari norbegiarrak, zera aipatu zuen "Letrak ilunak dira

apokalipsiko pasarte batzuen ikuspuntuekin. Attilaren ahotsak Grigori Rasputin konjuru madarikatuak rezitatzen egongo balitz bezala aditzen dira".

Albumak Spellemann saria jaso zuen (Grammy norbegiarra izenez ezagutua) metaleko albumik onenaren sailean, Dimmu Borgir, Audrey Horne eta Red Harvesti gailentzen. Ordo Ad Chao ere hamarkadako 50 albumik onenen barnean sartu zuen Metal Hammer aldizkariak.

2007tik, Nader Sadek artista egiptoarrak Csiharrek Mayhemen kontzertuetan erabiltzen dituen maskarak diseinatzen ditu, baita ere 2009ko tour ipar amerikarrean hartu zuen parte. 2009ko azaroan, Mayhemean atxilotuak izan ziren Tilburgko (Holanda) hotel bateko gela bat hausteagatik.

Sunn O)))