Ron Asheton
Ronald Frank Asheton (1948/07/17 - 2009/01/01) gitarrista amerikarra eta Iggy Popekin batera The Stooges rock taldeko musikagilea izan zen. Rolling Stonen "Historiako 100 gitarristarik onenen" zerrendan 29. postua hartzen du.
Asheton Washington D.C.n jaio zen. Akordeoiarekin bost urteko esperientzia zuen baxua jotzen hasi zenean 10 urterekin. Gitarrista nagusia izan zen The Stoogesen lehenengo bi albumetan. Hirugarrenean, Raw Power izenekoan, berriz, gitarra alde batera utzi eta baxua bihurtu zuen bere instrumentu. Hala eta guztiz ere, bi musika tresna horietan eta abestien konposaketan ordezkatua izan zen. Gitarrista berria James Williamson zen. 2003an adiskidetu eta taldea berregin zutenean, beste behin ere, gitarrista lanak egin zituen.
Beste lan batzuk
The Stoogesen jotzeaz gain, The New Order, Destroy All Monsters, Dark Race eta The Empty Set-en ere jo zuen.
Duela gutxiago The Wylde Rattz, punk eta alt-rock musikari ezagun eta errespetatuz osatutako taldean jo zuen. Taldekide ziren Mike Watt, The Minutemen-ekoa, J. Mascis, Dinosaur Jr.-ekoa, Thurston Morre Sonic Youth taldekoa eta Mark Arm Mudhoney-koa. The Stoogesen "T.V. Eye" abestiaren bertsio bat egin zuten Todd Haynesen Velvet Goldmine filmaren soinu-bandarako. Filmean, besteak beste, Ewan McGregor eta Jonathan Rhys Meyers aritu ziren aktore lanetan.
Ashetonek antzeztu ere egin zuen. The Texas Chain Saw Massacreko Gunnar Hansenekin batera 1995ean kaleratu zen Mosquito filmean parte hartu zuen. Beste honako bi pelikuletan ere azaldu zen: Frostbiter: Wrath of the Wendigo eta "Legion of the Night".
Heriotza
Asheton ohean hilda aurkitu zuen poliziak, bere Ann Arborreko (Michigan) etxean. 2009ko urtarrilaren 1ean hil omen zen, dirudienez bihotzekoak eman ziolako egun batzuk lehenago. Ashetonen laguntzaile pertsonala izan zen polizia abisatu zuena, egun batzuk zeramatzalako bere nagusiarekin harremanetan jarri ezinik. Sonic Youthen "The Eternal" albuma beraren omenez egin zuten.
Musika tresnak
Konfigurazio erraz eta efektu gutxiko pedalak erabiltzen zituen batez ere. Honako hauek zituen gustokoen.
Gitarrak
Reverend Ron Asheton Signature guitar (Custom Volcano 390)
Efektuentzako pedalak
Anplifikadoreak
The Stoogesen diskografia
Fun House (1970)
New Order (1977)
Victim of Circumstance (1989)
The First To Pay (1989)
Declaration of War (1990) Destroy All Monstersekin
The Second Wave (1990) Dark Carnivalekin
Live - Welcome to Show Business (1990)
Greatest Show in Detroit (1991)
Last Great Ride (1996)
Thin Slim & None/Flunkie (1996) Powertranekin
Bored (1999) - 1978an grabatua New Racekin
Ann Arbor Revival Meeting (2003)
HOTBOX Greatest Hits 6 Disc set (2006) The Empty Setekin
The Weirdness (2007) The New Orderrekin
Taldearen beste elkarlan batzuk
Pentsatzen da Radio Birdman taldearen Radios Appear (1977) albumeko "Hit Them Again" abestia idazten lagundu zuela. Mosquito filmeko azken abestia ere berarena dela uste da. Ashetonek idatziko hainbat abesti Wylde Rattzek grabatu zituen Velvet Goldmine filmerako. Azkenean, abesti bakarra azaldu zen soinu-bandan (1998). Wayne Kramerren Beyond Cyberpunk CD bildumako (2001) abestiak ere gailendu ziren pelikulan.