Change the Recipient Email

المشاكل التي تواجهنا ببطاقة الهدية :
1- عدم وصول الايميل للعميل الذي تم شراء البطاقة له (البريد الإلكتروني الذي تم إرسال السيريال نمبر والكود له):
أولا نتأكد من إن الايميل وصل العميل أو لا من خلال :
ندخل على ال (Member Profile ) بعدين ل(Member behavior ) ونتأكد إن الايميل وصل العميل أو لا من خانة (Emails sending record )
بحال كان مبعوث ممكن يكون وصله الايميل على الرسائل الغير مرغوب بها (Spam) أو إنه الايميل تبعه فل وبهاي الحالة ما رح يصله الايميل ، لهيك رح نفهمه هالاشي ورح نرد عليه بهالسكربت :
عزيزي العميل ، من الممكن أن البريد الإلكتروني الذي يحتوي على معلومات بطاقة الهدية قد وصل الى الرسائل الغير مرغوب بها في بريدك الإلكتروني ، أو أن بريدك الإلكتروني قد وصل للحد الأقصى من إستقبال الرسائل ، لذلك من فضلك قم بالتحقق من الرسائل الغير مرغوب بها ثم تفريغ البريد الإلكتروني الخاص بك من بعض الرسائل لأقوم بإعادة إرسال المعلومات لك على بريدك.

بعد ما يأكد أنه تحقق من ال(SPAM) وما لقي الايميل ويكون فرغ ايميله من الرسائل رح نرجع بعث معلومات بطاقة الهدية من خلال (change password(resend email )) بتلاقوها من البوكسات الي باليمين.
بحال ما كان مبعوث نشيك مع العميل بالايميل الي حطه ونرجع نبعثه زي ما عملنا فوق

2- تغيير البريد الإلكتروني الذي تم إرسال بطاقة الهدية له :
البروسيس هاي رح تكون بحالتين :
 الأولى : بحال خلينا العميل يفرغ الرسائل ويتأكد من رسائل ال (SPAM) وأرسلنا معلومات بطاقة الهدية وما وصلته فرح نطلب منه يغير البريد الإلكتروني تاعه لبريد أخر فعال ويكون متأكد إنه يصله رسائل
الثانية: إن الكستمر مباشرة دخل حكالك إنه حط بريد إلكتروني خطأ لبطاقة الهدية وبده يغيره

أول خطوة نعملها بهاي الحالة هي إنه ندل الكستمر كيف يغير البريد المرسل له بطاقة الهدية :
رح نحكيله قم بالدخول الى انا-طلباتي-الدخول لطلب بطاقة الهدية- ثم تعديل الايميل والقيام بتعديله
طبعا الشرط لحتى يقدر يغير البريد هو: إنه معلومات بطاقة الهدية الي وصلت ما تم إستخدامها بشراء أي طلب .
المفروض خلال 10 دقايق يصل (السيريال نمبر والكود )من وقت تعديل الايميل بواسطة العميل.

بحال مرق أكثر من عشر دقايق وما وصله الايميل ، إحنا رح نساعد العميل بالخطوات التالية :
نتأكد  من هوية العميل :
1-إذا العميل بحكي معنا من نفس الايميل الي تم منه شراء بطاقة الهدية ما في داعي نتحقق (لأن ما في شك بإنه مش هو)
2- إذا مش نفس الايميل أو ايميل وهمي لازم نتأكد من هوية العميل .
كيف نتأكد من هوية العميل ؟
أ- نطلب منها رسالة الخصم الي تم الدفع لها لبطاقة الهدية (رسالة البنك بعد خصم المبلغ)
ب-أو ممكن يدخل على حسابه بال (الجيميل)(ياهو) الخ ويصورلنا إنه فاتح الحساب لحتى نتأكد إنه نفسه.

* بحالة الي وصله بطاقة الهدية هو الي يحكي معنا وبده يغير بطاقة الهدية نحكيله يخلي الي قام بشراء بطاقة الهدية يتواصل معنا وممكن يزودنا بصورة الخصم الي صارت لبطاقة الهدية ، رسالة الخصم بكون مكتوب فيها مشتريات من شي إن دبي تقيدت على حسابك.

*كيفية تغيير البريد الإلكتروني :
نرفع (Work Order) من (Customer Service Ticket ) إسمه (Gift Card Modification Email Feedback ) ونعبي فيه ال (TK-ID ) وال (Problem description) ونكتب فيها المشكلة ونحط البريد الإلكتروني الي بده العميل يصله معلومات بطاقة الهدية.
طبعا مدة الورك أوردر هي : (24-72) ساعة ، وبالساعات تنكتب مش بالايام ضروري هالنقطة.

*وبحال رجع علينا وحكالنا إنه إنرفع اله طلب وما وصله خلال الفترة نرجع نعيد الخطوات من أول ونرفعله الورك اوردر مرة ثانية مع التأكيد عليه جدا إنه يزودنا بإيميل فعال ويستقبل الرسائل.
وضروري نمشي بالخطوات بالترتيب ما نعدي خطوة بدون ما نكمل الخطوة الي قبل .