Aprobacion de la lei de l’occitan en Catalonha

Fecha de publicación: 07-oct-2010 13:21:36

Comunicat

Aprobacion de la lei de l’occitan en Catalonha

Lo Partit de la Nacion Occitana saluda fòrtament l’aprobacion de la lei de l’occitan, al parlament de Catalonha, a Barcelona, lo 22 de setembre de 2010.

La lenga occitana, apelada aranés dins la Val d’Aran, ja gausís dempuèi 2006 d’un estatut de lenga oficiala en Catalonha.

Aquela novèla lei ven afortir considerablament l’oficialitat de l’occitan en promòure l’usatge de la lenga occitana dins tals domènis coma l’ensenhament, los mèdias, la toponimia, l’economia, l’administracion e la justícia.

Lo Partit de la Nacion Occitana felicita los promotors d’aquela lei màger en matèria de defensa dels dreches lingüistics e los deputats que la faguèron adoptar per 118 voses contra 17.

Lo P.N.O rapèla que lo Govèrn francés, per quant a el, a as encara ratificat la Carta européa de las lengas regionalas e minoritàrias e refusa de téner sa promessa de promulgar una lei protectritz de las lengas dichas « regionalas ».

Lo P.N.O soslinha la diferéncia de tractament acordada a l’occitan d’un país a l’autre.

Enfin, lo P.N.O condemna l’intolerància retrograda dels extremistas franceses opausats a l’occitan que respectan pas las libertats lingüisticas dels pòbles e la salvagarda de lor patrimòni immaterial.

Partit de la Nacion Occitana

Lo 24 de setembre de 2010

http://www.agoravox.fr/actualites/europe/article/l-occitan-devient-langue-81801