Misa ya Mt. Teresa wa Avila

SIKUKUU YA MTAKATIFU TERESA WA AVILA

15 Oktoba

SALA

Ee Baba, kwa njia ya Roho wako umemwinua katika Kanisa Mtakatifu Teresa wa Avila ili aoneshe njia mpya ya kutafuta ukamilifu, utujalie sisi, waamini wako, tulishwe kiroho kwa mafundisho yake na tuwe na hamu kubwa ya utakatifu. Tunaomba hayo kwa njia ya Bwana wetu Yesu Kristo Mwanao, anayeishi na kutawala nawe, katika umoja wa Roho Mtakatifu, Mungu, daima na milele. Amina.

KUOMBEA DHABIHU

Zikupendeze Ee, Bwana, katika utukufu wako,  dhabihu za taifa lako la kikristo, kama ulivyopendezwa na wakfu wa ubikira wa Mtakatifu Teresa. Tunaomba hayo kwa njia ya Kristo Bwana wetu.

SALA BAADA YA KOMUNYO

Ee Bwana Mungu wetu, uliyetulisha kwa Mwili na Damu ya Mwanao, ufanye kwa kuiga mfano wa Mtakatifu Teresa, familia hii iliyojiweka wakfu kwako, iimbe daima huruma ya upendo wako. Tunaomba hayo kwa njia ya Kristo Bwana wetu. Amina.