MAWASILIANO

Padre Alfredo Mkuu wa Komisarieti ya La Bruna

Padre Thomas Mtey, O.Carm

Kanisa la Karmeli la Makao Makuu ya Komisarieti yetu ya La Bruna Napoli Italia

Mabaki ya makazi ya wakarmeli wa kwanza

Kuanzishwa kwa shirika

Shirika la wakarmeli lilianzia katika mlima Karmeli ulioko kule Israele (Palestina). Ampapo Alberto Avogadro, Patriarka wa Yerusalemu kati ya mwaka 1206 na 1214 aliwapatia wamonaki wa kilatini waliokuwa wakiishi Mlima Karmeli kanuni ya maisha (formula vitae). Kanuni hii ilikubaliwa na Papa Onorio III tarehe 30.1.1226, halafu tena ikaidhinishwa na Papa Gregori IX tarehe 6.4.1229 na tena ikaidhinishwa na Papa Innocent IV tarehe 8.6.1245. Papa huyu wa mwisho hatimaye aliipitisha kanuni hiyo tarehe 1.10.1247 kwa sherehe kuwa kanuni ya kudumu ya shirika la kitawa la Wakarmeli. Kwa kupitishwa kanuni hiyo wamonaki walianza kutambulikana kuwa ni watawa rasmi. Baada ya hapo shirika limeendelea kukua na kusambaa sehemmu mbalimbali duniani

Karmeli katika Afrika

Karmeli katika Afrika imeenea katika nchi za Jamhuri ya Kidemokrasia ya Kongo (DRC), Zimbabwe, Burkina Faso, Cameroon, Kenya, Mozambiki, na Tanzania.

Konventi ya wakarmeli wa bunju

Wakarmeli watanzania chini ya Komisarieti la Bruna

Shirika la wakarmeli (O.Carm) limekuwepo Tanzania tangu mwaka 2009. Juhudi za kuanzisha shirika la karmeli nchini Tanzania zilianza toka mwaka 1988. Vijana wa kitanzania walikwenda kusoma na kufanya malezi Italia. Baada ya kipindi cha masomo walianzisha rasmi misheni tarehe 1.10.2009 huko Bunju "A". Konventi ilibarikiwa tarehe 8.10.2009 na Mhashamu Askofu Methodius Kilaini, aliyekuwa askofu msaidizi wa Jimbo Kuu la Dar es Salaam. Mapadre wakarmeli wanafanya kazi katika Jimbo Kuu la Dar es Salaam katika Parokia ya Bikira Maria wa Mlima Karmeli iliyotangazwa parokia tarehe 24.8.2012 wakati wa upadrisho wa Padre Dominic John Somola.