9 Februarie 2011
Post date: 28-Jul-2011 13:54:10
Beste Ouers en Kinders
Ons het baie nuwe ouers, so net om almal weer op hoogte te bring: Ons stuur Woensdae kommunikasie uit oor al die lekker aktiwitiete wat voorlê en sommer ook om die administratiewe reëlings vir die week deur te gee.
1) Potjiekos-kompetisie: 11 Februarie 2011
Ek hoor 'n vreeslike gezoem onder die offisiere en kinders oor elkeen se wenresep wat gebruik gaan word. Mag die beste span wen!
Die kleinspanne tot graad 2 kompeteer apart teen mekaar om te kyk wie maak die lekkerste stokbrood en wors.
Waar: Bellville Oom Vossie se spankamers (gaan direk soontoe)
Tyd: 17:00 tot 21:00
Hoe kom ek daar?
Ry met Frans Conradie/ Suikerbossie van Brackenfell tot in Bellville waar jy die T-aansluiting met Bill Bezuidenhoutweg kry. Draai links.
Draai eerste straat na regs in Jakarandastraat in.
Die eerste pad na regs is Edward Lotterystraat, draai daar regs. Edward Lotterystraat loop in 'n T-aansluiting met Disasingel vas.
Draai links in Disasingel. Volg die pad tot waar die N1 op jou linkerkant is. Daar is dan 'n pypsteel wat na links uit Disasingel uitdraai tussen die huise en die N1 se draad in.
Volg die pypstreel tot by die spankamers.
(daar is ook bordjies op om aan te dui waar ons is)
O18°38'45" S33°53'0"
2) Pretloop/ Boeresport: 12 Februarie 2011
Ons kommando is hierdie jaar 35 jaar oud en om die geleentheid te vier, doen ons Saterdag-oggend 'n pretloop van 3.5 km om die bloed lekker aan die pomp te kry.
Wie: Soveel vriende en familie as wat jy bymekaar kan kry
Waar: Laerskool Bastion ( boonste veld - hek in Tulipstraat)
Inskrywings: Vanaf 7:00 tot 7:45
Wegspring: 08:00
Boeresport:
Na afloop van die pretloop en prysuitdeling word daar heerlike boeresport gespeel.
Kom wys jou staal met speletjies soos toutrek en drie-been-resies! Ma's en pa's ook welkom.
Ek hoor van geurige koffie, warm brakke , koue koeldrank en soet koekies wat verkoop gaan word. Mmmm, klink lekker.
3)Ledegeld:
Graad R: R80.00
Gr 1 - gr 12: R440 pp
Ledegeld kan in die vlg rekening betaal word:
Kanonkop Voortrekkers
ABSA
Tjekrekening: 1450940026
Die inbetalingsbewys kan aan Jorina Minnie gestuur word: Jorina@jpce.co.za
4) Werksboekies/ Hempies:
Ek het 'n besending hempies ontvang. Kinders ongeveer R85, Volwassenes ongeveer R95 - afhangende van die grootte. Ek sal dit Vrydagaand saambring.
Graad 2/3 en 5 se werksboekies is uit voorraad, maar ons sal uitdeel sodra dit beskikbaar is.
5) Vlotvaart op die Bergrivier: 5 Maart
Die Verkenners ( Gr 8 - 12) het reeds hulle vorms ontvang. Onthou - daar is net plek vir 12! Spring dus om jou plek te verseker.
6) Dansmarathon by Kraaifontein kommando:25 Februarie
Vir die van julle met laaaaaang asems: Gaan dans vir jou 'n medalje los!
Sien die meegaande inligtingsbrief.
Groete
Hannalene Swart