18 Okt 2012

Post date: 23-Jan-2013 20:35:06

Beste ouers

Jammer my briefie is so laat, maar die jaar hardloop onder my uit.

1) Vrydag 19 Oktober 2012

Spanbyeenkoms om 18:00 - 19:00 by NG Kerk Proteahoogte

Aan al die gr 5’s wat gaan kamp – Geniet dit!

2) Vrydag 26 Oktober 2012

Al die ouers word uitgenooi na ons jaarafsluiting en prysuitdeling om 19:00.

Onthou – alle Voortrekkers in formele Voortrekkerdrag.

3) Bestelling van Voortrekkerdrag

Reël asb dringend met Johmine Doubell om vir jou kind ‘n erkenningsbaadjie te maak as hy/sy nog nie een het nie. Die verpligte kentekens wat op die baadjie moet kom, moet by my bestel word en moet reeds teen vlg Vrydag op die baadjie vasgewerk wees.

Johmine Doubell: Leliestraat 11, Sel 0828199244

Die bestelling vir kentekens is reeds van Pretoria af op pad na ons toe, maar die posdiens gaan tans swaar gebuk onder die stakings. Indien dit nie teen more hier is nie, sal ek ‘n spesiale reëling met julle tref.

4) Voorslag uitslae: Graad 7’s:

Gedurende die Oktober vakansie het hulle die toetskamp vir Graad 7’s op Bettiesbaai bygewoon. Dis die hoogste toekenning wat ‘n laerskool leerder in die Voortrekkers kan verwerf. Die senuwees het omtrent geknaag. Baie geluk aan ons graad 7’s- hulle het baie hard gewerk vir hierdie toekenning.

Marijke Marais – Goud

Lisa Jansen van Rensburg – Goud

Janneke Swart – Goud

Janno Maree – Silwer

Jean Wakefield – Silwer

Marzelle Bosman – Silwer

Lindie Bernhardt – Silwer

Tanya van der Merwe – Brons

5) Gemeenskapdiens

Ons wil graag die jaar afsluit deur iets aan die gemeenskap terug te gee. Gaan doen ‘n bietjie “spring cleaning” en bring al daardie ou gordyne, huisraad en ou klere wat net agter in die kas le en stof vergader. Ons wil graag as kommando ‘n skenking aan Helpende Hand doen.

Huis Ravenzicht in Kraaifontein het ook ons hulp nodig. Sepies, tandeborsels, tandepasta en waslappe is baie welkom. Julle kan dit Vrydagaand saambring, of volgende week na ons afsluiting toe.

Groete

Hannalene

Die Voortrekkers Kanonkop