Genesis 9
THIS WORK WAS COMPLETED BASED OFF A COPY OF SCRIPTURES published by Park Hill By Edwin Archer in 1856
Park Hill: Mission Press: Edwin Archer, Printer, 1856. PUBLIC DOMAIN
ᎼᏏ ᎢᎬᏱᏱ ᎤᏬᏪᎳᏅᎯ
mosi igvyiyi uwowelanvhi
First Book of Moses
ᏗᏓᎴᏂᏍᎬᎢ ᎤᏁᎳᏅᎯ ᏚᏬᏢᏁ ᎦᎸᎶᎢ ᎠᎴ ᎡᎶᎯ
didalenisgvi Unelanvhi duwotlvne galvloi ale elohi
Chapter 9
ᎠᏯᏙᎸᎢ 9Ꮑ
Ayadolvi 9ne
9:1 And God blessed Noah and his sons, and said unto them, Be fruitful, and multiply, and replenish the earth.
9:1 ᎤᏁᎳᏅᎯᏃ ᎣᏍᏛ ᏚᏁᏤᎴ ᏃᏯ ᎠᎴ ᎾᏍᎩ ᏧᏪᏥ; ᎠᎴ ᎯᎠ ᏂᏚᏪᏎᎴᎢ; ᎢᏥᏁᏉᏣᏖᏍᏗ, ᎠᎴ ᎢᏥᎪᏙᏍᎨᏍᏗ, ᎠᎴ ᎢᏥᎧᎵᏣ ᎡᎶᎯ.
9:1 unelanvhino osdv dunetsele noya ale nasgi tsuwetsi; ale hia niduweselei; itsinequotsatesdi, ale itsigodosgesdi, ale itsikalitsa elohi
9:2 And the fear of you and the dread of you shall be upon every beast of the earth, and upon every fowl of the air, upon all that moveth upon the earth, and upon all the fishes of the sea; into your hand are they delivered.
9:2 ᎠᎴ ᏂᎯ ᎢᏥᎾᏰᎩ ᎠᎴ ᎢᏥᏍᎦᎢᎯ ᎨᏎᏍᏗ ᏄᎾᏓᎴᏒ ᏗᏅᏃᏛ ᎡᎶᎯ ᏣᏁᎭ, ᎠᎴ ᏂᎦᏗ ᎦᎸᎶ ᎠᏂᏃᎯᎵᏙᎯ, ᎠᎴ ᏂᎦᏗ ᎡᎶᎯ ᎠᎾᎵᏖᎸᎲᏍᎩ ᏥᎩ, ᎠᎴ ᏂᎦᏗ ᎠᏣᏘ ᎠᎺᏉᎯ ᎠᏁᎯ; ᏂᎯ ᏤᏥᏲᎯᏎᎸᎯ.
9:2 ale nihi itsinayegi ale itsisgaihi gesesdi nunadalesv dinvnodv elohi tsaneha, ale nigadi galvlo aninohilidohi, ale nigadi elohi analitelvhvsgi tsigi, ale nigadi atsati amequohi anehi; nihi tsetsiyohiselvhi
9:3 Every moving thing that liveth shall be meat for you; even as the green herb have I given you all things.
9:3 ᏂᎦᎥ ᎠᎾᎵᏖᎸᎲᏍᎩ ᏗᏅᏃᏛ ᏥᎩ ᏂᎯ ᎢᏣᎵᏍᏓᏴᏗ ᎨᏎᏍᏗ; ᎢᏤ ᎦᏄᎸᏒ ᏗᏨᏲᎯᏎᎸᎯ ᏥᎩ, ᎾᏍᎩᏯ ᏂᎦᏛ ᏕᏨᏲᎯᏏ;
9:3 nigav analitelvhvsgi dinvnodv tsigi nihi itsalisdayvdi gesesdi; itse ganulvsv ditsvyohiselvhi tsigi, nasgiya nigadv detsvyohisi;
9:4 But flesh with the life thereof, which is the blood thereof, shall ye not eat.
9:4 ᎤᏇᏓᎸᏍᎩᏂᏃᏅ ᎬᏅ ᎬᏩᏠᏯᏍᏗ, ᎾᏍᎩ ᎤᎩᎬᎯ ᏥᎩ, ᎥᏝ ᎢᏣᎵᏍᏓᏴᏙᏗ ᏱᎨᏎᏍᏗ.
9:4 uquedalvsgininonv gvnv gvwatloyasdi, nasgi ugigvhi tsigi, vtla itsalisdayvdodi yigesesdi.
9:5 And surely your blood of your lives will I require; at the hand of every beast will I require it, and at the hand of man; at the hand of every man's brother will I require the life of man.
9:5 ᎠᎴ ᎤᏙᎯᏳᎯᏯ ᎢᏥᎩᎬ ᎾᏍᎩ ᏕᏨᎿᏗᏍᏛ ᏗᎩᎬᏩᎶᏙᏗ ᎨᏎᏍᏗ; ᎾᏂᎥ ᏗᏅᏃᏛ ᎾᏍᎩ ᏗᎦᏥᎬᏩᎶᏓᏁᏗ ᎨᏎᏍᏗ, ᎠᎴ ᎾᏍᏉ ᏴᏫ; ᎾᏂᎥ ᏴᏫ ᏓᎾᏓᏅᏢᎢ, ᎾᏍᎩ ᏴᏫ ᎬᏅ ᏗᎦᏥᎬᏩᎶᏓᏁᏗ ᎨᏎᏍᏗ.
9:5 ale udohiyuhiya itsigigv nasgi detsvhnadisdv digigvwalododi gesesdi; naniv dinvnodv nasgi digatsigvwalodanedi gesesdi, ale nasquo yvwi; naniv yvwi danadanvtlvi, nasgi yvwi gvnv digatsigvwalodanedi gesesdi
9:6 Whoso sheddeth man's blood, by man shall his blood be shed: for in the image of God made he man.
9:6 ᎩᎶ ᏴᏫ ᎤᎩᎬ ᎠᏤᏪᎮᏍᏗ ᏴᏫᏉ ᎾᏍᏉ ᎤᎩᎬ ᎤᏤᏪᏗ ᎨᏎᏍᏗ; ᎤᏁᎳᏅᎯᏰᏃ ᎤᏩᎡ ᏚᏓᏟᎶᏍᏔᏅ ᏴᏫ ᎤᏬᏢᏅ.
9:6 gilo yvwi ugigv atsewehesdi yvwiquo nasquo ugigv utsewedi gesesdi; unelanvhiyeno uwae dudatlilostanv yvwi uwotlvnv.
9:7 And you, be ye fruitful, and multiply; bring forth abundantly in the earth, and multiply therein.
9:7 ᏂᎯᏃ ᎢᏥᏁᏉᏣᏖᏍᏗ, ᎠᎴ ᎢᏥᎪᏙᏍᎨᏍᏗ ᎤᏣᏘ ᏕᏥᎾᏄᎪᏫᏍᎨᏍᏗ ᎡᎶᎯ, ᎠᎴ ᎾᎿ ᎢᏥᎪᏙᏍᎨᏍᏗ.
9:7 nihino itsinequotsatesdi, ale itsigodosgesdi utsati detsinanugowisgesdi elohi, ale nahna itsigodosgesdi
9:8 And God spake unto Noah, and to his sons with him, saying,
9:8 ᎤᏁᎳᏅᎯᏃ ᏚᏁᏤᎴ ᏃᏯ, ᎠᎴ ᎾᏍᎩ ᏧᏪᏥ, ᎯᎠ ᏄᏪᏎᎢ,
9:8 unelanvhino dunetsele noya, ale nasgi tsuwetsi, hia nuwesei,
9:9 And I, behold, I establish my covenant with you, and with your seed after you;
9:9 ᎠᎴ ᎠᏴ, ᎬᏂᏳᏉ ᎠᏴ, ᎧᏃᎮᏛ ᏕᏨᏯᏠᎢᏍᏓᏁᎭ ᏂᎯ, ᎠᎴ ᎢᏣᏁᏢᏔᏅᏛ ᎨᏒᎢ.
9:9 ale ayv, gvniyuquo ayv, kanohedv detsvyatloisdaneha nihi, ale itsanetlvtanvdv gesvi
9:10 And with every living creature that is with you, of the fowl, of the cattle, and of every beast of the earth with you; from all that go out of the ark, to every beast of the earth.
9:10 ᎠᎴ ᎾᏂᎥ ᏗᏅᏃᏛ, ᏥᏕᎭᏘᏁᎭ, ᎾᏍᎩ ᎠᏂᏃᎯᎵᏙᎯ, ᏅᎩ ᏗᏂᏅᏌᏗ, ᎠᎴ ᎾᏂᎥ ᏗᏅᏃᏛ ᎡᎶᎯ ᎠᏁᎯ ᏥᏕᎭᏘᏁᎭ; ᎾᏍᎩ ᎾᏂᎥ ᏧᎾᏣᎢᏒ ᏥᏳᎯ, ᎠᎴ ᏥᎾᏂᎥᏉ ᏗᏅᏃᏛ ᎡᎶᎯ ᏣᏁᎭ.
9:10 ale naniv dinvnodv, tsidehatineha, nasgi aninohilidohi, nvgi dininvsadi, ale naniv dinvnodv elohi anehi tsidehatineha; nasgi naniv tsunatsaisv tsiyuhi, ale tsinanivquo dinvnodv elohi tsaneha.
9:11 And I will establish my covenant with you, neither shall all flesh be cut off any more by the waters of a flood; neither shall there any more be a flood to destroy the earth.
9:11 ᎠᎴ ᎧᏃᎮᏛ ᏕᏨᏯᏠᎢᏍᏔᏁᎭ, ᎥᏝ ᎠᎴ ᏔᎵᏁ ᏂᎦᏛ ᎤᏇᏓᎵ ᎦᏃᎱᎩᏍᎬ ᎨᏥᏒᎲᏍᏙᏗ ᏱᎨᏎᏍᏗ; ᎥᏝ ᎠᎴ ᏔᎵᏁ ᎤᏃᎱᎪᏗ ᏱᎨᏎᏍᏗ ᎡᎶᎯ ᎤᏲᏍᏙᏗᏱ.
9:11 ale kanohedv detsvyatloistaneha, vtla ale taline nigadv uquedali ganohugisgv getsisvhvsdodi yigesesdi; vtla ale taline unohugodi yigesesdi elohi uyosdodiyi
9:12 And God said, This is the token of the covenant which I make between me and you and every living creature that is with you, for perpetual generations:
9:12 ᎤᏁᎳᏅᎯᏃ ᎯᎠ ᏄᏪᏎᎢ, ᎯᎠ ᎾᏍᎩ ᎤᏰᎸᏛ ᎧᏃᎮᏛ ᏥᏕᏨᏯᏠᎢᏍᏓᏁᎭ ᏂᎯ ᎠᎴ ᎾᏂᏗᏅᏃᏛ ᏥᏕᎭᏘᏁᎭ, ᎾᏍᎩ ᎤᎵᏍᏆᏗᏍᏗ ᏂᎨᏒᎾ ᎢᏣᏓᏁᏟᏴᏏᏒ ᎢᎪᎯᏛ;
9:12 unelanvhino hia nuwesei, hia nasgi uyelvdv kanohedv tsidetsvyatloisdaneha nihi ale nanidinvnodv tsidehatineha, nasgi ulisquadisdi nigesvna itsadanetliyvsisv igohidv;
9:13 I do set my bow in the cloud, and it shall be for a token of a covenant between me and the earth.
9:13 [ᎬᏂᏳᏉ,] ᏂᏅᎪᎳᏛᏓ ᎤᎶᎩᎸᎢ, ᎠᎴ ᎾᏍᎩ ᎤᏰᎸᏛ ᎨᏎᏍᏗ ᎧᏃᎮᏛ ᏙᎦᏠᎯᏍᏛ ᎡᎶᎯ.
9:13 [gvniyuquo,] ninvgoladvda ulogilvi, ale nasgi uyelvdv gesesdi kanohedv dogatlohisdv elohi.
9:14 And it shall come to pass, when I bring a cloud over the earth, that the bow shall be seen in the cloud:
9:14 ᎠᎴ ᎯᎠ ᏅᏓᎦᎵᏍᏔᏂ ᎿᏉ ᏥᎶᎩᎳᏗᏍᏗᏍᎨᏍᏗ ᎡᎶᎯ, ᎤᏅᎪᎳᏛ ᎠᎪᏩᏛᏗ ᏂᎦᎵᏍᏗᏍᎨᏍᏗ ᎤᎶᎩᎸᎢ.
9:14 ale hia nvdagalistani hnaquo tsilogiladisdisgesdi elohi, unvgoladv agowadvdi nigalisdisgesdi ulogilvi
9:15 And I will remember my covenant, which is between me and you and every living creature of all flesh; and the waters shall no more become a flood to destroy all flesh.
9:15 ᎠᎴ ᎦᏅᏓᏗᏍᎨᏍᏗ ᎧᏃᎮᏛ ᏕᏨᏯᏠᎢᏍᏓᏁᎸᎢ, ᏂᎯ ᎠᎴ ᎾᏂᎥ ᏗᏅᏃᏛ ᎤᏂᏇᏓᎵ ᏥᎩ; ᎠᎴ ᎥᏝ ᎿᏉ ᏔᎵᏁ ᎤᏃᎱᎪᏗ ᏱᎨᏎᏍᏗ ᎤᏒᎲᏍᏗᏱ ᏂᎦᏛ ᎤᏇᏓᎵ.
9:15 ale ganvdadisgesdi kanohedv detsvyatloisdanelvi, nihi ale naniv dinvnodv uniquedali tsigi; ale vtla hnaquo taline unohugodi yigesesdi usvhvsdiyi nigadv uquedali.
9:16 And the bow shall be in the cloud; and I will look upon it, that I may remember the everlasting covenant between God and every living creature of all flesh that is upon the earth.
9:16 ᎠᎴ ᎤᎶᎩᎸ ᎤᏅᎪᎳᏖᏍᏗ; ᎠᎴ ᏕᎦᎦᏂᏍᎨᏍᏗ ᎾᏍᎩ ᎠᏆᏅᏗᏓᏍᏗᏱ ᎤᎵᏍᏆᏗᏍᏗ ᏂᎨᏒᎾ ᎧᏃᎮᏛ ᏚᎾᏠᎯᏍᏛ ᎤᏁᎳᏅᎯ ᎠᎴ ᎾᏂᎥ ᏗᏅᏃᏛ, ᎾᏍᎩ ᎤᏂᏇᏓᎵ ᏥᎩ, ᎾᏍᎩ ᎡᎶᎯ ᏣᏁᎭ.
9:16 ale ulogilv unvgolatesdi; ale degaganisgesdi nasgi aquanvdidasdiyi ulisquadisdi nigesvna kanohedv dunatlohisdv unelanvhi ale naniv dinvnodv, nasgi uniquedali tsigi, nasgi elohi tsaneha
9:17 And God said unto Noah, This is the token of the covenant, which I have established between me and all flesh that is upon the earth.
9:17 ᎤᏁᎳᏅᎯᏃ ᎯᎠ ᏄᏪᏎᎴ ᏃᏯ, ᎯᎠ ᎾᏍᎩ ᎤᏰᎸᏛ ᎧᏃᎮᏛ ᏙᎦᏠᎯᏍᏛ ᎠᏴ, ᎠᎴ ᎾᏂᎥ ᎤᏂᏇᏓᎵ ᎡᎶᎯ ᏣᏁᎭ.
9:17 unelanvhino hia nuwesele noya, hia nasgi uyelvdv kanohedv dogatlohisdv ayv, ale naniv uniquedali elohi tsaneha.
9:18 And the sons of Noah, that went forth of the ark, were Shem, and Ham, and Japheth: and Ham is the father of Canaan.
9:18 ᏃᏯᏃ ᏧᏪᏥ, ᎾᏍᎩ ᏥᏳᎯ ᏧᎾᏣᎢᏎᎢ ᎯᎠ ᎾᏍᎩ ᏎᎻ, ᎭᎻ, ᏤᏈᏛᏃ; ᎭᎻᏃ ᎾᏍᎩ ᎨᎾᏂ ᎤᏙᏓ.
9:18 noyano tsuwetsi, nasgi tsiyuhi tsunatsaisei hia nasgi semi, hami, tsequidvno; hamino nasgi genani udoda
9:19 These are the three sons of Noah: and of them was the whole earth overspread.
9:19 ᎯᎠ ᏦᎢ ᎢᏯᏂᏛ ᏃᏯ ᏧᏪᏥ; ᎾᏍᎩᏃ ᏧᎾᏁᏢᏔᏅᎯ ᎡᎳᏂᎬ ᏚᎾᏁᎳᏗᏙᎴᎢ.
9:19 hia tsoi iyanidv noya tsuwetsi; nasgino tsunanetlvtanvhi elanigv dunaneladidolei
9:20 And Noah began to be an husbandman, and he planted a vineyard:
9:20 ᏃᏯᏃ ᎿᏉ ᎤᎴᏅᎮ ᏠᎨᏏ ᏧᎸᏫᏍᏓᏁᎯ ᏄᎵᏍᏔᏁᎢ, ᎠᎴ ᏖᎸᎳᏗ ᏚᏫᏎᎢ;
9:20 noyano hnaquo ulenvhe tlogesi tsulvwisdanehi nulistanei, ale telvladi duwisei;
9:21 And he drank of the wine, and was drunken; and he was uncovered within his tent.
9:21 ᎠᎴ ᎩᎦᎨ ᎠᏗᏔᏍᏗ ᎤᏗᏔᎮᎢ, ᎠᎴ ᎤᏴᏍᏓᎡᎢ; ᎠᎴ ᎤᏚᏞᏎ ᎦᎵᏦᏛᎢ.
9:21 ale gigage aditasdi uditahei, ale uyvsdaei; ale udutlese galitsodvi.
9:22 And Ham, the father of Canaan, saw the nakedness of his father, and told his two brethren without.
9:22 ᎭᎻᏃ, ᎨᎾᏂ ᎤᏙᏓ, ᎤᎪᎮ ᎤᏲᏓᎦ ᎨᏒ ᎤᏙᏓ, ᎠᎴ ᏫᏚᏃᏁᎴ ᎠᏂᏔᎵ ᎠᎾᎵᏅᏟ ᏙᏱᏗᏢ.
9:22 hamino, genani udoda, ugohe uyodaga gesv udoda, ale widunonele anitali analinvtli doyiditlv
9:23 And Shem and Japheth took a garment, and laid it upon both their shoulders, and went backward, and covered the nakedness of their father; and their faces were backward, and they saw not their father's nakedness.
9:23 ᏎᎻᏃ ᎠᎴ ᏤᏈᏛ ᎠᏄᏬ ᏭᏂᏁᏎᎢ, ᎠᎴ ᎤᎾᏃᎮᏢᏁᎢ, ᎠᎴ ᎤᎾᏏᏅᏎᎢ, ᎠᎴ ᎤᏄᏢᏁ ᎤᏲᏓᎦ ᎨᏒ ᎤᏂᏙᏓ; ᎠᎴ ᎤᏣᏘᏂ ᏭᎾᎦᏖᎢ ᎠᎴ ᎥᏝ ᏳᏂᎪᎮ ᎤᏲᏓᎦ ᎨᏒ ᎤᏂᏙᏓ.
9:23 semino ale tsequidv anuwo wuninesei, ale unanohetlvnei, ale unasinvsei, ale unutlvne uyodaga gesv unidoda; ale utsatini wunagatei ale vtla yunigohe uyodaga gesv unidoda.
9:24 And Noah awoke from his wine, and knew what his younger son had done unto him.
9:24 ᏃᏯᏃ ᎩᎦᎨ ᎠᏗᏔᏍᏗ ᎤᏗᏔᎲ ᎤᏓᏅᏘᏌᏁᎢ, ᎠᎴ ᎠᏥᏃᏁᎴ ᎣᏂ ᎡᎯ ᎤᏪᏥ ᏄᏩᏁᎸᎢ.
9:24 noyano gigage aditasdi uditahv udanvtisanei, ale atsinonele oni ehi uwetsi nuwanelvi
9:25 And he said, Cursed be Canaan; a servant of servants shall he be unto his brethren.
9:25 ᎯᎠᏃ ᏄᏪᏎᎢ, ᎠᏥᏍᎦᏨᎯ ᎨᏎᏍᏗ ᎨᎾᏂ; ᎤᏙᎯᏳᏒ ᎬᏩᏅᏏᏓᏍᏗᏉ ᎨᏎᏍᏗ ᎠᎾᎵᏅᏢᎢ.
9:25 hiano nuwesei, atsisgatsvhi gesesdi genani; udohiyusv gvwanvsidasdiquo gesesdi analinvtlvi.
9:26 And he said, Blessed be the Lord God of Shem; and Canaan shall be his servant.
9:26 ᎠᎴ ᎯᎠ ᏄᏪᏎᎢ, ᎦᎸᏉᏗᏳ ᎨᏎᏍᏗ ᏱᎰᏩ ᎤᏁᎳᏅᎯ ᏎᎻ ᎤᏤᎵᎦ; ᎠᎴ ᎨᎾᏂ ᎾᏍᎩ ᎤᏅᏏᏓᏍᏗ ᎨᏎᏍᏗ.
9:26 ale hia nuwesei, galvquodiyu gesesdi yihowa unelanvhi semi utseliga; ale genani nasgi unvsidasdi gesesdi
9:27 God shall enlarge Japheth, and he shall dwell in the tents of Shem; and Canaan shall be his servant.
9:27 ᎤᏁᎳᏅᎯ ᏓᏳᏔᏃᎯᏍᏔᏂ ᏤᏈᏛ ᎠᎴ ᏎᎻ ᏚᎵᏦᏛ ᏓᏁᎳᏗᏍᎨᏍᏗ; ᎨᎾᏂᏃ ᎾᏍᎩ ᎤᏅᏏᏓᏍᏗ ᎨᏎᏍᏗ.
9:27 unelanvhi dayutanohistani tsequidv ale semi dulitsodv daneladisgesdi; genanino nasgi unvsidasdi gesesdi
9:28 And Noah lived after the flood three hundred and fifty years.
9:28 ᏃᏯᏃ ᎤᏃᎱᎦᏅ ᎠᏏ ᏦᎢᏧᏈ ᎯᏍᎦᏍᎪᎯ ᏧᏕᏘᏴᏛ ᎤᎴᏂᏙᎴᎢ.
9:28 noyano unohuganv asi tsoitsuqui hisgasgohi tsudetiyvdv ulenidolei.
9:29 And all the days of Noah were nine hundred and fifty years: and he died.
9:29 ᏃᏯᏃ ᎢᎪᎯᏛ ᎤᎴᏂᏙᎸ ᏐᎣᏁᎳᏧᏈ ᎯᏍᎦᏍᎪᎯ ᏄᏕᏘᏴᎮᎢ; ᎿᏉ ᎤᏲᎱᏎᎢ.
9:29 noyano igohidv ulenidolv soonelatsuqui hisgasgohi nudetiyvhei; hnaquo uyohusei
King James Version (KJV)
Public Domain
LINKS:
~Old Testament Project > Genesis Resources > Genesis 1 plus Index & PDF > Genesis 2 > Genesis 3 > Genesis 4 > Genesis 5 > Genesis 6 > Genesis 7 > Genesis 8 > Genesis 9 > Genesis 10 > Genesis 11 > Genesis 12 > Genesis 13 > Genesis 14 > Genesis 15 > Genesis 16 > Genesis 17 > Genesis 18 > Genesis 19 > Genesis 20 > Genesis 21 > Genesis 22 > Genesis 23 > Genesis 24 > Genesis 25 > Genesis 26 > Genesis 27 > Genesis 28 > Genesis 29 > Genesis 30 > Genesis 31 > Genesis 32 > Genesis 33 > Genesis 34 > Genesis 35 > Genesis 36 > Genesis 37 > Genesis 38 > Genesis 39 > Genesis 40 > Genesis 41 > Genesis 42 > Genesis 43 > Genesis 44 > Genesis 45 > Genesis 46 > Genesis 47 > Genesis 48 > Genesis 49 > Genesis 50 last chapter