Matthew 26
ᎹᏚ 26Ꮑ ᎦᎪᏪᎳᏁᎸᎯ
Matthew 26th Chapter
ma-du 26ne ga-go-we-la-ne-lv-hi
madu 26ne gagowelanelvhi
Matthew 26:1-75 (KJV)
ᎹᏚ 26:1-75
ma-du 26:1-75
madu 26:1-75
Matthew 26:1
And it came to pass, when Jesus had finished all these sayings, he said unto his disciples,
ᎹᏚ 26:1
ᎯᎠᏃ ᏄᎵᏍᏔᏅᎩ, ᎾᏍᎩ ᏥᏌ ᎤᏍᏆᏛ ᏂᎦᏛ ᎯᎠ ᎾᏍᎩ ᏂᎦᏪᏍᎬᎢ, ᎯᎠ ᏂᏚᏪᏎᎸᎩ ᎬᏩᏍᏓᏩᏗᏙᎯ;
Matthew 26:1
Hi-a-no nu-li-s-ta-nv-gi, na-s-gi Tsi-sa u-s-qua-dv ni-ga-dv hi-a na-s-gi ni-ga-we-s-gv-i, hi-a ni-du-we-se-lv-gi gv-wa-s-da-wa-di-do-hi;
Matthew 26:2
Ye know that after two days is the feast of the passover, and the Son of man is betrayed to be crucified.
ᎹᏚ 26:2
ᎢᏥᎦᏔᎭ ᏔᎵ ᎢᏳᏒᎯ ᎧᏃᎯᏰᎩ ᏗᎵᏍᏓᏴᏗᏱ ᎨᏒᎢ, ᎠᎴ ᏴᏫ ᎤᏪᏥ ᏣᎦᏡᏔᏂᏒ ᎠᎦᏛᏗᏱ.
Matthew 26:2
I-tsi-ga-ta-ha ta-li i-yu-sv-hi ka-no-hi-ye-gi di-li-s-da-yv-di-yi ge-sv-i, a-le yv-wi U-we-tsi tsa-ga-tlu-ta-ni-sv a-ga-dv-di-yi.
Matthew 26:3
Then assembled together the chief priests, and the scribes, and the elders of the people, unto the palace of the high priest, who was called Caiaphas,
ᎹᏚ 26:3
ᎿᏉᏃ ᏚᏂᎳᏫᏤ ᏄᏂᎬᏫᏳᏒ ᎠᏥᎸ-ᎠᏁᎶᎯ ᎠᎴ ᏗᏃᏪᎵᏍᎩ ᎠᎴ ᏗᏂᎳᏫᎩ ᎠᏁᎲ ᏴᏫ, ᎦᏁᎸ ᏄᎬᏫᏳᏒ ᎠᏥᎸ-ᎨᎶᎯ ᎧᏯᏆ ᏧᏙᎢᏛ;
Matthew 26:3
Hna-quo-no du-ni-la-wi-tse nu-ni-gv-wi-yu-sv a-tsi-lv--a-ne-lo-hi a-le di-no-we-li-s-gi a-le di-ni-la-wi-gi a-ne-hv yv-wi, ga-ne-lv nu-gv-wi-yu-sv a-tsi-lv--ge-lo-hi Ka-ya-qua tsu-do-i-dv;
Matthew 26:4
And consulted that they might take Jesus by subtilty, and kill him.
ᎹᏚ 26:4
ᎤᏂᏃᎮᎴᏃ ᎦᎶᏄᎮᏛ ᎤᏅᏙᏗᏱ ᎤᏂᏂᏴᏗᏱ ᏥᏌ, ᎠᎴ ᎤᏂᎯᏍᏗᏱ.
Matthew 26:4
U-ni-no-he-le-no ga-lo-nu-he-dv u-nv-do-di-yi u-ni-ni-yv-di-yi Tsi-sa, a-le u-ni-hi-s-di-yi.
Matthew 26:5
But they said, Not on the feast day, lest there be an uproar among the people.
ᎹᏚ 26:5
ᎠᏎᏃ ᎯᎠ ᏄᏂᏪᏎᎢ; ᏞᏍᏗ ᏗᎵᏍᏓᏴᏗᏱ ᎨᏒᎢ, ᎾᎯᏳᏰᏃ ᏱᎩ ᎤᏣᏘ ᏯᎾᎵᏖᎸᎲᎦ ᏴᏫ.
Matthew 26:5
A-se-no hi-a nu-ni-we-se-i; Tle-s-di di-li-s-da-yv-di-yi ge-sv-i, na-hi-yu-ye-no yi-gi u-tsa-ti ya-na-li-te-lv-hv-ga yv-wi.
Matthew 26:6
Now when Jesus was in Bethany, in the house of Simon the leper,
ᎹᏚ 26:6
ᏥᏌᏃ ᏇᏗᏂᏱ ᎡᏙᎲᎢ, ᏌᏩᏂ ᎠᏓᏰᏍᎩ ᎤᏢᎩ ᎦᏁᎸᎢ,
Matthew 26:6
Tsi-sa-no Que-di-ni-yi e-do-hv-i, Sa-wa-ni a-da-ye-s-gi u-tlv-gi ga-ne-lv-i,
Matthew 26:7
There came unto him a woman having an alabaster box of very precious ointment, and poured it on his head, as he sat at meat.
ᎹᏚ 26:7
ᎤᎷᏤᎸᎩ ᎠᎨᏴ ᎠᏰᎲᎩ ᎫᎫ ᏅᏯ ᎤᏁᎬ ᎪᏢᏔᏅᎯ ᎠᏟᏍᏛᎩ ᎤᏣᏘ ᏧᎬᏩᎶᏗ ᎠᏠᏁᏗ, ᎠᎴ ᎤᎶᏁᏔᏅᎩ ᎠᏍᎪᎵ ᎦᏅᎬ ᎠᎵᏍᏓᏴᎲᏍᎬᎢ.
Matthew 26:7
U-lu-tse-lv-gi a-ge-yv a-ye-hv-gi gu-gu nv-ya u-ne-gv go-tlv-ta-nv-hi a-tli-s-dv-gi u-tsa-ti tsu-gv-wa-lo-di a-tlo-ne-di, a-le u-lo-ne-ta-nv-gi a-s-go-li ga-nv-gv a-li-s-da-yv-hv-s-gv-i.
Matthew 26:8
But when his disciples saw it, they had indignation, saying, To what purpose is this waste?
ᎹᏚ 26:8
ᎬᏩᏍᏓᏩᏗᏙᎯᏃ ᎬᏩᎪᎲ ᎤᏂᏔᎳᏬᏒᎩ, ᎯᎠ ᏄᏂᏪᏒᎩ; ᎦᏙᏃ ᎯᎠ ᏣᏤᏬᎩ?
Matthew 26:8
Gv-wa-s-da-wa-di-do-hi-no gv-wa-go-hv u-ni-ta-la-wo-sv-gi, hi-a nu-ni-we-sv-gi; Ga-do-no hi-a tsa-tse-wo-gi?
Matthew 26:9
For this ointment might have been sold for much, and given to the poor.
ᎹᏚ 26:9
ᎯᎠᏰᏃ ᎠᏠᏁᏗ ᏳᎾᏗᏅᏎ ᎤᏣᏘ ᏱᏚᎬᏩᎳᏁᎢ, ᎠᎴ ᎾᏍᎩ ᎤᏲ ᎢᏳᎾᏛᎿᏕᎩ ᏗᏁᏗ ᏱᎨᏎᎢ.
Matthew 26:9
Hi-a-ye-no a-tlo-ne-di yu-na-di-nv-se u-tsa-ti yi-du-gv-wa-la-ne-i, a-le na-s-gi u-yo i-yu-na-dv-hna-de-gi di-ne-di yi-ge-se-i.
Matthew 26:10
When Jesus understood it, he said unto them, Why trouble ye the woman? for she hath wrought a good work upon me.
ᎹᏚ 26:10
ᏥᏌᏃ ᎤᏙᎴᎰᏒ, ᎯᎠ ᏂᏚᏪᏎᎸᎩ; ᎦᏙᏃ ᎢᎡᏣᏕᏯᏙᏗ ᎠᎨᏴ? ᎣᏏᏳᏰᏃ ᏚᎸᏫᏍᏓᏏ ᏥᎾᏋᎦ.
Matthew 26:10
Tsi-sa-no u-do-le-ho-sv, hi-a ni-du-we-se-lv-gi; Ga-do-no i-e-tsa-de-ya-do-di a-ge-yv? O-si-yu-ye-no du-lv-wi-s-da-si tsi-na-quv-ga.
Matthew 26:11
For ye have the poor always with you; but me ye have not always.
ᎹᏚ 26:11
ᎤᏲᏰᏃ ᎢᏳᎾᏛᎿᏕᎩ ᏂᎪᎯᎸ ᎨᏤᎳᏗᏙᎭ, ᎠᏴᏍᎩᏂ ᎥᏝ ᏂᎪᎯᎸ ᏱᏨᏰᎳᏗᏙᎭ.
Matthew 26:11
U-yo-ye-no i-yu-na-dv-hna-de-gi ni-go-hi-lv ge-tse-la-di-do-ha, a-yv-s-gi-ni v-tla ni-go-hi-lv yi-tsv-ye-la-di-do-ha.
Matthew 26:12
For in that she hath poured this ointment on my body, she did it for my burial.
ᎹᏚ 26:12
ᎯᎠᏰᏃ ᎠᏠᏁᏗ ᏥᏰᎸᎢ ᏣᎩᎶᏁᏓ, ᎥᎩᏂᏐᏗᏱ ᎠᏆᏛᏅᎢᏍᏗᎭ.
Matthew 26:12
Hi-a-ye-no a-tlo-ne-di tsi-ye-lv-i tsa-gi-lo-ne-da, v-gi-ni-so-di-yi a-qua-dv-nv-i-s-di-ha.
Matthew 26:13
Verily I say unto you, Wheresoever this gospel shall be preached in the whole world, there shall also this, that this woman hath done, be told for a memorial of her.
ᎹᏚ 26:13
ᎤᏙᎯᏳᎯᏯ ᎯᎠ ᏂᏨᏪᏎᎭ; ᎠᎾᎵᏥᏙᏂᏙᎸᎭ ᎯᎠ ᎣᏍᏛ ᎧᏃᎮᏛ ᎢᎸᎯᏢ ᎡᎳᏂᎬᎢ, ᎾᏍᏉ ᎯᎠ ᎠᎨᏴ ᏥᎾᏛᎦ ᎤᏂᏃᎮᏗ ᎨᏎᏍᏗ, ᎾᏍᎩ ᎠᎦᏅᏓᏗᏍᏙᏗ.
Matthew 26:13
U-do-hi-yu-hi-ya hi-a ni-tsv-we-se-ha; A-na-li-tsi-do-ni-do-lv-ha hi-a o-s-dv ka-no-he-dv i-lv-hi-tlv e-la-ni-gv-i, na-s-quo hi-a a-ge-yv tsi-na-dv-ga u-ni-no-he-di ge-se-s-di, na-s-gi a-ga-nv-da-di-s-do-di.
Matthew 26:13
Then one of the twelve, called Judas Iscariot, went unto the chief priests,
ᎹᏚ 26:13
ᎿᏉᏃ ᎠᏏᏴᏫ ᏔᎳᏚ ᎢᏯᏂᏛ ᎨᏒᎢ, ᏧᏓᏏ ᎢᏍᎦᎳᏗ ᏧᏙᎢᏛ, ᏄᏂᎬᏫᏳᏒ ᎠᏥᎸ-ᎠᏁᎶᎯ ᏫᏚᎷᏤᎴᎢ,
Matthew 26:13
Hna-quo-no a-si-yv-wi ta-la-du i-ya-ni-dv ge-sv-i, Tsu-da-si I-s-ga-la-di tsu-do-i-dv, nu-ni-gv-wi-yu-sv a-tsi-lv--a-ne-lo-hi wi-du-lu-tse-le-i,
Matthew 26:14
And said unto them, What will ye give me, and I will deliver him unto you? And they covenanted with him for thirty pieces of silver.
ᎹᏚ 26:14
ᎯᎠ ᏫᏂᏚᏪᏎᎴᎢ; ᎦᏙ ᏓᏍᎩᏁᎵ ᎠᏴᏃ ᏙᏓᏨᏲᎯᏎᎵ? ᏦᎠᏍᎪᎯᏃ ᎠᏰᎵ-ᎠᏕᎸ ᏕᎬᏩᏌᏍᏓᏁᎴᎢ.
Matthew 26:14
Hi-a wi-ni-du-we-se-le-i; Ga-do da-s-gi-ne-li a-yv-no do-da-tsv-yo-hi-se-li? Tso-a-s-go-hi-no a-ye-li--a-de-lv de-gv-wa-sa-s-da-ne-le-i.
Matthew 26:15
And from that time he sought opportunity to betray him.
ᎹᏚ 26:15
ᎾᎯᏳᏉᏃ ᎤᎴᏅᎲᎩ ᎤᏲᎸ ᎢᏳᏛᏁᏗᏱ ᎤᎶᏄᎮᏗᏱ.
Matthew 26:15
Na-hi-yu-quo-no u-le-nv-hv-gi u-yo-lv i-yu-dv-ne-di-yi u-lo-nu-he-di-yi.
Matthew 26:16
Now the first day of the feast of unleavened bread the disciples came to Jesus, saying unto him, Where wilt thou that we prepare for thee to eat the passover?
ᎹᏚ 26:16
ᎢᎬᏱᏱᏉᏃ ᎢᎦ ᎾᎪᏔᏅᎾ ᎦᏚ ᎠᎩᏍᏗᏱ ᎨᏒ ᎬᏩᏍᏓᏩᏗᏙᎯ ᎬᏩᎷᏤᎸ ᏥᏌ, ᎯᎠ ᏂᎬᏩᏪᏎᎸᎩ, ᎭᏢ ᏣᏚᎵᎭ ᎣᎦᏛᏅᎢᏍᏙᏗᏱ ᏣᎵᏍᏓᏴᏗᏱ ᎧᏃᎯᏰᎩ.
Matthew 26:16
I-gv-yi-yi-quo-no i-ga na-go-ta-nv-na ga-du a-gi-s-di-yi ge-sv gv-wa-s-da-wa-di-do-hi gv-wa-lu-tse-lv Tsi-sa, hi-a ni-gv-wa-we-se-lv-gi, Ha-tlv tsa-du-li-ha o-ga-dv-nv-i-s-do-di-yi tsa-li-s-da-yv-di-yi ka-no-hi-ye-gi.
Matthew 26:17
And he said, Go into the city to such a man, and say unto him, The Master saith, My time is at hand; I will keep the passover at thy house with my disciples.
ᎹᏚ 26:17
ᎯᎠᏃ ᏄᏪᏒᎩ; ᎢᏤᎾ ᏗᎦᏚᎲᎢ, ᎾᎿᏤᎲ ᎠᏍᎦᏯ, ᎯᎠᏃ ᎾᏥᏪᏎᎸᎭ; ᏗᏕᏲᎲᏍᎩ ᎯᎠ ᏂᎦᏪᎭ; ᎿᏉ ᎠᎩᏍᏆᎸᎡᎵᏗ, ᎬᎩᏍᏓᏩᏗᏙᎯ ᎯᏁᎸ ᏓᏲᏥᏍᏆᏂᎪᏔᏂ ᎧᏃᎯᏰᎩ ᏗᎵᏍᏓᏴᏗᏱ ᎨᏒᎢ.
Matthew 26:17
Hi-a-no nu-we-sv-gi; I-tse-na di-ga-du-hv-i, na-hna tse-hv a-s-ga-ya, hi-a-no na-tsi-we-se-lv-ha; Di-de-yo-hv-s-gi hi-a ni-ga-we-ha; Hna-quo a-gi-s-qua-lv-e-li-di, gv-gi-s-da-wa-di-do-hi hi-ne-lv da-yo-tsi-s-qua-ni-go-ta-ni ka-no-hi-ye-gi di-li-s-da-yv-di-yi ge-sv-i.
Matthew 26:18
And the disciples did as Jesus had appointed them; and they made ready the passover.
ᎹᏚ 26:18
ᎬᏩᏍᏓᏩᏗᏙᎯᏃ ᏄᏍᏛ ᏥᏌ ᏚᏁᏤᎸ ᎾᏍᎩ ᏄᎾᏛᏁᎸᎩ, ᎠᎴ ᎣᏍᏛ ᏄᏅᏁᎸᎩ ᎧᏃᎯᏰᎩ ᏗᎵᏍᏓᏴᏗᏱ.
Matthew 26:18
Gv-wa-s-da-wa-di-do-hi-no nu-s-dv Tsi-sa du-ne-tse-lv na-s-gi nu-na-dv-ne-lv-gi, a-le o-s-dv nu-nv-ne-lv-gi ka-no-hi-ye-gi di-li-s-da-yv-di-yi.
Matthew 26:19
Now when the even was come, he sat down with the twelve.
ᎹᏚ 26:19
ᎤᏒᏃ ᏄᎵᏍᏔᏅ ᎤᎾᏂᏢᏅᎩ [ᏥᏌ] ᏔᎳᏚ ᎢᏯᏂᏛ ᎬᏩᏍᏓᏩᏗᏙᎯ
Matthew 26:19
U-sv-no nu-li-s-ta-nv u-na-ni-tlv-nv-gi [Tsi-sa] ta-la-du i-ya-ni-dv gv-wa-s-da-wa-di-do-hi
Matthew 26:20
Now as they did eat, he said, Verily I say unto you, that one of you shall betray me.
ᎹᏚ 26:20
ᎠᎾᎵᏍᏓᏴᎲᏍᎬᏃ ᎯᎠ ᏄᏪᏒᎩ; ᎤᏙᎯᏳᎯᏯ ᎯᎠ ᏂᏨᏪᏎᎭ; ᎯᎠ ᏥᏂᏣᏛᏅ ᏌᏉ ᎤᏓᏑᏯ ᏛᏆᏡᏔᏂ.
Matthew 26:20
A-na-li-s-da-yv-hv-s-gv-no hi-a nu-we-sv-gi; U-do-hi-yu-hi-ya hi-a ni-tsv-we-se-ha; hi-a tsi-ni-tsa-dv-nv sa-quo u-da-su-ya dv-qua-tlu-ta-ni.
Matthew 26:21
And they were exceeding sorrowful, and began every one of them to say unto him, Lord, is it I?
ᎹᏚ 26:21
ᎤᏣᏘᏃ ᎤᏲᎢᏳ ᎤᏂᏰᎸᏅᎩ, ᎠᎴ ᎤᎾᎴᏅᎲᎩ ᎠᏂᏏᏴᏫᎭ ᎯᎠ ᏂᎬᏩᏪᏎᎸᎩ; ᏣᎬᏫᏳᎯ, ᏥᎪ ᎠᏴ?
ma-du 26:21
U-tsa-ti-no u-yo-i-yu u-ni-ye-lv-nv-gi, a-le u-na-le-nv-hv-gi a-ni-si-yv-wi-ha hi-a ni-gv-wa-we-se-lv-gi; Tsa-gv-wi-yu-hi, tsi-go a-yv?
Matthew 26:22
And he answered and said, He that dippeth his hand with me in the dish, the same shall betray me.
ᎹᏚ 26:22
ᎤᏁᏨᏃ ᎯᎠ ᏄᏪᏒᎩ; ᎢᏧᎳᎭ ᏦᏍᏓᏑᏫᏍᎦ ᎠᏖᎵᏙᎩᎯ ᎾᏍᎩ ᏛᏆᏡᏔᏂ.
Matthew 26:22
U-ne-tsv-no hi-a nu-we-sv-gi; i-tsu-la-ha tso-s-da-su-wi-s-ga a-te-li-do-gi-hi na-s-gi dv-qua-tlu-ta-ni.
Matthew 26:23
The Son of man goeth as it is written of him: but woe unto that man by whom the Son of man is betrayed! it had been good for that man if he had not been born.
ᎹᏚ 26:23
ᏴᏫ ᎤᏪᏥ ᎠᎢ ᏄᏍᏛ ᎪᏪᎵ ᎠᏥᏃᎮᏍᎬᎢ; ᎠᏎᏃ ᎤᏲᎢᏳ ᎢᏳᎵᏍᏓᏁᏗ ᎾᏍᎩ ᎠᏍᎦᏯ ᎠᏫ ᎤᏪᏥ ᎠᏡᏗᏍᎩ. ᎣᏏᏳ ᏱᎨᏎ ᎾᏍᎩ ᎠᏍᎦᏯ ᏄᏕᏅᎾᏉ ᏱᎨᏎᎢ.
Matthew 26:23
Yv-wi U-we-tsi a-i nu-s-dv go-we-li a-tsi-no-he-s-gv-i; a-se-no u-yo-i-yu i-yu-li-s-da-ne-di na-s-gi a-s-ga-ya a-wi U-we-tsi a-tlu-di-s-gi. O-si-yu yi-ge-se na-s-gi a-s-ga-ya nu-de-nv-na-quo yi-ge-se-i.
Matthew 26:24
Then Judas, which betrayed him, answered and said, Master, is it I? He said unto him, Thou hast said.
ᎹᏚ 26:24
ᏧᏓᏏᏃ ᎠᏓᏡᏗᏍᎩ ᎤᏁᏨ ᎯᎠ ᏄᏪᏒᎩ; ᏔᏕᏲᎲᏍᎩ, ᏥᎪ ᎠᏴ? ᎯᎠ ᏄᏪᏎᎸᎩ; ᏰᎵ ᏂᏫ.
Matthew 26:24
Tsu-da-si-no a-da-tlu-di-s-gi u-ne-tsv hi-a nu-we-sv-gi; Ta-de-yo-hv-s-gi, tsi-go a-yv? Hi-a nu-we-se-lv-gi; Ye-li ni-wi.
Matthew 26:25
And as they were eating, Jesus took bread, and blessed it, and brake it, and gave it to the disciples, and said, Take, eat; this is my body.
ᎹᏚ 26:25
ᎠᎾᎵᏍᏓᏴᎲᏍᎬᏃ ᏥᏌ ᎦᏚ ᎤᎩᏒᎩ, ᎠᎴ ᎤᎵᎮᎵᏨᎩ, ᎠᎴ ᎤᎬᎭᎷᏴᎩ, ᎠᎴ ᏚᏁᎸ ᎬᏩᏍᏓᏩᏗᏙᎯ, ᎯᎠᏃ ᏄᏪᏒᎩ; ᎢᏥᎩ, ᎢᏥᎦ, ᎯᎠ ᎾᏍᎩ ᎠᏴ ᏥᏰᎸᎢ.
Matthew 26:25
A-na-li-s-da-yv-hv-s-gv-no Tsi-sa ga-du u-gi-sv-gi, a-le u-li-he-li-tsv-gi, a-le u-gv-ha-lu-yv-gi, a-le du-ne-lv gv-wa-s-da-wa-di-do-hi, hi-a-no nu-we-sv-gi; I-tsi-gi, i-tsi-ga, hi-a na-s-gi a-yv tsi-ye-lv-i.
Matthew 26:26
And he took the cup, and gave thanks, and gave it to them, saying, Drink ye all of it;
Matthew 26:26
ᎤᎵᏍᏈᏗᏃ ᎤᎩᏒ ᎠᎴ ᎤᎵᎮᎵᏨ ᏚᏁᏁᎸᎩ, ᎯᎠ ᏄᏪᏒᎩ; ᏂᏥᎥ ᎢᏣᏗᏔ;
Matthew 26:26
U-li-s-qui-di-no u-gi-sv a-le u-li-he-li-tsv du-ne-ne-lv-gi, hi-a nu-we-sv-gi; Ni-tsi-v i-tsa-di-ta;
Matthew 26:27
For this is my blood of the new testament, which is shed for many for the remission of sins.
Matthew 26:27
ᎾᏍᎩᏰᏃ ᎯᎠ ᎠᎩᎩᎬ ᎢᏤ ᎧᏃᎮᏛ ᏓᏠᎯᏍᏛᎢ, ᎾᏍᎩ ᎤᏂᏣᏘ ᏥᎨᎦᏤᏪᎸ, ᎦᎨᏥᏁᏗᏱ ᎤᏂᏍᎦᏅᏨᎢ.
Matthew 26:27
Na-s-gi-ye-no hi-a a-gi-gi-gv i-tse ka-no-he-dv da-tlo-hi-s-dv-i, na-s-gi u-ni-tsa-ti tsi-ge-ga-tse-we-lv, ga-ge-tsi-ne-di-yi u-ni-s-ga-nv-tsv-i.
Matthew 26:28
But I say unto you, I will not drink henceforth of this fruit of the vine, until that day when I drink it new with you in my Father's kingdom.
Matthew 26:28
ᎠᏎᏃ ᎯᎠ ᏂᏨᏪᏎᎭ; ᎥᏝ ᎢᎸᎯᏳ ᎪᎩ ᎢᏳᏓᎴᏅᏛ ᏴᎦᎦᏗᏔ ᎯᎠ ᏖᎸᎳᏗ ᎤᎾᏄᎪᏫᏒᎯ, ᎬᏂ ᎾᎯᏳ ᎢᎦ ᎢᏧᎳᎭ ᎢᏤ ᎢᏓᏗᏔᎲᎭ ᎡᏙᏓ [ᎠᎩᏙᏓ]ᎤᏤᎵᎪᎯ.
Matthew 26:28
A-se-no hi-a ni-tsv-we-se-ha; v-tla i-lv-hi-yu go-gi i-yu-da-le-nv-dv yv-ga-ga-di-ta hi-a te-lv-la-di u-na-nu-go-wi-sv-hi, gv-ni na-hi-yu i-ga i-tsu-la-ha i-tse i-da-di-ta-hv-ha E-do-da u-tse-li-go-hi.
Matthew 26:29
And when they had sung an hymn, they went out into the mount of Olives.
Matthew 26:29
ᏂᏃᎩᏒᏃ ᏗᎧᏃᎩᏍᏗ ᎤᏂᏄᎪᏨᎩ, ᎣᎵᏩᏲᎢ ᎤᏌᎯᎸ ᏭᏂᎶᏒᎩ.
Matthew 26:29
Du-ni-no-gi-sv-no di-ka-no-gi-s-di u-ni-nu-go-tsv-gi, O-li-wa-yo-i u-sa-hi-lv wu-ni-lo-sv-gi.
Matthew 26:30
Then saith Jesus unto them, All ye shall be offended because of me this night: for it is written, I will smite the shepherd, and the sheep of the flock shall be scattered abroad.
Matthew 26:30
ᎿᏉᏃ ᏥᏌ ᎯᎠ ᏂᏚᏪᏎᎸᎩ; ᏂᎯ ᏂᏥᎥ ᏙᏓᏦᏕᎵ ᎪᎯ ᏒᏃᏱ ᏥᎩ, ᎠᏴ ᏅᏗᎦᎵᏍᏙᏗᏍᎨᏍᏗ. ᎯᎠᏰᏃ ᏂᎬᏅ ᎢᎪᏪᎳ, ᏓᏥᏴᏂᎵ ᎠᏫ-ᏗᎦᏘᏯ, ᎠᏫᏃ ᎤᎾᏓᏡᎬ ᏛᎾᏗᎦᎴᏲᏥ.
Matthew 26:30
Hna-quo-no Tsi-sa hi-a ni-du-we-se-lv-gi; ni-hi ni-tsi-v do-da-tso-de-li go-hi sv-no-yi tsi-gi, a-yv nv-di-ga-li-s-do-di-s-ge-s-di. Hi-a-ye-no ni-gv-nv i-go-we-la, da-tsi-yv-ni-li A-wi--di-ga-ti-ya, a-wi-no u-na-da-tlu-gv dv-na-di-ga-le-yo-tsi.
Matthew 26:31
But after I am risen again, I will go before you into Galilee.
Matthew 26:31
ᎠᏎᏃ ᏗᏆᎴᏅᎯ ᎨᏎᏍᏗ ᎢᎬᏱ ᏅᏓᏨᏰᏅᎡᎵ ᎨᎵᎵ.
Matthew 26:31
A-se-no di-qua-le-nv-hi ge-se-s-di i-gv-yi nv-da-tsv-ye-nv-e-li Ge-li-li.
Matthew 26:32
Peter answered and said unto him, Though all men shall be offended because of thee, yet will I never be offended.
Matthew 26:32
ᏈᏓ ᎤᏁᏨ ᎯᎠ ᏄᏪᏎᎸᎩ; ᎾᏍᏉ ᏂᎦᏛ ᏱᏚᏃᏕᎸ ᏂᎯ ᏱᏅᏗᎦᎵᏍᏙᏗᎭ, ᎠᏎ ᎠᏴ ᎥᏝ ᏱᏙᎬᏉᏕᎦ.
Matthew 26:32
Qui-da u-ne-tsv hi-a nu-we-se-lv-gi; Na-s-quo ni-ga-dv yi-du-no-de-lv ni-hi yi-nv-di-ga-li-s-do-di-ha, a-se a-yv v-tla yi-do-gv-quo-de-ga.
Matthew 26:33
Jesus said unto him, Verily I say unto thee, That this night, before the cock crow, thou shalt deny me thrice.
Matthew 26:33
ᏥᏌᏃ ᎯᎠ ᏄᏪᏎᎸᎩ; ᎤᏙᎯᏳᎯᏯ ᎯᎠ ᏂᎬᏪᏎᎭ; ᎪᎯᏉ ᏒᏃᏱ ᏥᎩ ᎠᏏ ᏣᏔᎦ ᎾᏂᏴᎬᎾ ᎨᏎᏍᏗ ᏦᎢ ᏅᏓᏍᏆᏓᏱᎵ.
Matthew 26:33
Tsi-sa-no hi-a nu-we-se-lv-gi; U-do-hi-yu-hi-ya hi-a ni-gv-we-se-ha; Go-hi-quo sv-no-yi tsi-gi a-si tsa-ta-ga na-ni-yv-gv-na ge-se-s-di tso-i nv-da-s-qua-da-yi-li.
Matthew 26:34
Peter said unto him, Though I should die with thee, yet will I not deny thee. Likewise also said all the disciples.
Matthew 26:34
ᏈᏓᏃ ᎯᎠ ᏄᏪᏎᎸᎩ; ᎾᏍᏉ ᎢᏧᎳᎭ ᏗᏱᏂᏲᎱᎯᏍᏗ ᏱᎩ, ᎠᏎ ᎥᏝ ᏴᎦᎬᏯᏓᏱᎦ. ᎾᏍᎩᏯ ᎾᏍᏉ ᏂᎦᏛ ᎬᏩᏍᏓᏩᏗᏙᎯ ᎾᏍᎩ ᏄᏂᏪᏒᎩ.
Matthew 26:34
Qui-da-no hi-a nu-we-se-lv-gi; na-s-quo i-tsu-la-ha di-yi-ni-yo-hu-hi-s-di yi-gi, a-se v-tla yv-ga-gv-ya-da-yi-ga. Na-s-gi-ya na-s-quo ni-ga-dv gv-wa-s-da-wa-di-do-hi na-s-gi nu-ni-we-sv-gi.
Matthew 26:35
Then cometh Jesus with them unto a place called Gethsemane, and saith unto the disciples, Sit ye here, while I go and pray yonder.
Matthew 26:35
ᎿᏉᏃ ᏥᏌ ᎠᎴ ᎬᏩᏍᏓᏩᏗᏙᎯ ᎤᏂᎷᏨᎩ ᎨᏏᎻᏂ ᏚᏙᎥᎢ, ᎯᎠᏃ ᏂᏚᏪᏎᎸ ᎬᏩᏍᏓᏩᏗᏙᎯ; ᎠᏂ ᎢᏥᏁᏍᏗ ᎬᏂ ᎢᏢ ᏫᎦᏓᏙᎵᏍᏔᏅᎭ.
Matthew 26:35
Hna-quo-no Tsi-sa a-le gv-wa-s-da-wa-di-do-hi u-ni-lu-tsv-gi Ge-si-mi-ni du-do-v-i, hi-a-no ni-du-we-se-lv gv-wa-s-da-wa-di-do-hi; A-ni i-tsi-ne-s-di gv-ni i-tlv wi-ga-da-do-li-s-ta-nv-ha.
Matthew 26:36
And he took with him Peter and the two sons of Zebedee, and began to be sorrowful and very heavy.
Matthew 26:36
ᏚᏘᏅᏒᎩᏃ ᏈᏓ ᎠᎴ ᎠᏂᏔᎵ ᏤᏈᏗ ᏧᏪᏥ, ᎠᎴ ᎤᎴᏅᎮ ᎡᎯᏍᏗ ᎤᏓᏅᏓᏕᎢ, ᎠᎴ ᎤᏣᏘ ᎦᎨᏗᏳ ᏄᎵᏍᏓᏁᎴ ᎤᏓᏅᏛᎢ.
Matthew 26:36
Du-ti-nv-sv-gi-no Qui-da a-le a-ni-ta-li Tse-qui-di tsu-we-tsi, a-le u-le-nv-he e-hi-s-di u-da-nv-da-de-i, a-le u-tsa-ti ga-ge-di-yu nu-li-s-da-ne-le u-da-nv-dv-i.
Matthew 26:37
Then saith he unto them, My soul is exceeding sorrowful, even unto death: tarry ye here, and watch with me.
Matthew 26:37
ᎿᏉᏃ ᎯᎠ ᏂᏚᏪᏎᎴᎢ; ᎠᏆᏓᏅᏛ ᎤᎧᎵᏨᎯ ᎤᏣᏘ ᎡᎯᏍᏗ ᎨᏒᎢ ᎠᏲᎱᎯᏍᏗ ᎨᏒ ᎢᎦᎢ. ᎠᏂ ᎢᏥᏁᏍᏗ ᎠᎴ ᎢᏧᎳᎭ ᎢᏗᏯᏫᏍᎨᏍᏗ.
Matthew 26:37
Hna-quo-no hi-a ni-du-we-se-le-i; A-qua-da-nv-dv u-ka-li-tsv-hi u-tsa-ti e-hi-s-di ge-sv-i a-yo-hu-hi-s-di ge-sv i-ga-i. A-ni i-tsi-ne-s-di a-le i-tsu-la-ha i-di-ya-wi-s-ge-s-di.
Matthew 26:38
And he went a little further, and fell on his face, and prayed, saying, O my Father, if it be possible, let this cup pass from me: nevertheless not as I will, but as thou wilt.
Matthew 26:38
ᎤᏍᏗᎩᏛᏃ ᎤᏗᏗᏢᏍᏙᏗ ᎢᏴᏛ ᏭᎷᏤᎢ, ᎠᎴ ᎤᎵᏯᏍᏚᏁᎢ, ᎠᎴ ᎤᏓᏙᎵᏍᏔᏁᎢ, ᎯᎠ ᏄᏪᏎᎢ; ᎡᏙᏓ[ᎠᎩᏙᏓ], ᎢᏳᏃ ᏰᎵ ᎢᎬᏩᎵᏍᏙᏗ ᎨᏎᏍᏗ ᏩᎩᎶᎯᏏᏉ ᎯᎠ ᎤᎵᏍᏈᏗ; ᎥᏝᏍᎩᏂᏃᏅ ᎠᏴ ᏄᏍᏛ ᎦᏓᏅᏖᏍᎬᎢ, ᏂᎯᏍᎩᏂ.
Matthew 26:38
U-s-di-gi-dv-no u-di-di-tlv-s-do-di i-yv-dv wu-lu-tse-i, a-le u-li-ya-s-du-ne-i, a-le u-da-do-li-s-ta-ne-i, hi-a nu-we-se-i; E-do-da, i-yu-no ye-li i-gv-wa-li-s-do-di ge-se-s-di wa-gi-lo-hi-si-quo hi-a u-li-s-qui-di; v-tla-s-gi-ni-no-nv a-yv nu-s-dv ga-da-nv-te-s-gv-i, ni-hi-s-gi-ni.
Matthew 26:39
And he cometh unto the disciples, and findeth them asleep, and saith unto Peter, What, could ye not watch with me one hour?
Matthew 26:39
ᎬᏩᏍᏓᏩᏗᏙᎯᏃ ᎠᏂᏅ ᏗᎤᎷᏨ ᏚᏩᏛᎮ ᎠᏂᎵᏁᎢ, ᎯᎠᏃ ᏄᏪᏎᎴ ᏈᏓ; ᎦᏙᏉ, ᏝᏍᎪ ᏥᏯᏫᏍᎬ ᏌᏉ ᎢᏳᏟᎶᏛ ᎢᎪᎯᏛ ᎨᏥᏯᏫᏍᏗ ᏱᎩ?
Matthew 26:39
Gv-wa-s-da-wa-di-do-hi-no a-ni-nv di-u-lu-tsv du-wa-dv-he a-ni-li-ne-i, hi-a-no nu-we-se-le Qui-da; Ga-do-quo, tla-s-go tsi-ya-wi-s-gv sa-quo i-yu-tli-lo-dv i-go-hi-dv ge-tsi-ya-wi-s-di yi-gi?
Matthew 26:40
Watch and pray, that ye enter not into temptation: the spirit indeed is willing, but the flesh is weak.
Matthew 26:40
ᎢᏥᏯᏫᏍᎨᏍᏗ ᎠᎴ ᎢᏣᏓᏙᎵᏍᏗᏍᎨᏍᏗ ᎾᏍᎩ ᎤᏓᎪᎵᏰᏗᏱ ᎨᏒ ᏫᏥᎾᏄᎪᎢᏍᏗᏱ ᏂᎨᏒᎾ ᎨᏒᎢ. ᎠᏓᏅᏙ ᎤᏙᎯᏳᎯ ᎤᏛᏅᎢᏍᏗ, ᎤᏇᏓᎸᏍᎩᏂ ᏩᎾᎦᎳᎯᏳ.
Matthew 26:40
I-tsi-ya-wi-s-ge-s-di a-le i-tsa-da-do-li-s-di-s-ge-s-di na-s-gi u-da-go-li-ye-di-yi ge-sv wi-tsi-na-nu-go-i-s-di-yi ni-ge-sv-na ge-sv-i. A-da-nv-do u-do-hi-yu-hi u-dv-nv-i-s-di, u-que-da-lv-s-gi-ni wa-na-ga-la-hi-yu.
Matthew 26:41
He went away again the second time, and prayed, saying, O my Father, if this cup may not pass away from me, except I drink it, thy will be done.
Matthew 26:41
ᏔᎵᏁᏃ ᎤᏪᏅᏎᎢ, ᏭᏓᏙᎵᏍᏔᏁᎢ, ᎯᎠ ᏫᏄᏪᏎᎢ; ᎡᏙᏓ[ᎠᎩᏙᏓ] ᎢᏳᏃ ᎯᎠ ᎤᎵᏍᏈᏗ ᎬᎩᎶᎯᏎᏗᏉ ᏂᎨᏒᎾ ᏱᎩ, ᎬᏂ ᏯᏆᏗᏔᎲ, ᏄᏍᏛ ᎭᏓᏅᏖᏍᎬ ᏫᏂᎦᎵᏍᏓ.
Matthew 26:41
Ta-li-ne-no u-we-nv-se-i, wu-da-do-li-s-ta-ne-i, hi-a wi-nu-we-se-i; E-do-da, i-yu-no hi-a u-li-s-qui-di gv-gi-lo-hi-se-di-quo ni-ge-sv-na yi-gi, gv-ni ya-qua-di-ta-hv, nu-s-dv ha-da-nv-te-s-gv wi-ni-ga-li-s-da.
Matthew 26:42
And he came and found them asleep again: for their eyes were heavy.
Matthew 26:42
ᏗᎤᎷᏨᏃ ᏚᏩᏛᎮ ᏔᎵᏁ ᎠᏂᎵᎾᎡᎢ, ᏗᏂᎦᏙᎵᏰᏃ ᏗᎦᎨᏗᏳ ᎨᏎᎢ.
Matthew 26:42
Di-u-lu-tsv-no du-wa-dv-he ta-li-ne a-ni-li-na-e-i, di-ni-ga-do-li-ye-no di-ga-ge-di-yu ge-se-i.
Matthew 26:43
And he left them, and went away again, and prayed the third time, saying the same words.
Matthew 26:43
ᏔᎵᏁᏃ ᏚᏮᏕᏤ ᎠᎴ ᎤᏓᏅᏎᎢ, ᎠᎴ ᏦᎢᏁ ᏭᏓᏙᎵᏍᏔᏁᎢ, ᎾᏍᎩᏯ ᏫᏄᏪᏎᎢ.
Matthew 26:43
Ta-li-ne-no du-wv-de-tse a-le u-da-nv-se-i, a-le tso-i-ne wu-da-do-li-s-ta-ne-i, na-s-gi-ya wi-nu-we-se-i.
Matthew 26:44
Then cometh he to his disciples, and saith unto them, Sleep on now, and take your rest: behold, the hour is at hand, and the Son of man is betrayed into the hands of sinners.
Matthew 26:44
ᎿᏉᏃ ᏗᎤᎷᏨ ᎬᏩᏍᏓᏩᏗᏙᎯ ᎠᏂᏅᎢ, ᎯᎠ ᏂᏚᏪᏎᎴᎢ; ᎿᏉ ᎢᏥᎵᏅᎩ ᎠᎴ ᎢᏥᏯᏪᏐᎸᎦ; ᎬᏂᏳᏉ ᎢᏳ ᎨᏒ ᎤᏍᏆᎸᎯᏗ, ᏴᏫᏃ ᎤᏪᏥ ᎠᎦᏡᏔᏅ ᎤᏂᏁᎫᏥᏛ ᏴᏫ ᏕᎨᏥᏲᎯᏎᎸ.
Matthew 26:44
Hna-quo-no di-u-lu-tsv gv-wa-s-da-wa-di-do-hi a-ni-nv-i, hi-a ni-du-we-se-le-i; Hna-quo i-tsi-li-nv-gi a-le i-tsi-ya-we-so-lv-ga; gv-ni-yu-quo i-yu ge-sv u-s-qua-lv-hi-di, yv-wi-no U-we-tsi a-ga-tlu-ta-nv u-ni-ne-gu-tsi-dv yv-wi de-ge-tsi-yo-hi-se-lv.
Matthew 26:45
Rise, let us be going: behold, he is at hand that doth betray me.
Matthew 26:45
ᏗᏣᎴᎲᎦ! ᎢᏓᎢᏎᏍᏗ! ᎬᏂᏳᏉ ᎠᏉ ᏓᏯᎢ ᎠᏆᏡᏗᏍᎩ.
Matthew 26:45
Di-tsa-le-hv-ga! i-da-i-se-s-di! gv-ni-yu-quo a-quo da-ya-i a-qua-tlu-di-s-gi.
Matthew 26:46
And while he yet spake, lo, Judas, one of the twelve, came, and with him a great multitude with swords and staves, from the chief priests and elders of the people.
Matthew 26:45
ᎠᏏᏉᏃ ᎦᏬᏂᏍᎬᎢ ᎬᏂᏳᏉ ᏧᏓᏏ ᎠᏏᏴᏫ ᏔᎳᏚ ᎢᏯᏂᏛ ᎨᏒ ᎤᎷᏨᎩ, ᎠᎴ ᏓᏘᏁᎲᎩ ᎤᏂᏣᏘ ᏴᏫ, ᎠᏰᎳᏍᏗ-ᏗᎦᏅᎯᏛ ᎠᎴ ᎠᏓ ᏗᏂᏁᎯ, ᏅᏓᎬᏂᏅᏏᏛ ᏄᏂᎬᏫᏳᏒ ᎠᏥᎸᎠᏁᎶᎯ ᏗᏂᎳᏫᎩ ᎠᏁᎲ ᏴᏫ.
Matthew 26:45
A-si-quo-no ga-wo-ni-s-gv-i gv-ni-yu-quo Tsu-da-si a-si-yv-wi ta-la-du i-ya-ni-dv ge-sv u-lu-tsv-gi, a-le da-ti-ne-hv-gi u-ni-tsa-ti yv-wi, a-ye-la-s-di--di-ga-nv-hi-dv a-le a-da di-ni-ne-hi, nv-da-gv-ni-nv-si-dv nu-ni-gv-wi-yu-sv a-tsi-lv-a-ne-lo-hi di-ni-la-wi-gi a-ne-hv yv-wi.
Matthew 26:47
Now he that betrayed him gave them a sign, saying, Whomsoever I shall kiss, that same is he: hold him fast.
Matthew 26:46
ᎤᏡᏗᏍᎩᏃ ᏧᏃᏁᎸᎯ ᎨᏎ ᎤᎾᏙᎴᎰᎯᏍᏙᏗ ᎯᎠ ᎢᏳᏪᏒᎯ ᎨᏎᎢ; ᎩᎶ ᏥᏯᏚᏣᎳᏅᎭ ᎾᏍᎩ ᎨᏎᏍᏗ, ᎠᏍᏓᏯ ᏕᏥᏂᏴᎲᎭ.
Matthew 26:46
U-tlu-di-s-gi-no tsu-no-ne-lv-hi ge-se u-na-do-le-ho-hi-s-do-di hi-a i-yu-we-sv-hi ge-se-i; gi-lo tsi-ya-du-tsa-la-nv-ha na-s-gi ge-se-s-di, a-s-da-ya de-tsi-ni-yv-hv-ha.
Matthew 26:48
And forthwith he came to Jesus, and said, Hail, master; and kissed him.
Matthew 26:47
ᎤᎵᏍᏗᏳᏃ ᏥᏌ ᎦᏙᎬ ᎤᎷᏨᎩ, ᎯᎠ ᏄᏪᏒᎩ; ᎣᏏᏳ, ᏙᎯᏱ ᏕᎾᏓᎪᏩᏛ, ᏍᎩᎾᏝᎢ; ᎠᎴ ᎤᏚᏣᎳᏅᎩ.
Matthew 26:47
U-li-s-di-yu-no Tsi-sa ga-do-gv u-lu-tsv-gi, hi-a nu-we-sv-gi; Do-hi-yi de-na-da-go-wa-dv, S-gi-na-tla-i; a-le u-du-tsa-la-nv-gi.
Matthew 26:49
And Jesus said unto him, Friend, wherefore art thou come? Then came they, and laid hands on Jesus, and took him.
Matthew 26:48
ᏥᏌᏃ ᎯᎠ ᏄᏪᏎᎸᎩ; ᎩᎾᎵᎢ, ᎦᏙᏃ ᎥᎯᎷᎩ. ᎿᏉᏃ ᎤᏂᎷᏨᎩ ᎠᎴ ᏕᎬᏩᏏᏔᏛᎩ ᏥᏌ, ᎬᏩᏂᏴᎲᎩ.
Matthew 26:48
Tsi-sa-no hi-a nu-we-se-lv-gi; Gi-na-li-i, ga-do-no v-hi-lu-gi. Hna-quo-no u-ni-lu-tsv-gi a-le de-gv-wa-si-ta-dv-gi Tsi-sa, gv-wa-ni-yv-hv-gi.
Matthew 26:50
And, behold, one of them which were with Jesus stretched out his hand, and drew his sword, and struck a servant of the high priest's, and smote off his ear.
Matthew 26:49
ᎠᎴ ᎬᏂᏳᏉ ᎠᏏᏴᏫ ᏥᏌ ᎠᏁᎯ ᎤᏌᎳᏓᏅᎩ ᎧᏃᎨᏂ ᎤᎸᎲᎩ ᎠᏰᎳᏍᏗ-ᎦᏅᎯᏛ, ᎠᎴ ᎤᎷᏴ ᎤᎬᏫᏳᎯ ᎠᏥᎸ-ᎨᎶᎯ ᎤᏅᏏᏓᏍᏗ, ᎠᎴ ᎤᎵᏍᏕᏍᏔᏅᎩ.
madu 26:50
A-le gv-ni-yu-quo a-si-yv-wi Tsi-sa a-ne-hi u-sa-la-da-nv-gi ka-no-ge-ni u-lv-hv-gi a-ye-la-s-di--ga-nv-hi-dv, a-le u-lu-yv u-gv-wi-yu-hi a-tsi-lv--ge-lo-hi u-nv-si-da-s-di, a-le u-li-s-de-s-ta-nv-gi.
Matthew 26:51
Then said Jesus unto him, Put up again thy sword into his place: for all they that take the sword shall perish with the sword.
Matthew 26:51
ᎿᏉᏃ ᏥᏌ ᎯᎠ ᏄᏪᏎᎸᎩ; ᎦᎳᏗᏍᏗᏱ ᏥᎯᎳᏓ ᏣᏤᎵ ᎠᏰᎳᏍᏗᎦᏅᎯᏛ, ᏂᎦᏛᏰᏃ ᎠᏰᎳᏍᏗ-ᎦᏅᎯᏛ ᎠᏂᏱᏍᎩ ᎠᏰᎳᏍᏗ-ᎦᏅᎯᏛ ᏧᏂᏲᎱᎯᏍᏙᏗ ᎨᏎᏍᏗ.
Matthew 26:51
Hna-quo-no Tsi-sa hi-a nu-we-se-lv-gi; Ga-la-di-s-di-yi tsi-hi-la-da tsa-tse-li a-ye-la-s-di-ga-nv-hi-dv, ni-ga-dv-ye-no a-ye-la-s-di--ga-nv-hi-dv a-ni-yi-s-gi a-ye-la-s-di--ga-nv-hi-dv tsu-ni-yo-hu-hi-s-do-di ge-se-s-di.
Matthew 26:52
Thinkest thou that I cannot now pray to my Father, and he shall presently give me more than twelve legions of angels?
Matthew 26:52
ᏝᏍᎪ ᏯᏓᏅᏖᎭ ᏰᎵ ᎦᏥᏯᏓᏙᎵᏍᏓᏁᏗ ᎨᏒ ᎡᏙᏓ [ᎠᎩᏙᏓ] ᎩᎳᏉᏃ ᎢᏴᏛ ᎥᏝ ᏔᎳᏚᏉ ᎢᏳᎾᏓᏡᎩ ᏗᏂᎧᎿᏩᏗᏙᎯ ᏱᏙᎬᎩᎧᏏ?
Matthew 26:52
Tla-s-go ya-da-nv-te-ha ye-li ga-tsi-ya-da-do-li-s-da-ne-di ge-sv E-do-da, gi-la-quo-no i-yv-dv v-tla ta-la-du-quo i-yu-na-da-tlu-gi di-ni-ka-hna-wa-di-do-hi yi-do-gv-gi-ka-si?
Matthew 26:53
But how then shall the scriptures be fulfilled, that thus it must be?
Matthew 26:53
ᎠᏎᏃ ᎦᏙ ᏱᎦᎵᏍᏙᏓ ᏯᏙᎯᏳᎲᎦ ᏄᏍᏛ ᎪᏪᎸᎢ, ᎠᏎ ᎾᏍᎩ ᎢᏳᎵᏍᏙᏗ ᏥᎩ?
Matthew 26:53
A-se-no ga-do yi-ga-li-s-do-da ya-do-hi-yu-hv-ga nu-s-dv go-we-lv-i, a-se na-s-gi i-yu-li-s-do-di tsi-gi?
Matthew 26:54
In that same hour said Jesus to the multitudes, Are ye come out as against a thief with swords and staves for to take me? I sat daily with you teaching in the temple, and ye laid no hold on me.
Matthew 26:54
ᎾᎯᏳᏃ ᏥᏌ ᎯᎠ ᏂᏚᏪᏎᎸᎩ ᎤᏂᏣᏘ; ᏥᎪ ᎦᏃᏍᎩᏍᎩ ᏥᏥᏲᎰ ᎾᏍᎩᏯ ᎢᏥᎷᎩ ᏍᎩᏂᏴᎯᎦ, ᎠᏰᎳᏍᏗᏗᎦᏅᎯᏛ ᎠᎴ ᎠᏓ ᏗᏥᏁᎯ? ᏂᏚᎩᏨᏂᏒ ᎢᏧᎳᎭ ᎢᏗᏅᎩ ᏕᎦᏕᏲᎲᏍᎬᎩ ᎤᏛᎾ-ᏗᎦᎳᏫᎢᏍᏗᏱ, ᎥᏝᏃ ᏱᏍᎩᏂᏱᏍᎨᎢ.
Matthew 26:54
Na-hi-yu-no Tsi-sa hi-a ni-du-we-se-lv-gi u-ni-tsa-ti; Tsi-go ga-no-s-gi-s-gi tsi-tsi-yo-ho na-s-gi-ya i-tsi-lu-gi s-gi-ni-yv-hi-ga, a-ye-la-s-di-di-ga-nv-hi-dv a-le a-da di-tsi-ne-hi? Ni-du-gi-tsv-ni-sv i-tsu-la-ha i-di-nv-gi de-ga-de-yo-hv-s-gv-gi u-dv-na--di-ga-la-wi-i-s-di-yi, v-tla-no yi-s-gi-ni-yi-s-ge-i.
Matthew 26:55
But all this was done, that the scriptures of the prophets might be fulfilled. Then all the disciples forsook him, and fled.
Matthew 26:55
ᎠᏎᏃ ᏂᎦᏛ ᎾᏍᎩ ᎯᎠ ᏄᎵᏍᏔᏅᎩ ᎤᏙᎯᏳᏗᏱ ᎠᎾᏙᎴᎰᏍᎩ ᎤᏃᏪᎳᏅᎯ. ᎿᏉᏃ ᏂᎦᏛ ᎬᏩᏍᏓᏩᏗᏙᎯ ᎬᏩᏕᏨᎩ ᎠᎴ ᎤᎾᎵᏒᎩ.
Matthew 26:55
A-se-no ni-ga-dv na-s-gi hi-a nu-li-s-ta-nv-gi u-do-hi-yu-di-yi a-na-do-le-ho-s-gi u-no-we-la-nv-hi. Hna-quo-no ni-ga-dv gv-wa-s-da-wa-di-do-hi gv-wa-de-tsv-gi a-le u-na-li-sv-gi.
Matthew 26:56
And they that had laid hold on Jesus led him away to Caiaphas the high priest, where the scribes and the elders were assembled.
Matthew 26:56
ᏥᏌᏃ ᎤᏂᏂᏴᏛ ᎧᏯᏉᎢ ᏭᎾᏘᏅᏍᏔᏅᎩ ᎾᏍᎩ ᏄᎬᏫᏳᏒ ᎠᏥᎸᎨᎶᎯ, ᎾᎿᏗᏃᏪᎵᏍᎩ ᎠᎴ ᏗᏂᎳᏫᎩ ᏓᏂᎳᏫᎥᎢ.
Matthew 26:56
Tsi-sa-no u-ni-ni-yv-dv ka-ya-quo-i wu-na-ti-nv-s-ta-nv-gi na-s-gi nu-gv-wi-yu-sv a-tsi-lv-ge-lo-hi, na-hna di-no-we-li-s-gi a-le di-ni-la-wi-gi da-ni-la-wi-v-i.
Matthew 26:57
But Peter followed him afar off unto the high priest's palace, and went in, and sat with the servants, to see the end.
Matthew 26:57
ᏈᏓᏃ ᎤᏍᏓᏩᏛᏎ Ꭸ ᎢᏴᏛ ᏣᎢᏎ ᏄᎬᏫᏳᏒ ᎠᏥᎸ-ᎨᎶᎯ ᏗᎦᏁᎸ ᎬᏗᏍᎩ, ᎤᏴᎴᎢ, ᎠᎴ ᎨᏥᏅᏏᏓᏍᏗ ᎢᏧᎳᎭ ᎠᏂᏁᎢ, ᎤᎪᏩᏛᏗᏱ ᎤᏰᎸᏎ ᏩᎵᏍᏆᏗᎯᎲᎢ.
Matthew 26:57
Qui-da-no u-s-da-wa-dv-se ge i-yv-dv tsa-i-se nu-gv-wi-yu-sv a-tsi-lv--ge-lo-hi di-ga-ne-lv gv-di-s-gi, u-yv-le-i, a-le ge-tsi-nv-si-da-s-di i-tsu-la-ha a-ni-ne-i, u-go-wa-dv-di-yi u-ye-lv-se wa-li-s-qua-di-hi-hv-i.
Matthew 26:58
Now the chief priests, and elders, and all the council, sought false witness against Jesus, to put him to death;
Matthew 26:58
ᏄᏂᎬᏫᏳᏒᏃ ᎠᏥᎸ-ᎠᏁᎶᎯ ᎠᎴ ᏧᎾᏛᏐᏅᎯ ᎠᎴ ᏂᎦᏛ ᏗᏂᎳᏫᎩ ᎤᏂᏲᎴ ᎦᏰᎪᎩ ᎤᏂᏃᎮᎸᎯ ᏥᏌ ᎤᏡᏗᏍᎩ, ᎾᏍᎩ ᎤᏂᎯᏍᏗᏱ ᎤᎾᏚᎵᏍᎨᎢ;
Matthew 26:58
Nu-ni-gv-wi-yu-sv-no a-tsi-lv--a-ne-lo-hi a-le tsu-na-dv-so-nv-hi a-le ni-ga-dv di-ni-la-wi-gi u-ni-yo-le ga-ye-go-gi u-ni-no-he-lv-hi Tsi-sa u-tlu-di-s-gi, na-s-gi u-ni-hi-s-di-yi u-na-du-li-s-ge-i;
Matthew 26:59
But found none: yea, though many false witnesses came, yet found they none. At the last came two false witnesses,
Matthew 26:59
ᎠᏎᏃ ᎤᎾᏠᏤᏉ; ᎤᏂᏣᏖᏍᎩᏂᏃᏅ ᎦᏰᎪᎩ ᎠᏂᏃᎮᏍᎩ ᎤᏂᎾᏄᎪᏤᎢ, ᎠᏎᏃ ᎤᎾᏠᏤᏉ. ᎣᏂᏱᏍᎩᏂᏃᏅ ᎠᏂᏔᎵ ᎦᏰᎪᎩ ᎠᏂᏃᎮᏍᎩ ᎤᏂᎷᏤᎢ, ᎯᎠ ᏄᏂᏪᏎᎢ;
Matthew 26:59
A-se-no u-na-tlo-tse-quo; u-ni-tsa-te-s-gi-ni-no-nv ga-ye-go-gi a-ni-no-he-s-gi u-ni-na-nu-go-tse-i, a-se-no u-na-tlo-tse-quo. O-ni-yi-s-gi-ni-no-nv a-ni-ta-li ga-ye-go-gi a-ni-no-he-s-gi u-ni-lu-tse-i, hi-a nu-ni-we-se-i;
Matthew 26:60
And said, This fellow said, I am able to destroy the temple of God, and to build it in three days.
Matthew 26:60
ᎯᎠ ᏂᏚᏪᏒᎩ; ᏰᎵᏉ ᏱᏥᏲᏍᏓ ᎤᏁᎳᏅᎯ ᎤᏤᎵ ᎤᏛᎾ-ᏗᎦᎳᏫᎢᏍᏗᏱ, ᏦᎢᏉᏃ ᏧᏙᏓᏆᏛ [ᏔᎵᏁ] ᏴᎦᏁᏍᎬᎵ.
Matthew 26:60
Hi-a ni-du-we-sv-gi; Ye-li-quo yi-tsi-yo-s-da U-ne-la-nv-hi u-tse-li u-dv-na--di-ga-la-wi-i-s-di-yi, tso-i-quo-no tsu-do-da-qua-dv [ta-li-ne] yv-ga-ne-s-gv-li.
Matthew 26:62
And the high priest arose, and said unto him, Answerest thou nothing? what is it which these witness against thee?
Matthew 26:62
ᏄᎬᏫᏳᏒᏃ ᎠᏥᎸ-ᎨᎶᎯ ᏚᎴᏁᎢ, ᎯᎠ ᏄᏪᏎᎴᎢ; ᏝᏍᎪ ᏱᏁᎦ? ᎦᏙ ᎯᎠ ᎠᏂᎦᏔᎲ ᏣᏂᏃᎮᎭ ᏥᎨᏣᏡᏗᎭ?
Matthew 26:62
Nu-gv-wi-yu-sv-no a-tsi-lv--ge-lo-hi du-le-ne-i, hi-a nu-we-se-le-i; Tla-s-go yi-ne-ga? Ga-do hi-a a-ni-ga-ta-hv tsa-ni-no-he-ha tsi-ge-tsa-tlu-di-ha?
Matthew 26:63
But Jesus held his peace. And the high priest answered and said unto him, I adjure thee by the living God, that thou tell us whether thou be the Christ, the Son of God.
Matthew 26:63
ᎠᏎᏃ ᏥᏌ ᎡᎳᏪᏱᏉ ᎨᏎᎢ. ᏄᎬᏫᏳᏒᏃ ᎠᏥᎸ-ᎨᎶᎯ ᎢᎤᏁᏨ ᎯᎠ ᏄᏪᏎᎴᎢ; ᎬᎳᏲᏏ ᎤᏁᎳᏅᎯ ᎬᏂᏛ ᎯᏁᎢᏍᏙᏗᏱ, ᏍᎩᏃᎲᏏ, ᏥᎪ ᏂᎯ ᎦᎶᏁᏛ ᎤᏁᎳᏅᎯ ᎤᏪᏥ?
Matthew 26:63
A-se-no Tsi-sa e-la-we-yi-quo ge-se-i. Nu-gv-wi-yu-sv-no a-tsi-lv--ge-lo-hi i-u-ne-tsv hi-a nu-we-se-le-i; Gv-la-yo-si U-ne-la-nv-hi gv-ni-dv hi-ne-i-s-do-di-yi, s-gi-no-hv-si, tsi-go ni-hi Ga-lo-ne-dv U-ne-la-nv-hi U-we-tsi?
Matthew 26:64
Jesus saith unto him, Thou hast said: nevertheless I say unto you, Hereafter shall ye see the Son of man sitting on the right hand of power, and coming in the clouds of heaven.
Matthew 26:64
ᏥᏌᏃ ᎯᎠ ᏄᏪᏎᎴᎢ; ᏰᎵᏂᏫ. ᎠᏎᏃ ᎯᎠ ᏂᏨᏪᏎᎭ; ᎢᎸᎯᏳ ᏓᏰᏥᎪᎢ ᏴᏫ ᎤᏪᏥ ᎠᎦᏘᏏ ᎢᏗᏢ ᎤᎵᏂᎬᎬ ᎤᏬᎴᏍᏗ, ᎠᎴ ᏣᎢᏎᏍᏗ ᎤᎶᎩᎸ ᎦᎸᎶᎢ.
Matthew 26:64
Tsi-sa-no hi-a nu-we-se-le-i; Ye-li-ni-wi. A-se-no hi-a ni-tsv-we-se-ha; i-lv-hi-yu da-ye-tsi-go-i yv-wi U-we-tsi a-ga-ti-si i-di-tlv u-li-ni-gv-gv u-wo-le-s-di, a-le tsa-i-se-s-di u-lo-gi-lv ga-lv-lo-i.
Matthew 26:65
Then the high priest rent his clothes, saying, He hath spoken blasphemy; what further need have we of witnesses? behold, now ye have heard his blasphemy.
Matthew 26:65
ᎿᏉᏃ ᏄᎬᏫᏳᏒ ᎠᏥᎸ-ᎨᎶᎯ ᏚᏄᏩᎥ ᏚᏪᏣᎦᎸᎮᎢ; ᎠᏐᏢᎢᏍᏓ, ᎤᏛᏁᎢ; ᎦᏙᏃ ᎠᏏ ᎠᏂᎦᏔᎯ ᏯᏂᏃᎮᎭ? ᎬᏂᏳᏉ ᎿᏉ ᎢᏣᏛᎬᎦ ᎠᏐᏢᎢᏍᏗᏍᎬᎢ.
Matthew 26:65
Hna-quo-no nu-gv-wi-yu-sv a-tsi-lv--ge-lo-hi du-nu-wa-v du-we-tsa-ga-lv-he-i; A-so-tlv-i-s-da, u-dv-ne-i; ga-do-no a-si a-ni-ga-ta-hi ya-ni-no-he-ha? Gv-ni-yu-quo hna-quo i-tsa-dv-gv-ga a-so-tlv-i-s-di-s-gv-i.
Matthew 26:64
What think ye? They answered and said, He is guilty of death.
Matthew 26:66
ᎦᏙ ᎢᏤᎵᎭ? ᎤᏂᏁᏨᏃ ᎯᎠ ᏄᏂᏪᏎᎢ; ᏰᎵᏉ ᎬᏩᏲᎱᎯᏍᏗ.
Matthew 26:64
Ga-do i-tse-li-ha? U-ni-ne-tsv-no hi-a nu-ni-we-se-i; Ye-li-quo gv-wa-yo-hu-hi-s-di.
Matthew 26:67
Then did they spit in his face, and buffeted him; and others smote him with the palms of their hands,
ᎿᏉᏃ ᎤᎧᏛ ᏚᎾᎵᏥᏍᏇᎢ, ᎠᎴ ᎠᏍᏈᏅ ᏕᎬᏩᎾᏍᏗᏍᎨᎢ ᎠᎴ ᎠᏂᏐᎢ ᏧᏃᏰᏂ ᏕᎬᏩᎾᏍᏗᏍᎨᎢ,
Hna-quo-no u-ka-dv du-na-li-tsi-s-que-i, a-le a-s-qui-nv de-gv-wa-na-s-di-s-ge-i a-le a-ni-so-i tsu-no-ye-ni de-gv-wa-na-s-di-s-ge-i,
Matthew 26:68
Saying, Prophesy unto us, thou Christ, Who is he that smote thee?
ᎯᎠ ᎾᏂᏪᏍᎨᎢ; ᏍᎩᏯᏙᎴᎣᎯᏏ, ᎦᎶᏁᏛ, ᎦᎪ ᏥᏨᏂᎦ?
Hi-a na-ni-we-s-ge-i; S-gi-ya-do-le-o-hi-si, Ga-lo-ne-dv, Ga-go tsi-tsv-ni-ga?
Matthew 26:69
Now Peter sat without in the palace: and a damsel came unto him, saying, Thou also wast with Jesus of Galilee.
ᏈᏓᏃ ᎤᏬᎴ ᎤᏜᏓᏅᏛᎢ, ᎤᎷᏤᎴᏃ ᎠᏛ ᎯᎠ ᏄᏪᏎᎢ; ᏂᎯ ᎾᏍᏉ ᏍᏕᏙᎲᎩ ᏥᏌ ᎨᎵᎵ ᎡᎯ.
Qui-da-no u-wo-le u-dla-nv-dv-i, u-lu-tse-le-no a-dv hi-a nu-we-se-i; Ni-hi na-s-quo s-de-do-hv-gi Tsi-sa Ge-li-li e-hi.
Matthew 26:70
But he denied before them all, saying, I know not what thou sayest.
ᎠᏎᏃ ᏂᎦᏛ ᎠᏂᎦᏔᎲ ᎤᏓᏱᎴᎢ, ᎯᎠ ᏄᏪᏎᎢ; ᎥᏝ ᏱᏥᎦᏔᎭ ᏂᏪᏍᎬᎢ.
A-se-no ni-ga-dv a-ni-ga-ta-hv u-da-yi-le-i, hi-a nu-we-se-i; V-tla yi-tsi-ga-ta-ha ni-we-s-gv-i.
Matthew 26:71
And when he was gone out into the porch, another maid saw him, and said unto them that were there, This fellow was also with Jesus of Nazareth.
ᏙᏱᏢᏃ ᏭᎶᏒ ᏅᏩᏓᎴ ᎤᎪᎮᎢ, ᎠᎴ ᎯᎠ ᏂᏚᏪᏎᎴ ᎾᎿᎠᏁᏙᎯ; ᎾᏍᏉ ᎯᎠ ᏥᏌ ᎾᏎᎵᏗ ᎡᎯ ᏓᏁᏙᎲᎩ.
Do-yi-tlv-no wu-lo-sv nv-wa-da-le u-go-he-i, a-le hi-a ni-du-we-se-le na-hna a-ne-do-hi; Na-s-quo hi-a Tsi-sa Na-se-li-di e-hi da-ne-do-hv-gi.
Matthew 26:72
And again he denied with an oath, I do not know the man.
ᏔᎵᏁᏃ ᎤᏓᏱᎴᎢ, ᎤᏁᎳᏅᎯ ᎤᏁᎢᏍᏔᏁᎢ; Ꮭ ᏱᏥᎦᏔᎭ Ꮎ ᎠᏍᎦᏯ, ᎤᏛᏁᎢ.
Ta-li-ne-no u-da-yi-le-i, u-ne-la-nv-hi u-ne-i-s-ta-ne-i; tla yi-tsi-ga-ta-ha na a-s-ga-ya, u-dv-ne-i.
Matthew 26:73
And after a while came unto him they that stood by, and said to Peter, Surely thou also art one of them; for thy speech bewrayeth thee.
ᎪᎯᏱᏃ ᎢᏴᏛ ᎬᏩᎷᏤᎴ ᎾᎥ ᎠᏂᏙᎾᎢ, ᎯᎠ ᏂᎬᏩᏪᏎᎴ ᏈᏓ; ᎤᏙᎯᏳᎯ ᎾᏍᏉ ᏂᎯ ᎢᏤᏙᎸᎯ, ᎯᏬᏂᏍᎬᏰᏃ ᎬᏂᎨᏒ ᏂᏨᏁᎭ.
Go-hi-yi-no i-yv-dv gv-wa-lu-tse-le na-v a-ni-do-na-i, hi-a ni-gv-wa-we-se-le Qui-da; U-do-hi-yu-hi na-s-quo ni-hi i-tse-do-lv-hi, hi-wo-ni-s-gv-ye-no gv-ni-ge-sv ni-tsv-ne-ha.
Matthew 26:74
Then began he to curse and to swear, saying, I know not the man. And immediately the cock crew.
ᎿᏉᏃ ᎤᎴᏅᎮ ᎤᏍᎩᏅᏕᎢ, ᎠᎴ ᎤᏁᎳᏅᎯ ᎤᏁᎢᏍᏔᏁᎢ; Ꮭ ᏱᏥᎦᏔᎭ Ꮎ ᎠᏍᎦᏯ, ᎤᏛᏁᎢ; ᎩᎳᏉᏃ ᎢᏴᏛ ᏣᏔᎦ ᎤᏴᎳᏎᎢ.
Hna-quo-no u-le-nv-he u-s-gi-nv-de-i, a-le u-ne-la-nv-hi u-ne-i-s-ta-ne-i; Tla yi-tsi-ga-ta-ha na a-s-ga-ya, u-dv-ne-i; gi-la-quo-no i-yv-dv tsa-ta-ga u-yv-la-se-i.
Matthew 26:75
And Peter remembered the word of Jesus, which said unto him, Before the cock crow, thou shalt deny me thrice. And he went out, and wept bitterly.
ᏈᏓᏃ ᎤᏅᏓᏕ ᏥᏌ ᎤᏁᏨᎯ, ᎯᎠ ᏥᏄᏪᏎᎴᎢ; ᎠᏏ ᏣᏔᎦ ᎾᏂᏴᎬᎾ ᎨᏎᏍᏗ ᏦᎢ ᏅᏓᏍᏆᏓᏱᎵ. ᎤᏄᎪᏨᏃ ᎡᎯᏍᏗ ᏫᏚᏠᏱᎴᎢ.
Qui-da-no u-nv-da-de Tsi-sa u-ne-tsv-hi, hi-a tsi-nu-we-se-le-i; A-si tsa-ta-ga na-ni-yv-gv-na ge-se-s-di tso-i nv-da-s-qua-da-yi-li. U-nu-go-tsv-no e-hi-s-di wi-du-tlo-yi-le-i.