Exodus 9
EXODUS
ᎼᏏ ᏔᎵᏁ ᎤᏬᏪᎳᏅᎯ
Mo-si Ta-li-ne u-wo-we-la-nv-hi
Mosi Taline uwowelanvhi
Exodus 9 King James Version (KJV)
1 Then the Lord said unto Moses, Go in unto Pharaoh, and tell him, Thus saith the Lord God of the Hebrews, Let my people go, that they may serve me.
2 For if thou refuse to let them go, and wilt hold them still,
3 Behold, the hand of the Lord is upon thy cattle which is in the field, upon the horses, upon the asses, upon the camels, upon the oxen, and upon the sheep: there shall be a very grievous murrain.
4 And the Lord shall sever between the cattle of Israel and the cattle of Egypt: and there shall nothing die of all that is the children's of Israel.
5 And the Lord appointed a set time, saying, To morrow the Lord shall do this thing in the land.
6 And the Lord did that thing on the morrow, and all the cattle of Egypt died: but of the cattle of the children of Israel died not one.
7 And Pharaoh sent, and, behold, there was not one of the cattle of the Israelites dead. And the heart of Pharaoh was hardened, and he did not let the people go.
8 And the Lord said unto Moses and unto Aaron, Take to you handfuls of ashes of the furnace, and let Moses sprinkle it toward the heaven in the sight of Pharaoh.
9 And it shall become small dust in all the land of Egypt, and shall be a boil breaking forth with blains upon man, and upon beast, throughout all the land of Egypt.
10 And they took ashes of the furnace, and stood before Pharaoh; and Moses sprinkled it up toward heaven; and it became a boil breaking forth with blains upon man, and upon beast.
11 And the magicians could not stand before Moses because of the boils; for the boil was upon the magicians, and upon all the Egyptians.
12 And the Lord hardened the heart of Pharaoh, and he hearkened not unto them; as the Lord had spoken unto Moses.
13 And the Lord said unto Moses, Rise up early in the morning, and stand before Pharaoh, and say unto him, Thus saith the Lord God of the Hebrews, Let my people go, that they may serve me.
14 For I will at this time send all my plagues upon thine heart, and upon thy servants, and upon thy people; that thou mayest know that there is none like me in all the earth.
15 For now I will stretch out my hand, that I may smite thee and thy people with pestilence; and thou shalt be cut off from the earth.
16 And in very deed for this cause have I raised thee up, for to shew in thee my power; and that my name may be declared throughout all the earth.
17 As yet exaltest thou thyself against my people, that thou wilt not let them go?
18 Behold, to morrow about this time I will cause it to rain a very grievous hail, such as hath not been in Egypt since the foundation thereof even until now.
19 Send therefore now, and gather thy cattle, and all that thou hast in the field; for upon every man and beast which shall be found in the field, and shall not be brought home, the hail shall come down upon them, and they shall die.
20 He that feared the word of the Lord among the servants of Pharaoh made his servants and his cattle flee into the houses:
21 And he that regarded not the word of the Lord left his servants and his cattle in the field.
22 And the Lord said unto Moses, Stretch forth thine hand toward heaven, that there may be hail in all the land of Egypt, upon man, and upon beast, and upon every herb of the field, throughout the land of Egypt.
23 And Moses stretched forth his rod toward heaven: and the Lord sent thunder and hail, and the fire ran along upon the ground; and the Lord rained hail upon the land of Egypt.
24 So there was hail, and fire mingled with the hail, very grievous, such as there was none like it in all the land of Egypt since it became a nation.
25 And the hail smote throughout all the land of Egypt all that was in the field, both man and beast; and the hail smote every herb of the field, and brake every tree of the field.
26 Only in the land of Goshen, where the children of Israel were, was there no hail.
27 And Pharaoh sent, and called for Moses and Aaron, and said unto them, I have sinned this time: the Lord is righteous, and I and my people are wicked.
28 Intreat the Lord (for it is enough) that there be no more mighty thunderings and hail; and I will let you go, and ye shall stay no longer.
29 And Moses said unto him, As soon as I am gone out of the city, I will spread abroad my hands unto the Lord; and the thunder shall cease, neither shall there be any more hail; that thou mayest know how that the earth is the Lord's.
30 But as for thee and thy servants, I know that ye will not yet fear the Lord God.
31 And the flax and the barley was smitten: for the barley was in the ear, and the flax was bolled.
32 But the wheat and the rie were not smitten: for they were not grown up.
33 And Moses went out of the city from Pharaoh, and spread abroad his hands unto the Lord: and the thunders and hail ceased, and the rain was not poured upon the earth.
34 And when Pharaoh saw that the rain and the hail and the thunders were ceased, he sinned yet more, and hardened his heart, he and his servants.
35 And the heart of Pharaoh was hardened, neither would he let the children of Israel go; as the Lord had spoken by Moses.
King James Version (KJV)
Public Domain
ᎠᏯᏙᎸᎢ 9
1
ᏱᎰᏩᏃ ᎯᎠ ᏄᏪᏎᎸᎩ ᎼᏏ, ᏇᎵᏲ ᏫᎷᏥ, ᎠᎴ ᎯᎠ ᏫᏂᏪᏏ, ᎯᎠ ᏂᎦᏪᎭ ᏱᎰᏩ ᎤᏁᎳᏅᎯ ᎠᏂᏖᏡᎷ ᎤᎾᏤᎵᎦ. ᏗᎩᏲᎯ ᏗᏆᏤᎵ ᏴᏫ, ᎾᏍᎩ ᎪᎱᏍᏗ ᎬᏆᏛᏁᏗᏱ.
2
ᎢᏳᏰᏃ ᎢᏣᎨᏳᏅ ᏗᎩᏲᎯᏍᏗᏱ, ᎠᎴ ᎠᏏᏉ ᏙᎩᏂᏴᏎᏍᏗ,
3
ᎬᏂᏳᏉ, ᏱᎬᏩ ᏙᏛᏏᏔᏗ ᏗᏣᏤᎵ ᎦᎾᏝᎢ ᏠᎨᏏ ᎠᏁᎯ, ᏐᏈᎵ, ᏗᏂᎵᎠᏅᎯᏛ ᏐᏈᎵ, ᎨᎻᎵ, ᏩᎦ, ᎠᎴ ᎠᏫ; ᎤᏣᏘ ᎤᏍᏚᏎᏗ ᎥᏳᎩ ᏓᏳᏂᏰᎢᎵᏕᎵ.
Ꮞ
ᎠᎴ ᏱᎰᏩ ᏙᏛᏓᏓᎴᏔᏂ ᎦᎾᏝᎢ ᎢᏏᎵ ᏧᎾᏤᎵᎦ, ᎠᎴ ᎦᎾᏝᎢ ᎢᏥᏈ ᏧᎾᏤᎵᎦ; ᎠᎴ ᎥᏝ ᎪᎱᏍᏗ ᏴᏓᎦᎵᏬᏥ ᏥᏂᎦᎥ ᎢᏏᎵ ᏧᎾᏤᎵᎦ.
5
ᏱᎰᏩᏃ ᎤᏎᎸᎩ ᎢᏳᏉ ᎨᏒᎢ. ᎯᎠ ᏄᏪᏒᎩ, ᎤᎩᏨᏅᏉ ᏱᎰᏩ ᎾᏍᎩ ᎯᎠ ᏅᏛᏛᏁᎵ ᎠᏂ ᎦᏙᎯ.
6
ᏱᎰᏩᏃ ᎾᏍᎩ ᏄᏛᏁᎸᎩ ᏭᎩᏨᏅ, ᎠᎴ ᏂᎦᏛ ᎦᎾᏝᎢ ᎢᏥᏈᏱ ᎡᎯ ᎤᎵᏬᏨᎩ; ᎦᎾᏝᎢᏍᎩᏂ ᎢᏏᎵ ᏧᏪᏥ ᏧᎾᏤᎵᎦ ᎥᏝ ᏌᏉ ᏳᎵᏬᏤᎢ.
7
ᏇᎵᏲᏃ ᎤᏓᏅᏒᎩ, ᎠᎴ ᎬᏂᏳᏉ ᎥᏝ ᏌᏉ ᎤᏅ ᎦᎾᏝᎢ ᎢᏏᎵ ᏧᎾᏤᎵ ᎤᎵᏬᏨᎯ ᏱᎨᏎᎢ. ᏇᎵᏲᏃ ᎤᎾᏫ ᎤᏍᏓᏲᏒᎩ, ᎠᎴ ᎥᏝ ᏱᏚᏲᏎ ᎾᏍᎩ ᏴᏫ.
8
ᏱᎰᏩᏃ ᎼᏏ ᎠᎴ ᎡᎳᏂ ᎯᎠ ᏂᏚᏪᏎᎸᎩ; ᏫᏍᏗᎩ ᎪᏍᏚ ᎠᏏᎩᎳᏅᎯ ᏔᎷᎩᏍᎩᎬᎾᏬᏙᏗᏱ, ᎼᏏᏃ ᏭᏕᏒᎭ. ᎦᎸᎳᏗ ᎢᏗᏢ ᏇᎵᏲ ᏓᎧᏅᎢ.
9
ᎤᏃᎱᏲᎵᏃ ᎪᏍᏚ ᎢᏳᎵᏍᏙᏗ ᎨᏎᏍᏗ ᏂᎬᎾᏛ ᎦᏙᎯ ᎢᏥᏈᏱ, ᎠᎴ ᏚᏯᏍᏗ ᎢᏳᎵᏍᏙᏗ ᎨᏎᏍᏗ ᏕᎬᏩᎾᏢᎥᏍᎨᏍᏗ ᏴᏫ, ᎠᎴ ᎦᎾᏝᎢ, ᏂᎬᎾᏛ ᎦᏙᎯ ᎢᏥᏡᏱ.
10
ᎪᏍᏚᏃ ᏔᎷᎩᏍᎩᎬᎾᏬᏙᏗᏱ ᎠᎩᏛ ᎤᏂᏴᏒᎩ, ᎠᎴ ᏇᎵᏲ ᎢᎬᏱᏢ ᏚᎾᎴᏁᎸᎩ; ᎼᏏᏃ ᎦᎸᎳᏗ ᎢᏗᏢ ᏭᏗᏅᎩ:; ᏚᏯᏍᏗᏃ ᏄᎵᏍᏔᏅᎩ ᎾᏍᎩ ᏕᎬᏩᎾᏢᎥᏍᎬᎩ ᏴᏫ ᎠᎴ ᎦᎾᏝᎢ.
11
ᏗᎾᏙᏂᏍᎩᏃ ᎥᏝ ᏰᎵ ᎼᏏ ᎤᏬᎸ ᎢᎬᏱᏗᏢ ᎬᏩᎾᎴᏁᏗ ᏱᎨᏎᎢ ᏚᏯᏍᏗ ᏕᎬᏩᎾᏢ ᎢᏳᏍᏗ; ᏗᎾᏙᏂᏍᎩᏰᏃ ᎠᎴ ᏂᎦᏛ ᎢᏥᏈᏱ ᎠᏁᎯ ᏚᏯᏍᏗ ᏕᎬᏩᎾᎣᎥᎩ.
12
ᏱᎰᏩᏃ ᎤᏍᏓᏱᏕᎸᎩ ᏇᎵᏲ ᎤᎾᏫ, ᎠᎴ ᎥᏝ ᏱᏚᏛᏓᏍᏓᏁᎴᎢ: ᎾᏍᎩᏯ ᏱᎰᏩ ᏄᏪᏎᎸ ᎼᏏ.
13
ᏱᎰᏩᏃ ᎯᎠ ᏄᏪᏎᎸᎩ ᎼᏏ, ᏑᎾᎴ ᎭᏗᏛᎲᎭ ᎠᎴ ᏇᎵᏲ ᏫᎷᏤᎸᎭ, ᎠᎴ ᎯᎠ ᏂᏪᏎᎸᎭ, ᎯᎠ ᏂᎦᏪᎭ ᏱᎰᏩ ᎤᏁᎳᏅᎯ ᎠᏂᏡᎷ ᎤᎾᏤᎵᎦ, ᏗᏆᏤᎵ ᏴᏫ ᏗᎩᏲᎯ, ᎾᏍᎩ ᎪᎱᏍᏗ ᎬᏆᏛᏁᏗᏱ.
1Ꮞ
ᎪᎯᏰᏃ ᎨᏒᎢ ᏓᎦᏓᏅᏏ ᏣᎷᏤᏗᏱ ᏣᎾᏫᏱ ᏂᎦᏗᏳ ᎠᏆᏤᎵ ᎤᏕᏯᏙᏗ, ᎠᎴ ᎤᏂᎷᏤᏗᏱ ᏘᏅᏏᏓᏍᏗ ᎠᎴ ᏗᏣᏤᎵ ᏴᏫ; ᎾᏍᎩ ᏣᏙᎴᎰᎯᏍᏓᏱ ᎩᎶ ᏁᎲᎾ ᎨᏒ ᎠᏴ ᎾᏆᏍᏛ ᎾᏍᎩᏯ ᎡᎶᎯ ᏂᎬᎾᏛᎢ.
15
ᎪᎯᏰᏃ ᎨᏒ ᏓᏥᏌᎳᏓᏂ ᎠᏉᏰᏂ ᎾᏍᎩ ᏂᎯ ᎠᎴ ᏗᏣᏤᎵ ᏴᏫ ᎥᏳᎩ ᎢᏨᏴᏂᏍᏙᏗᏱ; ᎠᎴ ᏣᎵᏛᏙᏗ ᎨᏎᏍᏗ ᎡᎶᎯ.
16
ᎠᎴ ᎤᏙᎯᏳᎯ ᎾᏍᎩ ᎯᎠ ᏅᏗᎦᎵᏍᏙᎢᎭ ᏥᎬᏌᎳᏓᏅ, ᏂᎯ ᎬᏴᏗᏍᎬ ᎠᎩᎾᏄᎪᏫᏍᏗᏱ ᎠᏆᎵᏂᎬᎬᎢ; ᎠᎴ ᏓᏆᏙᎥ ᏂᎬᎾᏛ ᎡᎶᎯ ᎤᏂᏃᎮᏗᏱ.
17
ᎠᏏᏉᏍᎪ ᏕᎭᎴᎲᏍᎦ ᏕᎭᏡᏗᎭ ᏗᏆᏤᎵ ᏴᏫ, ᎾᏍᎩ ᎥᏝ ᏲᎯᏳᎲᏍᎦ ᏗᎩᏲᎯᏍᏗᏱᎸ
18
ᎬᏂᏳᏉ ᎤᎩᏨᏅ ᎪᎯ ᏥᏂᎧᎳ ᏂᎧᎴᏍᏗ ᏓᏥᎦᏃᏔᏂ ᎠᎴ ᎤᏣᏘ ᎤᏍᎦᏎᏗ ᏓᎦᏁᏐᎠᏏ, ᎾᏍᎩ ᎥᏝ ᎢᎸᎯᏳ ᏱᏄᎵᏍᏔᏃ ᎢᏥᏈ ᎬᏩᏙᏢᏅᎯ ᎪᎯ ᎢᏯᏍᏗ.
19
Ꭷ! ᎭᏓᏅᎵ ᏫᏘᏟᏌ ᏗᏣᏤᎵ ᎦᎾᏝᎢ, ᎠᎴ ᏂᎦᏛ ᏠᎨᏏ ᏣᎾᎥᎢ; ᎾᏂᎥᏰᏃ ᏴᏫ ᎠᎴ ᎦᎾᏝᎢ ᏠᎨᏏ ᎠᏁᏙᎮᏍᏗ ᎠᎴ ᎠᏓᏁᎸ ᏂᏗᎦᏟᏌᏅᎾ ᎤᏁᏍᏓᎳ ᎤᏅᏂᏍᏗ ᎨᏎᏍᏗ, ᎠᎴ ᏧᏂᎵᏬᎢᏍᏗ ᎨᏎᏍᏗ.
20
ᎾᏍᎩᏃ ᏇᎵᏲ ᏧᏅᏏᏓᏍᏗ ᏱᎰᏩ ᎧᏁᎬ ᎠᏂᎾᏰᏍᎩ, ᏓᏓᏁᎸ ᏫᏚᏂᏴᏔᏅᎩ ᏧᏂᏅᏏᏓᏍᏗ ᎠᎴ ᎦᎾᏝᎢ ᏧᎾᏤᎵᎦ.
21
ᎾᏃ ᎾᏍᎩ ᏄᎸᏉᏔᏅᎾ ᏱᎰᏩ ᎤᏁᏨᎢ, ᏚᏪᎧᎯᏴᎩ ᏠᎨᏏ ᏧᏅᏏᏓᏍᏗ ᎠᎴ ᏧᏤᎵ ᎦᎾᏝᎢ.
22
ᏱᎰᏩᏃ ᎯᎠ ᏄᏪᏎᎸᎩ ᎼᏏ, ᎯᏌᎳᏛᎦ ᏦᏰᏂ ᎦᎸᎶᎢ ᎢᏗᏢ, ᎾᏍᎩ ᎤᏁᏐᎢᏍᏗᏱ ᎢᏥᏈᏱ ᎦᏙᎯ ᏂᎬᎾᏛᎢ, ᎤᏩᏂᏍᏗᏱ ᏴᏫ, ᎠᎴ ᎦᎾᏝᎢ, ᎠᎴ ᏂᎦᎥ ᎦᏄᎸᏒᎢ ᏠᎨᏏ ᎡᎯ, ᏂᎬᎾᏛ ᎦᏙᎯ ᎢᏥᏈᏱ.
23
ᎼᏏᏃ ᎤᏌᎳᏓᏅᎩ ᎤᏙᎳᏅᏍᏗ ᎦᎸᎳᏗ ᎢᏗᏢ, ᏱᎰᏩᏃ ᏓᏳᏅᏒᎩ ᎠᏴᏓᏆᎶᏍᎩ ᎠᎴ ᎤᏁᏍᏓᎳ, ᎠᏥᎸᏃ ᎦᏙᎯ ᎤᏪᏙᎸᎩ; ᏱᎰᏩᏃ ᏄᏩᏂᏌᏅ ᎤᏁᏐᎠᏒᎩ ᎢᏥᏡᏱ ᎦᏙᎯ.
2Ꮞ
ᎾᏍᎩᏃ ᎤᏁᏐᎠᏒᎩ ᎠᎴ ᎠᏥᎸ ᎤᏓᏑᏴᎩ ᎦᏁᏐᎠᏍᎬᎢ, ᎤᏣᏘ ᎤᎾᏰᎯᏍᏗ ᎾᏍᎩᏯ Ꮭ ᎢᎸᎯᏳ ᏳᏁᏐᎠᏐ ᎢᏥᏈᏱ ᎾᎿ ᎠᏰᎵ ᎬᏩᏙᏢᏅᎯ ᏅᏓᎬᏩᏓᎴᏅᏛ.
25
ᏂᎬᎾᏛᏃ ᎦᏙᎯ ᎢᏥᏈᏱ ᎤᏁᏍᏓᎳ ᎤᏅᏂᎲᎩ ᏂᎦᏛ ᏠᎨᏏ ᎠᏁᏙᎯ, ᏴᏫ ᎠᎴ ᎾᏍᏉ ᎦᎾᏝᎢ; ᎠᎴ ᎤᏁᏍᏓᎳ ᏂᎦᎥ ᎦᏄᎸᏒ ᏠᎨᏏ ᎤᏩᏂᎸᎩ, ᎠᎴ ᏕᏡᎬ ᏠᎨᏏ ᏚᏲᏍᏔᏅᎩ.
26
ᎪᏏᏂ ᎤᏩᏒ, ᎾᎿ ᎢᏏᎵ ᏧᏪᏥ ᎠᏁᎲᎢ, ᎥᏝ ᏳᏁᏐᏗᏎᎢ.
27
ᏇᎵᏲᏃ ᎤᏓᏅᏒᎩ, ᎠᎴ ᏫᏚᏯᏅᎲᎩ ᎼᏏ ᎠᎴ ᎡᎳᏂ, ᎠᎴ ᎯᎠ ᏂᏚᏪᏎᎸᎩ, ᏥᏍᎦᏅᎩ ᎪᎯ; ᏱᎰᏩ ᎾᏍᎦᏅᎾ, ᎠᏴᏃ ᎠᎴ ᏗᏆᏤᎵ ᏴᏫ ᎣᏥᏍᎦᎾᎢ.
28
ᎿᏉ ᏰᎵᏉ, ᎯᏔᏲᏏ ᏱᎰᏩ, ᎾᏍᎩᏉ ᎢᎦᎢ ᎤᏣᏘ ᎤᏴᏓᏆᎶᏍᏗᏱ ᎠᎴ ᎤᏁᏐᎠᎯᏍᏗᏱ; ᏙᏓᏨᏲᏏᏃ, ᎠᎴ ᎥᏝ ᎤᏟ ᎢᎪᎯᏛ ᏴᎨᏤᏓ.
29
ᎼᏏᏃ ᎯᎠ ᏄᏪᏎᎸᎩ; ᏥᏄᎪᏨᏉ ᎦᏚᎲᎢ. ᏗᏉᏰᏂ ᏱᎰᏩ ᎢᏗᏢ ᏫᏛᏓᏥᏌᎳᏙᏔᏂ; ᎠᏴᏓᏆᎶᏍᎬᏃ ᏛᏑᎵᎪᏥ, ᎥᏝ ᎠᎴ ᎿᏉ ᎤᏁᏐᎠᎯᏍᏗ ᏱᎨᏎᏍᏗ; ᎾᏍᎩ ᏣᎦᏙᎥᎯᏍᏗᏱ ᎡᎶᎯ ᏱᎰᏩ ᎤᏤᎵᎦ ᎨᏒᎢ.
30
ᏂᎯᏍᎩᏂ ᎨᏒᎢ, ᎠᎴ ᏗᏣᏤᎵ ᏘᏅᏏᏓᏍᏗ, ᏥᎦᏔᎭ ᎠᏏᏉ ᎡᏥᎾᏰᎢᏍᏗ ᏂᎨᏒᎾ ᎨᏒ ᏱᎰᏩ ᎤᏁᎳᏅᎯ.
31
ᏙᎴᏛ ᎠᎴ ᎤᏣᎴᏍᏗᎢᏳᏍᏗ ᎤᏲᏍᏔᏅᎩ; ᎤᏣᎴᏍᏗᏰᏃᎢᏳᏍᏗ ᎤᏥᏣᏔᏅᎯ ᎨᏒᎩ, ᏙᎴᏛᏃ ᎿᏉ ᎤᎦᏔᏛᎩ.
32
ᎤᏣᎴᏍᏗᏍᎩᏂ ᎠᎴ ᎤᏣᎴᏍᏗ ᎤᏰᎸᎭ ᎥᏝ ᏳᏲᏤᎢ, ᎥᏝᏰᏃ ᎤᏛᏏᏌᏛ ᏱᎨᏎᎢ.
33
ᎼᏏᏃ ᎤᏄᎪᏨᎩ ᎦᏚᎲ ᏇᎵᏲ ᎤᏓᏅᎡᎸᎩ, ᎠᎴ ᏧᏬᏰᏂ ᏱᎰᏩ ᎢᏗᏢ ᏚᏌᎳᏙᏔᏅᎩ; ᎠᏴᏓᏆᎶᏍᎬᏃ ᎠᎴ ᎦᏁᏐᎠᏍᎬ ᎤᏑᎵᎪᏨᎩ, ᎠᎴ ᎥᏝ ᎠᎦᏍᎬ ᏴᏧᏪᏐᏅᏰ ᎦᏙᎯ.
3Ꮞ
ᏊᎵᏲᏃ ᎤᏙᎴᎰᏒ ᎠᎦᏍᎬ ᎠᎴ ᎦᏁᏐᎠᏍᎬ ᎠᎴ ᎠᏴᏓᏆᎶᏍᎬ ᎤᏑᎵᎪᏨᎢ, ᎠᏏᏉ ᎤᏍᎦᏅᏨᏩᎩ, ᎠᎴ ᎤᏍᏓᏱᏛ ᎤᎾᏫ, ᎤᏩᏒ ᎠᎴ ᏧᏅᏏᏓᏍᏗ.
35
ᏇᎵᏲᏃ ᎤᎾᏫ ᎤᏍᏓᏲᏒᎩ, ᎥᏝ ᎠᎴ ᏱᏚᏲᏎ ᎢᏏᎵ ᏧᏪᏥ; ᎾᏍᎩᏯ ᏄᏪᏒ ᏱᎰᏩ ᎼᏏ ᎬᏂᎨᏒ ᏄᏩᏁᎸᎢ.
Ayadolvi 9
1
yihowano hia nuweselvgi mosi, queliyo wilutsi, ale hia winiwesi, hia nigaweha yihowa unelanvhi anitetlulu unatseliga digiyohi diquatseli yvwi, nasgi gohusdi gvquadvnediyi
2
iyuyeno itsageyunv digiyohisdiyi, ale asiquo doginiyvsesdi,
3
gvniyuquo, yigvwa dodvsitadi ditsatseli ganatlai tlogesi anehi, soquili, dinilianvhidv soquili, gemili, waga, ale awi; utsati usdusedi vyugi dayuniyeilideli
4
ale yihowa dodvdadaletani ganatlai isili tsunatseliga, ale ganatlai itsiqui tsunatseliga; ale vtla gohusdi yvdagaliwotsi tsinigav isili tsunatseliga
5
yihowano uselvgi iyuquo gesvi hia nuwesvgi, ugitsvnvquo yihowa nasgi hia nvdvdvneli ani gadohi.
6
yihowano nasgi nudvnelvgi wugitsvnv, ale nigadv ganatlai itsiquiyi ehi uliwotsvgi; ganatlaisgini isili tsuwetsi tsunatseliga vtla saquo yuliwotsei.
7
queliyono udanvsvgi, ale gvniyuquo vtla saquo unv ganatlai isili tsunatseli uliwotsvhi yigesei queliyono unawi usdayosvgi, ale vtla yiduyose nasgi yvwi
8
yihowano mosi ale elani hia niduweselvgi; wisdigi gosdu asigilanvhi talugisgigvnawododiyi, mosino wudesvha galvladi iditlv queliyo dakanvi
9
unohuyolino gosdu iyulisdodi gesesdi nigvnadv gadohi itsiquiyi, ale duyasdi iyulisdodi gesesdi degvwanatlvvsgesdi yvwi, ale ganatlai, nigvnadv gadohi itsitluyi
10
gosduno talugisgigvnawododiyi agidv uniyvsvgi, ale queliyo igvyitlv dunalenelvgi; mosino galvladi iditlv wudinvgi:; duyasdino nulistanvgi nasgi degvwanatlvvsgvgi yvwi ale ganatlai
11
dinadonisgino vtla yeli mosi uwolv igvyiditlv gvwanalenedi yigesei duyasdi degvwanatlv iyusdi; dinadonisgiyeno ale nigadv itsiquiyi anehi duyasdi degvwanaovgi
12
yihowano usdayidelvgi queliyo unawi, ale vtla yidudvdasdanelei: nasgiya yihowa nuweselv mosi
13
yihowano hia nuweselvgi mosi, sunale hadidvhvha ale queliyo wilutselvha, ale hia niweselvha, hia nigaweha yihowa unelanvhi anitlulu unatseliga, diquatseli yvwi digiyohi, nasgi gohusdi gvquadvnediyi
14
gohiyeno gesvi dagadanvsi tsalutsediyi tsanawiyi nigadiyu aquatseli udeyadodi, ale unilutsediyi tinvsidasdi ale ditsatseli yvwi; nasgi tsadolehohisdayi gilo nehvna gesv ayv naquasdv nasgiya elohi nigvnadvi
15
gohiyeno gesv datsisaladani aquoyeni nasgi nihi ale ditsatseli yvwi vyugi itsvyvnisdodiyi; ale tsalidvdodi gesesdi elohi.
16
ale udohiyuhi nasgi hia nvdigalisdoiha tsigvsaladanv, nihi gvyvdisgv aginanugowisdiyi aqualinigvgvi; ale daquadov nigvnadv elohi uninohediyi
17
asiquosgo dehalehvsga dehatludiha diquatseli yvwi, nasgi vtla yohiyuhvsga digiyohisdiyilv
18
gvniyuquo ugitsvnv gohi tsinikala nikalesdi datsiganotani ale utsati usgasedi daganesoasi, nasgi vtla ilvhiyu yinulistano itsiqui gvwadotlvnvhi gohi iyasdi
19
ka hadanvli wititlisa ditsatseli ganatlai, ale nigadv tlogesi tsanavi; nanivyeno yvwi ale ganatlai tlogesi anedohesdi ale adanelv nidigatlisanvna unesdala unvnisdi gesesdi, ale tsuniliwoisdi gesesdi
20
nasgino queliyo tsunvsidasdi yihowa kanegv aninayesgi, dadanelv widuniyvtanvgi tsuninvsidasdi ale ganatlai tsunatseliga
21
nano nasgi nulvquotanvna yihowa unetsvi, duwekahiyvgi tlogesi tsunvsidasdi ale tsutseli ganatlai.
22
yihowano hia nuweselvgi mosi, hisaladvga tsoyeni galvloi iditlv, nasgi unesoisdiyi itsiquiyi gadohi nigvnadvi, uwanisdiyi yvwi, ale ganatlai, ale nigav ganulvsvi tlogesi ehi, nigvnadv gadohi itsiquiyi
23
mosino usaladanvgi udolanvsdi galvladi iditlv, yihowano dayunvsvgi ayvdaqualosgi ale unesdala, atsilvno gadohi uwedolvgi; yihowano nuwanisanv unesoasvgi itsitluyi gadohi
24
nasgino unesoasvgi ale atsilv udasuyvgi ganesoasgvi, utsati unayehisdi nasgiya tla ilvhiyu yunesoaso itsiquiyi nahna ayeli gvwadotlvnvhi nvdagvwadalenvdv
25
nigvnadvno gadohi itsiquiyi unesdala unvnihvgi nigadv tlogesi anedohi, yvwi ale nasquo ganatlai; ale unesdala nigav ganulvsv tlogesi uwanilvgi, ale detlugv tlogesi duyostanvgi
26
gosini uwasv, nahna isili tsuwetsi anehvi, vtla yunesodisei
27
queliyono udanvsvgi, ale widuyanvhvgi mosi ale elani, ale hia niduweselvgi, tsisganvgi gohi; yihowa nasganvna, ayvno ale diquatseli yvwi otsisganai.
28
hnaquo yeliquo, hitayosi yihowa, nasgiquo igai utsati uyvdaqualosdiyi ale unesoahisdiyi; dodatsvyosino, ale vtla utli igohidv yvgetseda.
29
mosino hia nuweselvgi; tsinugotsvquo gaduhvi diquoyeni yihowa iditlv widvdatsisaladotani; ayvdaqualosgvno dvsuligotsi, vtla ale hnaquo unesoahisdi yigesesdi; nasgi tsagadovhisdiyi elohi yihowa utseliga gesvi
30
nihisgini gesvi, ale ditsatseli tinvsidasdi, tsigataha asiquo etsinayeisdi nigesvna gesv yihowa unelanvhi
31
doledv ale utsalesdiiyusdi uyostanvgi; utsalesdiyenoiyusdi utsitsatanvhi gesvgi, doledvno hnaquo ugatadvgi
32
utsalesdisgini ale utsalesdi uyelvha vtla yuyotsei, vtlayeno udvsisadv yigesei
33
mosino unugotsvgi gaduhv queliyo udanvelvgi, ale tsuwoyeni yihowa iditlv dusaladotanvgi; ayvdaqualosgvno ale ganesoasgv usuligotsvgi, ale vtla agasgv yvtsuwesonvye gadohi.
34
quuliyono udolehosv agasgv ale ganesoasgv ale ayvdaqualosgv usuligotsvi, asiquo usganvtsvwagi, ale usdayidv unawi, uwasv ale tsunvsidasdi
35
queliyono unawi usdayosvgi, vtla ale yiduyose isili tsuwetsi; nasgiya nuwesv yihowa mosi gvnigesv nuwanelvi