Genesis 11
THIS WORK WAS COMPLETED BASED OFF A COPY OF SCRIPTURES published by Park Hill By Edwin Archer in 1856
Park Hill: Mission Press: Edwin Archer, Printer, 1856. PUBLIC DOMAIN
ᎼᏏ ᎢᎬᏱᏱ ᎤᏬᏪᎳᏅᎯ
mosi igvyiyi uwowelanvhi
First Book of Moses
ᏗᏓᎴᏂᏍᎬᎢ ᎤᏁᎳᏅᎯ ᏚᏬᏢᏁ ᎦᎸᎶᎢ ᎠᎴ ᎡᎶᎯ
didalenisgvi Unelanvhi duwotlvne galvloi ale elohi
Genesis 11
ᎠᏯᏙᎸᎢ 11
Ayadolvi 11
11:1 And the whole earth was of one language, and of one speech.
11:1 ᎠᎴ ᎡᎳᏂᎬ ᏌᏉᏉ ᎨᏎ ᎠᏂᏬᏂᏍᎬ, ᎠᎴ ᎤᏠᏱᏉ ᎨᏎ ᎠᏂᏁᎬᎢ.
11:1 ale elanigv saquoquo gese aniwonisgv, ale utloyiquo gese aninegvi
11:2 And it came to pass, as they journeyed from the east, that they found a plain in the land of Shinar; and they dwelt there.
11:2 ᎯᎠᏃ ᏄᎵᏍᏔᏁᎢ, ᎾᏍᎩ ᎠᎾᎢᏒ ᏗᎧᎸᎬ ᏅᏓᏳᎾᏂᎩᏛ, ᎤᏬᏓᎸ ᎤᏂᏩᏛᏔᏁᎢ ᎾᎿ ᎦᏙᎯ ᏌᎾ ᏚᏙᎥᎢ; ᎠᎴ ᎾᎿ ᏚᎾᏁᎳᏕᎢ.
11:2 hiano nulistanei, nasgi anaisv dikalvgv nvdayunanigidv, uwodalv uniwadvtanei nahna gadohi sana dudovi; ale nahna dunaneladei
11:3 And they said one to another, Go to, let us make brick, and burn them thoroughly. And they had brick for stone, and slime had they for morter.
11:3 ᎯᎠᏃ ᏂᏚᎾᏓᏪᏎᎴᎢ, Ꭷ, ᏗᏛᏓᏅᎯ ᏗᏙᏢᎾ, ᎠᎴ ᎣᏍᏛ ᏗᏗᏕᏴᏓ. ᏗᏛᏓᏅᎯᏃ ᏅᏯ ᏚᏂᏰᎸᏎᎢ, ᏩᏥᎳᎨᏃ ᏝᏬᏚ ᎤᏂᏰᎸᏎᎢ.
11:3 hiano nidunadaweselei, ka, didvdanvhi didotlvna, ale osdv didideyvda. didvdanvhino nvya duniyelvsei, watsilageno tlawodu uniyelvsei
11:4 And they said, Go to, let us build us a city and a tower, whose top may reach unto heaven; and let us make us a name, lest we be scattered abroad upon the face of the whole earth.
11:4 ᎯᎠᏃ ᏄᏂᏪᏎᎢ, Ꭷ, ᎢᏗᏚᎲᎦ, ᎠᎴ ᎢᏅ ᎢᎦᏘ ᎢᏓᏐᏯᎦ, ᎠᎴ ᎾᏍᎩ ᎤᏍᎪᎵ ᎦᎸᎳᏗ ᏫᎦᏃᏠᏨᎭ; ᎠᎴ ᏗᎦᏙᏍᏙᏗ ᎢᏙᏢᎾ, ᎡᎶᎯᏰᏃ ᏂᎬᎾᏛ ᏱᏓᏗᎦᎴᏲᎩ.
11:4 hiano nuniwesei, ka, ididuhvga, ale inv igati idasoyaga, ale nasgi usgoli galvladi wiganotlotsvha; ale digadosdodi idotlvna, elohiyeno nigvnadv yidadigaleyogi.
11:5 And the Lord came down to see the city and the tower, which the children of men builded.
11:5 ᏱᎰᏩᏃ ᎤᏠᎠᏏᎴ ᎤᎦᏔᏂᎴ ᎦᏚᎲ ᎠᎴ ᎢᏅ ᎢᎦᏘ ᎤᎾᏐᏴᎢ, ᎾᏍᎩ ᏴᏫ ᏧᏁᏥ ᏧᎾᏐᏲᎴᎢ.
11:5 yihowano utloasile ugatanile gaduhv ale inv igati unasoyvi, nasgi yvwi tsunetsi tsunasoyolei
11:6 And the Lord said, Behold, the people is one, and they have all one language; and this they begin to do: and now nothing will be restrained from them, which they have imagined to do.
11:6 ᏱᏩᏃ ᎯᎠ ᏄᏪᏎᎢ, ᎬᏂᏳᏉ, ᎯᎠ ᏴᏫ ᎤᏂᏠᏱᏉ, ᎠᎴ ᏂᎦᏗᏳ ᎤᏠᏱᏉ ᎠᏂᏬᏂᏍᎬᎢ; ᎠᎴ ᎯᎠ ᎾᏍᎩ ᎤᎾᎴᏅᎭ ᎾᎾᏛᏁᎭ; ᎠᎴ ᎥᏝ ᎿᏉ ᎪᎱᏍᏗ ᎬᏩᏂᏲᏍᏙᏓᏁᏗ ᏱᎨᏎᏍᏗ, ᎾᏍᎩ ᏧᎾᏓᎰᏅᏖᎸ ᎢᏳᎾᏛᏁᏗᏱ.
11:6 yihowano hia nuwesei, gvniyuquo, hia yvwi unitloyiquo, ale nigadiyu utloyiquo aniwonisgvi; ale hia nasgi unalenvha nanadvneha; ale vtla hnaquo gohusdi gvwaniyosdodanedi yigesesdi, nasgi tsunadanvtelv iyunadvnediyi.
11:7 Go to, let us go down, and there confound their language, that they may not understand one another's speech.
11:7 Ꭷ, ᎢᏓᏠᎠᎯ, ᎠᎴ ᎾᎿ ᏧᏓᎴᏅᏛ ᏫᏂᎨᏛᏂᏏ ᎠᏂᏬᏂᏍᎬᎢ, ᎾᏍᎩ ᏧᎾᏙᎵᏤᏗᏱ ᏂᎨᏒᎾ ᏓᎾᎵᏃᎮᏍᎬᎢ.
11:7 ka, idatloahi, ale nahna tsudalenvdv winigedvnisi aniwonisgvi, nasgi tsunadolitsediyi nigesvna danalinohesgvi.
11:8 So the Lord scattered them abroad from thence upon the face of all the earth: and they left off to build the city.
11:8 ᎾᏍᎩᏃ ᏱᎰᏩ ᏚᏗᎦᎴᏰ ᎡᎶᎯ ᏂᎬᎾᏛ ᎾᎿ ᎤᎾᏓᎴᏁᎢ; ᎠᎴ ᎤᏂᏑᎵᎪᏤ ᎠᏂᏚᎲᏍᎪᎢ.
11:8 nasgino yihowa dudigaleye elohi nigvnadv nahna unadalenei; ale unisuligotse aniduhvsgoi
11:9 Therefore is the name of it called Babel; because the Lord did there confound the language of all the earth: and from thence did the Lord scatter them abroad upon the face of all the earth.
11:9 ᎾᏍᎩ ᎢᏳᏍᏗ ᏓᏓᎶᏂ ᏚᏙᎡᎢ; ᎤᏗᎦᎵᏍᏙᏗᏍᎨ ᏱᎰᏩ ᎾᎿ ᏧᏓᎴᏅᏛ ᏂᏚᏩᏁᎸ ᎡᎳᏂᎬ ᏓᏂᏬᏂᏍᎬᎢ; ᎠᎴ ᎾᎿ ᎤᎾᏓᎴᏅ ᏱᎰᏩ ᏚᏗᎦᎴᏴ ᎡᎶᎯ ᏂᎬᎾᏛᎢ.
11:9 nasgi iyusdi dadaloni dudoei; udigalisdodisge yihowa nahna tsudalenvdv niduwanelv elanigv daniwonisgvi; ale nahna unadalenv yihowa dudigaleyv elohi nigvnadvi.
11:10 These are the generations of Shem: Shem was an hundred years old, and begat Arphaxad two years after the flood:
11:10 ᎯᎠ ᎾᏍᎩ ᏎᎻ ᏧᏁᏢᏔᏅᏛ ᎨᏒᎢ; ᏎᎻ ᎠᏍᎪᎯᏧᏈ ᎢᏳᏕᏘᏴᏛ ᎨᏎᎢ, ᎿᏉ ᎠᏆᏣ ᎤᏕᏁᎴᎢ, ᏔᎵ ᏫᏄᏕᏘᏴᎲ ᎣᏂ ᎠᎹᏱᎭ ᏥᏄᎵᏍᏔᏁᎢ;
11:10 hia nasgi semi tsunetlvtanvdv gesvi; semi asgohitsuqui iyudetiyvdv gesei, hnaquo aquatsa udenelei, tali winudetiyvhv oni amayiha tsinulistanei;
11:11 And Shem lived after he begat Arphaxad five hundred years, and begat sons and daughters.
11:11 ᏎᎻᏃ ᎠᏆᏣ ᎤᏕᏁᎸ ᎠᏏ ᎣᏂ ᎯᏍᎩᏧᏈ ᏧᏕᏘᏴᏛ ᎤᎴᏂᏙᎴᎢ, ᎠᎴ ᏧᏪᏥ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:11 semino aquatsa udenelv asi oni hisgitsuqui tsudetiyvdv ulenidolei, ale tsuwetsi anisgaya ale anigeyv gvwadenelei
11:12 And Arphaxad lived five and thirty years, and begat Salah:
11:12 ᎠᏆᏣᏃ ᏃᎠᏍᎪᎯ ᎯᏍᎩᎦᎵ ᏄᏕᏘᏴᎮ ᏅᎴᏂᏙᎴ ᎿᏉ ᏎᎳ ᎤᏕᏁᎴᎢ.
11:12 aquatsano noasgohi hisgigali nudetiyvhe nvlenidole hnaquo sela udenelei.
11:13 And Arphaxad lived after he begat Salah four hundred and three years, and begat sons and daughters.
11:13 ᎠᏆᏣᏃ ᏎᎳ ᎤᏕᏁᎸ, ᎠᏏ ᎣᏂ ᏅᎩᏧᏈ ᏦᎢᏃ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:13 aquatsano sela udenelv, asi oni nvgitsuqui tsoino tsudetiyvdv ulenidolei, tsuwetsino anisgaya ale anigeyv gvwadenelei
11:14 And Salah lived thirty years, and begat Eber:
11:14 ᏎᎳᏃ ᏦᎠᏍᎪᎯ ᏧᏕᏘᏴᏛ ᎤᎴᏂᏙᎴᎢ, ᎿᏉ ᎯᏆ ᎤᏕᏁᎴᎢ.
11:14 selano tsoasgohi tsudetiyvdv ulenidolei, hnaquo hiqua udenelei.
11:15 And Salah lived after he begat Eber four hundred and three years, and begat sons and daughters.
11:15 ᏎᎷᏃ ᎯᏆ ᎤᏕᏁᎸ ᎠᏏ ᎣᏂ ᎬᎩᏧᏈ ᏦᎢᏃ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:15 seluno hiqua udenelv asi oni gvgitsuqui tsoino tsudetiyvdv ulenidolei, tsuwetsino anisgaya ale anigeyv gvwadenelei
11:16 And Eber lived four and thirty years, and begat Peleg:
11:16 ᎯᏆᏃ ᏦᎠᏍᎪᎯ ᏅᎩᎦᎵ ᏧᏕᏘᏴᏛ ᎤᎴᏂᏙᎴᎢ, ᎿᏉ ᏇᎵᎩ ᎤᏕᏁᎴᎢ.
11:16 hiquano tsoasgohi nvgigali tsudetiyvdv ulenidolei, hnaquo queligi udenelei.
11:17 And Eber lived after he begat Peleg four hundred and thirty years, and begat sons and daughters.
11:17 ᎯᏆᏃ ᏇᎵᎩ ᎤᏕᏁᎸ, ᎠᏏ ᎣᏂ ᏅᎩᏧᏈ ᏦᎠᏍᎪᎯ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:17 hiquano queligi udenelv, asi oni nvgitsuqui tsoasgohi tsudetiyvdv ulenidolei, tsuwetsino anisgaya ale anigeyv gvwadenelei
11:18 And Peleg lived thirty years, and begat Reu:
11:18 ᏇᎵᎩᏃ ᏦᎠᏍᎪᎯ ᏧᏕᏘᏴᏛ ᎤᎴᏂᏙᎴᎢ, ᎿᏉ ᎵᏳ ᎤᏕᏁᎴᎢ;
11:18 queligino tsoasgohi tsudetiyvdv ulenidolei, hnaquo liyu udenelei;
11:19 And Peleg lived after he begat Reu two hundred and nine years, and begat sons and daughters.
11:19 ᏇᎵᎩᏃ ᎵᏳ ᎤᏕᏁᎸ, ᎠᏏ ᎣᏂ, ᏔᎵᏧᏈ ᏐᎣᏁᎳᏃ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:19 queligino liyu udenelv, asi oni, talitsuqui soonelano tsudetiyvdv ulenidolei, tsuwetsino anisgaya ale anigeyv gvwadenelei.
11:20 And Reu lived two and thirty years, and begat Serug:
11:20 ᎵᏳᏃ ᏦᎠᏍᎪᎯ ᏔᎵᎦᎵ ᏧᏕᏘᏴᏛ ᎤᎴᏂᏙᎴᎢ, ᎿᏉ ᏎᎳᎩ ᎤᏕᏁᎴᎢ.
11:20 liyuno tsoasgohi taligali tsudetiyvdv ulenidolei, hnaquo selagi udenelei
11:21 And Reu lived after he begat Serug two hundred and seven years, and begat sons and daughters.
11:21 ᎵᏳᏃ ᏎᎳᎩ ᎤᏕᏁᎸ, ᎠᏏ ᎣᏂ ᏔᎵᏧᏈ ᎦᎵᏉᎩᏃ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:21 liyuno selagi udenelv, asi oni talitsuqui galiquogino tsudetiyvdv ulenidolei, tsuwetsino anisgaya ale anigeyv gvwadenelei.
11:22 And Serug lived thirty years, and begat Nahor:
11:22 ᏎᎳᎩᏃ ᏦᎠᏍᎪᎯ ᏧᏕᏘᏴᏛ ᎤᎴᏂᏙᎴᎢ, ᎿᏉ ᏁᎰ ᎤᏕᏁᎴᎢ;
11:22 selagino tsoasgohi tsudetiyvdv ulenidolei, hnaquo neho udenelei;
11:23 And Serug lived after he begat Nahor two hundred years, and begat sons and daughters.
11:23 ᏎᎳᎩᏃ ᏁᎰ ᎤᏕᏁᎸ, ᎠᏏ ᎣᏂ ᏔᎵᏧᏈ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:23 selagino neho udenelv, asi oni talitsuqui tsudetiyvdv ulenidolei, tsuwetsino anisgaya ale anigeyv gvwadenelei
11:24 And Nahor lived nine and twenty years, and begat Terah:
11:24 ᏁᎰᏃ ᏐᎣᏁᎳᏦᏁ ᏧᏕᏘᏴᏛ ᎤᎴᏂᏙᎴᎢ, ᎿᏉ ᏕᎳ ᎤᏕᏁᎴᎢ;
11:24 nehono soonelatsone tsudetiyvdv ulenidolei, hnaquo dela udenelei;
11:25 And Nahor lived after he begat Terah an hundred and nineteen years, and begat sons and daughters.
11:25 ᏁᎰᏃ ᏕᎳ ᎤᏕᏁᎸ, ᎠᏏ ᎣᏂ ᎠᏍᎪᎯᏧᏈ ᏐᎣᏁᎳᏚ ᏧᏕᏘᏴᏛ ᎤᎴᏂᏙᎴᎢ, ᏧᏪᏥᏃ ᎠᏂᏍᎦᏯ ᎠᎴ ᎠᏂᎨᏴ ᎬᏩᏕᏁᎴᎢ.
11:25 nehono dela udenelv, asi oni asgohitsuqui sooneladu tsudetiyvdv ulenidolei, tsuwetsino anisgaya ale anigeyv gvwadenelei
11:26 And Terah lived seventy years, and begat Abram, Nahor, and Haran.
11:26 ᏚᎳᏃ ᎦᎵᏆᏍᎪᎯ ᏧᏕᏘᏴᏛ ᎤᎴᏂᏙᎴᎢ, ᎿᏉ ᎡᏆᎻ, ᏁᎰ, ᎮᎳᏂᏃ ᎬᏩᏕᏁᎴᎢ.
11:26 dulano galiquasgohi tsudetiyvdv ulenidolei, hnaquo equami, neho, helanino gvwadenelei.
11:27 Now these are the generations of Terah: Terah begat Abram, Nahor, and Haran; and Haran begat Lot.
11:27 ᎯᎠᏃ ᎾᏍᎩ ᏕᎳ ᏧᏁᏢᏔᏅᏒᎢ; ᏕᎳ ᎡᏆᎻ, ᏁᎰ, ᎠᎴ ᎮᎳᏂ ᎬᏩᏕᏁᎴᎢ; ᎮᎳᏂᏃ ᎶᏗ ᎤᏕᏁᎴᎢ.
11:27 hiano nasgi dela tsunetlvtanvsvi; dela equami, neho, ale helani gvwadenelei; helanino lodi udenelei
11:28 And Haran died before his father Terah in the land of his nativity, in Ur of the Chaldees.
11:28 ᎮᎳᏂᏃ ᎤᏲᎱᎭ ᎠᎦᏔᎲ ᎤᏙᏓ ᏕᎳ ᎾᎿᏉ ᎤᏕᏅᎢ, ᎥᎵ ᏚᏙᎥ ᎠᏂᎨᎳᏗ ᎤᎾᏤᎵᎪᎯ.
11:28 helanino uyohuha agatahv udoda dela nahnaquo udenvi, vli dudov anigeladi unatseligohi.
11:29 And Abram and Nahor took them wives: the name of Abram's wife was Sarai; and the name of Nahor's wife, Milcah, the daughter of Haran, the father of Milcah, and the father of Iscah.
11:29 ᎡᏆᎻᏃ ᎠᎴ ᏁᎰ ᏚᎾᏕᏒᏁᎢ; ᎡᏆᎻ ᎤᏓᎵᎢ ᏎᎳᏱ ᏚᏙᎡᎢ; ᏁᎰᏃ ᎤᏓᎵᎢ ᎻᎵᎧ ᏚᏙᎡᎢ, ᎮᎳᏂ ᎤᏪᏥ ᎨᏎᎢ, ᎾᏍᎩ ᎮᎳᏂ, ᎻᎵᎧ ᎤᏙᏓ ᎠᎴ ᎢᏍᎧ ᎤᏙᏓ.
11:29 equamino ale neho dunadesvnei; equami udalii selayi dudoei; nehono udalii milika dudoei, helani uwetsi gesei, nasgi helani, milika udoda ale iska udoda
11:30 But Sarai was barren; she had no child.
11:30 ᎠᏎᏃ ᏎᎳᏱ ᏂᏓᎷᎸᎥᏍᎬᎾ ᎨᏎᎢ; ᎥᏝ ᎤᏪᏥ ᏰᎮᎢ.
11:30 aseno selayi nidalulvvsgvna gesei; vtla uwetsi yehei.
11:31 And Terah took Abram his son, and Lot the son of Haran his son's son, and Sarai his daughter in law, his son Abram's wife; and they went forth with them from Ur of the Chaldees, to go into the land of Canaan; and they came unto Haran, and dwelt there.
11:31 ᏕᎳᏃ ᏚᏘᏅᏎ ᎤᏪᏥ ᎡᏆᎻ, ᎠᎴ ᎶᏗ ᎾᏍᎩ ᎮᎳᏂ ᎤᏪᏥ, ᎾᏍᎩᏉ ᎤᏪᏥ ᎤᏪᏥ, ᎠᎴ ᏎᎳᏱ ᎤᏦᎯᏉ, ᎤᏪᏥᏉ ᎡᏆᎻ ᎤᏓᎵᎢ, ᎾᏍᎩᏃ ᎤᎾᏂᎩᏎ ᎥᎵ ᏚᏙᎥ ᎨᎳᏗ ᎤᎾᏤᎵᎪᎯ, ᎨᎾᏂ ᎦᏙᎯ ᏭᏂᎶᎯᏍᏗᏱ, ᎮᎳᏂᏃ ᏭᏂᎷᏤᎢ, ᎠᎴ ᎾᎿ ᎤᎾᏕᏁᎢ.
11:31 delano dutinvse uwetsi equami, ale lodi nasgi helani uwetsi, nasgiquo uwetsi uwetsi, ale selayi utsohiquo, uwetsiquo equami udalii, nasgino unanigise vli dudov geladi unatseligohi, genani gadohi wunilohisdiyi, helanino wunilutsei, ale nahna unadenei
11:32 And the days of Terah were two hundred and five years: and Terah died in Haran.
11:32 ᏚᎳᏃ ᏔᎵᏧᏈ ᎯᏍᎩᏃ ᏧᏕᏘᏴᏛ ᎤᎴᏂᏙᎴᎢ; ᏕᎳᏃ ᎮᎳᏂᏱ ᎤᏲᎱᏎᎢ.
11:32 dulano talitsuqui hisgino tsudetiyvdv ulenidolei; delano helaniyi uyohusei.
King James Version (KJV)
Public Domain
LINKS:
~Old Testament Project > Genesis Resources > Genesis 1 plus Index & PDF > Genesis 2 > Genesis 3 > Genesis 4 > Genesis 5 > Genesis 6 > Genesis 7 > Genesis 8 > Genesis 9 > Genesis 10 > Genesis 11 > Genesis 12 > Genesis 13 > Genesis 14 > Genesis 15 > Genesis 16 > Genesis 17 > Genesis 18 > Genesis 19 > Genesis 20 > Genesis 21 > Genesis 22 > Genesis 23 > Genesis 24 > Genesis 25 > Genesis 26 > Genesis 27 > Genesis 28 > Genesis 29 > Genesis 30 > Genesis 31 > Genesis 32 > Genesis 33 > Genesis 34 > Genesis 35 > Genesis 36 > Genesis 37 > Genesis 38 > Genesis 39 > Genesis 40 > Genesis 41 > Genesis 42 > Genesis 43 > Genesis 44 > Genesis 45 > Genesis 46 > Genesis 47 > Genesis 48 > Genesis 49 > Genesis 50 last chapter