Exodus 26

EXODUS

ᎼᏏ ᏔᎵᏁ ᎤᏬᏪᎳᏅᎯ

Mo-si Ta-li-ne u-wo-we-la-nv-hi

Mosi Taline uwowelanvhi

Exodus 26 King James Version (KJV)

1 Moreover thou shalt make the tabernacle with ten curtains of fine twined linen, and blue, and purple, and scarlet: with cherubims of cunning work shalt thou make them.

2 The length of one curtain shall be eight and twenty cubits, and the breadth of one curtain four cubits: and every one of the curtains shall have one measure.

3 The five curtains shall be coupled together one to another; and other five curtains shall be coupled one to another.

4 And thou shalt make loops of blue upon the edge of the one curtain from the selvedge in the coupling; and likewise shalt thou make in the uttermost edge of another curtain, in the coupling of the second.

5 Fifty loops shalt thou make in the one curtain, and fifty loops shalt thou make in the edge of the curtain that is in the coupling of the second; that the loops may take hold one of another.

6 And thou shalt make fifty taches of gold, and couple the curtains together with the taches: and it shall be one tabernacle.

7 And thou shalt make curtains of goats' hair to be a covering upon the tabernacle: eleven curtains shalt thou make.

8 The length of one curtain shall be thirty cubits, and the breadth of one curtain four cubits: and the eleven curtains shall be all of one measure.

9 And thou shalt couple five curtains by themselves, and six curtains by themselves, and shalt double the sixth curtain in the forefront of the tabernacle.

10 And thou shalt make fifty loops on the edge of the one curtain that is outmost in the coupling, and fifty loops in the edge of the curtain which coupleth the second.

11 And thou shalt make fifty taches of brass, and put the taches into the loops, and couple the tent together, that it may be one.

12 And the remnant that remaineth of the curtains of the tent, the half curtain that remaineth, shall hang over the backside of the tabernacle.

13 And a cubit on the one side, and a cubit on the other side of that which remaineth in the length of the curtains of the tent, it shall hang over the sides of the tabernacle on this side and on that side, to cover it.

14 And thou shalt make a covering for the tent of rams' skins dyed red, and a covering above of badgers' skins.

15 And thou shalt make boards for the tabernacle of shittim wood standing up.

16 Ten cubits shall be the length of a board, and a cubit and a half shall be the breadth of one board.

17 Two tenons shall there be in one board, set in order one against another: thus shalt thou make for all the boards of the tabernacle.

18 And thou shalt make the boards for the tabernacle, twenty boards on the south side southward.

19 And thou shalt make forty sockets of silver under the twenty boards; two sockets under one board for his two tenons, and two sockets under another board for his two tenons.

20 And for the second side of the tabernacle on the north side there shall be twenty boards:

21 And their forty sockets of silver; two sockets under one board, and two sockets under another board.

22 And for the sides of the tabernacle westward thou shalt make six boards.

23 And two boards shalt thou make for the corners of the tabernacle in the two sides.

24 And they shall be coupled together beneath, and they shall be coupled together above the head of it unto one ring: thus shall it be for them both; they shall be for the two corners.

25 And they shall be eight boards, and their sockets of silver, sixteen sockets; two sockets under one board, and two sockets under another board.

26 And thou shalt make bars of shittim wood; five for the boards of the one side of the tabernacle,

27 And five bars for the boards of the other side of the tabernacle, and five bars for the boards of the side of the tabernacle, for the two sides westward.

28 And the middle bar in the midst of the boards shall reach from end to end.

29 And thou shalt overlay the boards with gold, and make their rings of gold for places for the bars: and thou shalt overlay the bars with gold.

30 And thou shalt rear up the tabernacle according to the fashion thereof which was shewed thee in the mount.

31 And thou shalt make a vail of blue, and purple, and scarlet, and fine twined linen of cunning work: with cherubims shall it be made:

32 And thou shalt hang it upon four pillars of shittim wood overlaid with gold: their hooks shall be of gold, upon the four sockets of silver.

33 And thou shalt hang up the vail under the taches, that thou mayest bring in thither within the vail the ark of the testimony: and the vail shall divide unto you between the holy place and the most holy.

34 And thou shalt put the mercy seat upon the ark of the testimony in the most holy place.

35 And thou shalt set the table without the vail, and the candlestick over against the table on the side of the tabernacle toward the south: and thou shalt put the table on the north side.

36 And thou shalt make an hanging for the door of the tent, of blue, and purple, and scarlet, and fine twined linen, wrought with needlework.

37 And thou shalt make for the hanging five pillars of shittim wood, and overlay them with gold, and their hooks shall be of gold: and thou shalt cast five sockets of brass for them.

King James Version (KJV)

Public Domain

ᎠᏯᏙᎸᎢ 26

1

ᎠᎴ ᎾᏍᏉ ᎦᎵᏦᏙᏗ ᎰᏢᏅᎭ ᎠᏍᎪᎯ ᏗᏰᏙᎳᏗ ᎠᏄᏬ ᎤᏏᏙᎵ ᎤᏥᎸ ᏗᏏᏓᎵ ᎪᏢᏔᏅᎯ, ᏕᎭᎷᎨ, ᎠᎴ ᎩᎬᎨᎢ, ᎠᎴ ᎤᏍᎪᏍᏛ ᎩᎦᎨᎢ: ᎠᏂᎩᎷᏫ ᎠᎵᏏᎾᎪᎯᏍᏔᏅᎯ ᏗᎦᎸᏫᏍᏔᏁᎸᎯ ᏨᏙᏗᏗᏦᏢᏗ ᎨᏎᏍᏗ.

2

ᏌᏉ ᎠᏰᏙᎳᏛ ᏁᎳᏦᏁ ᎢᏯᎩᏳᏍᏈᏛ ᏂᎦᏅᎯᏎᏍᏗ, ᎠᎴ ᏅᎩ ᎢᏯᎩᏳᏍᏈᏛ ᎾᏯᏛᎡᏍᏗ; ᏂᎦᏛᏃ ᏓᏰᏙᎳᏛ ᎢᏗᎦᎯᏛᎭ ᎨᏎᏍᏗ.

3

ᎯᏍᎩ ᏂᏓᏰᏙᎳᏛ ᏕᏅᎤᎾᏚᏓᏖᏍᏗ; ᏗᏐᎢᏃ ᎯᏍᎩ ᏓᏰᏙᎳᏛ ᏕᎤᎾᏚᏓᏖᏍᏗ.

Ꮞ

ᏧᎾᏓᏕᏍᏗᏱᏃ ᏗᏦᏢᏗ ᎨᏎᏍᏗ ᎠᏍᏛ ᎠᏰᏙᎳᏛᏗᏱ ᏕᎭᎷᎨ ᎠᏍᏘ ᏗᏦᏢᏙᏗ ᎨᏎᏍᏗ, ᎠᏓᎴᏂᏍᎨᏍᏗ ᎠᏍᏛ ᏚᏚᏓᏛᎢ: ᎠᎴ ᎤᏠᏱᏉ ᏗᏦᏢᏗ ᎨᏎᏍᏗ ᎠᏍᏛ ᏔᎵᏁ ᎠᏰᏙᎳᏛ ᏚᎦᏓᏛᎢ.

5

ᎯᏍᎦᏍᎪᎯ ᏗᏦᏢᏗ ᎨᏎᏍᏗ ᏧᏓᏕᏍᏗᏱ ᏌᏉ ᎠᏰᏙᎳᏛᎢ, ᎠᎴ ᎯᏍᎦᏍᎪᎯ ᏧᏓᏕᏍᏗᏱ ᏗᏦᏢᏗ ᎨᏎᏍᏗ ᎠᏍᏛ ᏔᎵᏁ ᎠᏰᏙᎳᏛ ᏚᏚᏓᏛᎢ, ᎾᏍᎩ ᏧᏓᏂᏴᏗᏱ ᏕᎪᏢᏒ ᏧᏓᏕᎯᏍᏗᏱ.

6

ᎠᎴ ᎯᏍᏚᏍᎪᎯ ᏗᏦᏢᏗ ᎨᏎᏍᏗ ᏗᎫᏓᎸᏗᏱ ᎠᏕᎸ ᏓᎶᏂᎨ ᏗᎪᏢᏔᏅᎯ, ᎾᏍᎩᏃ ᏗᎫᏓᎸᏗᏱ ᏕᎭᏚᏙᏔᏅᎭ ᏓᏰᏙᎳᏛᎢ, ᎾᏍᎩᏃ ᏌᏉᏉ ᎨᏎᏍᏗ ᎦᎵᏦᏛᎢ.

7

ᏓᏰᏙᎳᏛᏗᏃ ᎠᏫ ᏗᏂᎭᏄᎸᎯ ᎤᏂᏍᏘᏰᏅᎯ ᏗᏦᏢᏙᏗ ᎨᏎᏍᏗ, ᎾᏍᎩ ᎬᏅᏙᏗ ᎨᏎᏍᏗ ᎦᎵᏦᏛᎢ: ᏌᏚ ᏗᏦᏢᏗ ᎨᏎᏍᏗ ᏗᏰᏙᎳᏛᏗ.

8

ᏌᏉ ᎠᏰᏙᎳᏛ ᏦᎠᏍᎪᎯ ᎢᏯᎩᏳᏍᏈᏛ ᏂᎦᏅᎯᏎᏍᏗ, ᏅᎩᏃ ᎢᏯᎩᏳᏍᏡᏛ ᎾᏯᏛᎡᏍᏗ ᏌᏉ ᎠᏰᏙᎳᏛᎢ: ᏌᏚᏃ ᏂᏓᏰᏙᎳᏛ ᎢᏗᎦᎯᏛᎭ ᎨᏎᏍᏗ.

9

ᎯᏍᎩᏃ ᏓᏕᏙᎳᏛ ᎤᏁᎳᎩ ᏗᎦᏚᏙᏗ ᎨᏎᏍᏗ, ᎠᎴ ᏑᏓᎵ ᏓᏕᏙᏔᏛ ᎤᏁᎳ ᏗᏣᏚᏙᏗ ᎨᏎᏍᏗ, ᏑᏓᎵᏁᏃ ᎠᏰᏙᎳᏛ ᏗᏣᏰᏈᏛᏗ ᎨᏎᏍᏗ ᏭᎦᏛ ᎦᎵᏦᏛᎢ.

10

ᎯᏍᎦᏍᎪᎯᏃ ᏕᎨᏢᎾᎭ. ᏧᏓᏕᏍᏗᏱ ᎠᏍᏛ ᏌᏉ ᎠᏰᏙᎳᏛᎢ ᎾᏍᎩ ᎠᏍᏛ ᎤᏚᏓᏛᏗᏱ, ᎠᎴ ᎯᏍᎦᏍᎪᎯ ᏧᏓᏕᏍᏗᏱ ᎠᏍᏛ ᎠᏰᏙᎳᏛ ᎾᏍᎩ ᏔᎵᏁ ᎤᏚᏓᏛᏗᏱ.

11

ᎠᎴ ᎯᏍᎦᏍᎪᎯ ᏗᏦᏢᏗ ᎨᏎᏍᏗ ᏗᎫᏓᎸᏗᏱ, ᎥᏣᏱ ᏗᏦᏢᏙᏗ ᎨᏎᏍᏗ, ᎾᏍᎩᏃ ᏗᎫᏓᎸᏗᏱ ᏗᏣᏚᏙᏗ ᏧᏓᏕᏍᏗᏱ, ᎠᎴ ᏕᎱᏓᏔᏅᎭ ᎦᎵᏦᏛᎢ, ᎾᏍᎩᏃ ᏌᏉ ᏂᎦᎵᏍᏔᏅᎭ.

12

ᎾᏍᎩᏃ ᎤᎵᏃᎯᏴᎯ ᏗᏰᏙᎳᏛᏗ ᎦᎵᏦᏛᎢ, ᎾᏍᎩ ᎠᏰᎵ ᎢᎦᎢ ᎤᎵᏃᎯᏴᎯ, ᎾᏍᎩ ᎦᎵᏦᏛ ᎣᏂᏗᏢ ᎦᏛᏗ ᎨᏎᏍᏗ.

13

ᎠᎴ ᏌᏉ ᎢᏯᎩᏳᏍᏈᏛ ᏂᎦᏅᎯᏎᏍᏗ ᏌᏉ ᎢᏗᏢ, ᎠᎴ ᏌᏉ ᎢᏯᎩᏳᏍᏈᏛ ᎠᎢᏗᏢ, ᎾᏍᎩ ᏕᏚᏅᎯᏒ ᏧᎵᏃᎯᏴᎯ ᏗᏰᏙᎳᏛᏗ ᎦᎵᏦᏛᎢ, ᏗᏍᏆᎨᏂ ᏫᏗᎦᏖᎳᏕᏍᏗ ᎦᎵᏦᏛᎢ ᎠᏂ ᎢᏗᏢ ᎠᎴ ᏐᎢᏱᎢᏗᏢ, ᎾᏍᎩ ᎫᏢᏙᏗ ᎨᏎᏍᏗ.

1Ꮞ

ᎠᎴ ᏦᏢᏗ ᎨᏎᏍᏗ ᎦᎵᏦᏛ ᎫᏢᏗ, ᎤᏃᏕᎾ ᎦᏁᎦ ᎩᎦᎨ ᏦᏢᏙᏗ ᎨᏎᏍᏗ, ᎦᏚᏃ ᎢᏗᏢ ᎫᏢᏗ ᏓᎭᏏ ᎦᏁᎦ ᏦᏢᏙᏗ ᎨᏎᏍᏗ.

15

ᎠᎴ ᏧᏯᏖᎾ ᎠᏓ-ᎬᎿᎨ ᏗᏦᏢᏙᏗ ᎨᏎᏍᏗ, ᎾᏍᎩ ᎦᎵᏦᏛ ᎪᏢᏗ ᏕᎦᎵᎦᎴᏍᏗ.

16

ᎠᏍᎪᎯ ᎢᏯᎩᏳᏍᏈᏛ ᏂᎦᏅᎯᏎᏍᏗ ᏌᏉ ᎤᏯᏖᎾ, ᏔᎵᏁᏃ ᎠᏰᎵ ᎢᏇᎩᏳᏍᏈᏛ ᎾᏯᏛᎡᏍᏗ ᏌᏉ ᎤᏯᏖᎾ.

17

ᏔᎵ ᏕᎪᏢᏎᏍᏗ ᏗᎫᏍᏙᏍᏗᏱ ᏌᏉ ᏅᏯᏖᏃᎯ, ᏕᎦᎧᎮᏍᏗ ᎣᏍᏛ ᏓᏙᎵᎨᏍᏗ; ᎾᏍᎩ ᎢᏗᏨᏁᏗ ᎨᏎᏍᏗ ᏂᎦᏛ ᏧᏯᏖᎾ ᎦᎵᏦᏙᏙᏗ.

18

ᏧᏯᏖᎾᏃ ᎦᎵᏦᏙᏙᏗ ᏔᎳᏍᎪᎯ ᏗᏦᏢᏗ ᎨᏎᏍᏗ ᏧᎦᎾᏮ ᎢᏗᏢ ᏤᎯ.

19

ᏅᎦᏍᎪᎯᏃ ᏗᏦᏢᏗ ᎨᏎᏍᏗ ᏓᏔᎴᏒ ᎠᏕᎸ ᎤᏁᎬ ᏗᎪᏢᏔᏅᎯ, ᎭᏫᏂᏗᏢ ᏔᎳᏍᎪᎯ ᏧᏯᏖᏃᎯ. ᏔᎵ ᏓᏔᎴᏒ ᏕᎪᏢᏎᏍᏗ ᎭᏫᏂᏗᏢ ᏌᏉ ᎤᏯᏖᏃᎯ ᎾᏍᎩ ᏔᎵ ᏗᎫᏍᏙᏍᏗ ᏗᏠᏍᎩ, ᎠᎴ ᏔᎵ ᏓᏔᎴᏒᎭᏫᏂᏗᏢ ᏐᎢᏱ ᎤᏯᏖᏃᎯ ᎾᏍᎩ ᏗᏠᏍᎩ ᏔᎵ ᏗᎫᏍᏙᏍᏗ.

20

ᏔᎵᏁᏃ ᎠᏍᏆᎨᏂ ᏫᎨᏒ ᎾᏍᎩ ᎦᎵᏦᏛᎢ ᏧᏴᏢ ᎢᏗᏢ ᏔᎵᏍᎪᎯ ᏂᏕᎬᏁᏍᏗ ᏧᏯᏖᎾ.

21

ᎠᎴ ᏅᎦᏍᎪᎯ ᎾᏍᎩ ᏗᏠᏍᎩ ᏓᏔᎴᏒ ᎠᏕᎸ ᎤᏁᎬ ᏗᎪᏢᏔᏅᎯ; ᏔᎵ ᏂᏕᎬᏁᏍᏗ ᏓᏔᎴᏒ ᎭᏫᏂᏗᏢ ᏌᏉ ᎤᏯᏖᏃᎯ, ᎠᎴ ᏔᎵ ᏓᏔᎴᏒ ᎭᏫᏂᏗᏢ ᏐᎢᏱ ᎤᏯᏖᏃᎯ.

22

ᏗᏍᏆᎨᏂᏃ ᏭᏕᎵᎬ ᎢᏗᏢ ᎯᎠ ᎾᏍᎩ ᎦᎵᏦᏛᎢ ᏑᏓᎵ ᏗᏦᏢᏗ ᎨᏎᏍᏗ ᏧᏯᏖᎾ.

23

ᎠᎴ ᏔᎵ ᏧᏯᏖᎾ ᏗᏦᏢᏗ ᎨᏎᏍᏗ ᎤᏅᏏᏴ ᏤᎯ ᎯᎠ ᎾᏍᎩ ᎦᎵᏦᏛᎢ ᎢᏧᎳ ᏗᏍᏆᎨᏂ ᎢᏗᏢ ᏤᎯ.

2Ꮞ

ᎾᏍᎩᏃ ᏗᎫᏓᏙᏗ ᎨᏎᏍᏗ ᎡᎳᏗᏢ, ᎠᎴ ᏗᎫᏓᏙᏗ ᎨᏎᏍᏗ ᎤᏍᎪᎵ ᎦᎸᎳᏗ ᎾᏍᎩ ᏌᏉ ᎤᏆᏙᎬᎢ; ᎾᏍᎩ ᎢᏗᎬᏁᏗ ᎨᏎᏍᏗ ᎢᏧᎳ; ᎾᏍᎩ ᎯᎠ ᏧᏇᏖᎾ ᎤᏅᏏᏴᏢ ᎢᏧᎳᏗ ᏤᎯ ᎨᏎᏍᏗ.

25

ᎠᎴ ᏧᏁᎳ ᏂᎦᎡᏍᏗ ᏧᏯᏖᎾ: ᏓᏔᎴᏒᏃ ᎠᏕᎸ ᎤᏁᎬ ᏗᎪᏢᏔᏅᎯ ᏓᎳᏚ ᏂᎦᎡᏍᏗ; ᏔᎵ ᏓᏔᎴᏒ ᏂᏕᎬᏁᏍᏗ ᏌᏉ ᎤᏯᏖᏃᎯ ᎭᏫᏂᏗᏢ, ᎠᎴ ᏔᎵ ᏓᏔᎴᏒ ᎭᏫᏂᏗᏢ ᏅᏩᏓᎴ ᎤᏯᏖᏃᎯ.

26

ᏗᏍᏆᎾᎳᏗᏍᏗᏃ ᎠᏓ-ᎬᎿᎨ ᏗᏦᏢᏙᏗ ᎨᏎᏍᏗ; ᎯᏍᎩ ᏓᏞᏍᏗ ᏧᏯᏖᏃᎯ ᏌᏉ ᎠᏍᏆᎨᏂ ᎢᏗᏢ ᎦᎵᏦᏛᎢ:

27

ᎠᎴ ᎯᏍᎩ ᏗᏍᏆᎾᎳᏗᏍᏗ ᏓᏞᏍᏗ ᏧᏯᏖᏃᎯ ᏐᎢᏗᏢ ᎠᏍᏆᎨᏂ ᎦᎵᏦᏛᎢ, ᎠᎴ ᎯᏍᎩ ᏗᏍᏆᎾᎳᏗᏍᏗ ᏓᏞᏍᏗ ᏧᏯᏖᏃᎯ . ᎦᎵᏦᏛ ᎠᏍᏆᎨᏂ ᏭᏕᎵᎬ ᎢᏗᏢ.

28

ᎠᏰᎵ ᎡᎯ ᎠᏍᏆᎾᎳᏗᏍᏗ ᏧᏯᏖᏃᎯ ᎠᏰᎵ ᏓᏢᎢ ᏂᎦᏅᎯᏒ ᎠᏞᏍᏗ.

29 ᎠᎴ ᏧᏯᏖᎾ ᎠᏕᎸ ᏓᎶᏂᎨ ᏗᏧᏢᏙᏗ ᎨᏎᏍᏗ, ᎠᎴ ᎫᏓᏆᏙᎩ ᎠᏕᎸ ᏓᎶᏂᎨ ᏗᏦᏢᏙᏗ ᎨᏎᏍᏗ ᎾᎿ ᏗᏍᏆᎾᎳᏗᏍᏗ ᏗᎦᏙᏌᏗᏍᏗᏱ; ᎠᎴ ᎠᏕᎸ. ᏓᎶᏂᎨ ᏗᏧᏢᏙᏗ ᎨᏎᏍᏗ ᏗᏍᏆᎾᎳᏗᏍᏗ.

30

ᎠᎴ ᏣᎪᏗ ᎨᏎᏍᏗ ᎦᎵᏦᏙᏙᏗ ᎾᏍᎩᏯ ᏗᏟᎶᏍᎳᏅᎯ. ᏤᏣᎾᏄᎪᏫᏎᎸ ᎣᏓᎸᎢ.

31

ᎠᎴ ᎠᏰᏙᎳᏛᏗ ᏦᏢᏗ ᎨᏎᏍᏗ, ᏕᎭᎷᎨ ᎠᏄᏬ ᎠᎴ ᎩᎦᎨ, ᎠᎴ ᎤᏍᎪᏍᏛ ᎩᎦᎨᎢ, ᎠᎴ ᎤᏏᏙᎵ ᏗᏏᏓᎵ ᎤᏥᎸᎢ, ᎠᎵᏏᎾᎯᏍᏔᏅᎯ. ᏗᎦᎸᏫᏍᏓᏁᎸᎯ ᎨᏎᏍᏗ, ᎠᎴ ᎾᎿᏂ ᎠᏂᎩᎷᏫ ᏕᎪᏢᏎᏍᏗ.

32

ᎠᎴ ᏣᏛᏗ ᎨᏎᏍᏗ ᏅᎩ ᏕᎨᏛ ᏗᎦᎫᏍᏛᏗ, ᎠᏓ-ᎬᎿᎨ ᏗᎪᏢᏔᏅᎯ, ᎠᏕᎸ ᏓᎶᏂᎨ ᏗᎫᏢᏔᏅᎯ; ᏗᎦᏙᏌᏗᏍᏗᏱ ᎠᏕᎸ ᏓᎶᏂᎨ ᏗᎪᏢᏔᏅᎯ ᎨᏎᏍᏗ, ᏅᎩ ᏓᏔᎴᏒ ᎠᏕᎸ ᎤᏁᎬ ᏗᎪᏢᏔᏅᎯ ᎾᎿᏕᎫᏍᏙᎨᏍᏗ.

33

ᎠᎴ ᏣᏛᏗ ᎨᏎᏍᏗ ᎠᏰᏙᎳᏛᏗ ᏗᎫᏓᎸᏗᏱ ᎭᏫᏂᏗᏢ, ᎾᏍᎩ ᎾᎿ ᏣᏴᏔᏂᎯᏍᏗᏱ ᎠᏰᏙᎳᏛ ᎭᏫᏂᏗᏢ ᎦᏁᏌᎢ ᏗᎧᎿᏩᏛᏍᏗ ᏗᎦᎶᏗ; ᎠᏰᏙᎳᏛᏃ ᎢᏣᏓᏓᎴᏓᏁᎮᏍᏗ ᎦᎸᏉᏗᏳ ᎨᏒ ᎠᎴ ᏅᏟ ᎢᎦᎸᏉᏗᎨᏒᎢ.

3Ꮞ

ᎫᏢᏗᏃ ᎯᏝᏛᎭ ᎦᏁᏌᎢᎯ ᏗᎧᎿᏩᏛᏍᏗ ᏗᎦᎶᏗᏱ, ᎾᎿ ᎤᏟ ᎢᎦᎸᏉᏗ ᎨᏒᎢ.

35

ᎦᏍᎩᎶᏃ ᎠᏰᏙᏛ ᏙᏱᏗᏢ ᏣᏍᎩᎳᏗᏍᏗ ᎨᏎᏍᏗ, ᎠᏨᏍᏙᏗᏃ ᏗᎦᎪᏗᏱ ᎦᏍᎩᎸ ᏧᏳᎪᏗ ᎠᏍᏆᎨᏂ ᎦᎵᏦᏛ ᏧᎦᎾᏮ ᎢᏗᏢ ᏣᎪᏗ ᎨᏎᏍᏗ; ᎦᏍᎩᎶᏃ ᏧᏴᏢ ᎢᏗᏢ ᏣᏍᎩᎳᏗᏍᏗ ᎨᏎᏍᏗ.

36

ᎠᎴ ᏦᏢᏗ ᎨᏎᏍᏗ ᎠᏰᏙᎳᏛᏗ ᎠᏍᏚᏗ ᎦᎵᏦᏛ ᎦᎶᎯᏍᏗᏱ, ᏕᎭᎷᎨᎢ, ᎠᎴ ᎩᎦᎨᎢ, ᎠᎴ ᎤᏍᎪᏍᏛ ᎩᎦᎨ ᎨᏎᏍᏗ, ᎠᎴ ᎤᏏᏙᎵ ᏗᏏᏓᎵ ᎤᏥᎸᎢ, ᎪᏪᎳᏅᎯ ᏴᎩ ᎦᏰᏫᏍᏗ ᎬᏔᏅᎯ.

37

ᎠᎴ ᏗᏰᏙᎳᏛᏗᏱ ᏗᏦᏢᏗ ᎨᏎᏍᏗ ᎯᏍᎩ ᏗᎦᎫᏍᏛᏗ ᎠᏓ-ᎬᎿᎨ ᏗᎪᏢᏔᏅᎯ, ᎠᎴ ᎠᏕᎸ ᏓᎶᏂᎨ ᏕᎱᏢᏔᏅᎭ, ᎠᎴ ᏗᎦᏙᏌᏗᏍᏗᏱ ᎠᏕᎸ ᏓᎶᏂᎨ ᏗᎪᏢᏔᏅᎯ ᎨᏎᏍᏗ; ᎠᎴ ᎯᏍᎩ ᏓᏔᎴᏒ ᎥᏣᏱᎬᎾᏬᏔᏅᎯ ᏗᏦᏢᏙᏗ ᎨᏎᏍᏗ ᏗᎦᎫᏍᏛᏗ ᏗᎫᏍᏙᏍᏗᏱ,

Ayadolvi 26

1

ale nasquo galitsododi hotlvnvha asgohi diyedoladi anuwo usidoli utsilv disidali gotlvtanvhi, dehaluge, ale gigvgei, ale usgosdv gigagei:anigiluwi alisinagohistanvhi digalvwistanelvhi tsvdodi ditsotlvdi gesesdi

2

saquo ayedoladv nelatsone iyagiyusquidv niganvhisesdi, ale nvgi iyagiyusquidv nayadvesdi; nigadvno dayedoladv idigahidvha gesesdi

3

hisgi nidayedoladv denvunadudatesdi; disoino hisgi dayedoladv deunadudatesdi

se

tsunadadesdiyino ditsotlvdi gesesdi asdv ayedoladvdiyi dehaluge asti ditsotlvdodi gesesdi, adalenisgesdi asdv dududadvi: ale utloyiquoditsotlvdi gesesdi asdv taline ayedoladv dugadadvi

5

hisgasgohi ditsotlvdi gesesdi tsudadesdiyi saquo ayedoladvi, ale hisgasgohi tsudadesdiyi ditsotlvdi gesesdi asdv taline ayedoladv dududadvi,nasgi tsudaniyvdiyi degotlvsv tsudadehisdiyi

6

ale hisdusgohi ditsotlvdi gesesdi digudalvdiyi adelv dalonige digotlvtanvhi, nasgino digudalvdiyi dehadudotanvha dayedoladvi, nasginosaquoquo gesesdi galitsodvi.

7

dayedoladvdino awi dinihanulvhi unistiyenvhi ditsotlvdodi gesesdi, nasgi gvnvdodi gesesdi galitsodvi: sadu ditsotlvdi gesesdi diyedoladvdi

8

saquo ayedoladv tsoasgohi iyagiyusquidv niganvhisesdi, nvgino iyagiyustludv nayadvesdi saquo ayedoladvi: saduno nidayedoladvidigahidvha gesesdi

9

hisgino dadedoladv unelagi digadudodi gesesdi, ale sudali dadedotadv unela ditsadudodi gesesdi, sudalineno ayedoladv ditsayequidvdigesesdi wugadv galitsodvi

10

hisgasgohino degetlvnaha tsudadesdiyi asdv saquo ayedoladvi nasgi asdv ududadvdiyi, ale hisgasgohi tsudadesdiyi asdv ayedoladv nasgitaline ududadvdiyi

11

ale hisgasgohi ditsotlvdi gesesdi digudalvdiyi, vtsayi ditsotlvdodi gesesdi, nasgino digudalvdiyi ditsadudodi tsudadesdiyi, ale dehudatanvhagalitsodvi, nasgino saquo nigalistanvha.

12

nasgino ulinohiyvhi diyedoladvdi galitsodvi, nasgi ayeli igai ulinohiyvhi, nasgi galitsodv oniditlv gadvdi gesesdi

13

ale saquo iyagiyusquidv niganvhisesdi saquo iditlv, ale saquo iyagiyusquidv aiditlv, nasgi dedunvhisv tsulinohiyvhi diyedoladvdi galitsodvi,disquageni widigateladesdi galitsodvi ani iditlv ale soiyi iditlv, nasgi gutlvdodi gesesdi

1se

ale tsotlvdi gesesdi galitsodv gutlvdi, unodena ganega gigage tsotlvdodi gesesdi, gaduno iditlv gutlvdi dahasi ganega tsotlvdodi gesesdi

15

ale tsuyatena ada-gvhnage ditsotlvdodi gesesdi, nasgi galitsodv gotlvdi degaligalesdi

16

asgohi iyagiyusquidv niganvhisesdi saquo uyatena, talineno ayeli iquegiyusquidv nayadvesdi saquo uyatena

17

tali degotlvsesdi digusdosdiyi saquo nvyatenohi, degakahesdi osdv dadoligesdi; nasgi iditsvnedi gesesdi nigadv tsuyatena galitsodododi.

18

tsuyatenano galitsodododi talasgohi ditsotlvdi gesesdi tsuganawv iditlv tsehi

19

nvgasgohino ditsotlvdi gesesdi datalesv adelv unegv digotlvtanvhi, hawiniditlv talasgohi tsuyatenohi tali datalesv degotlvsesdi hawiniditlvsaquo uyatenohi nasgi tali digusdosdi ditlosgi, ale tali datalesv hawiniditlv soiyi uyatenohi nasgi ditlosgi tali digusdosdi

20

talineno asquageni wigesv nasgi galitsodvi tsuyvtlv iditlv talisgohi nidegvnesdi tsuyatena

21

ale nvgasgohi nasgi ditlosgi datalesv adelv unegv digotlvtanvhi; tali nidegvnesdi datalesv hawiniditlv saquo uyatenohi, ale tali datalesvhawiniditlv soiyi uyatenohi

22

disquagenino wudeligv iditlv hia nasgi galitsodvi sudali ditsotlvdi gesesdi tsuyatena.

23

ale tali tsuyatena ditsotlvdi gesesdi unvsiyv tsehi hia nasgi galitsodvi itsula disquageni iditlv tsehi

2se

nasgino digudadodi gesesdi eladitlv, ale digudadodi gesesdi usgoli galvladi nasgi saquo uquadogvi; nasgi idigvnedi gesesdi itsula; nasgi hiatsuquetena unvsiyvtlv itsuladi tsehi gesesdi

25

ale tsunela nigaesdi tsuyatena: datalesvno adelv unegv digotlvtanvhi daladu nigaesdi; tali datalesv nidegvnesdi saquo uyatenohihawiniditlv, ale tali datalesv hawiniditlv nvwadale uyatenohi

26

disquanaladisdino ada-gvhnage ditsotlvdodi gesesdi; hisgi datlesdi tsuyatenohi saquo asquageni iditlv galitsodvi:

27

ale hisgi disquanaladisdi datlesdi tsuyatenohi soiditlv asquageni galitsodvi, ale hisgi disquanaladisdi datlesdi tsuyatenohi galitsodvasquageni wudeligv iditlv

28

ayeli ehi asquanaladisdi tsuyatenohi ayeli datlvi niganvhisv atlesdi.

29 ale tsuyatena adelv dalonige ditsutlvdodi gesesdi, ale gudaquadogi adelv dalonige ditsotlvdodi gesesdi nahna disquanaladisdidigadosadisdiyi; ale adelv dalonige ditsutlvdodi gesesdi disquanaladisdi

30

ale tsagodi gesesdi galitsodododi nasgiya ditliloslanvhi tsetsananugowiselv odalvi

31

ale ayedoladvdi tsotlvdi gesesdi, dehaluge anuwo ale gigage, ale usgosdv gigagei, ale usidoli disidali utsilvi, alisinahistanvhi digalvwisdanelvhi gesesdi, ale nahnani anigiluwi degotlvsesdi.

32

ale tsadvdi gesesdi nvgi degedv digagusdvdi, ada-gvhnage digotlvtanvhi, adelv dalonige digutlvtanvhi; digadosadisdiyi adelv dalonigedigotlvtanvhi gesesdi, nvgi datalesv adelv unegv digotlvtanvhi nahna degusdogesdi

33

ale tsadvdi gesesdi ayedoladvdi digudalvdiyi hawiniditlv, nasgi nahna tsayvtanihisdiyi ayedoladv hawiniditlv ganesai dikahnawadvsdidigalodi; ayedoladvno itsadadaledanehesdi galvquodiyu gesv ale nvtli igalvquodi gesvi

3se

gutlvdino hitladvha ganesaihi dikahnawadvsdi digalodiyi, nahna utli igalvquodi gesvi

35

gasgilono ayedodv doyiditlv tsasgiladisdi gesesdi, atsvsdodino digagodiyi gasgilv tsuyugodi asquageni galitsodv tsuganawv iditlv tsagodigesesdi; gasgilono tsuyvtlv iditlv tsasgiladisdi gesesdi

36

ale tsotlvdi gesesdi ayedoladvdi asdudi galitsodv galohisdiyi, dehalugei, ale gigagei, ale usgosdv gigage gesesdi, ale usidoli disidali utsilvi,gowelanvhi yvgi gayewisdi gvtanvhi

37

ale diyedoladvdiyi ditsotlvdi gesesdi hisgi digagusdvdi ada-gvhnage digotlvtanvhi, ale adelv dalonige dehutlvtanvha, ale digadosadisdiyiadelv dalonige digotlvtanvhi gesesdi; ale hisgi datalesv vtsayi gvnawotanvhi ditsotlvdodi gesesdi digagusdvdi digusdosdiyi.