Exodus 23
EXODUS
ᎼᏏ ᏔᎵᏁ ᎤᏬᏪᎳᏅᎯ
Mo-si Ta-li-ne u-wo-we-la-nv-hi
Mosi Taline uwowelanvhi
Exodus 23:1-33 King James Version (KJV)
ᎠᏯᏙᎸᎢ 23:1-33
Ayadolvi 23:1-33
Exodus 23:1
Thou shalt not raise a false report: put not thine hand with the wicked to be an unrighteous witness.
ᎠᏯᏙᎸᎢ 23:1
ᏞᏍᏗ ᎦᏰᎪᎩ ᎧᏃᎮᏛ ᏣᏃᎮᎸᎩ; ᏞᏍᏗ ᎠᏍᎦᎾ ᎯᏯᎵᎪᏁᎸᎩ, ᏂᏚᏳᎪᏛᎾ ᎯᏃᎮᏍᎩ ᎢᏣᎵᏍᏙᏗᏱ.
Ayadolvi 23:1
tlesdi gayegogi kanohedv tsanohelvgi; tlesdi asgana hiyaligonelvgi, niduyugodvna hinohesgi itsalisdodiyi
Exodus 23:2
Thou shalt not follow a multitude to do evil; neither shalt thou speak in a cause to decline after many to wrest judgment:
ᎠᏯᏙᎸᎢ 23:2
ᏞᏍᏗ ᎤᏂᏣᏘ ᏘᏍᏓᏩᏛᏒᎩ ᎤᏲ ᏗᏣᎸᏫᏍᏓᏁᏗᏱ; ᏞᏍᏗ ᎠᎴ ᎯᏬᏂᏍᎬ ᏣᎪᎸᏒᎩ ᏘᏍᏓᏩᏛᏒᎩ ᎤᏂᏣᏘ ᏗᎫᎪᏙᏗᏱ ᎯᏲᏍᏙᏗᏍᎬᎢ.
Ayadolvi 23:2
tlesdi unitsati tisdawadvsvgi uyo ditsalvwisdanediyi; tlesdi ale hiwonisgv tsagolvsvgi tisdawadvsvgi unitsati digugododiyi hiyosdodisgvi
Exodus 23:3
Neither shalt thou countenance a poor man in his cause.
ᎠᏯᏙᎸᎢ 23:3
ᏞᏍᏗ ᎠᎴ ᎤᏲ ᎢᏳᏛᎿᏕᎩ ᎠᏍᎦᏯ ᎯᎸᏉᏔᏅᎩ ᏄᏍᏛ ᎠᏓᏰᎢᎵ ᏙᎲᎢ.
Ayadolvi 23:3
tlesdi ale uyo iyudvhnadegi asgaya hilvquotanvgi nusdv adayeili dohvi
Exodus 23:4
If thou meet thine enemy's ox or his ass going astray, thou shalt surely bring it back to him again.
ᎠᏯᏙᎸᎢ 23:Ꮞ
ᎢᏳᏃ ᏣᏍᎦᎩ ᎤᏤᎵ ᏩᎦ ᎠᎴ ᏐᏈᎵ-ᏗᎦᎵᎠᏅᎯᏛ ᎤᎵᏘᏏᏗᏒ ᏱᏗᏯᏠᏒ, ᎠᏎ ᎯᏯᏘᏃᎮᏗ ᎢᎨᏎᏍᏗ.
Ayadolvi 23:4
iyuno tsasgagi utseli waga ale digalianvhidv ulitisidisv yidiyatlosv, ase hiyatinohedi igesesdi
Exodus 23:5
If thou see the ass of him that hateth thee lying under his burden, and wouldest forbear to help him, thou shalt surely help with him.
ᎠᏯᏙᎸᎢ 23:5
ᎢᏳᏃ ᏐᏈᎵ-ᏗᎦᎵᎠᏅᎯᏛ ᏣᏍᎦᎩ ᎤᏤᎵᎦ ᏱᎪᎥ ᏱᎦᏅ ᎬᏩᎵᏐᏈᎵ, ᎠᎴ ᏂᏣᏚᎵᏍᎬᎾ ᏱᎩ ᎯᏍᏕᎸᏗᏱ; ᎠᏎ ᎯᏍᏕᎸᏗ ᎨᏎᏍᏗ.
Ayadolvi 23:5
iyuno digalianvhidv tsasgagi utseliga yigov yiganv gvwalisoquili, ale nitsadulisgvna yigi hisdelvdiyi; ase hisdelvdi gesesdi
Exodus 23:6
Thou shalt not wrest the judgment of thy poor in his cause.
ᎠᏯᏙᎸᎢ 23:6
ᎥᏞᏍᏗ ᎯᎪᎸᎡᏗ ᏱᎨᏎᏍᏗ ᏓᎫᎪᏓᏁᎲ ᎤᏲ ᎢᏳᏛᎿᏕᎩ ᏣᏤᎵᎦ, ᎾᏍᎩ ᏓᎵᏰᎢᎵ ᏙᎲᎢ.
Ayadolvi 23:6
vtlesdi higolvedi yigesesdi dagugodanehv uyo iyudvhnadegi tsatseliga, nasgi daliyeili dohvi.
Exodus 23:7
Keep thee far from a false matter; and the innocent and righteous slay thou not: for I will not justify the wicked.
ᎠᏯᏙᎸᎢ 23:7
ᎢᏅᎯᏳ ᏂᏣᏛᎿᏕᎨᏍᏗ . ᎪᎱᏍᏗ ᎦᏰᎪᎩ ᎠᎵᏰᎢᎵᏙᎲᎢᎶᏫ ᏄᏍᎦᏅᏨᎾᏃ ᎠᎴ ᎤᏓᏅᏘ ᏞᏍᏗ ᏗᏥᎸᎩ; ᎥᏝᏰᏃ ᏴᎦᏥᏳᏓᎳᎩ ᎤᏍᎦᏅᏨᎯ.
Ayadolvi 23:7
invhiyu nitsadvhnadegesdi gohusdi gayegogi aliyeilidohvilowi nusganvtsvnano ale udanvti tlesdi ditsilvgi; vtlayeno yvgatsiyudalagi usganvtsvhi
Exodus 23:8
And thou shalt take no gift: for the gift blindeth the wise, and perverteth the words of the righteous.
ᎠᏯᏙᎸᎢ 23:8
ᎥᏝ ᎠᎴ ᏗᏣᏓᏂᎸᎢᏍᏗ ᏱᎨᏎᏍᏗ ᎪᎱᏍᏗ ᎡᏣᏁᎲᎢ; ᎠᏓᏁᏗᏰᏃ ᏚᏂᎨᏫᏗᎭ ᎠᏂᎪᏩᏘᏍᎩ, ᎠᎴ ᏓᎴᎾᏍᏗ ᎠᏂᏟᏂᏩᎬ ᏚᏳᎪᏛ ᎢᏯᎾᏛᏁᎯ.
Ayadolvi 23:8
vtla ale ditsadanilvisdi yigesesdi gohusdi etsanehvi; adanediyeno dunigewidiha anigowatisgi, ale dalenasdi anitliniwagv duyugodv iyanadvnehi
Exodus 23:9
Also thou shalt not oppress a stranger: for ye know the heart of a stranger, seeing ye were strangers in the land of Egypt.
ᎠᏯᏙᎸᎢ 23:9
ᎠᎴ ᎾᏍᏉ ᎡᏙᎯ ᏞᏍᏗ ᎠᏍᏓᏯ ᏱᏁᏨᎾᏕᎨᏍᏗ; ᎢᏥᎦᏔᎭᏰᏃ ᏄᏍᏛ ᎤᏓᏅᏛ ᎡᏙᎯ, ᎢᏤᏙᎯᏰᏃ ᎾᏍᏉ ᎨᏒᎩ ᎢᏥᏈᏱ.
Ayadolvi 23:9
ale nasquo edohi tlesdi asdaya yinetsvnadegesdi; itsigatahayeno nusdv udanvdv edohi, itsedohiyeno nasquo gesvgi itsiquiyi
Exodus 23:10
And six years thou shalt sow thy land, and shalt gather in the fruits thereof:
ᎠᏯᏙᎸᎢ 23:10
ᎠᎴ ᏑᏓᎵ ᏧᏕᏘᏴᏛ ᎢᏥᏫᏒᏗ ᎨᏎᏍᏗ ᏕᏥᎶᎨᏒᎢ, ᎠᎴ ᎢᏥᏟᏐᏗ ᎨᏎᏍᏗ ᎢᏣᏛᎯᏎᎸᎢ.
Ayadolvi 23:10
ale sudali tsudetiyvdv itsiwisvdi gesesdi detsilogesvi, ale itsitlisodi gesesdi itsadvhiselvi
Exodus 23:11
But the seventh year thou shalt let it rest and lie still; that the poor of thy people may eat: and what they leave the beasts of the field shall eat. In like manner thou shalt deal with thy vineyard, and with thy oliveyard.
ᎠᏯᏙᎸᎢ 23:11
ᎦᎵᏉᎩᏁᏍᎩᏂ ᎤᏕᏘᏴᏌᏗᏒ ᎤᏯᏪᏐᎸᏍᏗ ᎨᏎᏍᏗ, ᎠᎴ ᏙᏉ ᏄᏍᏕᏍᏗ; ᎾᏍᎩ ᎤᏲ ᎢᏳᎾᏛᎿᏕᎩ ᏗᏣᏤᎵ ᏴᏫ ᎬᏩᎾᎵᏍᏓᏴᏗ ᏱᎩ; ᎾᏍᎩᏃ ᎤᏂᏃᎯᏴᎯ ᏠᎨᏏ ᎠᏁᎯ ᎦᎾᏝᎢ ᎤᏂᎩᏍᏗ ᎨᏎᏍᏗ. ᎾᏍᎩᏯ ᎾᏍᏉ ᎢᏗᏨᏁᏗ ᎨᏎᏍᏗ ᏖᎸᎳᏗ ᏕᏣᏫᏒᎢ, ᎠᎴ ᎣᎵᏩ ᏕᏣᏫᏒᎢ.
Ayadolvi 23:11
galiquoginesgini udetiyvsadisv uyawesolvsdi gesesdi, ale doquo nusdesdi; nasgi uyo iyunadvhnadegi ditsatseli yvwi gvwanalisdayvdi yigi; nasgino uninohiyvhi tlogesi anehi ganatlai unigisdi gesesdi. nasgiya nasquo iditsvnedi gesesdi telvladi detsawisvi, ale oliwa detsawisvi
Exodus 23:12
Six days thou shalt do thy work, and on the seventh day thou shalt rest: that thine ox and thine ass may rest, and the son of thy handmaid, and the stranger, may be refreshed.
ᎠᏯᏙᎸᎢ 23:12
ᏑᏓᎵ ᎢᎦ ᏗᏣᎸᏫᏍᏓᏁᏗ ᎨᏎᏍᏗ ᎾᏍᎩ ᎢᏣᏛᏁᏗ ᎨᏒᎢ, ᎦᎵᏉᎩᏁᏃ ᎢᎦ ᏣᏣᏪᏐᎸᏍᏙᏗ ᎨᏎᏍᏗ; ᎾᏍᎩ ᏩᎦ ᏣᏤᎵᎦ ᎠᎴ ᏐᏈᎵ-ᏗᎦᎵᎠᏅᎯᏛ ᏯᎾᏣᏪᏐᎸᏍᏓ, ᎠᎴ ᎠᎨᏴ ᎯᏅᏏᏓᏍᏗ ᎤᏪᏥ ᎠᎴ ᎡᏙᎯ Ꮩ ᏯᏁᏛ.
Ayadolvi 23:12
sudali iga ditsalvwisdanedi gesesdi nasgi itsadvnedi gesvi, galiquogineno iga tsatsawesolvsdodi gesesdi; nasgi waga tsatseliga ale digalianvhidv yanatsawesolvsda, ale ageyv hinvsidasdi uwetsi ale edohi do yanedv
Exodus 23:13
And in all things that I have said unto you be circumspect: and make no mention of the name of other gods, neither let it be heard out of thy mouth.
ᎠᏯᏙᎸᎢ 23:13
ᎠᎴ ᏂᎦᏛ ᏧᏓᎴᏅᏛ ᎯᎠ ᏥᏂᏨᏪᏏ, ᎢᏣᏓᏯᏫᏍᎨᏍᏗ; ᎠᎴ ᏞᏍᏗ ᏱᏗᏥᏯᏅᎮᏍᏗ ᏚᎾᏙᎥ ᏅᏩᎾᏓᎴ ᎤᎾᏁᎳᏅᎯ, ᎠᎴ ᏞᏍᏗ ᎢᏥᎰᎵ ᎢᏥᏁᎬ ᏰᏣᏛᎦᏁᎴᏍᏗ.
Ayadolvi 23:13
ale nigadv tsudalenvdv hia tsinitsvwesi, itsadayawisgesdi; ale tlesdi yiditsiyanvhesdi dunadov nvwanadale unanelanvhi, ale tlesdi itsiholi itsinegv yetsadvganelesdi
Exodus 23:14
Three times thou shalt keep a feast unto me in the year.
ᎠᏯᏙᎸᎢ 23:1Ꮞ
ᏑᏕᏘᏴᏛ ᎨᏒ ᏦᎢ ᎢᏥᏍᏆᏂᎪᏙᏗ ᎨᏎᏍᏗ ᏗᎵᏍᏓᏴᏗᏱ ᎨᏒᎢ.
Ayadolvi 23:14
sudetiyvdv gesv tsoi itsisquanigododi gesesdi dilisdayvdiyi gesvi
Exodus 23:15
Thou shalt keep the feast of unleavened bread: (thou shalt eat unleavened bread seven days, as I commanded thee, in the time appointed of the month Abib; for in it thou camest out from Egypt: and none shall appear before me empty:)
ᎠᏯᏙᎸᎢ 23:15
ᎢᏥᏍᏆᏂᎪᏙᏗ ᎨᏎᏍᏗ ᎾᎪᏔᏅᎾ ᎦᏚ ᎠᎩᏍᏗ ᎨᏒᎢ (ᎾᎪᏔᏅᎯ ᎦᏚ ᎦᎵᏉᎩ ᎢᎦ ᎢᏥᎩᏍᏗ ᎨᏎᏍᏗ, ᎾᏍᎩᏯ ᏂᏨᏪᏎᎸᎢ, ᎾᎯᏳ ᎠᏎᎸᎯ ᎨᏒ ᎡᏈᏈ ᎧᎸᎢ; ᎾᎯᏳᏰᏃ ᏓᏣᏄᎪᏨᎩ ᎢᏥᏡᏱ; ᏞᏍᏗ ᎠᎴ ᎩᎶ ᎠᏒᎭ ᎢᎬᏱᏗᏢ ᏯᎩᎷᏤᎴᏍᏗ;)
Ayadolvi 23:15
itsisquanigododi gesesdi nagotanvna gadu agisdi gesvi (nagotanvhi gadu galiquogi iga itsigisdi gesesdi, nasgiya nitsvweselvi, nahiyu aselvhi gesv equiqui kalvi; nahiyuyeno datsanugotsvgi itsitluyi; tlesdi ale gilo asvha igvyiditlv yagilutselesdi;)
Exodus 23:16
And the feast of harvest, the firstfruits of thy labours, which thou hast sown in the field: and the feast of ingathering, which is in the end of the year, when thou hast gathered in thy labours out of the field.
ᎠᏯᏙᎸᎢ 23:16
ᎠᎴ ᎠᏍᎫᏕᏍᏗᏱ ᎨᏒ ᏗᎵᏍᏓᏴᏗᏱ, ᎢᎬᏱ ᏣᎾᏄᎪᏤᎸᎯ ᏕᏣᎸᏫᏍᏓᏁᎸᎢ, ᎾᏍᎩ ᏣᏫᏒᏅ ᏠᎨᏏ; ᎠᎴ ᏗᎵᏍᏓᏴᏗᏱ ᎾᎯᏳ ᎦᏟᏐᏗ ᎨᏒᎢ, ᎤᏕᏗᏴᏌᏗᏒ ᎦᎶᏐᎲᏍᎬᎢ, ᎾᎯᏳ ᎯᏟᏏᏍᎬ ᏕᏣᎸᏫᏍᏓᏁᎸ ᏠᎨᏏ ᏘᏴᏍᏗᏍᎨᏍᏗ.
Ayadolvi 23:16
ale asgudesdiyi gesv dilisdayvdiyi, igvyi tsananugotselvhi detsalvwisdanelvi, nasgi tsawisvnv tlogesi; ale dilisdayvdiyi nahiyu gatlisodi gesvi, udediyvsadisv galosohvsgvi, nahiyu hitlisisgv detsalvwisdanelv tlogesi tiyvsdisgesdi
Exodus 23:17
Three times in the year all thy males shall appear before the Lord God.
ᎠᏯᏙᎸᎢ 23:17
ᏑᏕᏘᏴᏛ ᎨᏒ ᏂᎦᏛ ᎠᏂᏍᎦᏯ ᏗᏣᏤᎵᎦ ᏦᎢ ᎢᏳᏂᎷᏤᏗ ᎨᏎᏍᏗ ᎢᎬᏱᏗᏢ ᎤᎬᏫᏳᎯ ᏱᎰᏩ.
Ayadolvi 23:17
sudetiyvdv gesv nigadv anisgaya ditsatseliga tsoi iyunilutsedi gesesdi igvyiditlv ugvwiyuhi yihowa.
Exodus 23:18
Thou shalt not offer the blood of my sacrifice with leavened bread; neither shall the fat of my sacrifice remain until the morning.
ᎠᏯᏙᎸᎢ 23:18
ᎠᏆᏤᎵ ᎠᎵᏍᎪᎸᏙᏗ ᎨᏒ ᎤᎩᎬ ᎢᏣᎵᏍᎪᎸᏗᏍᎬ ᏞᏍᏗ ᎪᎱᏍᏗ ᎠᎪᏔᏅᎯ ᎢᏣᏠᏯᏍᏙᏗ ᏱᎨᏎᏍᏗ; ᏞᏍᏗ ᎠᎴ ᎠᏆᏤᎵ ᎠᎵᏍᎪᎸᏙᏗ ᎨᏒ ᎤᎪᎢ ᎠᎯᏯᏍᏗ ᏱᎨᏎᏍᏗ ᏑᎾᎴ ᎢᏴᏛ.
Ayadolvi 23:18
aquatseli alisgolvdodi gesv ugigv itsalisgolvdisgv tlesdi gohusdi agotanvhi itsatloyasdodi yigesesdi; tlesdi ale aquatseli alisgolvdodi gesv ugoi ahiyasdi yigesesdi sunale iyvdv
Exodus 23:19
The first of the firstfruits of thy land thou shalt bring into the house of the Lord thy God. Thou shalt not seethe a kid in his mother's milk.
ᎠᏯᏙᎸᎢ 23:19
ᎢᎬᏱ ᎤᎦᏛᎾᏨᎯ ᎦᏙᎯ ᏣᎾᏄᎪᏫᏎᎸᎯ ᏣᏲᎯᏍᏗ ᎨᏎᏍᏗ ᎠᏓᏁᎸ ᏱᎰᏩ ᏣᏁᎳᏅᎯ ᎤᏤᎵᎦ. ᎥᏞᏍᏗ ᎠᎭᏄᎸᎯ ᎠᎩᎾ [ᎤᏫᏯ] ᎤᏥ ᎤᏅᏗᏱ ᏧᏅᎩ.
Ayadolvi 23:19
igvyi ugadvnatsvhi gadohi tsananugowiselvhi tsayohisdi gesesdi adanelv yihowa tsanelanvhi utseliga vtlesdi ahanulvhi agina [uwiya] utsi unvdiyi tsunvgi
Exodus 23:20
Behold, I send an Angel before thee, to keep thee in the way, and to bring thee into the place which I have prepared.
ᎠᏯᏙᎸᎢ 23:20
ᎬᏂᏳᏉ, ᏥᏅᎵ ᏗᎧᎿᏩᏗᏙᎯ ᎢᎬᏱᏗᏢ ᏂᏣᏛᏅᎢ, ᏣᏍᏆᏂᎪᏙᏗᏱ ᏫᎦᏛᎢ, ᎠᎴ ᏫᏣᏘᏃᎯᏍᏗᏱ ᎾᎿ ᎠᏆᏛᏅᎢᏍᏔᏅᎢ.
Ayadolvi 23:20
gvniyuquo, tsinvli dikahnawadidohi igvyiditlv nitsadvnvi, tsasquanigododiyi wigadvi, ale witsatinohisdiyi nahna aquadvnvistanvi
Beware of him, and obey his voice, provoke him not; for he will not pardon your transgressions: for my name is in him.
ᎠᏯᏙᎸᎢ 23:21
ᎡᏣᎦᏌᏯᏍᏕᏍᏗ ᎾᏍᎩ, ᎠᎴ ᎢᏣᏛᏓᏍᏗᏍᎨᏍᏗ ᎧᏁᎬᎢ, ᏞᏍᏗ ᎡᏥᎾᎸᏍᏔᏅᎩ; ᎥᏝᏰᏃ ᏴᎨᏥᎲᏏ ᎢᏥᏍᎦᏅᏨᎢ; ᏓᏆᏙᎥᏰᏃ ᎤᏯᎠ.
Ayadolvi 23:21
etsagasayasdesdi nasgi, ale itsadvdasdisgesdi kanegvi, tlesdi etsinalvstanvgi; vtlayeno yvgetsihvsi itsisganvtsvi; daquadovyeno uyaa
Exodus 23:21
Exodus 23:22
But if thou shalt indeed obey his voice, and do all that I speak; then I will be an enemy unto thine enemies, and an adversary unto thine adversaries.
ᎠᏯᏙᎸᎢ 23:22
ᎢᏳᏃ ᎤᏙᎯᏳᎯ ᎢᏣᏛᏓᏍᏗᏍᎨᏍᏗ ᎧᏁᎬᎢ, ᎠᎴ ᏂᎦᏛ ᏂᏥᏪᏍᎬ ᏂᏣᏛᏁᎮᏍᏗ, ᎿᏉ ᎦᏥᏍᎦᎩ ᎨᏎᏍᏗ ᎨᏣᏍᎦᎩ, ᎠᎴ ᎦᏥᏯᏈᏗᏍᎩ ᎨᏎᏍᏗ ᎨᏣᏡᏗᏍᎩ.
Ayadolvi 23:22
iyuno udohiyuhi itsadvdasdisgesdi kanegvi, ale nigadv nitsiwesgv nitsadvnehesdi, hnaquo gatsisgagi gesesdi getsasgagi, ale gatsiyaquidisgi gesesdi getsatludisgi.
Exodus 23:23
For mine Angel shall go before thee, and bring thee in unto the Amorites, and the Hittites, and the Perizzites, and the Canaanites, the Hivites, and the Jebusites: and I will cut them off.
ᎠᏯᏙᎸᎢ 23:23
ᎠᏆᏤᎵᏰᏃ ᏗᎧᎿᏩᏗᏙᎯ ᎢᎬᏱ ᏓᏤᏅᎡᎵ, ᎠᎴ ᏮᏓᏣᏘᏃᎵ ᎠᏁᎲ ᎠᏂᎡᎼᏂ, ᎠᎴ ᎠᏂᎯᏗ, ᎠᎴ ᎠᏁᏇᎵᏥ, ᎠᎴ ᎠᏂᎨᎾᏂ, ᎠᎴ ᎠᏂᎯᏫ, ᎠᎴ ᎠᏂᏥᏊᏏ, ᎠᎴ ᏓᎦᏥᏛᏔᏂ.
Ayadolvi 23:23
aquatseliyeno dikahnawadidohi igvyi datsenveli, ale wvdatsatinoli anehv aniemoni, ale anihidi, ale anequelitsi, ale anigenani, ale anihiwi, ale anitsiquusi, ale dagatsidvtani
Exodus 23:24
Thou shalt not bow down to their gods, nor serve them, nor do after their works: but thou shalt utterly overthrow them, and quite break down their images.
ᎠᏯᏙᎸᎢ 23:2Ꮞ
ᎥᏞᏍᏗ ᎡᎳᏗ ᎢᏔᏛᏁᏗ ᏱᎨᏎᏍᏗ ᎾᏍᎩ ᏧᎾᏁᎳᏅᎯ, ᎠᎴ ᏞᏍᏗ ᏱᏔᏓᏙᎵᏍᏓᏁᎴᏍᏗ, ᎠᎴ ᎾᎾᏛᏁᎲ ᏞᏍᏗ. ᎾᏍᎩ ᏱᏂᏣᏛᎴᏍᏗ; ᏕᎯᏛᏔᏅᎭᏍᎩᏂ, ᎠᎴ ᏕᎯᏍᏆᏒᎭ ᏧᎾᏤᎵ ᎤᏁᎳᏅᎯ ᏗᏟᏩᏍᏔᏅᎯ.
Ayadolvi 23:24
vtlesdi eladi itadvnedi yigesesdi nasgi tsunanelanvhi, ale tlesdi yitadadolisdanelesdi, ale nanadvnehv tlesdi nasgi yinitsadvlesdi; dehidvtanvhasgini, ale dehisquasvha tsunatseli unelanvhi ditliwastanvhi
Exodus 23:25
And ye shall serve the Lord your God, and he shall bless thy bread, and thy water; and I will take sickness away from the midst of thee.
ᎠᏯᏙᎸᎢ 23:25
ᏱᎰᏩᏃ ᎢᏣᏁᎳᏅᎯ ᏤᏣᏁᎶᏙᏗ ᎨᏎᏍᏗ, ᎾᏍᎩᏃ ᎣᏍᏛ ᏅᏓᏣᏛᏁᎵ ᎢᏣᏤᎵ ᎦᏚ ᎨᏒᎢ, ᎠᎴ ᎢᏣᏤᎵ ᎠᎹ ᎨᏒᎢ, ᎠᎴ ᎥᏳᎩ ᎠᎩᎲᏍᏗ ᎨᏎᏍᏗ ᎾᎿ ᎠᏰᎵ ᏂᏣᏛᏅᎢ.
Ayadolvi 23:25
yihowano itsanelanvhi tsetsanelododi gesesdi, nasgino osdv nvdatsadvneli itsatseli gadu gesvi, ale itsatseli ama gesvi, ale vyugi agihvsdi gesesdi nahna ayeli nitsadvnvi
Exodus 23:26
There shall nothing cast their young, nor be barren, in thy land: the number of thy days I will fulfil.
ᎠᏯᏙᎸᎢ 23:26
ᎠᎴ ᎥᏝ ᎪᎱᏍᏗ ᎤᎶᎢᏎᏗ ᏱᎨᏎᏍᏗ ᎦᏁᎵᏒᎢ, ᎠᎴ ᏂᏓᏅᎥᏍᎬᎾ ᏱᎨᏎᏍᏗ ᎢᏣᏤᎵᎪᎯ; ᎢᎪᎯᏛ ᏣᎴᏂᏓᏍᏗ ᎨᏒ ᎬᎧᎵᎴᏗ ᎨᏎᏍᏗ.
Ayadolvi 23:26
ale vtla gohusdi uloisedi yigesesdi ganelisvi, ale nidanvvsgvna yigesesdi itsatseligohi; igohidv tsalenidasdi gesv gvkaliledi gesesdi
Exodus 23:27
I will send my fear before thee, and will destroy all the people to whom thou shalt come, and I will make all thine enemies turn their backs unto thee.
ᎠᏯᏙᎸᎢ 23:27
ᎥᎩᎾᏰᎯᏍᏗ ᎨᏒ ᎢᎬᏱ ᏤᏅᎡᏗ ᎨᏎᏍᏗ, ᎠᎴ ᎦᏥᏛᏙᏗ ᎨᏎᏍᏗ ᏂᎦᏛ ᏴᏫ ᎾᏍᎩ ᏫᎩᎷᏤᏗ ᎨᏒᎢ; ᏂᎦᏗᏨᏃ ᎨᏣᏍᎦᎩ ᎨᏣᏐᎭᏛᎡᏗ ᎨᏎᏍᏗ.
Ayadolvi 23:27
vginayehisdi gesv igvyi tsenvedi gesesdi, ale gatsidvdodi gesesdi nigadv yvwi nasgi wigilutsedi gesvi; nigaditsvno getsasgagi getsasohadvedi gesesdi.
Exodus 23:28
And I will send hornets before thee, which shall drive out the Hivite, the Canaanite, and the Hittite, from before thee.
ᎠᏯᏙᎸᎢ 23:28
ᎠᎴ ᏎᏩᏓ ᎦᏥᏅᏍᏗ ᎨᏎᏍᏗ ᎢᎬᏱ. ᎭᎢᏒᎢ, ᎾᏍᎩ ᏓᎬᏩᏂᎨᎯᏙᎵ ᎠᏂᎯᏫ, ᎠᎴ ᎠᏂᎨᎾᏂ, ᎠᎴ ᎠᏂᎯᏗ ᎢᎬᏱᏗᏢ ᏂᏣᏛᎿᏗᏒᎢ.
Ayadolvi 23:28
ale sewada gatsinvsdi gesesdi igvyi haisvi, nasgi dagvwanigehidoli anihiwi, ale anigenani, ale anihidi igvyiditlv nitsadvhnadisvi
Exodus 23:29
I will not drive them out from before thee in one year; lest the land become desolate, and the beast of the field multiply against thee.
ᎠᏯᏙᎸᎢ 23:29
ᎥᏝ ᏑᏕᏘᏴᏛ ᎨᏒ ᎦᏥᎨᎯᏓᏍᏗ ᏱᎨᏎᏍᏗ ᎢᎬᏱᏗᏢ ᏂᏣᏛᏅᎢ; ᏅᏛᏰᏃ ᏱᏅᎦᎵᏍᏓ ᎦᏙᎯ, ᎠᎴ ᎢᎾᎨ ᎠᏁᎯ ᏱᎨᏥᎪᏙᎯᏏ.
Ayadolvi 23:29
vtla sudetiyvdv gesv gatsigehidasdi yigesesdi igvyiditlv nitsadvnvi; nvdvyeno yinvgalisda gadohi, ale inage anehi yigetsigodohisi
Exodus 23:30
By little and little I will drive them out from before thee, until thou be increased, and inherit the land.
ᎠᏯᏙᎸᎢ 23:30
ᎢᎸᏍᎩᏉ ᎢᏳᏂᏨᏛ ᎦᏥᎨᎯᏓᏍᏗ ᎨᏎᏍᏗ ᎢᎬᏱᏗᏢ ᏂᏣᏛᏅᎢ, ᎬᏂ ᎯᎪᏙᏒᎭ, ᎠᎴ ᏣᏤᎵ ᏂᎦᎵᏍᏔᏅᎭ ᎾᏍᎩ ᏚᏙᎯ.
Ayadolvi 23:30
ilvsgiquo iyunitsvdv gatsigehidasdi gesesdi igvyiditlv nitsadvnvi, gvni higodosvha, ale tsatseli nigalistanvha nasgi dudohi
Exodus 23:31
And I will set thy bounds from the Red sea even unto the sea of the Philistines, and from the desert unto the river: for I will deliver the inhabitants of the land into your hand; and thou shalt drive them out before thee.
ᎠᏯᏙᎸᎢ 23:31
ᎠᎴ ᏓᎬᏯᏟᎡᎵ ᏂᎬᎾᏛ ᏣᏤᎵᎦ ᎨᏒᎢ, ᎠᎹ ᎩᎦᎨᏍᏛᏱ ᏅᏓᏳᏓᎴᏅᏛ, ᎠᎺᏉᎯᏃ ᎠᏂᏈᎵᏍᏗ ᎤᎾᏤᎵᎦ ᏫᎦᎷᎩ, ᎠᎴ ᎢᎾᎨ ᎤᏓᎴᏅᏛ ᎡᏉᏂ ᏫᎦᎷᎩ; ᏙᏓᏨᏲᎯᏎᎵᏰᏃ ᎾᎿ ᎦᏙᎯ ᏗᏁᎯ; ᏘᎨᎯᏓᏍᏗᏃ ᎨᏎᏍᏗ ᎢᎬᏱᏗᏢ ᏂᏣᏛᏅᎢ.
Ayadolvi 23:31
ale dagvyatlieli nigvnadv tsatseliga gesvi, ama gigagesdvyi nvdayudalenvdv, amequohino aniquilisdi unatseliga wigalugi, ale inage udalenvdv equoni wigalugi; dodatsvyohiseliyeno nahna gadohi dinehi; tigehidasdino gesesdi igvyiditlv nitsadvnvi
Exodus 23:32
Thou shalt make no covenant with them, nor with their gods.
ᎠᏯᏙᎸᎢ 23:32
ᎥᏞᏍᏗ ᎧᏃᎮᏛ ᏗᏣᏠᎯᏍᏙᏗ ᏱᎨᏎᏍᏗ ᎾᏍᎩ, ᎠᎴ ᎾᏍᎩ ᏧᎾᏤᎵ ᎤᏁᎳᏅᎯ ᏧᏂᏰᎸᎯ.
Ayadolvi 23:32
vtlesdi kanohedv ditsatlohisdodi yigesesdi nasgi, ale nasgi tsunatseli unelanvhi tsuniyelvhi.
Exodus 23:33
They shall not dwell in thy land, lest they make thee sin against me: for if thou serve their gods, it will surely be a snare unto thee.
ᎠᏯᏙᎸᎢ 23:33
ᎥᏞᏍᏗ ᎢᏣᏤᎵᎪᎯ ᎦᏙᎯ ᎤᎾᏕᏗ ᏱᎨᏎᏍᏗ. ᎾᏍᎩᏰᏃ ᏱᎾᏅᏂᏒ ᏍᎩᏍᎦᏅᏤᏗ ᏱᏅᏚᎵᏍᏓ; ᎢᏳᏰᏃ ᎾᏍᎩ ᏧᎾᏁᎳᏅᎯ ᏱᏗᏣᏓᏙᎵᏍᏓᏁᎭ ᎠᏎ ᎢᏥᏌᏛᎲᏍᎩ ᎨᏎᏍᏗ.
Ayadolvi 23:33
vtlesdi itsatseligohi gadohi unadedi yigesesdi nasgiyeno yinanvnisv sgisganvtsedi yinvdulisda; iyuyeno nasgi tsunanelanvhi yiditsadadolisdaneha ase itsisadvhvsgi gesesdi
Exodus 23:1-33
ᎠᏯᏙᎸᎢ 23:1-33
Ayadolvi 23:1-33
King James Version (KJV)
Public Domain