Jonah 3
Jonah, was first translated by Amory N. Chamberlain, was published in Tahlequah in 1888.
Chapter 1 Jonah 1; Chapter 2 Jonah 2; Chapter 3 on this page; Chapter 4 Jonah 4
ᏦᎾ ᎠᏙᎴᎰᏍᎩ
Tsona Adolehosgi
Jonah the Prophet
ᎠᏯᏙᎸᎢ 3 ~ Ayadolvi 3 ~ Chapter 3
3:1 ᏔᎵᏁᏃ ᏱᎰᏩ ᎧᏁᎬ ᏦᎾ ᏅᎷᏤᎴᎢ, ᎯᎠ ᏂᏥᏪᏍᎬᎢ.
3:1 talineno Yihowa kanegv Tsona ulutselei, hia nitsiwesgvi.
3:1 A second time Yihowa’s word came to Jonah, thus saying,
3:2 ᏔᎵᎲᎦ, ᏂᏂᏩ ᎮᏅ, ᎾᏍᎩ ᎦᎸᏉᏗ ᏚᎲᎢ, ᎢᏳᏍᏗ ᎠᎵᏥᏙᏗ ᎬᏅᏫᏍᏗᏍᎬ ᏫᏔᎵᏥᏙᎲᏏ.
3:2 talihvga, Niniwa henv, nasgi galvquodi duhvi, iyusdi alitsidodi gvnvwisdisgv witalitsidohvsi.
3:2 "Arise, go to Nineveh, that great city, and preach to it the message that I give you."
3:3 ᎿᏉᏃ ᏚᎴᏁ ᏦᎾ, ᎠᎴ ᏂᏂᏩ ᏭᎷᏤᎢ, ᎾᏍᎩ ᏱᎰᏩ ᎧᏁᎬ ᎾᏍᎩᏯᎢ. ᏂᏂᏩ ᎤᏩᏒᏍᏔᏅᎯ ᎡᏉᎯ ᎦᏚᎲ ᎨᏎ ᎾᏍᎩᏃ ᎡᎢ ᏧᏙᎵᏋᏓ ᎠᏂᎩᏒᏍᏗ.
3:3 hnaquono dulene Tsona, ale Niniwa wulutsei, nasgi Yihowa kanegv nasgiyai. Niniwa uwasvstanvhi equohi gaduhv gese nasgino ei tsudoliquvda anigisvsdi.
3:3 So Jonah arose, and went to Nineveh, according to the word of Yihowa. Now Nineveh was an exceedingly great city, three days' journey across.
3:4 ᎠᎴ ᎾᏍᎩ ᏌᏉ ᎢᎦ ᎠᏂᎩᏍᏗᏱ ᎢᏴᏓ ᎤᎴᏅᎮ ᎾᏍᎩ ᎦᏚᎲ ᏦᎾ, ᎠᎴ ᎤᎵᏍᏕᎢ, ᎭᏃ ᏄᏪᏎᎢ, “ᎠᏏ ᏅᎦᏍᎪᎯ ᎤᎿᏳᎡᎵ, ᎿᏉᏃ ᏙᏗᏰᏥᎷᏘᏕᏐᏂ ᏂᏂᏩ.”
3:4 ale nasgi saquo iga anigisdiyi iyvda ulenvhe nasgi gaduhv Tsona, ale ulisdei, hano nuwesei, “asi nvgasgohi uhnayueli, hnaquono dodiyetsilutidesoni Niniwa”
3:4 Jonah began to enter into the city a day's journey, and he cried out, and said, "In forty days, Nineveh will be overthrown!"
3:5 ᎿᏉᏃ ᎤᏁᎳᏅᎯ ᏅᏃᎯᏳᏁ ᏂᏂᏩ ᎠᏁᎯ ᏴᏫ, ᎠᎴ ᎠᏑᏟ ᎬᏗᏱ ᏚᏂᏃᏣᎳᏁᎢ, ᎠᎴ ᏧᏏᏕᏅ ᏚᎾᏄᏬᏒᎢ, ᎾᏍᎩ ᎤᎾᏔᏂᏛ ᎨᏒ ᎤᏓᎬᏩᏓᎴᏅᏓ ᏫᎬᏩᏲᎶᏨᏓᏃ ᏗᎨᏒ ᎾᏍᎩ.
3:5 hnaquono Unelanvhi nvnohiyune Niniwa anehi yvwi, ale asutli gvdiyi duninotsalanei, ale tsusidenv dunanuwosvi, nasgi unatanidv gesv udagvwadalenvda wigvwayolotsvdano digesv nasgi.
3:5 The people of Nineveh believed God; and they proclaimed a fast, and put on sackcloth, from the greatest of them even to the least of them.
3:6 ᏂᏂᏩᏲᏰᏃ ᎤᎬᏫᏳᎯ ᎧᏃᎮᏛ ᎤᎷᏤᎴᎢ, ᎠᎴ ᎤᎬᏫᏳᎯ ᎨᏒ ᎤᏪᏍᎩᎸ ᏙᏧᎴᏁᎢᏃ ᎠᎴ ᎤᏄᏬ ᎢᏴᏓ ᏚᏅᏁᎢ, ᎠᎴ ᎤᏂᏕᏅ ᎠᎵᏬ ᎤᏚᎵᏔᏁᎢ ᎠᎴ ᎤᎮᏬ ᎢᎬᏓ ᏭᎤᏁᎢ. ᎠᎴ ᎤᏂᏕᏅ ᎠᏄᏬ ᎤᏴᎵᏔᏁᎢ ᎪᏍᏚᏱᏃ ᎤᏪᏁᎢ.
3:6 Niniwayoyeno ugvwiyuhi kanohedv ulutselei, ale ugvwiyuhi gesv uwesgilv dotsuleneino ale unuwo iyvda
dunvnei, ale unidenv aliwo udulitanei ale uhewo igvda wuunei. ale unidenv anuwo uyvlitanei gosduyino uwenei.
3:6 The news reached the king of Nineveh, and he arose from his throne, and took off his royal robe, covered himself with sackcloth, and sat in ashes.
3:7 ᎠᎴ ᏧᏂᏃᏣᎶᏗᏱ ᏄᏩᏁᎴᎢ ᎠᎴ ᎤᏂᏰᎵᎯᏍᏔᏁ ᏂᎬ ᏂᏂᏩᏲᎢ ᎤᎬᏫᏳᎯ ᏧᏃᏣᎶᏗ ᎮᏗ ᎠᎴ ᎾᏍᏉ ᎨᏥᎸᏉᏗ ᏧᏤᎵᎦ, ᎯᎠ ᎢᎦᏪᏍᎩ, ᏞᏍᏗ ᎢᏧᎳᏉ ᏴᏫ ᎦᎾᏝᎢᏃ, ᎠᏫᏃ ᎢᎬᏣᎫᏗ, ᏥᎠᎦᎵᏍᏓᏴᏂ ᎪᎱᏍᏗ. ᏞᏍᏗ ᎤᎾᏛᎿᏗᏙᎸᏱ. ᎠᎴ ᎠᎹ ᏥᎠᎾᏗᏔᎯ.
3:7 ale tsuninotsalodiyi nuwanelei ale uniyelihistane nigv niniwayoi ugvwiyuhi tsunotsalodi hedi ale nasquo getsilvquodi tsutseliga, hia igawesgi, tlesdi itsulaquo yvwi ganatlaino, awino igvtsagudi, tsiagalisdayvni gohusdi. tlesdi unadvhnadidolvyi. ale ama tsianaditahi.
3:7 He made a proclamation and published through Nineveh by the decree of the king and his nobles, saying, "Let neither man nor animal, herd nor flock, taste anything; let them not feed, nor drink water;
3:8 ᎤᏏᏕᏅᏍᎩ ᎠᏄᏬ ᎤᎾᏚᎵᏕᏍᏗ ᏴᏫ ᎠᎴ ᎦᎾᏝᎢ, ᎠᎴ ᎤᏁᎳᏅᎯ ᎠᏍᏓᏯ ᏩᎾᎵᏗᎰ;
ᎥᎥ, ᎤᏲ ᏧᏂᎸᎾᏍᏓᏁᏗᏱ ᏫᏚᏂᏚᎯ ᏩᎾᎦᏔᎲᎾ ᎠᏂᏏᏴᏫᎭᎢ, ᎠᎴ ᏅᏃᏰᏂ ᎠᏂᏱᏙᎲ ᎤᏓᏣᏙᏗ ᏫᏚᏂᏲᎯ.
3:8
usidenvsgi anuwo unadulidesdi yvwi ale ganatlai, ale unelanvhi asdaya wanalidiho;
vv, uyo tsunilvnasdanediyi widuniduhi wanagatahvna anisiyvwihai, ale nvnoyeni aniyidohv udatsadodi widuniyohi.
3:8 but let them be covered with sackcloth, both man and animal, and let them cry mightily to God. Yes, let them turn, every one, from his evil way, and from the violence that is in his hands.
3:9 ᎦᎪ ᏱᏅᎬᏙᎴᎰᎯ ᏱᏅᎬᎦᏔᎲᎾ ᎠᎴ ᏯᎿᏁᏟᏴᏫᏉ ᎤᏁᎳᏅᎯ, ᎠᎴ ᎤᏩᏘ ᏅᏔᎳᏬᏍᎬ ᏱᎪᎯᏍᏓᏂ. ᎾᏍᎩᏃ ᏂᎦᏥᏒᏅᎾ ᏱᎩ?
3:9 gago yinvgvdolehohi yinvgvgatahvna ale yahnanetliyvwiquo unelanvhi, ale uwati nvtalawosgv yigohisdani. nasgino nigatsisvnvna yigi?
3:9 Who knows whether God will not turn and relent, and turn away from his fierce anger, so that we might not perish?"
3:10 ᏄᏍᏛᏃ ᏚᏂᎸᏫᏍᏓᏁᎲ ᎤᎪᎮ ᎤᏁᎳᏅᎯ, ᎾᏍᎩ ᎤᏲ ᏧᏂᎸᏫᏍᏗᏁᎯ ᎨᏒ ᏕᏅᏂᏲᏍᎬᎢ; ᎠᎴ ᎾᏍᎩ ᎤᏲ ᎢᏧᏩᏁᏗ ᎤᏁᏟᏴᏎ ᎤᏁᎳᏅᎯ, ᎾᏍᎩ ᎢᏧᏩᏁᏗ ᎤᏁᏨᎢ ᎨᏒᎢ; ᎠᎴ ᎥᏝ ᎾᏍᎩ ᏱᏂᎦᏩᏁᎴᎢ.
3:10 nusdvno dunilvwisdanehv ugohe Unelanvhi, nasgi uyo tsunilvwisdinehi gesv denvniyosgvi; ale nasgi uyo itsuwanedi unetliyvse Unelanvhi, nasgi itsuwanedi unetsvi gesvi; ale vtla nasgi yinigawanelei.
3:10 God knew their works, that they turned from their evil way. God relented of the disaster which he said he would do to them, and he didn't do it.