2 Timothy 2

ᏉᎳ ᏧᏬᏪᎳᏅᎯ, ᏔᎵᏁ ᏗᎹᏗ ᏧᏬᏪᎳᏁᎸᎯ

quo-la tsu-wo-we-la-nv-hi, ta-li-ne di-ma-di tsu-wo-we-la-ne-lv-hi

quola tsuwowelanvhi, taline dimadi tsuwowelanelvhi

2nd Timothy 2nd Chapter

ᏗᎹᏗ ᏔᎵᏁ ᎠᎪᏪᎳᏁᎸᎯ 2 ᎠᏯᏙᎸᎢ

di-ma-di ta-li-ne a-go-we-la-ne-lv-hi 2 A⁠-ya⁠-do-⁠lv⁠-i⁠

dimadi taline agowelanelvhi 2 ayadolvi

2nd Timothy 2:1-26 KJV (public domain)

ᏗᎹᏗ ᏔᎵᏁ 2:1-26

di-ma-di ta-li-ne 2:1-26

dimadi taline 2:1-26

2nd Timothy 2:1

Thou therefore, my son, be strong in the grace that is in Christ Jesus.

ᏗᎹᏗ ᏔᎵᏁ 2:1

ᎾᏍᎩ ᎢᏳᏍᏗ ᏂᎯ ᎠᏇᏥ ᏣᎵᏂᎪᎯᏍᏗᏍᎨᏍᏗ ᎬᏩᎦᏘᏯ ᎤᏓᏙᎵᏍᏗ ᎨᏒ ᎾᏍᎩ ᏥᏌ ᎦᎶᏁᏛ ᏅᏓᏳᎵᏍᎪᎸᏔᏅᎯ.

di-ma-di ta-li-ne 2:1

Na-s-gi i-yu-s-di ni-hi a-que-tsi tsa-li-ni-go-hi-s-di-s-ge-s-di gv-wa-ga-ti-ya u-da-do-li-s-di ge-sv na-s-gi Tsi-sa Ga-lo-ne-dv nv-da-yu-li-s-go-lv-ta-nv-hi.

dimadi taline 2:1

nasgi iyusdi nihi aquetsi tsalinigohisdisgesdi gvwagatiya udadolisdi gesv nasgi tsisa galonedv nvdayulisgolvtanvhi.

2nd Timothy 2:2

And the things that thou hast heard of me among many witnesses, the same commit thou to faithful men, who shall be able to teach others also.

ᏗᎹᏗ ᏔᎵᏁ 2:2

ᎠᎴ ᎾᏍᎩ ᏍᏆᏛᎦᏁᎸᎯ ᏥᎩ ᎤᏂᏣᏘ ᎠᏂᎦᏔᎲᎢ, ᎾᏍᎩ ᏕᎭᎨᏅᏗᏍᎨᏍᏗ ᎠᏃᏍᏛ ᎠᏂᏍᎦᏯ ᎾᏍᎩ ᏰᎵ ᏗᎬᏩᏁᏲᏗ ᎨᏒ ᎾᏍᏉ Ꮎ ᏭᏅᎫᏛᎢ.

di-ma-di ta-li-ne 2:2

A-le na-s-gi s-qua-dv-ga-ne-lv-hi tsi-gi u-ni-tsa-ti a-ni-ga-ta-hv-i, na-s-gi de-ha-ge-nv-di-s-ge-s-di a-no-s-dv a-ni-s-ga-ya na-s-gi ye-li di-gv-wa-ne-yo-di ge-sv na-s-quo na wu-nv-gu-dv-i.

dimadi taline 2:2

ale nasgi squadvganelvhi tsigi unitsati anigatahvi, nasgi dehagenvdisgesdi anosdv anisgaya nasgi yeli digvwaneyodi gesv nasquo na wunvgudvi.

2nd Timothy 2:3

Thou therefore endure hardness, as a good soldier of Jesus Christ.

ᏗᎹᏗ ᏔᎵᏁ 2:3

ᎾᏍᎩ ᎢᏳᏍᏗ ᏂᎯ ᎲᏂᏗᏳ ᎨᏎᏍᏗ ᎯᎩᎵᏲᎬᎢ, ᎾᏍᎩᏯ ᎣᏍᏛ ᎠᏯᏫᏍᎩ ᏥᏌ ᎦᎶᏁᏛ ᎤᏤᎵᎦ.

di-ma-di ta-li-ne 2:3

Na-s-gi i-yu-s-di ni-hi hv-ni-di-yu ge-se-s-di hi-gi-li-yo-gv-i, na-s-gi-ya o-s-dv a-ya-wi-s-gi Tsi-sa Ga-lo-ne-dv u-tse-li-ga.

dimadi taline 2:3

nasgi iyusdi nihi hvnidiyu gesesdi higiliyogvi, nasgiya osdv ayawisgi tsisa galonedv utseliga.

2nd Timothy 2:4

No man that warreth entangleth himself with the affairs of this life; that he may please him who hath chosen him to be a soldier.

ᏗᎹᏗ ᏔᎵᏁ 2:4

ᎩᎶ ᏓᎿᏩ ᏤᎪᎢ ᎥᏝ ᎬᏅ ᎤᎵᏍᏕᎸᏙᏗ ᏕᎤᎸᏫᏍᏓᏁᎲ ᏯᏚᏓᎸᏗᏍᎪᎢ, ᎤᏚᎵᏍᎪ ᎠᏍᎦᏰᎬᏍᏓ ᎣᏍᏛ ᎤᏰᎸᏗ ᏧᎸᏫᏍᏓᏁᏗᏱ.

di-ma-di ta-li-ne 2:4

Gi-lo da-hna-wa tse-go-i v-tla gv-nv u-li-s-de-lv-do-di de-u-lv-wi-s-da-ne-hv ya-du-da-lv-di-s-go-i, u-du-li-s-go a-s-ga-ye-gv-s-da o-s-dv u-ye-lv-di tsu-lv-wi-s-da-ne-di-yi.

gilo dahnawa tsegoi vtla gvnv ulisdelvdodideulvwisdanehv yadudalvdisgoi, udulisgo asgayegvsda osdv uyelvdi tsulvwisdanediyi.

2nd Timothy 2:5

And if a man also strive for masteries, yet is he not crowned, except he strive lawfully.

ᏗᎹᏗ ᏔᎵᏁ 2:5

ᎢᏳ ᎠᎴ ᎩᎶ ᎤᏓᏎᎪᎩᏍᏗᏱ ᏣᏟᏂᎬᏁᎰᎢ, ᎥᏝ ᏯᏥᏍᏚᎸᏍᎪᎢ ᎬᏂ ᏗᎧᎿᏩᏛᏍᏗ ᏂᎬᏅ ᎢᏳᏛᏁᎸᎯ ᏥᎨᏐᎢ.

di-ma-di ta-li-ne 2:5

I-yu a-le gi-lo u-da-se-go-gi-s-di-yi tsa-tli-ni-gv-ne-ho-i, v-tla ya-tsi-s-du-lv-s-go-i gv-ni di-ka-hna-wa-dv-s-di ni-gv-nv i-yu-dv-ne-lv-hi tsi-ge-so-i.

dimadi taline 2:5

iyu ale gilo udasegogisdiyi tsatlinigvnehoi, vtla yatsisdulvsgoi gvni dikahnawadvsdi nigvnv iyudvnelvhi tsigesoi.

2nd Timothy 2:6

The husbandman that laboureth must be first partaker of the fruits.

ᏗᎹᏗ ᏔᎵᏁ 2:6

ᏗᎦᎶᎩᏍᎩ ᏥᏚᎸᏫᏍᏓᏁᎰᎢ ᎢᎬᏱ ᎤᏪᎳᏗᏍᏙᏗ ᎨᏐ ᎤᎾᏄᎪᏫᏒᎯ.

di-ma-di ta-li-ne 2:6

Di-ga-lo-gi-s-gi tsi-du-lv-wi-s-da-ne-ho-i i-gv-yi u-we-la-di-s-do-di ge-so u-na-nu-go-wi-sv-hi.

dimadi taline 2:6

digalogisgi tsidulvwisdanehoi igvyi uweladisdodi gesso unanugowisvhi.

2nd Timothy 2:7

Consider what I say; and the Lord give thee understanding in all things.

ᏗᎹᏗ ᏔᎵᏁ 2:7

ᎭᏓᏅᏓᏛᎵ ᎯᎠ ᏥᏂᏥᏪᎭ; ᎤᎬᏫᏳᎯᏃ ᏫᏣᎲᏏ ᏣᎦᏙᎥᎯᏍᏗᏱ ᏂᎦᎥ ᏧᏓᎴᏅᏛ.

di-ma-di ta-li-ne 2:7

Ha-da-nv-da-dv-li hi-a tsi-ni-tsi-we-ha; U-gv-wi-yu-hi-no wi-tsa-hv-si tsa-ga-do-v-hi-s-di-yi ni-ga-v tsu-da-le-nv-dv.

dimadi taline 2:7

hadanvdadvli hia tsinitsiweha; ugvwiyuhino witsahvsi tsagadovhisdiyi nigav tsudalenvdv.

2nd Timothy 2:8

Remember that Jesus Christ of the seed of David was raised from the dead according to my gospel:

ᏗᎹᏗ ᏔᎵᏁ 2:8

ᏣᏅᏖᏍᏗ ᏥᏌ ᎦᎶᏁᏛ, ᏕᏫ ᎤᏪᏥ, ᎤᏲᎱᏒ ᏚᎴᎯᏌᏅᎢ, ᎾᏍᎩᏯ ᏂᎦᏪᏍᎬ ᎣᏍᏛ ᎧᏃᎮᏛ ᎠᏆᏤᎵᎦ:

di-ma-di ta-li-ne 2:8

Tsa-nv-te-s-di Tsi-sa Ga-lo-ne-dv, De-wi u-we-tsi, u-yo-hu-sv du-le-hi-sa-nv-i, na-s-gi-ya ni-ga-we-s-gv o-s-dv ka-no-he-dv a-qua-tse-li-ga:

dimadi taline 2:8

tsanvtesdi tsisa galonedv, dewi uwetis, uyohusv dulehisanvi, nasgiya nigawesgv osdv kanohedv aquatseliga:

2nd Timothy 2:9

Wherein I suffer trouble, as an evil doer, even unto bonds; but the word of God is not bound.

ᏗᎹᏗ ᏔᎵᏁ 2:9

ᎾᏍᎩ ᎾᎿᏥᏥᎩᎵᏲᎦ ᎥᏆᎸᏍᏗᏱ ᎢᏴᏛ, ᎤᏲ ᏧᎸᏫᏍᏓᏁᎯ ᎾᏍᎩᏯᎢ; ᎤᏁᎳᏅᎯᏍᎩᏂ ᎤᏤᎵᎦ ᎧᏃᎮᏛ ᎥᏝ ᎦᎸᎸᎯ ᏱᎩ.

di-ma-di ta-li-ne 2:9

Na-s-gi na-hna tsi-tsi-gi-li-yo-ga v-qua-lv-s-di-yi i-yv-dv, u-yo tsu-lv-wi-s-da-ne-hi na-s-gi-ya-i; U-ne-la-nv-hi-s-gi-ni u-tse-li-ga ka-no-he-dv v-tla ga-lv-lv-hi yi-gi.

dimadi taline 2:9

nasgi nahna tsitsigiliyoga vqualvsdiyi iyvdv, uyo tsulvwisdanehi nasgiyai; unelanvhisgini utseliga kanohedv vtla galvlvhi yigi.

2nd Timothy 2:10

Therefore I endure all things for the elect's sakes, that they may also obtain the salvation which is in Christ Jesus with eternal glory.

ᏗᎹᏗ ᏔᎵᏁ 2:10

ᎾᏍᎩ ᎢᏳᏍᏗ ᎤᏁᎳᎩ ᎨᎵᎭ ᏂᎦᏛ ᏧᏓᎴᏅᏛ ᎾᏆᎵᏍᏓᏁᎵᏙᎲᎢ ᎨᎦᏑᏰᏛ ᏅᏗᎦᎵᏍᏙᏗᎭ, ᎠᎴ ᎤᏂᏩᏛᏗᏱ ᎠᎵᏍᏕᎸᏙᏗ ᎾᏍᎩ ᏥᏌ ᎦᎶᏁᏛ ᏅᏓᏳᎵᏍᎪᎸᏔᏅᎯ, ᎠᎴ ᎠᎵᏍᏆᏗᏍᎩ ᏂᎨᏒᎾ ᎦᎸᏉᏗᏳ ᎨᏒᎢ.

di-ma-di ta-li-ne 2:10

Na-s-gi i-yu-s-di u-ne-la-gi ge-li-ha ni-ga-dv tsu-da-le-nv-dv na-qua-li-s-da-ne-li-do-hv-i ge-ga-su-ye-dv nv-di-ga-li-s-do-di-ha, a-le u-ni-wa-dv-di-yi a-li-s-de-lv-do-di na-s-gi Tsi-sa Ga-lo-ne-dv nv-da-yu-li-s-go-lv-ta-nv-hi, a-le a-li-s-qua-di-s-gi ni-ge-sv-na ga-lv-quo-di-yu ge-sv-i.

dimadi taline 2:10

nasgi iyusdi unelagi geliha nigadv tsudalenvdv naqualisdanelidohvi gegasuyedv nvdigalisdodiha, ale uniwadvdiyi alisdelvdodi nasgi tsisa galonedv nvdayulisgolvtanvhi, ale alisquadisgi nigesvna galvquodiyu gesvi.

2nd Timothy 2:11

It is a faithful saying: For if we be dead with him, we shall also live with him:

ᏗᎹᏗ ᏔᎵᏁ 2:11

ᎤᏙᎯᏳᎯᏯ ᎢᎦᏪᏛ, ᎢᏳᏰᏃ ᎢᏧᎳᎭ ᏗᎩᏲᎱᏒᎯ ᎨᏎᏍᏗ, ᎠᏎ ᎾᏍᏉ ᎢᏧᎳᎭ ᏕᏛᏁᏍᏗ:

di-ma-di ta-li-ne 2:11

U-do-hi-yu-hi-ya i-ga-we-dv, I-yu-ye-no i-tsu-la-ha di-gi-yo-hu-sv-hi ge-se-s-di, a-se na-s-quo i-tsu-la-ha de-dv-ne-s-di:

dimadi taline 2:11

udohiyuhiya igawedv, iyuyeno itsulaha digoyohusvhi gesesdi, ase nasquo itsulaha dedvnesdi:

2nd Timothy 2:12

If we suffer, we shall also reign with him: if we deny him, he also will deny us:

ᏗᎹᏗ ᏔᎵᏁ 2:12

ᎢᏳᏃ ᏕᏛᏂᎡᏍᏗ ᎠᏎ ᎾᏍᎩ ᎢᏧᎳᎭ ᎢᎩᎬᏫᏳᏌᏕᎨᏍᏗ; ᎢᏳᏃ ᎢᏒᏓᏓᏱᎸᎭ ᎾᏍᏉ ᎠᏎ ᏓᎦᏓᏱᎵ:

di-ma-di ta-li-ne 2:12

I-yu-no de-dv-ni-e-s-di a-se na-s-gi i-tsu-la-ha i-gi-gv-wi-yu-sa-de-ge-s-di; i-yu-no i-sv-da-da-yi-lv-ha na-s-quo a-se da-ga-da-yi-li:

dimadi taline 2:12

iyuno dedvniesdi ase nasgi itsulaha igigvwiyusadegesdi; iyuno isvdadayilvha nasquo ase dagadayili:

2nd Timothy 2:13

If we believe not, yet he abideth faithful: he cannot deny himself.

ᏗᎹᏗ ᏔᎵᏁ 2:13

ᎢᏳᏃ ᏁᏙᎢᏳᏅᎾ ᎢᎨᏎᏍᏗ ᎠᏎ ᏅᏩᏍᏗᏉ ᎦᎪᎯᏳᏗ ᎨᏒᎢ; ᎥᏝ ᎤᏩᏒ ᏴᎬᏓᏓᏱᎦ.

di-ma-di ta-li-ne 2:13

I-yu-no ne-do-i-yu-nv-na i-ge-se-s-di a-se nv-wa-s-di-quo ga-go-hi-yu-di ge-sv-i; v-tla u-wa-sv yv-gv-da-da-yi-ga.

dimadi taline 2:13

iyuno nedoiyunvna igesesdi ase nvwasdiquo gagohiyudi gesvi; vtla uwasv yvgvdadayiga.

2nd Timothy 2:14

Of these things put them in remembrance, charging them before the Lord that they strive not about words to no profit, but to the subverting of the hearers.

ᏗᎹᏗ ᏔᎵᏁ 2:14

ᎯᎠ ᎾᏍᎩ ᏕᎭᏅᏓᏗᏍᏗᏍᎨᏍᏗ, ᎤᎵᏂᎩᏛᏯ ᏕᎯᏁᏤᎮᏍᏗ ᎤᎬᏫᏳᎯ ᎠᎦᏔᎲᎢ, ᎤᎾᏗᏒᏍᏗᏱ ᏂᎨᏒᎾ ᎨᏒ ᏓᏂᏬᏂᏍᎬᎢ, ᎪᎱᏍᏗ ᎬᏙᏗ ᏂᎨᏒᎾ ᏥᎩ, ᏓᏂᎦᏔᎲᏍᎬᏉᏍᎩᏂ ᎬᏩᎾᏛᏓᏍᏓᏁᎯ.

di-ma-di ta-li-ne 2:14

Hi-a na-s-gi de-ha-nv-da-di-s-di-s-ge-s-di, u-li-ni-gi-dv-ya de-hi-ne-tse-he-s-di U-gv-wi-yu-hi a-ga-ta-hv-i, u-na-di-sv-s-di-yi ni-ge-sv-na ge-sv da-ni-wo-ni-s-gv-i, go-hu-s-di gv-do-di ni-ge-sv-na tsi-gi, da-ni-ga-ta-hv-s-gv-quo-s-gi-ni gv-wa-na-dv-da-s-da-ne-hi.

dimadi taline 2:14

hia nasgi dehanvdadisdisgesdi, ulinigidvya dehinetsehesdi ugvwiyuhi agatahvi, unadisvsdiyi nigesvna gesv daniwonisgvi, gohusdi gvdodi ngesvna tsigi, danigatahvsgvquosgini gvwanadvdasdanehi.

2nd Timothy 2:15

Study to shew thyself approved unto God, a workman that needeth not to be ashamed, rightly dividing the word of truth.

ᏗᎹᏗ ᏔᎵᏁ 2:15

ᎭᏟᏂᎬᏁᎮᏍᏗ ᎬᏂᎨᏒ ᎢᏨᏁᏗᏱ ᎣᏏᏳ ᏣᏰᎸᏒ ᎤᏁᎳᏅᎯ, ᏗᏣᎸᏫᏍᏓᏁᎯ ᎨᏎᏍᏗ ᎨᏣᏕᎰᎯᏍᏗ ᏂᎨᏒᎾ ᎨᏒᎢ, ᎣᏍᏛ ᏘᏯᏙᎮᎯ ᎦᏰᎪᎩ ᏂᎨᏒᎾ ᎧᏃᎮᏛ.

di-ma-di ta-li-ne 2:15

Ha-tli-ni-gv-ne-he-s-di gv-ni-ge-sv i-tsv-ne-di-yi o-si-yu tsa-ye-lv-sv U-ne-la-nv-hi, di-tsa-lv-wi-s-da-ne-hi ge-se-s-di ge-tsa-de-ho-hi-s-di ni-ge-sv-na ge-sv-i, o-s-dv ti-ya-do-he-hi ga-ye-go-gi ni-ge-sv-na ka-no-he-dv.

dimadi taline 2:15

hatlinigvnehesdi gvnigesv itsvnediyi osiyu tsayelvsv unelanvhi, ditsalvwisdanehi gesesdi getsadehohisdi nigesvna gesvi, osdv tiyadohehi gayegogi nigesvna kanohedv.

2nd Timothy 2:16

But shun profane and vain babblings: for they will increase unto more ungodliness.

ᏗᎹᏗ ᏔᎵᏁ 2:16

ᎢᏴᏛᏍᎩᏂ ᏅᏁᎮᏍᏗ ᎦᏪᏢᏗ ᎨᏒ ᎠᎴ ᏄᎵᏌᎶᏛᎾ ᎦᏬᏂᎯᏍᏗ ᎨᏒᎢ, ᎾᏍᎩᏰᏃ ᎠᏂᏁᏉᏍᎨᏍᏗ ᎤᏁᎳᏅᎯ ᏗᏁᎶᏙᏗ ᏂᎨᏒᎾ ᎨᏒᎢ.

di-ma-di ta-li-ne 2:16

I-yv-dv-s-gi-ni nv-ne-he-s-di ga-we-tlv-di ge-sv a-le nu-li-sa-lo-dv-na ga-wo-ni-hi-s-di ge-sv-i, na-s-gi-ye-no a-ni-ne-quo-s-ge-s-di U-ne-la-nv-hi di-ne-lo-do-di ni-ge-sv-na ge-sv-i.

dimadi taline 2:16

iyvdvsgini nvnehesdi gawetlvdi gesv ale nulisalodvna gawonihisdi gesvi, nasgiyeno aninequosgesdi unelanvhi dinelodidi nigesvna gesvi.

2nd Timothy 2:17

And their word will eat as doth a canker: of whom is Hymenaeus and Philetus;

ᏗᎹᏗ ᏔᎵᏁ 2:17

ᎠᎴ ᎠᏂᏬᏂᏍᎬ ᎠᏓᏰᏍᎨᏍᏗ ᎾᏍᎩᏯ ᎤᎪᏏᏛ ᏣᏓᏰᏍᎪᎢ; ᎾᏍᎩ ᏄᎾᏍᏗ ᎭᎻᏂᏯ ᎠᎴ ᏆᎵᏓ;

di-ma-di ta-li-ne 2:17

A-le a-ni-wo-ni-s-gv a-da-ye-s-ge-s-di na-s-gi-ya u-go-si-dv tsa-da-ye-s-go-i; na-s-gi nu-na-s-di Ha-mi-ni-ya a-le Qua-li-da;

dimadi taline 2:17

ale aniwonisgv adayesgesdi nasgiya ugosidv tsadayesgoi; nasgi nunasdi haminiya ale qualida;

2nd Timothy 2:18

Who concerning the truth have erred, saying that the resurrection is past already; and overthrow the faith of some.

ᏗᎹᏗ ᏔᎵᏁ 2:18

ᎾᏍᎩ ᏚᏳᎪᏛ ᎨᏒ ᎤᎾᏞᏒ, ᎯᎠ ᏥᎾᏂᏪᎠ, ᎠᏲᎱᏒ ᏗᎴᎯᏐᏗ ᎨᏒ ᎦᏳᎳ ᎤᎶ ᏐᏅ; ᎠᎴ ᏓᏂᎷᏆᏗᏁᎭ ᎢᎦᏛ ᎤᏃᎯᏳᏒᎢ.

di-ma-di ta-li-ne 2:18

Na-s-gi du-yu-go-dv ge-sv u-na-tle-sv, hi-a tsi-na-ni-we-a, a-yo-hu-sv di-le-hi-so-di ge-sv ga-yu-la u-lo so-nv; a-le da-ni-lu-qua-di-ne-ha i-ga-dv u-no-hi-yu-sv-i.

dimadi taline 2:18

nasgi duyugodv gesv unatlesv, hia tsinaniwea, ayohusv dilehisodi gesv gayula ulo sonv; ale daniluquadineha igadv unohiyusvi.

2nd Timothy 2:19

Nevertheless the foundation of God standeth sure, having this seal, The Lord knoweth them that are his. And, Let every one that nameth the name of Christ depart from iniquity.

ᏗᎹᏗ ᏔᎵᏁ 2:19

ᎠᏎᏍᎩᏂᏃᏅ ᎦᎫᏍᏛᏗ ᎤᏁᎳᏅᎯ ᎤᏤᎵᎦ ᎤᎵᏂᎩᏗᏳ ᏂᎬᏅ; ᎯᎠᏰᏃ ᏂᎬᏅ ᎪᏪᎸᎢ, ᎤᎬᏫᏳᎯ ᏓᎦᏔᎭ ᎾᏍᎩ ᏧᏤᎵᎦ; ᎠᎴ ᎯᎠ, ᎩᎶ ᎧᏁᎢᏍᏗᏍᎨᏍᏗ ᎦᎶᏁᏛ ᏚᏙᎥ ᎾᏍᎩ ᎠᏓᏅᎡᎮᏍᏗ ᎠᏍᎦᏂ.

di-ma-di ta-li-ne 2:19

A-se-s-gi-ni-no-nv ga-gu-s-dv-di U-ne-la-nv-hi u-tse-li-ga u-li-ni-gi-di-yu ni-gv-nv; hi-a-ye-no ni-gv-nv go-we-lv-i, U-gv-wi-yu-hi da-ga-ta-ha na-s-gi tsu-tse-li-ga; a-le hi-a, Gi-lo ka-ne-i-s-di-s-ge-s-di Ga-lo-ne-dv du-do-v na-s-gi a-da-nv-e-he-s-di a-s-ga-ni.

dimadi taline 2:19

asesgininonv gagusdvdi unelanvhi utseliga ulinigidiyu nigvnv; hiayeno nigvnv gowelvi, ugvwiyuhi dagataha nasgi tsutseliga; ale hia, gilo kaneisdisgesdi galonedv dudov nasgi adanvehesdi asgani.

2nd Timothy 2:20

But in a great house there are not only vessels of gold and of silver, but also of wood and of earth; and some to honour, and some to dishonour.

ᏗᎹᏗ ᏔᎵᏁ 2:20

ᎠᏎᏃ ᎡᏆ ᏣᏓᏁᎶ ᎾᎿᏓᎰ ᏗᏖᎵᏙ ᎥᏝ ᎠᏕᎸᏉ ᏓᎶᏂᎨ ᎠᎴ ᎠᏕᎸᎤᏁᎬ ᎤᏩᏒ ᏗᎪᏢᏔᏅᎯ ᏱᎨᏐᎢ, ᎾᏍᏉᏍᎩᏂ ᎠᏓ ᎠᎴ ᎦᏓ ᏗᎪᏢᏔᏅᎯ; ᎠᎴ ᎢᎦᏛ ᏗᎦᎸᏉᏗ ᎢᎦᏛᏃ ᏗᎦᎸᏉᏗ ᏂᎨᏒᎾ.

di-ma-di ta-li-ne 2:20

A-se-no e-qua tsa-da-ne-lo na-hna da-ho di-te-li-do v-tla a-de-lv-quo da-lo-ni-ge a-le a-de-lv-u-ne-gv u-wa-sv di-go-tlv-ta-nv-hi yi-ge-so-i, na-s-quo-s-gi-ni a-da a-le ga-da di-go-tlv-ta-nv-hi; a-le i-ga-dv di-ga-lv-quo-di i-ga-dv-no di-ga-lv-quo-di ni-ge-sv-na.

dimadi taline 2:20

aseno equatsadanelo nahna daho ditelido vtla adelvquo dalonige ale adelvunegv uwasv digotlvtanvhi yegesoi, nasquosgini ada ale gada digotlvtanvhi; ale igadv digalvquodi igadvno digalvquodi nigesvna.

2nd Timothy 2:21

If a man therefore purge himself from these, he shall be a vessel unto honour, sanctified, and meet for the master's use, and prepared unto every good work.

ᏗᎹᏗ ᏔᎵᏁ 2:21

ᎢᏳᏃ ᎩᎶ ᎤᏓᏅᎦᎸᏛ ᏱᎩ ᎯᎠ ᎾᏍᎩ ᎨᏒᎢ, ᎾᏍᎩ Ꮎ ᎠᏖᎵᏙ ᎦᎸᏉᏗ ᎨᏎᏍᏗ, ᎦᎸᏉᏔᏅᎯ, ᎠᎴ ᏱᏍᏛ ᎢᎬᏁᎸᎯ ᎪᎱᏍᏗ ᎤᏩᏙᏗᏱ ᎦᏁᎳ; ᎠᎴ ᎠᏛᏅᎢᏍᏔᏅᎯ ᎾᎦᎥ ᎣᏍᏛ ᏗᎦᎸᏫᏍᏓᏁᏗ ᎨᏒ ᎤᎬᏩᎵ.

di-ma-di ta-li-ne 2:21

I-yu-no gi-lo u-da-nv-ga-lv-dv yi-gi hi-a na-s-gi ge-sv-i, na-s-gi na a-te-li-do ga-lv-quo-di ge-se-s-di, ga-lv-quo-ta-nv-hi, a-le yi-s-dv i-gv-ne-lv-hi go-hu-s-di u-wa-do-di-yi ga-ne-la; a-le a-dv-nv-i-s-ta-nv-hi na-ga-v o-s-dv di-ga-lv-wi-s-da-ne-di ge-sv u-gv-wa-li.

dimadi taline 2:21

iyuno gilo udanvgalvdvyigi hia nasgi gesvi, nasgi na atelido galvquodi gesesdi, galvquotanvhi, ale yisdv igvnelvhi gohusdi uwadodiyi ganela; ale advnvistanvhi nagav osdv digalvwisdanedi gesv ugvwali.

2nd Timothy 2:22

Flee also youthful lusts: but follow righteousness, faith, charity, peace, with them that call on the Lord out of a pure heart.

ᏗᎹᏗ ᏔᎵᏁ 2:22

ᎠᎴ ᏕᎭᏓᏅᎡᎮᏍᏗ ᎩᎳ ᏗᎾᏛᏍᎩ ᎤᎾᏚᎸᏅᏗ ᎨᏒᎢ; ᎯᏍᏓᏩᏕᎨᏍᏗᏃ ᏚᏳᎪᏛ ᎨᏒ, ᎠᎴ ᎪᎯᏳᏗ ᎨᏒ, ᎠᎴ ᎠᏓᎨᏳᏗ ᎨᏒ, ᎠᎴ ᏅᏩᏙᎯᏯᏛ ᎨᏒᎢ, ᎢᏣᎵᎪᏎᏍᏗ ᎾᏍᎩ Ꮎ ᎤᎬᏫᏳᎯ ᎠᎾᏓᏙᎵᏍᏓᏁᎯ ᎤᎾᏫ ᎦᏓᎭ ᏂᎨᏒᎾ ᎠᏅᏗᏍᎩ.

di-ma-di ta-li-ne 2:22

A-le de-ha-da-nv-e-he-s-di gi-la di-na-dv-s-gi u-na-du-lv-nv-di ge-sv-i; hi-s-da-wa-de-ge-s-di-no du-yu-go-dv ge-sv, a-le go-hi-yu-di ge-sv, a-le a-da-ge-yu-di ge-sv, a-le nv-wa-do-hi-ya-dv ge-sv-i, i-tsa-li-go-se-s-di na-s-gi na U-gv-wi-yu-hi a-na-da-do-li-s-da-ne-hi u-na-wi ga-da-ha ni-ge-sv-na a-nv-di-s-gi.

dimadi taline 2:22

ale dehadanvehesdi gila dinadvsgi unadulvnvdi gesvi; hisdawadegesdino duygodv gesv, ale gohiyudi gesv, ale adageyudi gesv, ale nvwadohiyadv gesvi, itsaligosesdi nasgi na ugvwiyuhi anadadolisdanehi unawi gadha nigesvna anvdisgi.

2nd Timothy 2:23

But foolish and unlearned questions avoid, knowing that they do gender strifes.

ᏗᎹᏗ ᏔᎵᏁ 2:23

ᏕᎭᏓᏅᎡᎮᏍᏗᏍᎩᏂ ᏄᎵᏌᎶᏛᎾ ᎠᎴ ᏅᎦᏔᎲᎾ ᏚᏬᏂᎯᏍᏗ ᎨᏒᎢ, ᎯᎦᏔᎭᏰᏃ ᏗᏘᏲᏍᏗ ᎨᏒ ᏩᎵᏰᎢᎶᎯᎲᎢ.

di-ma-di ta-li-ne 2:23

De-ha-da-nv-e-he-s-di-s-gi-ni nu-li-sa-lo-dv-na a-le nv-ga-ta-hv-na du-wo-ni-hi-s-di ge-sv-i, hi-ga-ta-ha-ye-no di-ti-yo-s-di ge-sv wa-li-ye-i-lo-hi-hv-i.

dimadi taline 2:23

dehadanvehesdisgini nulisalodvna ale nvgatahvna duwonihisdi gesvi, higatahayeno ditiyosdi gesv waliyeilohihvi.

2nd Timothy 2:24

And the servant of the Lord must not strive; but be gentle unto all men, apt to teach, patient,

ᏗᎹᏗ ᏔᎵᏁ 2:24

ᎤᎬᏫᏳᎯᏰᏃ ᎤᏅᏏᏓᏍᏗ ᎥᏝ ᏧᏘᏲᏍᏗ ᏱᎩ, ᏧᎨᏳᎯᏍᎩᏂ ᏱᎩ ᎾᏂᎥᎢ, ᏗᎬᏩᏕᏲᏗ ᏱᎩ, ᎬᏂᏗᏳ ᏱᎩ,

di-ma-di ta-li-ne 2:24

U-gv-wi-yu-hi-ye-no u-nv-si-da-s-di v-tla tsu-ti-yo-s-di yi-gi, tsu-ge-yu-hi-s-gi-ni yi-gi na-ni-v-i, di-gv-wa-de-yo-di yi-gi, gv-ni-di-yu yi-gi,

dimadi taline 2:24

ugvwiyuhiyeno unvsidasdi vtla tsutiyosdi yigi, tsugeyuhisgini yigi nanivi, digvwadeyodi yigi, gvnidiyu yigi,

2nd Timothy 2:25

In meekness instructing those that oppose themselves; if God peradventure will give them repentance to the acknowledging of the truth;

ᏗᎹᏗ ᏔᎵᏁ 2:25

ᎤᏓᏅᏘ ᎬᏗᏍᎬ ᏱᎩ ᏕᎨᏲᎲᏍᎬ ᎬᏩᏡᏗᏍᎩ; ᎤᏚᎩ ᏳᏩᎭ ᎤᏁᎳᏅᎯ ᏧᏁᏗᏱ ᏧᏂᏁᏟᏴᏍᏗᏱ ᏚᎾᏓᏅᏛᎢ, ᎠᎴ ᏧᎾᏓᏂᎸᎢᏍᏗᏱ ᎤᏙᎯᏳᎯ ᎨᏒᎢ;

di-ma-di ta-li-ne 2:25

U-da-nv-ti gv-di-s-gv yi-gi de-ge-yo-hv-s-gv gv-wa-tlu-di-s-gi; u-du-gi yu-wa-ha U-ne-la-nv-hi tsu-ne-di-yi tsu-ni-ne-tli-yv-s-di-yi du-na-da-nv-dv-i, a-le tsu-na-da-ni-lv-i-s-di-yi u-do-hi-yu-hi ge-sv-i;

dimadi taline 2:25

udanvti gvdisgv yigi degeyohvsgv gvwatludisgi; udugi yuwaha unelanvhi tsunediyi tsuninetliyvsdiyi dunadanvdvi, ale tsunadanilvisdiyi udohiyuhi gesvi;

2nd Timothy 2:26

And that they may recover themselves out of the snare of the devil, who are taken captive by him at his will.

ᏗᎹᏗ ᏔᎵᏁ 2:26

ᎠᎴ ᎤᎾᏓᏅᏘᏐᏗᏱ ᎤᏅᏒ ᎤᎾᏚᏓᎴᏍᏗᏱ ᎠᏍᎩᎾ ᎤᏌᏛᎢ, ᎾᏍᎩ ᎫᏴᎩᏅᎯ ᏥᎩ ᎤᏩᏒᏉ ᎠᏓᏅᏖᏍᎬ ᎢᏧᏩᏁᎸᎯ.

di-ma-di ta-li-ne 2:26

A-le u-na-da-nv-ti-so-di-yi u-nv-sv u-na-du-da-le-s-di-yi a-s-gi-na u-sa-dv-i, na-s-gi gu-yv-gi-nv-hi tsi-gi u-wa-sv-quo a-da-nv-te-s-gv i-tsu-wa-ne-lv-hi.

dimadi taline 2:26

ale unadanvtisodiyi unvsv unadudalesdiyi asgina usadvi, nasgi guyvginvhi tsigi uwasvquo adanvtsesg itsuwanelvhi.

2 Timothy 1 PREVIOUS CHAPTER NEXT CHAPTER 2 Timothy 3