2 Corinthians 8
2nd Corinthians 8th Chapter
ᎪᎵᏂᏗᏱ ᎠᏁᎯ ᏔᎵᏁ ᎦᎪᏪᎳᏁᎸᎯ 8
go-li-hi-di-yi a-ne-hi ta-li-ne ga-go-we-la-ne-lv-hi 8
golihidiyi anehi taline gagowelanelvhi 8
2 Corinthians 8:1-24 KJV (Public Domain)
ᎪᎵᏂᏗᏱ ᎠᏁᎯ ᏔᎵᏁ 8:1-24
go-li-hi-di-yi a-ne-hi ta-li-ne 8:1-24
golihidiyi anehi taline 8:1-24
2 Corinthians 8:1
Moreover, brethren, we do you to wit of the grace of God bestowed on the churches of Macedonia;
ᎪᎵᏂᏗᏱ ᎠᏁᎯ ᏔᎵᏁ 8:1
ᎠᎴᏬ ᎢᏓᎵᏅᏟ, ᎬᏂᎨᏒ ᏂᏨᏴᏁᎭ, ᎤᏁᎳᏅᎯ ᎬᏩᎦᏘᏯ ᎤᏓᏁᏗ ᎨᏒ ᎾᏍᎩ ᏚᏁᎸ ᏧᎾᏁᎶᏗ ᏚᎾᏓᏡᏩᏗᏒ ᎹᏏᏙᏂ ᎠᏁᎯ;
go-li-hi-di-yi a-ne-hi ta-li-ne 8:1
A-le-wo i-da-li-nv-tli, gv-ni-ge-sv ni-tsv-yv-ne-ha, U-ne-la-nv-hi gv-wa-ga-ti-ya u-da-ne-di ge-sv na-s-gi du-ne-lv tsu-na-ne-lo-di du-na-da-tlu-wa-di-sv Ma-si-do-ni a-ne-hi;
golihidiyi anehi taline 8:1
alewo idalinvtli, gvnigesv nitsvyvneha, unelanvhi gvwagatiya udanedi gesv nasgi dunelv tsunanelodi dunadatluwadisv masidoni anehi;
2 Corinthians 8:2
How that in a great trial of affliction the abundance of their joy and their deep poverty abounded unto the riches of their liberality.
ᎪᎵᏂᏗᏱ ᎠᏁᎯ ᏔᎵᏁ 8:2
ᎾᏍᎩ ᎤᏣᏘ ᎠᏓᎪᎵᏰᏍᎩ ᎠᏂᎩᎵᏲᎬ, ᎤᏣᏘ ᎠᎾᎵᎮᎵᎬ ᎠᎴ ᎤᏣᏘ ᎤᏲ ᏄᎾᏛᎿᏕᎬ ᎦᎸᏉᏗᏳ ᏄᏩᏁᎸ ᏄᏂᎨᏳᎿᎥᎾ ᎨᏒᎢ.
go-li-hi-di-yi a-ne-hi ta-li-ne 8:2
Na-s-gi u-tsa-ti a-da-go-li-ye-s-gi a-ni-gi-li-yo-gv, u-tsa-ti a-na-li-he-li-gv a-le u-tsa-ti u-yo nu-na-dv-hna-de-gv ga-lv-quo-di-yu nu-wa-ne-lv nu-ni-ge-yu-hna-v-na ge-sv-i.
golihidiyi anehi taline 8:2
nasgi utsati adagoliyesgi anigiliyogv, utsati analiheligv ale utsati uyo nunadvhnadegv galvquodiyu nuwanelv nunigeyuhnavna gesvi.
2 Corinthians 8:3
For to their power, I bear record, yea, and beyond their power they were willing of themselves;
ᎪᎵᏂᏗᏱ ᎠᏁᎯ ᏔᎵᏁ 8:3
ᎦᏥᏲᎢᏳᏓᏁᎭᏰᏃ ᎾᏍᎩ ᏂᏚᎾᎵᏂᎬᎬ ᎢᏴᏛ, ᎥᎥ, ᎠᎴ ᎠᏂᎶᏒᏍᏗᏍᎬ ᏂᎦᎾᎵᏂᎬᎬᎢ, ᎤᎾᎵᎦᏟᏴᎯᏉ ᎤᏅᏒ ᎤᎾᏓᏅᏖᏛ;
go-li-hi-di-yi a-ne-hi ta-li-ne 8:3
Ga-tsi-yo-i-yu-da-ne-ha-ye-no na-s-gi ni-du-na-li-ni-gv-gv i-yv-dv, v-v, a-le a-ni-lo-sv-s-di-s-gv ni-ga-na-li-ni-gv-gv-i, u-na-li-ga-tli-yv-hi-quo u-nv-sv u-na-da-nv-te-dv;
golihidiyi anehi taline 8:3
gatsiyoiyudanehayeno nasgi nidunalinigvgv iyvdv, vv, ale anilosvsdisgv niganalinigvgvi, unaligatliyvhiquo unvsv unadanvtedv;
2 Corinthians 8:4
Praying us with much intreaty that we would receive the gift, and take upon us the fellowship of the ministering to the saints.
ᎪᎵᏂᏗᏱ ᎠᏁᎯ ᏔᎵᏁ 8:4
ᎤᏣᏘ ᎪᎩᏍᏗᏰᏗᏍᎬ ᎪᎩᏔᏲᏎᎲᎩ ᎾᏍᎩ ᎤᏂᏅᎯ ᏦᎦᏓᏂᎸᎢᏍᏗᏱ, ᎠᎴ ᎣᎦᏖᏆᎶᏗᏱ ᏦᏥᏍᏕᎸᏗᏱ ᏧᎾᏁᎶᏗ.
go-li-hi-di-yi a-ne-hi ta-li-ne 8:4
U-tsa-ti go-gi-s-di-ye-di-s-gv go-gi-ta-yo-se-hv-gi na-s-gi u-ni-nv-hi tso-ga-da-ni-lv-i-s-di-yi, a-le o-ga-te-qua-lo-di-yi tso-tsi-s-de-lv-di-yi tsu-na-ne-lo-di.
golihidiyi anehi taline 8:4
utsati gogisdiyedisgv gogitayosehvgi nasgi uninvhitsogadanilvisdiyi, ale ogatequalodiyi tsotsisdelvdiyi tsunanelodi.
2 Corinthians 8:5
And this they did, not as we hoped, but first gave their own selves to the Lord, and unto us by the will of God.
ᎪᎵᏂᏗᏱ ᎠᏁᎯ ᏔᎵᏁ 8:5
ᎠᎴ [ᎾᏍᎩ ᏄᎾᏛᏁᎸᎩ] ᎥᏝ ᎾᏍᎩᏯ ᏄᏍᏛ ᎤᏚᎩ ᎣᎬᏅᎢ, ᎢᎬᏱᏍᎩᏂ ᎤᏅᏒ ᎤᎬᏫᏳᎯ ᏚᎾᏓᏲᎯᏎᎸᎩ, ᎠᎴ ᎠᏴ ᏕᎪᎦᏓᏲᎯᏎᎸᎩ, ᎤᏁᎳᏅᎯ ᎣᏏᏳ ᎠᏰᎸᏍᎬ ᏅᏓᏳᎵᏍᏙᏔᏅᎩ.
go-li-hi-di-yi a-ne-hi ta-li-ne 8:5
A-le [na-s-gi nu-na-dv-ne-lv-gi] v-tla na-s-gi-ya nu-s-dv u-du-gi o-gv-nv-i, i-gv-yi-s-gi-ni u-nv-sv U-gv-wi-yu-hi du-na-da-yo-hi-se-lv-gi, a-le a-yv de-go-ga-da-yo-hi-se-lv-gi, U-ne-la-nv-hi o-si-yu a-ye-lv-s-gv nv-da-yu-li-s-do-ta-nv-gi.
golihidiyi anehi taline 8:5
ale [nasgi nunadvnelvgi] vtla nasgiya nusdv udugi ogvnvi, igvyisgini unvsv ugvwiyuhi dunadayohiselvgi, ale ayv degogadayohiselvgi, unelanvhi osiyu ayelvsgv nvdayulisdotanvgi.
2 Corinthians 8:6
Insomuch that we desired Titus, that as he had begun, so he would also finish in you the same grace also.
ᎪᎵᏂᏗᏱ ᎠᏁᎯ ᏔᎵᏁ 8:6
ᎾᏍᎩ ᎢᏳᏍᏗ ᏓᏓᏏ ᎣᏥᏔᏲᏎᎸᎩ, ᎾᏍᎩ ᏄᏍᏛ ᎤᎴᏅᎲᎢ, ᎾᏍᎩᏯ ᎢᏳᏛᏁᏗᏱ ᎤᏍᏆᏗᏍᏗᏱ ᎢᏤᎲ ᎤᏠᏱ ᎢᏣᏓᏁᏗᏱ ᏂᏨᏁᎲᎢ.
go-li-hi-di-yi a-ne-hi ta-li-ne 8:6
Na-s-gi i-yu-s-di Da-da-si o-tsi-ta-yo-se-lv-gi, na-s-gi nu-s-dv u-le-nv-hv-i, na-s-gi-ya i-yu-dv-ne-di-yi u-s-qua-di-s-di-yi i-tse-hv u-tlo-yi i-tsa-da-ne-di-yi ni-tsv-ne-hv-i.
golihidiyi anehi taline 8:6
nasgi iyusdi dadasi otsitayoselvgi, nasgi nusdv ulenvhvi, nasgiya iyudvnediyi usquadisdiyi itsehv utloyi itsadanediyi nitsvnehvi.
2 Corinthians 8:7
Therefore, as ye abound in every thing, in faith, and utterance, and knowledge, and in all diligence, and in your love to us, see that ye abound in this grace also.
ᎪᎵᏂᏗᏱ ᎠᏁᎯ ᏔᎵᏁ 8:7
ᎾᏍᎩᏃ ᏂᎦᎥ ᏧᏓᎴᏅᏛ ᎤᏣᏘ ᏥᏥᎭ, ᎾᏍᎩ ᎪᎯᏳᏗ ᎨᏒᎢ, ᎠᎴ ᎦᏬᏂᎯᏍᏗ ᎨᏒᎢ, ᎠᎴ ᎠᎦᏙᎥᎯᏍᏗ ᎨᏒᎢ, ᎠᎴ ᏂᎦᎥ ᏧᏓᎴᏅᏛ ᎢᏥᎦᎵᏴᎢ, ᎠᎴ ᎠᏴ ᏍᎩᎨᏳᎢᏳ ᎨᏒᎢ, ᎯᎠ ᎾᏍᎩ ᎠᏓᏁᏗ ᎨᏒ ᎾᏍᏉ ᎤᏣᏘ ᎢᏥᎮᏍᏗ.
go-li-hi-di-yi a-ne-hi ta-li-ne 8:7
Na-s-gi-no ni-ga-v tsu-da-le-nv-dv u-tsa-ti tsi-tsi-ha, na-s-gi go-hi-yu-di ge-sv-i, a-le ga-wo-ni-hi-s-di ge-sv-i, a-le a-ga-do-v-hi-s-di ge-sv-i, a-le ni-ga-v tsu-da-le-nv-dv i-tsi-ga-li-yv-i, a-le a-yv s-gi-ge-yu-i-yu ge-sv-i, hi-a na-s-gi a-da-ne-di ge-sv na-s-quo u-tsa-ti i-tsi-he-s-di.
golihidiyi anehi taline 8:7
nasgino nigav tsudalenvdv utsati tsitsiha, nasgi gohiyudi gesvi, ale gawonihisdi gesvi, ale agadovhisdi gesvi, ale nigav tsudalenvdv itsigaliyvi, ale ayv sgigeyuiyu gesvi, hia nasgi adanedi gesv nasquo utsati itsihesdi.
2 Corinthians 8:8
I speak not by commandment, but by occasion of the forwardness of others, and to prove the sincerity of your love.
ᎪᎵᏂᏗᏱ ᎠᏁᎯ ᏔᎵᏁ 8:8
ᎥᏝ ᏱᏥᏁᎦ ᎾᏍᎩ ᎯᎠ ᎠᏎ ᎢᏣᏛᏁᏗᏱ, ᎠᏂᏐᎢᏍᎩᏂ ᎤᎾᎵᎦᎵᏴᏅ ᏅᏗᎦᎵᏍᏙᏗᎭ, ᎠᎴ ᎠᎩᎪᎵᏰᏗᏱ ᎠᏓᎨᏳᏗ ᎨᏒ ᎢᏥᎲ ᏄᏠᎾᏍᏛᎾ ᎨᏒᎢ.
go-li-hi-di-yi a-ne-hi ta-li-ne 8:8
V-tla yi-tsi-ne-ga na-s-gi hi-a a-se i-tsa-dv-ne-di-yi, a-ni-so-i-s-gi-ni u-na-li-ga-li-yv-nv nv-di-ga-li-s-do-di-ha, a-le a-gi-go-li-ye-di-yi a-da-ge-yu-di ge-sv i-tsi-hv nu-tlo-na-s-dv-na ge-sv-i.
golihidiyi anehi taline 8:8
vtla yitsinega nasgi hia ase itsadvnediyi, anisoisgini unaligaliyvnv nvdigalisdodiha, ale agigoliyediyi adageyudi gesv itsihv nutlonasdvna gesvi.
2 Corinthians 8:9
For ye know the grace of our Lord Jesus Christ, that, though he was rich, yet for your sakes he became poor, that ye through his poverty might be rich.
ᎪᎵᏂᏗᏱ ᎠᏁᎯ ᏔᎵᏁ 8:9
ᎢᏥᎦᏔᎭᏰᏃ ᎬᏩᎦᏘᏯ ᎤᏓᏙᎵᏍᏗ ᎨᏒ ᎤᎬᏫᏳᎯ ᎢᎦᏤᎵᎦ ᏥᏌ ᎦᎶᏁᏛ, ᎾᏍᎩ ᎤᏪᎾᎢᏳ ᏥᎨᏎᎢ, ᎠᏎᏃ ᏂᎯ ᎨᏒ ᏅᏗᎦᎵᏍᏙᏗᏍᎬ ᎤᏲ ᎢᏳᏛᎿᏕᎩ ᏄᎵᏍᏔᏅᎢ, ᎾᏍᎩ ᎤᏩᏒ ᎤᏲ ᎢᏳᏛᎿᏕᎩ ᎨᏒ ᎢᏳᏩᏂᏐᏗᏱ ᏂᎯ ᏗᏤᎿᎢ ᎢᏣᎵᏍᏙᏗᏱ.
go-li-hi-di-yi a-ne-hi ta-li-ne 8:9
I-tsi-ga-ta-ha-ye-no gv-wa-ga-ti-ya u-da-do-li-s-di ge-sv U-gv-wi-yu-hi i-ga-tse-li-ga Tsi-sa Ga-lo-ne-dv, na-s-gi u-we-na-i-yu tsi-ge-se-i, a-se-no ni-hi ge-sv nv-di-ga-li-s-do-di-s-gv u-yo i-yu-dv-hna-de-gi nu-li-s-ta-nv-i, na-s-gi u-wa-sv u-yo i-yu-dv-hna-de-gi ge-sv i-yu-wa-ni-so-di-yi ni-hi di-tse-hna-i i-tsa-li-s-do-di-yi.
golihidiyi anehi taline 8:9
itsigatahayeno gvwagatiya udadolisdi gesv ugvwiyuhi igatseliga tsisa galonedv, nasgi uwenaiyu tsigesei, aseno nihi gesv nvdigalisdodisgv uyo iyudvhnadegi nulistanvi, nasgi uwasv uyo iyudvhnadegi gesv iyuwanisodiyi nihi ditsehani itsalisdodiyi.
2 Corinthians 8:10
And herein I give my advice: for this is expedient for you, who have begun before, not only to do, but also to be forward a year ago.
ᎪᎵᏂᏗᏱ ᎠᏁᎯ ᏔᎵᏁ 8:10
ᎠᎴ ᎠᏂ ᎾᏍᎩ ᏄᏍᏛ ᎦᏓᏅᏖᏍᎬ ᎬᏂᎨᏒ ᏂᎬᏁᎭ; ᎣᏏᏳᏰᏃ ᎢᎨᏣᎵᏍᏓᏁᏗ, ᎾᏍᎩ ᎦᏳᎳ ᎢᏣᎴᏅᏛ ᏥᎩ, ᎿᏉ ᏑᏕᏘᏴᏛ, ᎥᏝ ᎢᏣᏛᏁᏗᏱᏉ ᎾᏍᎩ, ᎾᏍᏉᏍᎩᏂ ᎣᏏᏳ ᎢᏥᏰᎸᏗᏱ.
go-li-hi-di-yi a-ne-hi ta-li-ne 8:10
A-le a-ni na-s-gi nu-s-dv ga-da-nv-te-s-gv gv-ni-ge-sv ni-gv-ne-ha; o-si-yu-ye-no i-ge-tsa-li-s-da-ne-di, na-s-gi ga-yu-la i-tsa-le-nv-dv tsi-gi, hna-quo su-de-ti-yv-dv, v-tla i-tsa-dv-ne-di-yi-quo na-s-gi, na-s-quo-s-gi-ni o-si-yu i-tsi-ye-lv-di-yi.
golihidiyi anehi taline 8:10
ale ani nasgi nusdv gadnvtesgv gvnigesv nigvneha; osiyuyeno igetsalisdanedi, nasgi gayula itsalenvdv tsigi, hnaquo sudetiyvdv, vtla itsadvnediyiquo nasgi, nasquosgini osiyu itsiyelvdiyi.
2 Corinthians 8:11
Now therefore perform the doing of it; that as there was a readiness to will, so there may be a performance also out of that which ye have.
ᎪᎵᏂᏗᏱ ᎠᏁᎯ ᏔᎵᏁ 8:11
ᎾᏍᎩ ᎢᏳᏍᏗ ᎿᏉ ᎢᏥᏍᏆᏓ ᎾᏍᎩ ᎢᏯᏛᏁᏗ ᎨᏒᎢ, ᎾᏍᎩ ᎢᏥᎦᎵᏱᏳ ᏂᎨᏒ ᎢᏣᏚᎸᏗᏱ, ᎾᏍᎩ ᎾᏍᏉ ᏄᏍᏕᏍᏗ ᎢᏥᏍᏆᏗᏍᎬᎢ, ᎢᏨᏗᏍᎬ ᎾᏍᎩ ᏄᏍᏛ ᎢᏥᎲᎢ.
go-li-hi-di-yi a-ne-hi ta-li-ne 8:11
Na-s-gi i-yu-s-di hna-quo i-tsi-s-qua-da na-s-gi i-ya-dv-ne-di ge-sv-i, na-s-gi i-tsi-ga-li-yi-yu ni-ge-sv i-tsa-du-lv-di-yi, na-s-gi na-s-quo nu-s-de-s-di i-tsi-s-qua-di-s-gv-i, i-tsv-di-s-gv na-s-gi nu-s-dv i-tsi-hv-i.
golihidiyi anehi taline 8:11
nasgi iyusdi hnaquo itsisquada nasgi iyadvnedi gesvi, nasgi itsigaliyiyu nigesv itsadulvdiyi, nasgi nasquo nusdesdi itsisquadisgvi, itsvdisgv nasgi nusdv itsihvi.
2 Corinthians 8:12
For if there be first a willing mind, it is accepted according to that a man hath, and not according to that he hath not.
ᎪᎵᏂᏗᏱ ᎠᏁᎯ ᏔᎵᏁ 8:12
ᎢᏳᏰᏃ ᎢᎬᏱ ᎨᏒ ᎩᎶ ᏯᎦᎵᏴ ᏧᏓᏅᏛᎢ, ᏣᎦᏓᏂᎸᏤᏗ ᎨᏐ ᎾᏍᎩᏯ ᏄᏍᏛ ᎤᎲᎢ, ᎥᏝᏃ ᎾᏍᎩᏯ ᏄᎲᎾ ᎨᏒᎢ.
go-li-hi-di-yi a-ne-hi ta-li-ne 8:12
I-yu-ye-no i-gv-yi ge-sv gi-lo ya-ga-li-yv tsu-da-nv-dv-i, tsa-ga-da-ni-lv-tse-di ge-so na-s-gi-ya nu-s-dv u-hv-i, v-tla-no na-s-gi-ya nu-hv-na ge-sv-i.
golihidiyi anehi taline 8:12
iyuyeno igvyi gesv gilo yagaliyv tsudanvdvi, tsagadanilvtsedi gesso nasgiya nusdv uhvi, vtlano nasgiya nuhvna gesvi.
2 Corinthians 8:13
For I mean not that other men be eased, and ye burdened:
ᎪᎵᏂᏗᏱ ᎠᏁᎯ ᏔᎵᏁ 8:13
ᎥᏝ ᎠᏗᎾ ᏅᏩᎾᏓᎴ ᏗᎨᏥᎪᏗᏱ ᏂᎯᏃ ᎠᏍᏓᏯ ᎢᏰᏨᏁᏗᏱ ᏱᎦᏗᎭ:
go-li-hi-di-yi a-ne-hi ta-li-ne 8:13
V-tla a-di-na nv-wa-na-da-le di-ge-tsi-go-di-yi ni-hi-no a-s-da-ya i-ye-tsv-ne-di-yi yi-ga-di-ha:
golihidiyi anehi taline 8:13
vtla Adina nvwanadale digetsigodiyi nihino asdaya iyetsvnediyi yigadiha:
2 Corinthians 8:14
But by an equality, that now at this time your abundance may be a supply for their want, that their abundance also may be a supply for your want: that there may be equality:
ᎪᎵᏂᏗᏱ ᎠᏁᎯ ᏔᎵᏁ 8:14
ᎢᎬᏩᏍᏗᎭᏍᎩᏂ [ᎢᏥᏗᏱ;] ᎾᏍᎩ ᎪᎯ ᎨᏒ ᎤᏣᏘ ᎢᏥᎲ ᏱᏗᏥᏍᏕᎸᏗᎭ ᎤᏂᏂᎬᏎᎲᎢ, ᎾᏍᎩᏃ ᎾᏍᏉ ᎤᏣᏘ ᎤᏂᎲ ᎨᏥᏍᏕᎸᏗᏱ ᎢᏥᏂᎬᏎᎲᎢ, ᎾᏍᎩ ᎢᎬᏩᏍᏗᎭ ᎢᏥᏗᏱ.
go-li-hi-di-yi a-ne-hi ta-li-ne 8:14
I-gv-wa-s-di-ha-s-gi-ni [i-tsi-di-yi;] na-s-gi go-hi ge-sv u-tsa-ti i-tsi-hv yi-di-tsi-s-de-lv-di-ha u-ni-ni-gv-se-hv-i, na-s-gi-no na-s-quo u-tsa-ti u-ni-hv ge-tsi-s-de-lv-di-yi i-tsi-ni-gv-se-hv-i, na-s-gi i-gv-wa-s-di-ha i-tsi-di-yi.
golihidiyi anehi taline 8:14
igvwasdihasgini [itsidiyi;] nasgi gohi gesv utsati itsihv yiditsisdelvdiha uninigvsehvi, nasgino nasquo utsati unihv getsisdelvdiyi itsinigvsehvi, nasgi igvwasdiha itsidiyi.
2 Corinthians 8:15
As it is written, He that had gathered much had nothing over; and he that had gathered little had no lack.
ᎪᎵᏂᏗᏱ ᎠᏁᎯ ᏔᎵᏁ 8:15
ᎾᏍᎩᏯ ᎯᎠ ᏥᏂᎬᏅ ᏥᎪᏪᎳ, ᎾᏍᎩ ᎤᎪᏗ ᎤᏭᏖᏛ ᎥᏝ ᏳᏘᏰᎮᎢ; ᎾᏃ ᎦᏲᎵ ᎤᏭᏖᏛ ᎥᏝ ᏳᎷᎶᏤᎮᎢ.
go-li-hi-di-yi a-ne-hi ta-li-ne 8:15
Na-s-gi-ya hi-a tsi-ni-gv-nv tsi-go-we-la, Na-s-gi u-go-di u-wu-te-dv v-tla yu-ti-ye-he-i; na-no ga-yo-li u-wu-te-dv v-tla yu-lu-lo-tse-he-i.
golihidiyi anehi taline 8:15
nasgiya hia tsinigvnv tsigowela, nasgi ugodi uwutedv vtla yutiyehei; nano gayoli uwutedv vtla yululotsehei.
2 Corinthians 8:16
But thanks be to God, which put the same earnest care into the heart of Titus for you.
ᎪᎵᏂᏗᏱ ᎠᏁᎯ ᏔᎵᏁ 8:16
ᎠᏎᏃ ᎤᏁᎳᏅᎯ ᎠᎵᎮᎵᏤᏗ ᎨᏎᏍᏗ, ᎾᏍᎩ ᏓᏓᏏ ᎤᎾᏫᏱ ᏧᎳᏁᎸ ᎾᏍᎩ ᎢᎦᎢ ᏗᏤᎷᎢᏍᏗᏱ.
go-li-hi-di-yi a-ne-hi ta-li-ne 8:16
A-se-no U-ne-la-nv-hi a-li-he-li-tse-di ge-se-s-di, na-s-gi Da-da-si u-na-wi-yi tsu-la-ne-lv na-s-gi i-ga-i di-tse-lu-i-s-di-yi.
golihidiyi anehi taline 8:16
aseno unelanvhi alihelitsedi gesesdi, nasgi dadasi unawiyi tsulanelv nasgi igai ditseluisdiyi.
2 Corinthians 8:17
For indeed he accepted the exhortation; but being more forward, of his own accord he went unto you.
ᎪᎵᏂᏗᏱ ᎠᏁᎯ ᏔᎵᏁ 8:17
ᎤᏙᎯᏳᎯᏰᏃ ᏚᏓᏂᎸᏨᎩ ᏥᏬᏁᏔᏅᎢ; ᎠᏎᏃ ᎤᏟᎯᏳ ᏄᎵᎦᎵᏴᏒ ᏅᏓᏳᎵᏍᏙᏔᏅᎩ, ᎤᏩᏒᏉ ᎤᏓᏅᏖᏛ ᎢᏥᏩᏛᎲᏒᎩ.
go-li-hi-di-yi a-ne-hi ta-li-ne 8:17
U-do-hi-yu-hi-ye-no du-da-ni-lv-tsv-gi tsi-wo-ne-ta-nv-i; a-se-no u-tli-hi-yu nu-li-ga-li-yv-sv nv-da-yu-li-s-do-ta-nv-gi, u-wa-sv-quo u-da-nv-te-dv i-tsi-wa-dv-hv-sv-gi.
golihidiyi anehi taline 8:17
udohiyuhiyeno dudanilvtsvgi tsiwonetanvi; aseno utlihiyu nuligaliyvsv nvdayulisdotanvgi, uwasvquo udanvtedv itsiwadvhvsvgi.
2 Corinthians 8:18
And we have sent with him the brother, whose praise is in the gospel throughout all the churches;
ᎪᎵᏂᏗᏱ ᎠᏁᎯ ᏔᎵᏁ 8:18
ᎠᎴ ᏱᏥᏅᎵ ᎾᏍᎩ ᎠᏁᎩ Ꮎ ᎢᏓᎵᏅᏟ, ᏂᎬᎾᏛ ᏚᎾᏓᏡᏩᏗᏒ ᏧᎾᏁᎶᏗ ᎬᏩᎸᏉᏗᏳ ᏥᎩ ᎣᏍᏛ ᎧᏃᎮᏛ ᏥᏅᏗᎦᎵᏍᏙᏗᎭ;
go-li-hi-di-yi a-ne-hi ta-li-ne 8:18
A-le yi-tsi-nv-li na-s-gi a-ne-gi na i-da-li-nv-tli, ni-gv-na-dv du-na-da-tlu-wa-di-sv tsu-na-ne-lo-di gv-wa-lv-quo-di-yu tsi-gi o-s-dv ka-no-he-dv tsi-nv-di-ga-li-s-do-di-ha;
golihidiyi anehi taline 8:18
ale yitsinvli nasgi anegi na idalinvtli, nigvnadv dunadatluwadisv tsunanelodi gvwalvquodiyu tsigi osdv kanohedv tsinvdigalisdodiha;
2 Corinthians 8:19
And not that only, but who was also chosen of the churches to travel with us with this grace, which is administered by us to the glory of the same Lord, and declaration of your ready mind:
ᎪᎵᏂᏗᏱ ᎠᏁᎯ ᏔᎵᏁ 8:19
ᎠᎴ ᎥᏝ ᎾᏍᎩᏉ ᏱᏂᎦᎥ, ᎾᏍᏉᏍᎩᏂ ᏚᎾᏓᏡᏩᏗᏒ ᏧᎾᏁᎶᏗ ᎬᏩᏑᏰᏒᎩ ᎠᏴ ᎢᏧᎳᎭ ᎣᎨᏅᏍᏗᏱ ᎣᎩᏴᏍᏗᏱ ᎯᎠ ᎾᏍᎩ ᎠᏓᏁᏗ, ᎾᏍᎩ ᏥᏙᎩᎸᏫᏍᏓᏁᎭ, ᎦᎸᏉᏗᏳ ᎢᏳᎵᏍᏙᏗᏱ ᎤᎬᏫᏳᎯ ᎤᏩᏒ, ᎠᎴ [ᎬᏂᎨᏒ ᎢᎬᏩᏁᏗᏱ] ᎢᏣᎵᎦᎵᏴᏒ ᏙᏗᏣᏓᏅᏛᎢ;
go-li-hi-di-yi a-ne-hi ta-li-ne 8:19
A-le v-tla na-s-gi-quo yi-ni-ga-v, na-s-quo-s-gi-ni du-na-da-tlu-wa-di-sv tsu-na-ne-lo-di gv-wa-su-ye-sv-gi a-yv i-tsu-la-ha o-ge-nv-s-di-yi o-gi-yv-s-di-yi hi-a na-s-gi a-da-ne-di, na-s-gi tsi-do-gi-lv-wi-s-da-ne-ha, ga-lv-quo-di-yu i-yu-li-s-do-di-yi U-gv-wi-yu-hi u-wa-sv, a-le [gv-ni-ge-sv i-gv-wa-ne-di-yi] i-tsa-li-ga-li-yv-sv do-di-tsa-da-nv-dv-i;
golihidiyi anehi taline 8:19
ale vtla nasgiquo yinigav, nasquosgini dunadatluwadisv tsunanelodi gvwasuyesvgi ayv itsulaha ogenvsdiyi ogiyvsdiyi hia nasgi adanedi, nasgi tsidogilvwisdaneha, galvquodiyu iyulisdodiyi ugvwiyuhi uwasv, ale [gvnigesv igvwanediyi] itsaligaliyvsv doditsadanvdvi;
2 Corinthians 8:20
Avoiding this, that no man should blame us in this abundance which is administered by us:
ᎪᎵᏂᏗᏱ ᎠᏁᎯ ᏔᎵᏁ 8:20
ᎯᎠ ᎾᏍᎩ ᎣᏥᏲᏍᏙᏗᏍᎬᎢ, ᎩᎶ ᎪᎱᏍᏗ ᎪᎨᎵᏎᏗᏱ ᎯᎠ ᎾᏍᎩ ᎤᏣᏘ ᎤᎬᏩᎵ ᎪᎱᏍᏗ ᎣᎬᏁᏗ ᏥᏂᎦᎵᏍᏗᎭ:
go-li-hi-di-yi a-ne-hi ta-li-ne 8:20
Hi-a na-s-gi o-tsi-yo-s-do-di-s-gv-i, gi-lo go-hu-s-di go-ge-li-se-di-yi hi-a na-s-gi u-tsa-ti u-gv-wa-li go-hu-s-di o-gv-ne-di tsi-ni-ga-li-s-di-ha:
golihidiyi anehi taline 8:20
hia nasgi otsiyosdodisgvi, gilo gohusdi gogelisediyi hia nasgi utsati ugvwali gohusdi ogvnedi tsinigalisdiha:
2 Corinthians 8:21
Providing for honest things, not only in the sight of the Lord, but also in the sight of men.
ᎪᎵᏂᏗᏱ ᎠᏁᎯ ᏔᎵᏁ 8:21
ᎢᎬᏱ ᎦᏰᎯ ᎣᏣᎦᏌᏯᏍᏗᏍᎬ ᎣᏏᏳ ᎠᏰᎸᏗ ᎨᏒᎢ, ᎥᏝ ᎤᎬᏫᏳᎯᏉ ᎠᎦᏔᎲᎢ, ᏴᏫᏍᎩᏂ ᎾᏍᏉ ᎠᏂᎦᏔᎲᎢ.
go-li-hi-di-yi a-ne-hi ta-li-ne 8:21
I-gv-yi ga-ye-hi o-tsa-ga-sa-ya-s-di-s-gv o-si-yu a-ye-lv-di ge-sv-i, v-tla U-gv-wi-yu-hi-quo a-ga-ta-hv-i, yv-wi-s-gi-ni na-s-quo a-ni-ga-ta-hv-i.
golihidiyi anehi taline 8:21
igvyi gayehi otsagasayasdisgv osiyu ayelvdi gesvi, vtla ugvwiyuhiquo agatahvi, yvwisgini nasquo anigatahvi.
2 Corinthians 8:22
And we have sent with them our brother, whom we have oftentimes proved diligent in many things, but now much more diligent, upon the great confidence which I have in you.
ᎪᎵᏂᏗᏱ ᎠᏁᎯ ᏔᎵᏁ 8:22
ᎠᎴ ᎣᏥᏅᎵ ᎢᏧᎳᎭ ᎠᏁᎩ ᎣᏣᎵᏅᏟ, ᎾᏍᎩ ᎤᏩᎫᏘᎶᏛ ᎣᏥᎪᎵᏰᏛ ᎣᎦᏙᎴᎰᏒᎯ ᎤᏣᏘ ᎠᎦᎵᏱᏳ ᎨᏒᎢ, ᎠᏎᏃ ᎪᎯ ᎨᏒ ᎤᏟ ᎾᎦᎵᏴ, ᏅᏗᎦᎵᏍᏙᏗᎭ ᎤᏣᏘ ᎢᏦᎯᏳᏒᎢ.
go-li-hi-di-yi a-ne-hi ta-li-ne 8:22
A-le o-tsi-nv-li i-tsu-la-ha a-ne-gi o-tsa-li-nv-tli, na-s-gi u-wa-gu-ti-lo-dv o-tsi-go-li-ye-dv o-ga-do-le-ho-sv-hi u-tsa-ti a-ga-li-yi-yu ge-sv-i, a-se-no go-hi ge-sv u-tli na-ga-li-yv, nv-di-ga-li-s-do-di-ha u-tsa-ti i-tso-hi-yu-sv-i.
golihidiyi anehi taline 8:22
ale otsinvli itsulaha anegi otsalinvtli, nasgi uwagutilodv otsigoliyedv ogadolehosvhi utsati agaliyiyu gesvi, aseno gohi gesv utli nagaliyv, nvdigalisdodiha utsati itsohiyusvi.
2 Corinthians 8:23
Whether any do inquire of Titus, he is my partner and fellowhelper concerning you: or our brethren be inquired of, they are the messengers of the churches, and the glory of Christ.
ᎪᎵᏂᏗᏱ ᎠᏁᎯ ᏔᎵᏁ 8:23
ᏓᏓᏏᏃ ᎨᏒᎢ, ᎣᎩᎾᎵᎪᎯ ᎾᏍᎩ, ᎠᎴ ᎢᏧᎳᎭ ᏦᎩᏂᎸᏫᏍᏓᏁᎯ ᏂᎯ ᎪᎱᏍᏗ ᎢᏨᏯᏛᏁᎲᎢ; ᎣᏣᎵᏅᏟᏃ ᎨᏒ ᏧᎾᏁᎶᏗ ᏚᎾᏓᏡᏩᏗᏒ ᎬᏩᏂᏅᏏᏛ ᎾᏍᎩ, ᎠᎴ ᎦᎸᏉᏗᏳ ᎢᏯᏅᏁᎯ ᎦᎶᏁᏛ.
go-li-hi-di-yi a-ne-hi ta-li-ne 8:23
Da-da-si-no ge-sv-i, o-gi-na-li-go-hi na-s-gi, a-le i-tsu-la-ha tso-gi-ni-lv-wi-s-da-ne-hi ni-hi go-hu-s-di i-tsv-ya-dv-ne-hv-i; o-tsa-li-nv-tli-no ge-sv tsu-na-ne-lo-di du-na-da-tlu-wa-di-sv gv-wa-ni-nv-si-dv na-s-gi, a-le ga-lv-quo-di-yu i-ya-nv-ne-hi Ga-lo-ne-dv.
golihidiyi anehi taline 8:23
dadasino gesvi, oginaligohi nasgi, ale itsulaha tosginilvwisdanehi nihi gohusdi itsvyadvnehvi; otsalinvtlino gesv tsunanelodi dunadatluwadisv gvwaninvsidv nasgi, ale galvquodiyu iyanvnehi galonedv
2 Corinthians 8:24
Wherefore shew ye to them, and before the churches, the proof of your love, and of our boasting on your behalf.
ᎪᎵᏂᏗᏱ ᎠᏁᎯ ᏔᎵᏁ 8:24
ᎾᏍᎩ ᎢᏳᏍᏗ ᎠᏂᎦᏔᎲ ᏧᎾᏁᎶᏗ ᏚᎾᏓᏡᏩᏗᏒᎢ, ᎬᏂᎨᏒ ᏂᏕᏨᏁᎸᎭ ᎾᏍᎩ ᎪᎯᏳᏗᏍᎩ ᎠᏓᎨᏳᏗ ᎨᏒ ᎢᏤᎲᎢ, ᎠᎴ ᎣᎦᏢᏆᏒ ᏂᎯ ᎢᏨᏁᎢᏍᏗᏍᎬᎢ ᎠᏎᏉ ᏂᎨᏒᎾ ᎨᏒᎢ.
go-li-hi-di-yi a-ne-hi ta-li-ne 8:24
Na-s-gi i-yu-s-di a-ni-ga-ta-hv tsu-na-ne-lo-di du-na-da-tlu-wa-di-sv-i, gv-ni-ge-sv ni-de-tsv-ne-lv-ha na-s-gi go-hi-yu-di-s-gi a-da-ge-yu-di ge-sv i-tse-hv-i, a-le o-ga-tlv-qua-sv ni-hi i-tsv-ne-i-s-di-s-gv-i a-se-quo ni-ge-sv-na ge-sv-i.
golihidiyi anehi taline 8:24
nasgi iyusdi anigatahv tsunanelodi dunadatluwadisvi, gvnigesv nidetsvnelvha nasgi gohiyudisgi adageyudi gesv itsehvi, ale ogatlvquasv nihi itsvneisdisgvi asequo nigesvna gesvi.
2 Corinthians 7 PREVIOUS CHAPTER NEXT CHAPTER 2 Corinthians 9