ᎶᎻᏱ ᎠᏁᎯ 4 Romans 4

ᎶᎻᏱ ᎠᏁᎯ ᎨᎪᏪᎳᏁᎸᎯ ᎠᏯᏙᎸᎢ 4

lomiyi anehi gegowelanelvhi ayadolvi 4

Romans 4th Chapter

Romans 4:1-25

ᎶᎻᏱ ᎠᏁᎯ 4:1-25

lo-mi-yi a-ne-hi 4:1-25

lomiyi anehi 4:1-25

Romans 4:1

What shall we say then that Abraham our father, as pertaining to the flesh, hath found?

Romans 4:1

ᎾᏍᎩᏃ ᏥᏄᏍᏗ ᎦᏙ ᏓᏓᏛᏂ ᎡᏆᎭᎻ ᎢᎩᏙᏓ ᎤᏩᏛᎲ ᎤᏇᏓᎵ ᎨᏒ ᏅᏓᏳᏓᎴᏅᏛ?

lo-mi-yi a-ne-hi 4:1

Na-s-gi-no tsi-nu-s-di ga-do da-da-dv-ni E-qua-ha-mi i-gi-do-da u-wa-dv-hv u-que-da-li ge-sv nv-da-yu-da-le-nv-dv?

lomiyi anehi 4:1

nasgino tsinusdi gado dadadvni equahami igidoda uwadvhv uquedali gesv nvdayudalenvdv?

Romans 4:2

For if Abraham were justified by works, he hath whereof to glory; but not before God.

Romans 4:2

ᎢᏳᏰᏃ ᎡᏆᎭᎻ ᏚᎸᏫᏍᏓᏁᎲ ᎤᏚᏓᎴᏍᏔᏅᎯ ᏱᎩ, ᎤᎭ ᎤᏢᏈᏍᏙᏗ; ᎠᏎᏃ ᎥᏝ [ᏳᎭ,] ᎤᏁᎳᏅᎯ ᎠᎦᏔᎲᎢ.

lo-mi-yi a-ne-hi 4:2

i-yu-ye-no E-qua-ha-mi du-lv-wi-s-da-ne-hv u-du-da-le-s-ta-nv-hi yi-gi, u-ha u-tlv-qui-s-do-di; a-se-no v-tla [yu-ha,] U-ne-la-nv-hi a-ga-ta-hv-i.

lomiyi anehi 4:2

iyuyeno equahami dulvwisdanehv ududalestanvhi yigi, uha utlvquisdodi; aseno vtla [yuha,] unelanvhi agatahvi.

Romans 4:3

For what saith the scripture? Abraham believed God, and it was counted unto him for righteousness.

lo-mi-yi a-ne-hi 4:3

ᎦᏙᏰᏃ ᎠᏗᎭ ᎦᎸᏉᏗ ᎪᏪᎵ? ᎡᏆᎭᎻ ᎤᏬᎯᏳᏁ ᎤᏁᎳᏅᎯ, ᎾᏍᎩᏃ ᏚᏳᎪᏛ ᎢᏯᏛᏁᏗ ᎨᏒ ᎠᏥᏰᎸᎾᏁᎴᎢ.

Romans 4:3

Ga-do-ye-no a-di-ha ga-lv-quo-di go-we-li? E-qua-ha-mi u-wo-hi-yu-ne U-ne-la-nv-hi, na-s-gi-no du-yu-go-dv i-ya-dv-ne-di ge-sv a-tsi-ye-lv-na-ne-le-i.

lomiyi anehi 4:3

gadoyeno adiha galvquodi goweli? equahami uwohiyune unelanvhi, nasgino duygodv iyadvnedi gesv atsiyelvnanelei.

Romans 4:4

Now to him that worketh is the reward not reckoned of grace, but of debt.

Romans 4:4

ᎩᎶᏰᏃ ᏧᎸᏫᏍᏓᏁᎯ ᎠᎦᎫᏴᎡᏗ ᎨᏒ ᎥᏝ ᎬᏩᎦᏘᏯ ᎤᏓᏙᎵᏍᏗ ᎨᏒ ᏱᏅᏗᎦᎵᏍᏙᏗᏍᎪ ᎤᏤᎵ ᏯᏥᏰᎸᎾᏁᎰᎢ, ᎤᏓᏚᎬᏍᎩᏂ ᏅᏗᎦᎵᏍᏙᏗᏍᎪ ᎤᏤᎵ ᎠᏥᏰᎸᎾᏁᎰᎢ.

lo-mi-yi a-ne-hi 4:4

Gi-lo-ye-no tsu-lv-wi-s-da-ne-hi a-ga-gu-yv-e-di ge-sv v-tla gv-wa-ga-ti-ya u-da-do-li-s-di ge-sv yi-nv-di-ga-li-s-do-di-s-go u-tse-li ya-tsi-ye-lv-na-ne-ho-i, u-da-du-gv-s-gi-ni nv-di-ga-li-s-do-di-s-go u-tse-li a-tsi-ye-lv-na-ne-ho-i.

lomiyi anehi 4:4

giloyeno tsulvwisdanehi agaguyvedi gesv vtla gvwagatiya udadolisdi gesv yinvdigalisdodisgo utseli yatsiyelvnanehoi, udadugvsgini nvdigalisdodisgo utseli atsiyelvnanehoi.

Romans 4:5

But to him that worketh not, but believeth on him that justifieth the ungodly, his faith is counted for righteousness.

Romans 4:5

Ꮎ ᏍᎩᏂ ᏂᏚᎸᏫᏍᏓᏁᎲᎾ, ᎪᎯᏳᎲᏍᎩᏉᏍᎩᏂ ᎾᏍᎩ Ꮎ ᎫᏓᎴᏍᎩ ᎠᏍᎦᎾᎢ, ᎾᏍᎩ ᎤᏬᎯᏳᏒ ᏚᏳᎪᏛ ᎢᏯᏛᏁᏗ ᎨᏒ ᎠᏥᏰᎸᎾᏁᎰᎢ.

lo-mi-yi a-ne-hi 4:5

Na s-gi-ni ni-du-lv-wi-s-da-ne-hv-na, go-hi-yu-hv-s-gi-quo-s-gi-ni na-s-gi na gu-da-le-s-gi a-s-ga-na-i, na-s-gi u-wo-hi-yu-sv du-yu-go-dv i-ya-dv-ne-di ge-sv a-tsi-ye-lv-na-ne-ho-i.

lomiyi anehi 4:5

na sgini nidulvwisdanehvna, gohiyuhvsgiquosgini nasgi na gudalesgi asganai, nasgi uwohiyusv duygodv iyadvnedi gesv atsiyelvnanehoi.

Romans 4:6

Even as David also describeth the blessedness of the man, unto whom God imputeth righteousness without works,

Romans 4:6

ᎾᏍᎩᏯ ᎾᏍᏉ ᏕᏫ ᏥᎧᏁᎢᏍᏗᎭ ᎣᏍᏛ ᎢᏳᎵᏍᏓᏁᏗ ᎨᏒ ᏴᏫ, ᎾᏍᎩ Ꮎ ᎤᏁᎳᏅᎯ ᏚᏳᎪᏛ ᎢᏯᏛᏁᏗ ᎨᏒ ᎾᏍᎩᏯ ᎤᏰᎸᎾᏁᎭ ᏂᏚᎸᏫᏍᏓᏁᎸᎾ ᎨᏒᎢ,

lo-mi-yi a-ne-hi 4:6

Na-s-gi-ya na-s-quo De-wi tsi-ka-ne-i-s-di-ha o-s-dv i-yu-li-s-da-ne-di ge-sv yv-wi, na-s-gi na U-ne-la-nv-hi du-yu-go-dv i-ya-dv-ne-di ge-sv na-s-gi-ya u-ye-lv-na-ne-ha ni-du-lv-wi-s-da-ne-lv-na ge-sv-i,

lomiyi anehi 4:6

nasgiya nasquo dewi tsikaneisdiha osdv iyulisdanedi gesv yvwi, nasgi na unelanvhi duygodv iyadvnedi gesv nasgiya uyelvnaneha nidulvwisdanelvna gesvi,

Romans 4:7

Saying, Blessed are they whose iniquities are forgiven, and whose sins are covered.

Romans 4:7

[ᎯᎠ ᏥᏂᎦᏪᎭ,] ᎣᏏᏳ ᎢᏳᎾᎵᏍᏓᏁᏗ ᎤᏂᏍᎦᏅᏨ ᎦᎨᏥᏁᎸᎯ, ᎠᎴ ᎤᏲ ᏄᎾᏛᏁᎸ ᎨᎫᏢᎾᏁᎸᎯ;

lo-mi-yi a-ne-hi 4:7

[Hi-a tsi-ni-ga-we-ha,] O-si-yu i-yu-na-li-s-da-ne-di u-ni-s-ga-nv-tsv ga-ge-tsi-ne-lv-hi, a-le u-yo nu-na-dv-ne-lv ge-gu-tlv-na-ne-lv-hi;

lomiyi anehi 4:7

[hia tsinigaweha,] osiyu iyunalisdanedi unisganvtsv gagetsinelvhi, ale uyo nunadvnelv gegutlvnanelvhi;

Romans 4:8

Blessed is the man to whom the Lord will not impute sin.

Romans 4:8

ᎣᏏ ᎢᏳᎵᏍᏓᏁᏗ ᏴᏫ ᎾᏍᎩ Ꮎ ᎤᎬᏫᏳᎯ ᎤᏍᎦᏅᏨ ᏄᏭᎪᏍᏗᏍᎬᎾ ᎨᏒᎢ.

lo-mi-yi a-ne-hi 4:8

O-si i-yu-li-s-da-ne-di yv-wi na-s-gi na U-gv-wi-yu-hi u-s-ga-nv-tsv nu-wu-go-s-di-s-gv-na ge-sv-i.

lomiyi anehi 4:8

osi iyulisdanedi yvwi nasgi na ugvwiyuhi usganvtsv nuwugosdisgvna gesvi.

Romans 4:9

Cometh this blessedness then upon the circumcision only, or upon the uncircumcision also? for we say that faith was reckoned to Abraham for righteousness.

Romans 4:9

ᎯᎠᏃ ᎾᏍᎩ ᎣᏏᏳ ᎢᏳᏓᎵᏍᏓᏁᏗ ᎨᏒ ᏗᎨᏥᎤᏍᏕᏎᎸᎯᏉᏍᎪ ᎤᏂᎷᏤᎭ, ᏥᎪᎨ ᎾᏍᏉ ᏗᎨᏥᎤᏍᏕᏎᎸᎯ ᏂᎨᏒᎾ? ᎪᎯᏳᏗᏰᏃ ᎨᏒ ᏚᏳᎪᏛ ᎢᏯᏛᏁᏗ ᎨᏒ ᎠᏥᏰᎸᎾᏁᎴ ᎡᏆᎭᎻ ᎢᏓᏗᎭ.

lo-mi-yi a-ne-hi 4:9

Hi-a-no na-s-gi o-si-yu i-yu-da-li-s-da-ne-di ge-sv di-ge-tsi-u-s-de-se-lv-hi-quo-s-go u-ni-lu-tse-ha, tsi-go-ge na-s-quo di-ge-tsi-u-s-de-se-lv-hi ni-ge-sv-na? Go-hi-yu-di-ye-no ge-sv du-yu-go-dv i-ya-dv-ne-di ge-sv a-tsi-ye-lv-na-ne-le E-qua-ha-mi i-da-di-ha.

lomiyi anehi 4:9

hiano nasgi osiyu iyudalisdanedi gesv digetsiusdeselvhiquosgo unilutseha, tsigoge nasquo digetsiusdeselvhi nigesvna? gohiyudiyeno gesv duygodv iyadvnedi gesv atsiyelvnanele equahami idadiha.

Romans 4:10

How was it then reckoned? when he was in circumcision, or in uncircumcision? Not in circumcision, but in uncircumcision.

Romans 4:10

ᎢᎳᎩᏳᏃ ᎾᏍᎩ ᏄᏍᏕ ᎠᏥᏰᎸᎾᏁᎴᎢ? ᏥᎪ ᎠᏥᎤᏍᏕᏎᎸᎯ ᏥᎨᏎᎢ? ᏥᎪᎨ ᎠᏥᎤᏍᏕᏎᎸᎯ ᏂᎨᏒᎾ ᏥᎨᏎᎢ? ᎥᏝ ᎠᏥᎤᏍᏕᏎᎸᎯ ᏥᎨᏎᎢ, ᎠᏥᎤᏍᏕᏎᎸᎯᏍᎩᏂ ᏂᎨᏒᎾ ᏥᎨᏎᎢ.

lo-mi-yi a-ne-hi 4:10

i-la-gi-yu-no na-s-gi nu-s-de a-tsi-ye-lv-na-ne-le-i? tsi-go a-tsi-u-s-de-se-lv-hi tsi-ge-se-i? tsi-go-ge a-tsi-u-s-de-se-lv-hi ni-ge-sv-na tsi-ge-se-i? V-tla a-tsi-u-s-de-se-lv-hi tsi-ge-se-i, a-tsi-u-s-de-se-lv-hi-s-gi-ni ni-ge-sv-na tsi-ge-se-i.

lomiyi anehi 4:10

ilagiyuno nasgi nusde atsiyelvnanelei? tsigo atsiusdeselvhi tsigesei? tsigoge atsiusdeselvhi nigesvna tsigesei? vtla atsiusdeselvhi tsigesei, atsiusdeselvhisgini nigesvna tsigesei.

Romans 4:11

And he received the sign of circumcision, a seal of the righteousness of the faith which he had yet being uncircumcised: that he might be the father of all them that believe, though they be not circumcised; that righteousness might be imputed unto them also:

Romans 4:11

ᎠᎴ ᎠᏥᏁᎴ ᎠᎱᏍᏕᏍᏗ ᎨᏒ ᎤᏰᎸᏛᎢ, ᎠᏍᏓᏱᏗᏍᎩ ᏚᏳᎪᏛ ᎢᏯᏛᏁᏗ ᎨᏒ ᎠᏥᏰᎸᎾᏁᎲᎢ ᏅᏓᏳᏓᎴᏅᎯ ᎤᏬᎯᏳᏒ ᎠᏏ ᎾᏥᎤᏍᏕᏎᎸᎾ ᏥᎨᏎᎢ; ᎾᏍᎩ ᎤᏂᏙᏓ ᎢᏳᎵᏍᏙᏗᏱ ᎾᏂᎥ ᎠᏃᎯᏳᎲᏍᎩ, ᏂᏗᎨᏥᎤᏍᏕᏎᎸᎾ ᎨᏒᎢ; ᎾᏍᎩ ᏚᏳᎪᏛ ᎢᏯᏛᏁᏗ ᎨᏒ ᎾᏍᎩ ᎾᏍᏉ ᎨᏥᏰᎸᎾᏁᏗᏱ;

lo-mi-yi a-ne-hi 4:11

A-le a-tsi-ne-le a-hu-s-de-s-di ge-sv u-ye-lv-dv-i, a-s-da-yi-di-s-gi du-yu-go-dv i-ya-dv-ne-di ge-sv a-tsi-ye-lv-na-ne-hv-i nv-da-yu-da-le-nv-hi u-wo-hi-yu-sv a-si na-tsi-u-s-de-se-lv-na tsi-ge-se-i; na-s-gi u-ni-do-da i-yu-li-s-do-di-yi na-ni-v a-no-hi-yu-hv-s-gi, ni-di-ge-tsi-u-s-de-se-lv-na ge-sv-i; na-s-gi du-yu-go-dv i-ya-dv-ne-di ge-sv na-s-gi na-s-quo ge-tsi-ye-lv-na-ne-di-yi;

lomiyi anehi 4:11

ale atsinele ahusdesdi gesv uyelvdui, asdayidisgi duyugodv iyadvnedi gesv atsiyelvnanehvi nvdayudalenvhi uwohiyusv asi natsiusdeselvna tsigesei; nasgi unidoda iyulisdoyi naniv anohiyuhvsgi, nidigetsiusdeselvna gesvi; nasgi duygodv iyadvnedi gesv nasgi nasquo getsiyelvnanediyi;

Romans 4:12

And the father of circumcision to them who are not of the circumcision only, but who also walk in the steps of that faith of our father Abraham, which he had being yet uncircumcised.

Romans 4:12

ᎠᎴ ᎾᏍᏉ ᏗᎨᏥᎤᏍᏕᏎᎸᎯ ᎤᏂᏙᏓ ᎢᏳᎵᏍᏙᏗᏱ, ᎾᏍᎩ ᏗᎨᏥᎤᏍᏕᏎᎸᎯ ᎤᏩᏒ ᏂᎨᏒᎾ ᏥᎩ, ᎾᏍᏉᏍᎩᏂ ᎠᏂᏍᏓᏩᏕᎩ ᏥᎩ ᏚᎳᏏᏅᏒ ᎢᎩᏙᏓ ᎡᏆᎭᎻ, ᎾᏍᎩ ᏧᏬᎯᏳᏎ ᎠᏥᎤᏍᏕᏎᎸᎯ ᎠᏏ ᏂᎨᏒᎾ ᏥᎨᏎᎢ.

lo-mi-yi a-ne-hi 4:12

A-le na-s-quo di-ge-tsi-u-s-de-se-lv-hi u-ni-do-da i-yu-li-s-do-di-yi, na-s-gi di-ge-tsi-u-s-de-se-lv-hi u-wa-sv ni-ge-sv-na tsi-gi, na-s-quo-s-gi-ni a-ni-s-da-wa-de-gi tsi-gi du-la-si-nv-sv i-gi-do-da E-qua-ha-mi, na-s-gi tsu-wo-hi-yu-se a-tsi-u-s-de-se-lv-hi a-si ni-ge-sv-na tsi-ge-se-i.

lomiyi anehi 4:17

ale nasquo digetsiusdeselvhi unidodaiyulisdodiyi, nasgi digetsiusdeselvhi uwasv nigesvna tsigi, nasquosgini anisdawadegi tsigi dulasinvsv igidoda equahami, nasgi tsuwohiyuse atsiusdeselvhi asi negesvna tsigesei.

Romans 4:13

For the promise, that he should be the heir of the world, was not to Abraham, or to his seed, through the law, but through the righteousness of faith.

Romans 4:13

ᏣᏥᏚᎢᏍᏓᏁᎴᏰᏃ ᎤᏤᎵ ᎢᏳᎵᏍᏙᏗᏱ ᎡᎶᎯ, ᎥᏝ ᎡᏆᎭᎻ ᎠᎴ ᎾᏍᎩ ᎤᏁᏢᏔᏅᏛ ᎨᏒ ᏗᎧᎿᏩᏛᏍᏗ ᏅᏓᏳᏓᎴᏅᎯ ᏱᎨᏎᎢ, ᎪᎯᏳᏗᏍᎩᏂ ᎠᏚᏓᎴᏍᏙᏗ ᎨᏒ ᏅᏓᏳᏓᎴᏅᎯ ᎨᏎᎢ.

lo-mi-yi a-ne-hi 4:13

Tsa-tsi-du-i-s-da-ne-le-ye-no u-tse-li i-yu-li-s-do-di-yi e-lo-hi, v-tla E-qua-ha-mi a-le na-s-gi u-ne-tlv-ta-nv-dv ge-sv di-ka-hna-wa-dv-s-di nv-da-yu-da-le-nv-hi yi-ge-se-i, go-hi-yu-di-s-gi-ni a-du-da-le-s-do-di ge-sv nv-da-yu-da-le-nv-hi ge-se-i.

lomiyi anehi 4:13

tsatsiduisdaneleyeno utseli iyulisdodiyi elohi, vtla equahami ale nasgi unetlvtanvdv gesv dikahnwadvsdi nvdayudalenvhi yigesei, gohiyudisgini adudalesdodi gesv nvdayudalenvhi gesei.

Romans 4:14

For if they which are of the law be heirs, faith is made void, and the promise made of none effect:

Romans 4:14

ᎢᏳᏰᏃ ᏗᎧᎿᏩᏛᏍᏗ ᎠᎾᎵᏍᎦᏍᏙᏗᏍᎩ ᎤᎾᏤᎵ ᏱᏂᎨᎬᏁᎭ, ᎿᏉ ᎠᏎᏉ ᏂᎦᎵᏍᏗᎭ ᎪᎯᏳᏗ ᎨᏒᎢ, ᎠᎴ ᎠᏚᎢᏍᏛ ᎪᎱᏍᏗ ᎬᎪᏗ ᏂᎨᏒᎾ ᏂᎦᎵᏍᏗᎭ.

lo-mi-yi a-ne-hi 4:14

i-yu-ye-no di-ka-hna-wa-dv-s-di a-na-li-s-ga-s-do-di-s-gi u-na-tse-li yi-ni-ge-gv-ne-ha, hna-quo a-se-quo ni-ga-li-s-di-ha go-hi-yu-di ge-sv-i, a-le a-du-i-s-dv go-hu-s-di gv-go-di ni-ge-sv-na ni-ga-li-s-di-ha.

lomiyi anehi 4:14

iyuyeno dikahnawadvsdi analisgasdodisgi unatseli yinigegvneha, hnaquo asequo nigalisdiha gohiyudi gesvi, ale aduisdv gohusdi gvgodi nigesvna nigalisdiha.

Romans 4:15

Because the law worketh wrath: for where no law is, there is no transgression.

Romans 4:15

ᏗᎧᎿᏩᏛᏍᏗᏰᏃ ᎤᏔᎳᏬᎯᏍᏗ ᎨᏒ ᏩᎵᏰᎢᎶᎯᎭ; ᏗᎧᎿᏩᏛᏍᏗᏰᏃ ᎾᎿᎾᎲᎾ ᎨᏒ, ᎾᎿᏗᎧᎿᏩᏛᏍᏗ ᎠᏲᏍᏙᏗ ᎨᏒ ᎥᏝ ᏰᎭ.

lo-mi-yi a-ne-hi 4:15

Di-ka-hna-wa-dv-s-di-ye-no u-ta-la-wo-hi-s-di ge-sv wa-li-ye-i-lo-hi-ha; di-ka-hna-wa-dv-s-di-ye-no na-hna na-hv-na ge-sv, na-hna di-ka-hna-wa-dv-s-di a-yo-s-do-di ge-sv v-tla ye-ha.

lomiyi anehi 4:15

dikahnawadvsdiyeno utalawohisdi gesv waliyeilohiha; dikahnawadvsdiyeno nahna hahvna gesv, nahna dikahnawadvsdi ayosdodi gesv vtla yeha.

Romans 4:16

Therefore it is of faith, that it might be by grace; to the end the promise might be sure to all the seed; not to that only which is of the law, but to that also which is of the faith of Abraham; who is the father of us all,

Romans 4:16

ᎾᏍᎩ ᎢᏳᏍᏗ ᎪᎯᏳᏗ ᎨᏒ ᎠᎵᏍᎦᏍᏙᏗᎭ, ᎾᏍᎩ ᎬᏩᎦᏘᏯ ᎤᏓᏙᎵᏍᏗ ᎨᏒ ᏅᏓᏳᏓᎴᏗᏱ; ᎾᏍᎩ ᎠᏚᎢᏍᏔᏅᎯ ᎨᏒ ᎤᎵᏂᎩᏗᏳ ᎢᏳᎾᎵᏍᏓᏁᏗᏱ ᎾᏂᎥ ᎤᏁᏢᏔᏅᏛ ᎨᏒᎢ; ᎥᏝ ᎾᏍᎩ ᎤᏅᏒ ᏧᏁᏢᏔᏅᏛ ᎨᏒ ᎾᏍᎩᏯ ᏗᎧᎿᏩᏛᏍᏗ ᏂᎬᏅᎢ, ᎾᏍᏉᏍᎩᏂ ᎾᏍᎩ ᏧᏁᏢᏔᏅᏛ ᎨᏒ ᎡᏆᎭᎻ ᎤᏬᎯᏳᏒ ᎾᏍᎩᏯ ᎤᏃᎯᏳᏅᎯ ᎢᏳᏩᏂᏌᏛ, ᎾᏍᎩ ᎡᏆᎭᎻ ᏂᏗᎥ ᎢᎩᏙᏓ ᏥᎩ,

lo-mi-yi a-ne-hi 4:16

Na-s-gi i-yu-s-di go-hi-yu-di ge-sv a-li-s-ga-s-do-di-ha, na-s-gi gv-wa-ga-ti-ya u-da-do-li-s-di ge-sv nv-da-yu-da-le-di-yi; na-s-gi a-du-i-s-ta-nv-hi ge-sv u-li-ni-gi-di-yu i-yu-na-li-s-da-ne-di-yi na-ni-v u-ne-tlv-ta-nv-dv ge-sv-i; v-tla na-s-gi u-nv-sv tsu-ne-tlv-ta-nv-dv ge-sv na-s-gi-ya di-ka-hna-wa-dv-s-di ni-gv-nv-i, na-s-quo-s-gi-ni na-s-gi tsu-ne-tlv-ta-nv-dv ge-sv E-qua-ha-mi u-wo-hi-yu-sv na-s-gi-ya u-no-hi-yu-nv-hi i-yu-wa-ni-sa-dv, na-s-gi E-qua-ha-mi ni-di-v i-gi-do-da tsi-gi,

lomiyi anehi 4:16

nasgi iyusdi gohiyudi gesv alisgasdodiha, nasgi gvwagatiya udadolisdi gesvnvdayudalediyi; nasgi aduistanvhi gesv ulinigidiyu iyunalisdanediyi naniv unetlvtanvdv gesvi; vtla nasti unvsv tsunetlvtanvdv gesv nasgiya dikahnawadvsdi nigvnvi, nasquosgini nasgi tsunetlvtanvdv gesv equahami uwohiyusv nasgiya unohiyunvhi iyuwanisadv, nasgi equahami niddiv igidoda tsigi.

Romans 4:17

(As it is written, I have made thee a father of many nations,) before him whom he believed, even God, who quickeneth the dead, and calleth those things which be not as though they were.

Romans 4:17

(ᎾᏍᎩᏯ ᎯᎠ ᏥᏂᎬᏅ ᏥᎪᏪᎳ, ᎤᏂᏣᏘ ᏧᎾᏓᎴᏅᏛ ᏴᏫ ᎤᏂᏙᏓ ᏂᎬᏴᎦ,) ᎠᎦᏔᎲ ᎤᏁᎳᏅᎯ ᎾᏍᎩ ᏥᎪᎯᏳᎲᏍᎨᎢ, ᎾᏍᎩ ᏗᎬᏂᏗᏍᎩ ᏥᎩ ᏧᏂᏲᎱᏒᎯ, ᎠᎴ ᏗᏯᏂᏍᎩ ᏥᎩ ᏧᎾᏓᎴᏅᏛ ᎾᏍᎩ ᎾᏁᎲᎾ ᎨᏒᎢ, ᎾᏍᎩ ᏣᏁᎰ ᎾᏍᎩᏯᎢ;

lo-mi-yi a-ne-hi 4:17

(Na-s-gi-ya hi-a tsi-ni-gv-nv tsi-go-we-la, u-ni-tsa-ti tsu-na-da-le-nv-dv yv-wi u-ni-do-da ni-gv-yv-ga,) a-ga-ta-hv U-ne-la-nv-hi na-s-gi tsi-go-hi-yu-hv-s-ge-i, na-s-gi di-gv-ni-di-s-gi tsi-gi tsu-ni-yo-hu-sv-hi, a-le di-ya-ni-s-gi tsi-gi tsu-na-da-le-nv-dv na-s-gi na-ne-hv-na ge-sv-i, na-s-gi tsa-ne-ho na-s-gi-ya-i;

lomiyi anehi 4:17

(nasghiya hia tsinigvnv tsigowela, unitsti tsunadalenvdvyvwi unidoda nigvyvga,) agatahv unelanvhi nasgi tsigohiyuhvsgie, nasgi digvnidisgi tsigi tsuniyohusvhi, ale diyanisgi tsig tsunadalenvdv nasgi nanehvna gesvi, nasgi tsaneho nasgiyai;

Romans 4:18

Who against hope believed in hope, that he might become the father of many nations; according to that which was spoken, So shall thy seed be.

Romans 4:18

ᎾᏍᎩ ᎤᏚᎩ ᎦᎬᏗ ᏂᎨᏒᎾ ᏥᎨᏎᎢ ᎤᏚᎩ ᎬᏗ ᎨᏒ ᏧᏬᎯᏳᏁᎢ, ᎾᏍᎩ ᎤᏂᏣᏘ ᏧᎾᏓᎴᏅᏛ ᏴᏫ ᎤᏂᏙᏓ ᎢᏳᎵᏍᏙᏗᏱ, ᎾᏍᎩᏯ ᎯᎠ ᎢᎦᏪᏛ ᏥᎩ, ᎾᏍᎩᏯ ᏄᏂᏧᏈᏍᏕᏍᏗ ᏣᏁᏢᏔᏅᎯ;

lo-mi-yi a-ne-hi 4:18

Na-s-gi u-du-gi ga-gv-di ni-ge-sv-na tsi-ge-se-i u-du-gi gv-di ge-sv tsu-wo-hi-yu-ne-i, na-s-gi u-ni-tsa-ti tsu-na-da-le-nv-dv yv-wi u-ni-do-da i-yu-li-s-do-di-yi, na-s-gi-ya hi-a i-ga-we-dv tsi-gi, Na-s-gi-ya nu-ni-tsu-qui-s-de-s-di tsa-ne-tlv-ta-nv-hi;

lomiyi anehi 4:18

nasgi udugi gagvdi nigesvna tsigesei udugi gvdi gesv tuswohiyunei, nasgi unitsati tsunadalenvdv yvwi unidoda iyulisdodiyi, nasgiya hia igawedv tsigi nasgiya nunitsuquisdesdi tsanetlvtanvhi;

Romans 4:19

And being not weak in faith, he considered not his own body now dead, when he was about an hundred years old, neither yet the deadness of Sara's womb:

Romans 4:19

ᎠᎴ ᏩᎾᎦᎳ ᏂᎨᏒᎾ ᎨᏒ ᎤᏬᎯᏳᏒᎢ, ᎥᏝ ᏳᏓᏅᏖᎴ ᎤᏩᏒ ᎠᏰᎵ ᎤᎵᏬᏨᎯ ᎨᏒᎢ, ᎿᏉ ᎠᏍᎪᎯᏧᏈ ᎢᏴᏛ ᎢᏳᏕᏘᏴᏛ ᎨᏒᎢ, ᎥᏝ ᎠᎴ ᏳᏓᏅᏖᎴ ᎤᎶᏒᏍᏓᏁᎸᎯ ᎨᏒ ᏎᎵ ᏧᏓᎾᏄᎪᏫᏍᏗᏱ;

lo-mi-yi a-ne-hi 4:19

A-le wa-na-ga-la ni-ge-sv-na ge-sv u-wo-hi-yu-sv-i, v-tla yu-da-nv-te-le u-wa-sv a-ye-li u-li-wo-tsv-hi ge-sv-i, hna-quo a-s-go-hi-tsu-qui i-yv-dv i-yu-de-ti-yv-dv ge-sv-i, v-tla a-le yu-da-nv-te-le u-lo-sv-s-da-ne-lv-hi ge-sv Se-li tsu-da-na-nu-go-wi-s-di-yi;

lomiyi anehi 4:19

ale wanagalanigesvna gesv uwohiyusvi, vtla yudanvtele uwasv ayeli uliwotsvhi gesvi, hnaquo asgohitsuqui iyvdv iyudetiyvdv gesvi, vtla ale yudanvtele ulosvsdanelvhi gesv seli tsudananugowisdiyi;

Romans 4:20

He staggered not at the promise of God through unbelief; but was strong in faith, giving glory to God;

Romans 4:20

ᎥᏝ ᏳᏜᏓᏏᏛᎡᎮ ᎤᏁᎳᏅᎯ ᎤᏚᎢᏍᏔᏅᎢ ᏄᏬᎯᏳᏒᎾ ᎨᏒ ᎢᏳᏍᏗ; ᎤᎵᏂᎩᏗᏳᏍᎩᏂ ᎨᏎ ᎤᏬᎯᏳᏒᎢ, ᎦᎸᏉᏗᏍᎨ ᎤᏁᎳᏅᎯ,

lo-mi-yi a-ne-hi 4:20

V-tla yu-dla-si-dv-e-he U-ne-la-nv-hi u-du-i-s-ta-nv-i nu-wo-hi-yu-sv-na ge-sv i-yu-s-di; u-li-ni-gi-di-yu-s-gi-ni ge-se u-wo-hi-yu-sv-i, ga-lv-quo-di-s-ge U-ne-la-nv-hi,

lomiyi anehi 4:20

vtla yudlasidvehe unelanvhi uduistanvi nuwohiyusvna gesv iyusdi; ulinigidiyusgini gese uwohiyusvi, galvquodisge unelanvhi,

Romans 4:21

And being fully persuaded that, what he had promised, he was able also to perform.

Romans 4:21

ᎠᎴ ᎤᎧᎵᏨᎯ ᎤᏬᎯᏳᏎᎢ ᎾᏍᎩ ᏄᏍᏛ ᎤᏚᎢᏍᏔᏅ ᏰᎵᏉ ᎾᏍᏉ ᎢᎬᏩᏛᏁᏗ ᎨᏒᎢ.

lo-mi-yi a-ne-hi 4:21

A-le u-ka-li-tsv-hi u-wo-hi-yu-se-i na-s-gi nu-s-dv u-du-i-s-ta-nv ye-li-quo na-s-quo i-gv-wa-dv-ne-di ge-sv-i.

lomiyi anehi 4:21

ale ukalitsvhi uwohiyusei nasgi nusdv uduistanv yeliquo nasquo igvwadvnedi gesvi.

Romans 4:22

And therefore it was imputed to him for righteousness.

Romans 4:22

ᎠᎴ ᎾᏍᎩ ᎢᏳᏍᏗ ᏚᏳᎪᏛ ᎢᏯᏛᏁᏗ ᎨᏒ ᎠᏥᏰᎸᎾᏁᎴ ᎾᏍᎩ.

lo-mi-yi a-ne-hi 4:22

A-le na-s-gi i-yu-s-di du-yu-go-dv i-ya-dv-ne-di ge-sv a-tsi-ye-lv-na-ne-le na-s-gi.

lomiyi anehi 4:22

ale nasgi iyusdi duyugodv iyadvnedi gesv atsiyelvnanelenasgi.

Romans 4:23

Now it was not written for his sake alone, that it was imputed to him;

Romans 4:23

ᎥᏝ ᎠᎴ ᎤᏩᏒᏉ ᎨᏒ ᏱᏅᏗᎦᎵᏍᏙᏗᏍᎨ ᎪᏪᎳᏅᎯ ᏥᎩ, ᎾᏍᎩ [ᏚᏳᎪᏛ ᎢᏯᏛᏁᏗ ᎨᏒ] ᏣᏥᏰᎸᎾᏁᎴᎢ;

lo-mi-yi a-ne-hi 4:23

V-tla a-le u-wa-sv-quo ge-sv yi-nv-di-ga-li-s-do-di-s-ge go-we-la-nv-hi tsi-gi, na-s-gi [du-yu-go-dv i-ya-dv-ne-di ge-sv] tsa-tsi-ye-lv-na-ne-le-i;

lomiyi anehi 4:23

vtla ale uwasvquo gesv yindigalisdodisge gowelanvhi tsigi, nasgi [duygodv iyadvnedi gesv] tsatsiyelvnanelei;

Romans 4:24

But for us also, to whom it shall be imputed, if we believe on him that raised up Jesus our Lord from the dead;

Romans 4:24

ᎠᏴᏍᎩᏂ ᎨᏒ ᎾᏍᏉ ᏅᏗᎦᎵᏍᏙᏗᏍᎨᎢ, ᎾᏍᎩ [ᏚᏳᎪᏛ ᎢᏯᏛᏁᏗ ᎨᏒ] ᎡᎩᏰᎸᎾᏁᏗ ᏥᎩ, ᎡᏙᎯᏳᎲᏍᎩ ᎾᏍᎩ ᏧᎴᏔᏅᎯ ᎤᏲᎱᏒ ᏥᏌ ᎢᎦᏤᎵ ᎤᎬᏫᏳᎯ;

lo-mi-yi a-ne-hi 4:24

A-yv-s-gi-ni ge-sv na-s-quo nv-di-ga-li-s-do-di-s-ge-i, na-s-gi [du-yu-go-dv i-ya-dv-ne-di ge-sv] e-gi-ye-lv-na-ne-di tsi-gi, e-do-hi-yu-hv-s-gi na-s-gi tsu-le-ta-nv-hi u-yo-hu-sv Tsi-sa i-ga-tse-li U-gv-wi-yu-hi;

lomiyi anehi 4:24

ayvsgini gesv nasquo nvdigalisdodisgei, nasgi [duyugodv iyadvnedi gesv] egiyelvnanedi tsigi, edohiyuhvsgi nasgi tsuletanvhi uyohusv tsisa igatseli ugvwiyuhi;

Romans 4:25

Who was delivered for our offences, and was raised again for our justification.

lo-mi-yi a-ne-hi 4:25

ᎾᏍᎩ ᏥᏓᏥᏲᏎ ᎠᏴ ᎢᎩᏍᎦᏅᏨ ᏥᏅᏗᎦᎵᏍᏙᏗᏍᎨᎢ, ᎠᎴ ᏥᏓᎦᎴᏔᏁ ᎠᏴ ᎢᎦᏚᏓᎴᏍᏗᏱ.

lomiyi anehi 4:25

Na-s-gi tsi-da-tsi-yo-se a-yv i-gi-s-ga-nv-tsv tsi-nv-di-ga-li-s-do-di-s-ge-i, a-le tsi-da-ga-le-ta-ne a-yv i-ga-du-da-le-s-di-yi.

Romans 4:25

nasgi tsidatsiyose ayv igisganvtsv tsinvdigalisdodisgei, ale tsidagaletane ayv igadudalesdiyi.

Romans 3 Previous Chapter Next Chapter Romans 5