Embedded Files
Cherokee Bible Project is a 501(c)3 Online since 2001
ᏣᏂ Tsani John
1st John
ᎢᎬᏱᏱ ᏣᏂ ᎦᎪᏪᎳᏁᎸᎯ
i-gv-yi-yi ga-go-we-la-ne-lv-hi
igvyiyi gagowelanelvhi
1st John 1st Chapter
ᎢᎬᏱᏱ ᏣᏂ ᎠᏯᏙᎸᎢ ᎢᎬᏱᏱ
Tsa-Ni i-gv-yi-yi A-ya-do-lv-i
igvyiyi tsani ayadolvi igvyiyi
1 John 1:1
That which was from the beginning, which we have heard, which we have seen with our eyes, which we have looked upon, and our hands have handled, of the Word of life;
ᎢᎬᏱᏱ ᏣᏂ 1:1
ᎾᏍᎩ ᏗᏓᎴᏂᏍᎬ ᏤᎮᎢ, ᎠᏴ ᎣᎦᏛᎦᏅᎯ, ᏦᏥᎦᏙᎵ ᏦᎬᏔᏅᎯ ᎣᎩᎪᎲᎯ, ᎾᏍᎩ ᏦᎦᎧᎿᏅᎯ, ᎠᎴ ᏦᎪᏰᏂ ᏦᎬᏔᏅᎯ ᎣᎦᏒᏂᎵᏙᎸᎯ, ᎧᏃᎮᏛ ᎬᏂᏛ
i-gv-yi-yi tsa-ni 1:1
Na-s-gi di-da-le-ni-s-gv tse-he-i, a-yv o-ga-dv-ga-nv-hi, tso-tsi-ga-do-li tso-gv-ta-nv-hi o-gi-go-hv-hi, na-s-gi tso-ga-ka-hna-nv-hi, a-le tso-go-ye-ni tso-gv-ta-nv-hi o-ga-sv-ni-li-do-lv-hi, ka-no-he-dv gv-ni-dv
igvyiyi tsani 1:1
Nasgi didalenisgv tsehei, ayv ogadvganvhi, tsotsigadoli tsogvtanvhi ogigohvhi, nasgi tsogakahnanvhi, ale tsogoyeni tsogvtanvhi ogasvnilidolvhi, kanohedv gvnidv
1 John 1:2
(For the life was manifested, and we have seen it, and bear witness, and shew unto you that eternal life, which was with the Father, and was manifested unto us;)
ᎢᎬᏱᏱ ᏣᏂ 1:2
ᎬᏂᏛᏰᏃ ᎬᏂᎨᏒ ᏄᎵᏍᏔᏅᎩ, ᎠᎴ ᎣᎩᎪᎲᎩ, ᎠᎴ ᎣᏥᏃᎮᎭ, ᎠᎴ ᎢᏨᎾᏄᏫᏎᎭ ᎾᏍᎩ ᎠᎵᏍᏆᏗᏍᎩ ᏂᎨᏒᎾ ᎬᏂᏛ, ᎾᏍᎩ ᎠᎦᏴᎵᎨᎢ ᎡᎲ ᏤᎮᎢ, ᎠᎴ ᎬᏂᎨᏒ ᎢᏲᎬᏁᎸᎯ ᏥᎩ
i-gv-yi-yi tsa-ni 1:2
Gv-ni-dv-ye-no gv-ni-ge-sv nu-li-s-ta-nv-gi, a-le o-gi-go-hv-gi, a-le o-tsi-no-he-ha, a-le i-tsv-na-nu-wi-se-ha na-s-gi a-li-s-qua-di-s-gi ni-ge-sv-na gv-ni-dv, na-s-gi A-ga-yv-li-ge-i e-hv tse-he-i, a-le gv-ni-ge-sv i-yo-gv-ne-lv-hi tsi-gi
igvyiyi tsani 1:2
Gvnidvyeno gvnigesv nulistanvgi, ale ogigohvgi, ale otsinoheha, ale itsvnanuwiseha nasgi alisquadisgi nigesvna gvnidv, nasgi agayvligei ehv tsehei, ale gvnigesv iyogvnelvhi tsigi
1 John 1:3
That which we have seen and heard declare we unto you, that ye also may have fellowship with us: and truly our fellowship is with the Father, and with his Son Jesus Christ.
ᎢᎬᏱᏱ ᏣᏂ 1:3
ᎾᏍᎩ Ꮎ ᎣᎩᎪᎲᎯ ᎠᎴ ᎣᎦᏛᎦᏅᎯ ᎨᏒ ᎢᏨᎾᏄᏫᏎᎭ, ᎾᏍᏉ ᏂᎯ ᎢᏣᏖᎳᏗᏍᏗᏱ ᎣᎦᏚᏓᏕᏫᏒᎢ; ᎠᎴ ᎤᏙᎯᏳᎯᏯ ᎣᎦᏚᏓᏕᏫᏒ ᎠᎦᏴᎵᎨᎢ ᎠᎴ ᎤᏪᏥ ᏥᏌ ᎦᎶᏁᏛ.
i-gv-yi-yi tsa-ni 1:3
Na-s-gi na o-gi-go-hv-hi a-le o-ga-dv-ga-nv-hi ge-sv i-tsv-na-nu-wi-se-ha, na-s-quo ni-hi i-tsa-te-la-di-s-di-yi o-ga-du-da-de-wi-sv-i; a-le u-do-hi-yu-hi-ya o-ga-du-da-de-wi-sv A-ga-yv-li-ge-i a-le U-we-tsi Tsi-sa Ga-lo-ne-dv.
Igvyiyi tsani 1:3
nasgi na ogigohvhi ale ogadvganvhi gesv itsvnanuwiseha, nasquo nihi itsateladisdiyi ogadudadewisvi; ale udohiyuhiya ogadudadewisv agayvligei ale uwetsi tsisa galonedv .
1 John 1:4
And these things write we unto you, that your joy may be full.
ᎢᎬᏱᏱ ᏣᏂ 1:4
ᎯᎠ ᎠᎴ ᎾᏍᎩ ᎢᏨᏲᏪᎳᏁᎭ ᎢᏣᎵᎮᎵᎬ ᎤᎧᎵᎢᏍᏗᏱ.
i-gv-yi-yi tsa-ni 1:4
Hi-a a-le na-s-gi i-tsv-yo-we-la-ne-ha i-tsa-li-he-li-gv u-ka-li-i-s-di-yi.
Igvyiyi tsani 1:4
hia ale nasgi itsvyowelaneha itsaliheligv ukaliisdiyi .
1 John 1:5
This then is the message which we have heard of him, and declare unto you, that God is light, and in him is no darkness at all.
ᎢᎬᏱᏱ ᏣᏂ 1:5
ᎯᎠᏃ ᎾᏍᎩ ᎧᏃᎮᏛ ᎣᏣᏛᎦᏁᎸᎯ ᏥᎩ ᎠᎴ ᏥᏨᎾᏄᏫᏎᎭ ᎾᏍᎩ ᎤᏁᎳᏅᎯ ᎢᎦᎦᏘ ᎨᏒᎢ, ᎠᎴ ᎤᏍᏗ ᎤᏅᎤᎵᏏᎩ ᏄᏪᎲᎾ ᎨᏒᎢ.
i-gv-yi-yi tsa-ni 1:5
Hi-a-no na-s-gi ka-no-he-dv o-tsa-dv-ga-ne-lv-hi tsi-gi a-le tsi-tsv-na-nu-wi-se-ha na-s-gi U-ne-la-nv-hi i-ga-ga-ti ge-sv-i, a-le u-s-di u-nv-u-li-si-gi nu-we-hv-na ge-sv-i.
Igvyiyi tsani 1:5
hiano nasgi kanohedv otsadvganelvhi tsigi ale tsitsvnanuwiseha nasgi unelanvhi igagati gesvi, ale usdi unvulisigi nuwehvna gesvi .
1 John 1:6
If we say that we have fellowship with him, and walk in darkness, we lie, and do not the truth:
ᎢᎬᏱᏱ ᏣᏂ 1:6
ᎢᏳᏃ ᎾᏍᎩ ᏙᎦᏚᏓᏔ ᏱᏓᏗᎭ, ᎤᎵᏏᎬᏃ ᏱᏕᏙᎭ, ᏱᏓᏥᎪᎥᏍᎦᏉ ᎠᎴ ᎥᏝ ᏱᎨᏗᏍᏓᏩᏕᎦ ᎤᏙᎯᏳᎯ ᎨᏒᎢ.
i-gv-yi-yi tsa-ni 1:6
I-yu-no na-s-gi do-ga-du-da-ta yi-da-di-ha, u-li-si-gv-no yi-de-do-ha, yi-da-tsi-go-v-s-ga-quo a-le v-tla yi-ge-di-s-da-wa-de-ga u-do-hi-yu-hi ge-sv-i.
Igvyiyi tsani 1:6
iyuno nasgi dogadudata yidadiha, ulisigvno yidedoha, yidatsigovsgaquo ale vtla yigedisdawadega udohiyuhi gesvi .
1 John 1:7
But if we walk in the light, as he is in the light, we have fellowship one with another, and the blood of Jesus Christ his Son cleanseth us from all sin.
ᎢᎬᏱᏱ ᏣᏂ 1:7
ᎢᎦᎦᏛᏍᎩᏂ ᏱᏕᏙᎭ, ᎾᏍᎩᏯ ᎾᏍᎩ ᎢᎦᎦᏛᎢ ᏤᎭ, ᏕᎦᏚᏓᏕᏫᏒ ᎢᎬᏒ ᎨᏒᎢ; ᎠᎴ ᎤᏪᏥ ᏥᏌ ᎦᎶᏁᏛ ᎤᎩᎬ ᎢᎩᏅᎦᎵᎭ ᏂᎦᎥ ᎢᎩᏍᎦᏅᏨᎢ.
i-gv-yi-yi tsa-ni 1:7
I-ga-ga-dv-s-gi-ni yi-de-do-ha, na-s-gi-ya na-s-gi i-ga-ga-dv-i tse-ha, de-ga-du-da-de-wi-sv i-gv-sv ge-sv-i; a-le u-we-tsi Tsi-sa Ga-lo-ne-dv u-gi-gv i-gi-nv-ga-li-ha ni-ga-v i-gi-s-ga-nv-tsv-i.
Igvyiyi tsani 1:7
igagadvsgini yidedoha, nasgiya nasgi igagadvi tseha, degadudadewisv igvsv gesvi; ale uwetsi tsisa galonedv ugigv iginvgaliha nigav igisganvtsvi.
1 John 1:8
If we say that we have no sin, we deceive ourselves, and the truth is not in us.
ᎢᎬᏱᏱ ᏣᏂ 1:8
ᎢᏳᏃ ᎥᏝ ᎠᏍᎦᏂ ᏲᎨᎭ ᏱᏓᏗᎭ, ᎢᎬᏒ ᏱᏓᏓᎵᏓᏍᏗᎭ, ᎠᎴ ᎥᏝ ᏱᎨᎨᎭ ᎤᏙᎯᏳᎯ ᎨᏒᎢ.
i-gv-yi-yi tsa-ni 1:8
I-yu-no v-tla a-s-ga-ni yo-ge-ha yi-da-di-ha, i-gv-sv yi-da-da-li-da-s-di-ha, a-le v-tla yi-ge-ge-ha u-do-hi-yu-hi ge-sv-i.
igvyiyi tsani 1:8
iyuno vtla asgani yogeha yidadiha, igvsv yidadalidasdiha, ale vtla yigegeha udohiyuhi gesvi.
1 John 1:9
If we confess our sins, he is faithful and just to forgive us our sins, and to cleanse us from all unrighteousness.
ᎢᎬᏱᏱ ᏣᏂ 1:9
ᎢᏳᏃ ᏱᏗᏃᎲᏍᎦ ᎢᎩᏍᎦᏅᏨᎢ, ᏄᏓᎵᏓᏍᏛᎾ ᎠᎴ ᎤᏓᏅᏘᏳ, ᎾᏍᎩ ᎢᎩᏁᏗᏱ ᎢᎩᏍᎦᏅᏨᎢ, ᎠᎴ ᎢᎩᏅᎦᎸᏗᏱ ᏂᎦᎥ ᎤᏲ ᏗᎦᎸᏫᏍᏓᏗ ᎨᏒᎢ.
i-gv-yi-yi tsa-ni 1:9
I-yu-no yi-di-no-hv-s-ga i-gi-s-ga-nv-tsv-i, nu-da-li-da-s-dv-na a-le u-da-nv-ti-yu, na-s-gi i-gi-ne-di-yi i-gi-s-ga-nv-tsv-i, a-le i-gi-nv-ga-lv-di-yi ni-ga-v u-yo di-ga-lv-wi-s-da-di ge-sv-i.
Igvyiyi tsani 1:9
iyuno yidinohvsga igisganvtsvi, nudalidasdvna ale udanvtiyu, nasgi iginediyi igisganvtsvi, ale iginvgalvdiyi nigav uyo digalvwisdadi gesvi.
1 John 1:10
If we say that we have not sinned, we make him a liar, and his word is not in us.
ᎢᎬᏱᏱ ᏣᏂ 1:10
ᎢᏳᏃ ᎥᏝ ᏲᎩᏍᎦᏅᏨ ᏱᏓᏗᎭ, ᎡᏗᏰᎪᎥᏍᎦᏉ, ᎠᎴ ᎧᏃᎮᏛ ᎤᏤᎵᎦ ᎥᏝ ᏱᎨᎨᎭ.
i-gv-yi-yi tsa-ni 1:10
I-yu-no v-tla yo-gi-s-ga-nv-tsv yi-da-di-ha, e-di-ye-go-v-s-ga-quo, a-le ka-no-he-dv u-tse-li-ga v-tla yi-ge-ge-ha.
Igvyiyi tsani 1:10
iyuno vtla yogisganvtsv yidadiha, ediyegovsgaquo, ale kanohedv utseliga vtla yigegeha.
PREVIOUS BOOK NEXT CHAPTER
Page updated
Google Sites
Report abuse