2 Thessalonians 1

2nd Thessalonians 1st Chapter
ᏕᏏᎶᏂᎦ ᎠᏁᎯ ᏔᎵᏁ ᎨᎪᏪᎳᏁᎸᎯ 1 ᎠᏯᏙᎸᎢ
de-si-lo-ni-ga a-ne-hi ta-li-ne ge-go-we-la-ne-lv-hi 1 a-ya-do-lv-i
desiloniga anehi taline gegowelanelvhi 1 ayadolvi


2nd Thessalonians 1:1-12 KJV (Public Domain)
ᏕᏏᎶᏂᎦ ᎠᏁᎯ ᏔᎵᏁ 1:1-12
de-si-lo-ni-ga a-ne-hi ta-li-ne 1:1-12
desiloniga anehi taline 1:1-12

2nd Thessalonians 1:1
Paul, and Silvanus, and Timotheus, unto the church of the Thessalonians in God our Father and the Lord Jesus Christ:
ᏕᏏᎶᏂᎦ ᎠᏁᎯ ᏔᎵᏁ 1:1
ᏉᎳ, ᎠᎴ ᏌᏱᎳ, ᎠᎴ ᏗᎹᏗ, ᏫᏨᏲᏪᎳᏏ ᏗᏣᏁᎶᏗ ᎢᏣᏓᏡᎬ ᏕᏏᎶᏂᎦ ᎢᏤᎯ ᎤᏁᎳᏅᎯ ᎢᎩᏙᏓ ᎠᎴ ᎤᎬᏫᏳᎯ ᏥᏌ ᎦᎶᏁᏛ ᏕᏣᏁᎶᏛᎢ.
de-si-lo-ni-ga a-ne-hi ta-li-ne 1:1
Quo-la, a-le Sa-yi-la, a-le Di-ma-di, wi-tsv-yo-we-la-si di-tsa-ne-lo-di i-tsa-da-tlu-gv De-si-lo-ni-ga i-tse-hi U-ne-la-nv-hi I-gi-do-da a-le U-gv-wi-yu-hi Tsi-sa Ga-lo-ne-dv de-tsa-ne-lo-dv-i.
desiloniga anehi taline 1:1
quola, ale sayila, ale dimadi, witsvyowelasi ditsanelod itsadatlugv desiloniga itsehi unelanvhi igidoda ale ugvwiyuhi tsisa galonedv detsanelodvi.

2nd Thessalonians 1:2
Grace unto you, and peace, from God our Father and the Lord Jesus Christ.
ᏕᏏᎶᏂᎦ ᎠᏁᎯ ᏔᎵᏁ 1:2
ᎬᏩᎦᏘᏯ ᎤᏓᏙᎵᏍᏗ ᎨᏒ ᎠᎴ ᏅᏩᏙᎯᏯᏛ ᏕᏥᎧᎿᏩᏗᏙᎮᏍᏗ ᏅᏓᏳᎾᎵᏍᎪᎸᏔᏅᎯ ᎤᏁᎳᏅᎯ ᎢᎩᏙᏓ ᎠᎴ ᎤᎬᏫᏳᎯ ᏥᏌ ᎦᎶᏁᏛ.
de-si-lo-ni-ga a-ne-hi ta-li-ne 1:2
Gv-wa-ga-ti-ya u-da-do-li-s-di ge-sv a-le nv-wa-do-hi-ya-dv de-tsi-ka-hna-wa-di-do-he-s-di nv-da-yu-na-li-s-go-lv-ta-nv-hi U-ne-la-nv-hi I-gi-do-da a-le U-gv-wi-yu-hi Tsi-sa Ga-lo-ne-dv.
desiloniga anehi taline 1:2
gvwagatiya udadolisdi gesv ale nvwadohiyadv detsikahnawadidohesdi nvdayunalisgolvtanvhi unelanvhi igidoda ale ugvwiyuhi tsisa galonedv.

2nd Thessalonians 1:3
We are bound to thank God always for you, brethren, as it is meet, because that your faith groweth exceedingly, and the charity of every one of you all toward each other aboundeth;
ᏕᏏᎶᏂᎦ ᎠᏁᎯ ᏔᎵᏁ 1:3
ᎣᎦᏚᏓᎳ ᏂᎪᎯᎸ ᎣᏣᎵᎡᎵᏤᏗᏱ ᎤᏁᎳᏅᎯ ᏂᎯ ᎢᏓᎵᏅᏟ ᎤᎬᏩᎵ, ᏥᏚᏳᎪᏗ ᎾᏍᎩ ᎢᏲᎦᏛᏁᏗᏱ, ᏅᏗᎦᎵᏍᏙᏗᎭ ᎢᏦᎯᏳᏒ ᎤᏣᏘ ᏣᏛᏍᎦ, ᎠᎴ ᏕᏣᏓᎨᏳᏒ ᏂᏥᎥ ᎢᏥᏏᏴᏫᎭ ᎨᏒ ᎤᏣᏘ ᏥᎧᏁᏉᎦ;
de-si-lo-ni-ga a-ne-hi ta-li-ne 1:3
O-ga-du-da-la ni-go-hi-lv o-tsa-li-e-li-tse-di-yi U-ne-la-nv-hi ni-hi i-da-li-nv-tli u-gv-wa-li, tsi-du-yu-go-di na-s-gi i-yo-ga-dv-ne-di-yi, nv-di-ga-li-s-do-di-ha i-tso-hi-yu-sv u-tsa-ti tsa-dv-s-ga, a-le de-tsa-da-ge-yu-sv ni-tsi-v i-tsi-si-yv-wi-ha ge-sv u-tsa-ti tsi-ka-ne-quo-ga;
desiloniga anehi taline 1:3
ogadudala nigohilv otsalielitsediyi unelanvhi nihi idalinvtli ugvwali, tsiduyugodi nasgi iyogadvnediyi, nvdigalisdodiha itsohiyusv utsati tsadvsga, ale detsadageyusv nitsiv itsisiyvwiha gesv utsati tsikanequoga;

2nd Thessalonians 1:4
So that we ourselves glory in you in the churches of God for your patience and faith in all your persecutions and tribulations that ye endure:
ᏕᏏᎶᏂᎦ ᎠᏁᎯ ᏔᎵᏁ 1:4
ᎾᏍᎩ ᎢᏳᏍᏗ ᎠᏴ ᎣᎬᏒ ᎣᏣᏢᏈᏍᎦ ᎢᏨᏁᎢᏍᏗᏍᎬ ᏧᎾᏁᎶᏗ ᏚᎾᏓᏡᏩᏗᏒ ᎤᏁᎳᏅᎯ ᏧᏤᎵᎦ, ᎾᏍᎩ ᏗᏨᏂᏗᏳ ᎨᏒ ᎠᎴ ᎢᏦᎯᏳ ᎨᏒ ᏂᎦᎥ ᎤᏕᏯᏙᏗ ᎠᎴ ᎠᎩᎵᏯ ᎢᏥᎷᏤᎲᎢ:
de-si-lo-ni-ga a-ne-hi ta-li-ne 1:4
Na-s-gi i-yu-s-di a-yv o-gv-sv o-tsa-tlv-qui-s-ga i-tsv-ne-i-s-di-s-gv tsu-na-ne-lo-di du-na-da-tlu-wa-di-sv U-ne-la-nv-hi tsu-tse-li-ga, na-s-gi di-tsv-ni-di-yu ge-sv a-le i-tso-hi-yu ge-sv ni-ga-v u-de-ya-do-di a-le a-gi-li-ya i-tsi-lu-tse-hv-i:
desiloniga anehi taline 1:4
nasgi iyusdi ayv ogvsv otsatlvqisga itsvneisdisgv tsunanelodi dunadatluwadisv unelanvhi tsutseliga, nasgi ditsvnidiyu gesv ale itsohiyu gesv nigav udeyadodi ale agiliya itsilutsehvi:

2nd Thessalonians 1:5
Which is a manifest token of the righteous judgment of God, that ye may be counted worthy of the kingdom of God, for which ye also suffer:
ᏕᏏᎶᏂᎦ ᎠᏁᎯ ᏔᎵᏁ 1:5
ᎾᏍᎩ ᎬᏂᎨᏒ ᎢᎬᏁᎯ ᏥᎩ ᎤᏁᎳᏅᎯ ᏚᏳᎪᏛ ᏧᏭᎪᏛᏗ ᏧᏭᎪᏙᏗ ᎨᏒᎢ, ᎾᏍᎩ ᏰᎵ ᎤᏁᎳᏅᎯ ᎤᏤᎵᎪᎯ ᎢᏤᎯ ᎡᏤᎵᏎᏗᏱ, ᎾᏍᎩ ᎾᏍᏉ ᎤᎬᏩᎵ ᏥᏥᎩᎵᏲᎦ:
de-si-lo-ni-ga a-ne-hi ta-li-ne 1:5
Na-s-gi gv-ni-ge-sv i-gv-ne-hi tsi-gi U-ne-la-nv-hi du-yu-go-dv tsu-wu-go-dv-di tsu-wu-go-do-di ge-sv-i, na-s-gi ye-li U-ne-la-nv-hi u-tse-li-go-hi i-tse-hi e-tse-li-se-di-yi, na-s-gi na-s-quo u-gv-wa-li tsi-tsi-gi-li-yo-ga:
desiloniga anehi taline 1:5
nasgi gvnigesv igvnehi tsigi unelanvhi duyugodv tsuwugodvdi tsuwugododi gesvi, nasgi yeli unelanvhi utseligohi itsehi etselisediyi, nasgi nasquo ugvwali tsitsigiliyoga:

2nd Thessalonians 1:6
Seeing it is a righteous thing with God to recompense tribulation to them that trouble you;
ᏕᏏᎶᏂᎦ ᎠᏁᎯ ᏔᎵᏁ 1:6
ᏅᏗᎦᎵᏍᏙᏗᎭ ᏚᏳᎪᏛᎢ ᎤᏁᎳᏅᎯ ᏧᎫᏴᏓᏁᏗᏱ ᎠᎩᎵᏲᎢᏍᏗ ᎨᏒ ᎾᏍᎩ Ꮎ ᎨᏥᎩᎵᏲᎢᏍᏗᏍᎩ;
de-si-lo-ni-ga a-ne-hi ta-li-ne 1:6
Nv-di-ga-li-s-do-di-ha du-yu-go-dv-i U-ne-la-nv-hi tsu-gu-yv-da-ne-di-yi a-gi-li-yo-i-s-di ge-sv na-s-gi na ge-tsi-gi-li-yo-i-s-di-s-gi;
desiloniga anehi taline 1:6
nvdigalisdodiha duyugodvi unelanvhi tsuguyvdanediyi agiliyoisdi gesv nasgi na getsigiliyoisdisgi;

2nd Thessalonians 1:7
And to you who are troubled rest with us, when the Lord Jesus shall be revealed from heaven with his mighty angels,
ᏕᏏᎶᏂᎦ ᎠᏁᎯ ᏔᎵᏁ 1:7
ᏂᎯᏃ ᎡᏥᎩᎵᏲᎢᏍᏗᏍᎩ, ᎠᏣᏪᏐᎸᏍᏙᏗ ᎨᏒ ᎡᎦᎫᏴᏓᏁᏗᏱ, ᎾᎯᏳ ᎤᎬᏫᏳᎯ ᏥᏌ ᎦᎸᎶ ᏅᏓᏳᏓᎴᏅᎯ ᎬᏂᎨᏒ ᎾᎬᏁᎸᎭ ᎠᏁᎮᏍᏗ ᏧᎾᎵᏂᎩᏛ ᏧᏤᎵ ᏗᏂᎧᎿᏩᏗᏙᎯ,
de-si-lo-ni-ga a-ne-hi ta-li-ne 1:7
Ni-hi-no e-tsi-gi-li-yo-i-s-di-s-gi, a-tsa-we-so-lv-s-do-di ge-sv e-ga-gu-yv-da-ne-di-yi, na-hi-yu U-gv-wi-yu-hi Tsi-sa ga-lv-lo nv-da-yu-da-le-nv-hi gv-ni-ge-sv na-gv-ne-lv-ha a-ne-he-s-di tsu-na-li-ni-gi-dv tsu-tse-li di-ni-ka-hna-wa-di-do-hi,
desiloniga anehi taline 1:7
nihino etsigiliyoisdisgi, atsawesolvsdodi gesv egaguyvdanediyi, nahiyu ugvwiyuhi tsisa galvlo nvdayudalenvhi gvnigesv nagvnelvha anehesdi tsunalinigidv tsutseli dinikahnawadidohi,

2nd Thessalonians 1:8
In flaming fire taking vengeance on them that know not God, and that obey not the gospel of our Lord Jesus Christ:
ᏕᏏᎶᏂᎦ ᎠᏁᎯ ᏔᎵᏁ 1:8
ᎠᏥᎸ ᎠᏓᏪᎵᎩᏍᎩ ᎤᏄᏬᏍᏕᏍᏗ ᏓᎩᎵᏲᎢᏍᏗᏍᎨᏍᏗ ᎾᏍᎩ Ꮎ ᏂᎬᏩᎦᏔᎲᎾ ᎤᏁᎳᏅᎯ, ᎠᎴ ᏄᏃᎯᏳᏒᎾ ᎣᏍᏛ ᎧᏃᎮᏛ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ ᎤᏤᎵᎦ:
de-si-lo-ni-ga a-ne-hi ta-li-ne 1:8
A-tsi-lv a-da-we-li-gi-s-gi u-nu-wo-s-de-s-di da-gi-li-yo-i-s-di-s-ge-s-di na-s-gi na ni-gv-wa-ga-ta-hv-na U-ne-la-nv-hi, a-le nu-no-hi-yu-sv-na o-s-dv ka-no-he-dv i-ga-tse-li u-gv-wi-yu-hi Tsi-sa Ga-lo-ne-dv u-tse-li-ga:
desiloniga anehi taline 1:8
atsilv adaweligisgi unuwosdesdi dagiliyoisdisgesdi nasgi na nigvwagatahvna unelanvhi, ale nunohiyusvna osdv kanohedv igatseli ugvwiyuhi tsisa galonedv utseliga:

2nd Thessalonians 1:9
Who shall be punished with everlasting destruction from the presence of the Lord, and from the glory of his power;
ᏕᏏᎶᏂᎦ ᎠᏁᎯ ᏔᎵᏁ 1:9
ᎾᏍᎩ ᎨᏥᏍᏛᏗᏍᏙᏗ ᎨᏎᏍᏗ ᎨᎬᏓᏁᏗ ᏫᎾᏍᏛᎾ ᎠᏓᏛᏗᏍᎩ ᎤᎬᏫᏳᎯ ᎠᎦᏔᎲ ᏅᏓᏳᏓᎴᏅᎯ, ᎠᎴ ᎦᎸᏉᏗᏳ ᎤᎵᏂᎩᏗᏳ ᎨᏒᎢ;
de-si-lo-ni-ga a-ne-hi ta-li-ne 1:9
Na-s-gi ge-tsi-s-dv-di-s-do-di ge-se-s-di ge-gv-da-ne-di wi-na-s-dv-na a-da-dv-di-s-gi u-gv-wi-yu-hi a-ga-ta-hv nv-da-yu-da-le-nv-hi, a-le ga-lv-quo-di-yu u-li-ni-gi-di-yu ge-sv-i;
desiloniga anehi taline 1:9
nasgi getsisdvdisdodi gesesdi gegvdanedi winasdvna adadvdisgi ugvwiyuhi agatahv nvdayudalenvhi, ale galvquodiyu ulinigdiyu gesvi;

2nd Thessalonians 1:10
When he shall come to be glorified in his saints, and to be admired in all them that believe (because our testimony among you was believed) in that day.
ᏕᏏᎶᏂᎦ ᎠᏁᎯ ᏔᎵᏁ 1:10
ᎾᎯᏳ ᏧᏤᎵ ᎤᎾᏓᏅᏘ ᎬᏩᎸᏉᏙᏗᏱ ᎤᎬᏩᎵ ᎦᎷᏨᎭ, ᎠᎴ ᎤᏍᏆᏂᎪᏗ ᏧᏓᏅᏓᏗᏍᏙᏗᏱ ᎾᏂᎥ ᎾᏍᎩ Ꮎ ᎬᏬᎯᏳᎲᏍᎩ ᎾᎯᏳ ᎢᎦ ᎨᏎᏍᏗ, ᏅᏗᎦᎵᏍᏙᏗᏍᎨᏍᏗ ᎪᎯᏳᏅᎯ ᎨᏒ ᎣᎩᏃᎮᎸ ᎢᏤᎲᎢ.
de-si-lo-ni-ga a-ne-hi ta-li-ne 1:10
Na-hi-yu tsu-tse-li u-na-da-nv-ti gv-wa-lv-quo-do-di-yi u-gv-wa-li ga-lu-tsv-ha, a-le u-s-qua-ni-go-di tsu-da-nv-da-di-s-do-di-yi na-ni-v na-s-gi na gv-wo-hi-yu-hv-s-gi na-hi-yu i-ga ge-se-s-di, nv-di-ga-li-s-do-di-s-ge-s-di go-hi-yu-nv-hi ge-sv o-gi-no-he-lv i-tse-hv-i.
desiloniga anehi taline 1:10
nahiyu tsusteli unadanvti gvwalvquododiyi ugvwali galutsvha, ale usquanigodi tsudanvdadisdodiyi naniv nasgi na gvwohiyuhvsgi nahiyu igagesesdi, nvdigalisdodisgesdi gohiyunvhi gesv oginohelv itsehvi.

2nd Thessalonians 1:11
Wherefore also we pray always for you, that our God would count you worthy of this calling, and fulfil all the good pleasure of his goodness, and the work of faith with power:
ᏕᏏᎶᏂᎦ ᎠᏁᎯ ᏔᎵᏁ 1:11
ᎾᏍᎩ ᎢᏳᏍᏗ ᎾᏍᏉ ᏂᎪᎯᎸ ᎣᏣᏓᏙᎵᏍᏗᏍᎪ ᎢᏨᏯᏅᏓᏗᏍᎪ, ᎾᏍᎩ ᎣᎦᏁᎳᏅᎯ ᎤᏓᏯᏅᏗ ᎨᏒ ᎢᏥᏯᏅᏔᏅᎯ ᎢᏳᎵᏍᏙᏗᏱ, ᎠᎴ ᎤᏍᏆᏗᏍᏗᏱ ᏂᎦᏛ ᎣᏍᏛ ᎤᏰᎸᏗ ᎨᏒ ᏅᏓᏳᏓᎴᏅᎯ ᎤᏓᏅᏘᏳ ᎨᏒᎢ, ᎠᎴ ᎪᎯᏳᏗ ᎨᏒ ᏧᎸᏫᏍᏓᏁᏗ ᎬᏔᏅᎯ ᎤᎵᏂᎩᏛ ᎨᏒᎢ:
de-si-lo-ni-ga a-ne-hi ta-li-ne 1:11
Na-s-gi i-yu-s-di na-s-quo ni-go-hi-lv o-tsa-da-do-li-s-di-s-go i-tsv-ya-nv-da-di-s-go, na-s-gi O-ga-ne-la-nv-hi u-da-ya-nv-di ge-sv i-tsi-ya-nv-ta-nv-hi i-yu-li-s-do-di-yi, a-le u-s-qua-di-s-di-yi ni-ga-dv o-s-dv u-ye-lv-di ge-sv nv-da-yu-da-le-nv-hi u-da-nv-ti-yu ge-sv-i, a-le go-hi-yu-di ge-sv tsu-lv-wi-s-da-ne-di gv-ta-nv-hi u-li-ni-gi-dv ge-sv-i:
desiloniga anehi taline 1:11
nasgi iyusdi nasquo nigohilv otsadadolisdisgo itsvyanvdadisgo, nasgi oganelanvhi udayanvdi gesv itsiyanvtanvhi iyulisdodiyi, ale usquadisdiyi nigadv osdv uyelvdi gesv nvdayudalenvhi udanvtiyu gesvi, ale gohiyudi gesv tsulvwisdanedi gvtanvhi ulinigidv gesvi:

2nd Thessalonians 1:12
That the name of our Lord Jesus Christ may be glorified in you, and ye in him, according to the grace of our God and the Lord Jesus Christ.
ᏕᏏᎶᏂᎦ ᎠᏁᎯ ᏔᎵᏁ 1:12
ᎾᏍᎩ ᎢᏳᏩᏂᏐᏗᏱ ᏚᏙᎥ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ ᎦᎸᏉᏗᏳ ᎢᏳᎵᏍᏙᏗᏱ ᏂᎯ ᎢᏨᏂᏌᏛ, ᎠᎴ ᏂᎯ ᎦᎸᏉᏗᏳ ᎢᏰᏨᏁᏗᏱ ᎾᏍᎩ ᎢᏳᏩᏂᏌᏛ, ᎾᏍᎩᏯ ᏄᏍᏛ ᎬᏩᎦᏘᏯ ᎤᏓᏙᎵᏍᏗ ᎨᏒ ᎢᎦᏁᎳᏅᎯ, ᎠᎴ ᎤᎬᏫᏳᎯ ᏥᏌ ᎦᎶᏁᏛ.
de-si-lo-ni-ga a-ne-hi ta-li-ne 1:12
Na-s-gi i-yu-wa-ni-so-di-yi du-do-v i-ga-tse-li U-gv-wi-yu-hi Tsi-sa Ga-lo-ne-dv ga-lv-quo-di-yu i-yu-li-s-do-di-yi ni-hi i-tsv-ni-sa-dv, a-le ni-hi ga-lv-quo-di-yu i-ye-tsv-ne-di-yi na-s-gi i-yu-wa-ni-sa-dv, na-s-gi-ya nu-s-dv gv-wa-ga-ti-ya u-da-do-li-s-di ge-sv I-ga-ne-la-nv-hi, a-le U-gv-wi-yu-hi Tsi-sa Ga-lo-ne-dv. 
desiloniga anehi taline 1:12
nasgi iyuwanisodiyi dudov igatseli ugvwiyuhi tsisa galonedv galvquodiyu iyulisdodiyi nihi itsvnisadv, ale nihi galvquodiyu iyetsvnediyi nasgi iyuwanisadv, nasgiya nusdv gvwagatiya udadolisdi gesv iganelanvhi, ale ugvwiyuhi tsisa galonedv.

Colossians 4     PREVIOUS BOOK        NEXT CHAPTER     1 Thess. 2
Subpages (1): 2 Thessalonians 2
Comments