2 Thessalonians 3

2nd Thessalonians 3rd Chapter

ᏕᏏᎶᏂᎦ ᎠᏁᎯ ᏔᎵᏁ ᎨᎪᏪᎳᏁᎸᎯ 3 ᎠᏯᏙᎸᎢ

de-si-lo-ni-ga a-ne-hi ta-li-ne ge-go-we-la-ne-lv-hi 3 a-ya-do-lv-i

desiloniga anehi taline gegowelanelvhi 3 ayadolvi

2nd Thessalonians 3:1-18 KJV (Public Domain)

ᏕᏏᎶᏂᎦ ᎠᏁᎯ ᏔᎵᏁ 3:1-18

de-si-lo-ni-ga a-ne-hi ta-li-ne 3:1-18

desiloniga anehi taline 3:1-18

2nd Thessalonians 3:1

Finally, brethren, pray for us, that the word of the Lord may have free course, and be glorified, even as it is with you:

ᏕᏏᎶᏂᎦ ᎠᏁᎯ ᏔᎵᏁ 3:1

ᎤᎵᏍᏆᎸᏗᏃ ᎨᏒᎢ, ᎢᏓᎵᏅᏟ, ᎢᏣᏓᏙᎵᏍᏗᏍᎨᏍᏗ ᎠᏴ ᏍᎩᏯᏅᏓᏗᏍᎨᏍᏗ, ᎾᏍᎩ ᎧᏃᎮᏛ ᎤᎬᏫᏳᎯ ᎤᏤᎵᎦ ᎤᏰᎵᎯᏍᏗᏱ, ᎠᎴ ᎦᎸᏉᏗᏳ ᎢᏳᎵᏍᏙᏗᏱ, ᎾᏍᎩᏯ ᏥᏄᏍᏗ ᏂᎯ ᎢᏤᎲᎢ:

de-si-lo-ni-ga a-ne-hi ta-li-ne 3:1

U-li-s-qua-lv-di-no ge-sv-i, i-da-li-nv-tli, i-tsa-da-do-li-s-di-s-ge-s-di a-yv s-gi-ya-nv-da-di-s-ge-s-di, na-s-gi ka-no-he-dv U-gv-wi-yu-hi u-tse-li-ga u-ye-li-hi-s-di-yi, a-le ga-lv-quo-di-yu i-yu-li-s-do-di-yi, na-s-gi-ya tsi-nu-s-di ni-hi i-tse-hv-i:

desiloniga anehi taline 3:1

ulisqualvdino gesvi, idalinvtli, itsadadolisdisgesdi ayv sgiyanvdadisgesdi, nasgi kanohedv ugvwiyuhi utseliga uyelishisdiyi, ale galvquodiyu iyulisdodiyi, nasgiya tsinusdi nihi itsehvi:

2nd Thessalonians 3:2

And that we may be delivered from unreasonable and wicked men: for all men have not faith.

ᏕᏏᎶᏂᎦ ᎠᏁᎯ ᏔᎵᏁ 3:2

ᎠᎴ ᎾᏍᎩ ᏦᏣᏚᏓᎳᎡᏗᏱ ᎤᏂᏲ ᎠᎴ ᎠᏂᏍᎦᎾ ᎠᏂᏍᎦᏯ; ᎥᏝᏰᏃ ᎾᏂᎥ ᎪᎯᏳᏗ ᎨᏒ ᏳᏁᎭ.

de-si-lo-ni-ga a-ne-hi ta-li-ne 3:2

A-le na-s-gi tso-tsa-du-da-la-e-di-yi u-ni-yo a-le a-ni-s-ga-na a-ni-s-ga-ya; v-tla-ye-no na-ni-v go-hi-yu-di ge-sv yu-ne-ha.

desiloniga anehi taline 3:2

ale nasgi tsotsadudalaediyi uniyo ale anisgana anisgaya; vtlayeno naniv gohiyudi gesv yuneha.

2nd Thessalonians 3:3

But the Lord is faithful, who shall stablish you, and keep you from evil.

ᏕᏏᎶᏂᎦ ᎠᏁᎯ ᏔᎵᏁ 3:3

ᎤᎬᏫᏳᎯᏍᎩᏂ ᏄᏓᎵᏓᏍᏛᎾ, ᎾᏍᎩ ᏨᏓᏣᎵᏂᎪᎯᏍᏔᏂ, ᎠᎴ ᏨᎵᏥᏲᏍᏙᏓᏁᎵ ᎤᏲ ᎢᏣᏛᏁᏗᏱ.

de-si-lo-ni-ga a-ne-hi ta-li-ne 3:3

U-gv-wi-yu-hi-s-gi-ni nu-da-li-da-s-dv-na, na-s-gi tsv-da-tsa-li-ni-go-hi-s-ta-ni, a-le tsv-li-tsi-yo-s-do-da-ne-li u-yo i-tsa-dv-ne-di-yi.

desiloniga anehi taline 3:3

ugvwiyuhisgini nudalidasdvna, nasgi tsvdatsalinigohistani, ale tsvlitsiyosdodaneli uyo itsadvnediyi.

2nd Thessalonians 3:4

And we have confidence in the Lord touching you, that ye both do and will do the things which we command you.

ᏕᏏᎶᏂᎦ ᎠᏁᎯ ᏔᎵᏁ 3:4

ᎠᎴ ᎣᏣᎵᏍᎦᏍᏙᏗ ᎤᎬᏫᏳᎯ ᏂᎯ ᎨᏒ ᎤᎬᏩᎵ, ᎾᏍᎩ ᏂᏣᏛᏁᎲᎢ, ᎠᎴ ᎠᏎ ᎾᏍᎩ ᎢᏣᏛᏁᏗ ᎨᏒ ᏄᏍᏛ ᎢᏨᏁᏤᎲᎢ.

de-si-lo-ni-ga a-ne-hi ta-li-ne 3:4

A-le o-tsa-li-s-ga-s-do-di U-gv-wi-yu-hi ni-hi ge-sv u-gv-wa-li, na-s-gi ni-tsa-dv-ne-hv-i, a-le a-se na-s-gi i-tsa-dv-ne-di ge-sv nu-s-dv i-tsv-ne-tse-hv-i.

desiloniga anehi taline 3:4

ale otsalisgasdodi ugvwiyuhi nihi gesv ugvwali, nasgi nitsadvnehvi, ale ase nasgi itsadvnedi gesv nusdv itsvnetsehvi.

2nd Thessalonians 3:5

And the Lord direct your hearts into the love of God, and into the patient waiting for Christ.

ᏕᏏᎶᏂᎦ ᎠᏁᎯ ᏔᎵᏁ 3:5

ᎠᎴ ᎤᎬᏫᏳᎯ ᏧᏎᎮᏗ ᎨᏎᏍᏗ ᏗᏥᎾᏫ ᎡᏥᎨᏳᎢ ᎢᏳᎵᏍᏙᏗᏱ ᎤᏁᎳᏅᎯ, ᎠᎴ ᏗᏨᏂᏗᏳ ᎢᏳᎵᏍᏙᏗᏱ ᎦᎶᏁᏛ ᎾᏍᎩᏯᎢ.

de-si-lo-ni-ga a-ne-hi ta-li-ne 3:5

A-le U-gv-wi-yu-hi tsu-se-he-di ge-se-s-di di-tsi-na-wi e-tsi-ge-yu-i i-yu-li-s-do-di-yi U-ne-la-nv-hi, a-le di-tsv-ni-di-yu i-yu-li-s-do-di-yi Ga-lo-ne-dv na-s-gi-ya-i.

desiloniga anehi taline 3:5

a;e igvwiyuhi tsusehedi gesesdi ditsinawi etsigeyui iyulisdodiyi unelanvhi, ale ditsvnidiyu iyulisdodiyi galonedv nasgiyai.

2nd Thessalonians 3:6

Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.

ᏕᏏᎶᏂᎦ ᎠᏁᎯ ᏔᎵᏁ 3:6

ᎿᏉᏃ ᎢᏨᏁᏤᎭ, ᎢᏓᎵᏅᏟ, ᎣᏨᏗᎭ ᏚᏙᎥ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ, ᎾᏍᎩ ᏗᏣᏓᏓᎴᏓᏁᏗᏱ ᎾᏂᎥ ᎠᎾᎵᏅᏟ ᎤᏣᏘᏂ ᎢᏯᎾᏛᏁᎵᏙᎯ, ᎠᎴ ᏂᏓᏂᎧᎿᏩᏕᎬᎾ ᏗᏕᏲᏗ ᎨᏒ ᎠᏴ ᏗᎪᎦᏓᏂᎸᏤᎸᎯ,

de-si-lo-ni-ga a-ne-hi ta-li-ne 3:6

Hna-quo-no i-tsv-ne-tse-ha, i-da-li-nv-tli, o-tsv-di-ha du-do-v i-ga-tse-li U-gv-wi-yu-hi Tsi-sa Ga-lo-ne-dv, na-s-gi di-tsa-da-da-le-da-ne-di-yi na-ni-v a-na-li-nv-tli u-tsa-ti-ni i-ya-na-dv-ne-li-do-hi, a-le ni-da-ni-ka-hna-wa-de-gv-na di-de-yo-di ge-sv a-yv di-go-ga-da-ni-lv-tse-lv-hi,

desiloniga anehi taline 3:6

hnaquono itsvnetseha, idalinvtli, otsvdiha dudov igatseli ugvwiyuhi tsisa galonedv, nasgi ditsadadaledanediyi naniv analinvtli utsatini iyanadvnelidohi, ale nidanikahnawadegvna dideyodi gesv ayv digogadanilvtselvhi,

2nd Thessalonians 3:7

For yourselves know how ye ought to follow us: for we behaved not ourselves disorderly among you;

ᏕᏏᎶᏂᎦ ᎠᏁᎯ ᏔᎵᏁ 3:7

ᎢᏳᏒᏰᏃ ᎢᏥᎦᏔᎭ ᎢᏣᏛᏁᏗᏱ ᏍᎩᏍᏓᏩᏛᏍᏗᏱ; ᎥᏝᏰᏃ ᎤᏣᏘᏂ ᏱᏃᏣᏛᏁᎵᏙᎮ ᎢᏨᏰᎳᏗᏙᎲᎢ;

de-si-lo-ni-ga a-ne-hi ta-li-ne 3:7

I-yu-sv-ye-no i-tsi-ga-ta-ha i-tsa-dv-ne-di-yi s-gi-s-da-wa-dv-s-di-yi; v-tla-ye-no u-tsa-ti-ni yi-no-tsa-dv-ne-li-do-he i-tsv-ye-la-di-do-hv-i;

desiloniga anehi taline 3:7

iyusvyeno itsigataha itsadvnediyi sgisdawadvsdiyi; vtlayeno utsatini yinotsadvnelidohe itsvyeladidohvi;

2nd Thessalonians 3:8

Neither did we eat any man's bread for nought; but wrought with labour and travail night and day, that we might not be chargeable to any of you:

ᏕᏏᎶᏂᎦ ᎠᏁᎯ ᏔᎵᏁ 3:8

ᎥᏝ ᎠᎴ ᎩᎶ ᎠᏎᏉ ᏲᏣᎵᏍᏓᏴᎾᏁᎮᎢ; ᏙᎩᎸᏫᏍᏓᏁᎲᎩᏍᎩᏂ ᎠᎴ ᏙᎩᏯᏪᏥᏙᎲᎩ ᎬᏩᎩᏨᏗ, ᏃᎦᏚᎵᏍᎬᎾ ᎨᏒ ᎢᏳᏍᏗ ᎠᏴ ᎠᏏᏴᏫ ᏂᏣᏛᏅ ᎦᎨᏛ ᎢᏲᏨᏴᏁᏗᏱ:

de-si-lo-ni-ga a-ne-hi ta-li-ne 3:8

V-tla a-le gi-lo a-se-quo yo-tsa-li-s-da-yv-na-ne-he-i; do-gi-lv-wi-s-da-ne-hv-gi-s-gi-ni a-le do-gi-ya-we-tsi-do-hv-gi gv-wa-gi-tsv-di, no-ga-du-li-s-gv-na ge-sv i-yu-s-di a-yv a-si-yv-wi ni-tsa-dv-nv ga-ge-dv i-yo-tsv-yv-ne-di-yi:

desiloniga anehi taline 3:8

vtla ale gilo asequo yotsalisdayvnanehei; dogilvwisdanehvgisgini ale dogiyawetsidohvgi gvwagitsvdi, nogadulisgvna gesv iyusdi ayv asiyvwi nitsadvnv gagedv iyotsvyvnediyi:

2nd Thessalonians 3:9

Not because we have not power, but to make ourselves an ensample unto you to follow us.

ᏕᏏᎶᏂᎦ ᎠᏁᎯ ᏔᎵᏁ 3:9

ᎥᏝ ᏃᎩᎲᎾ ᎨᏒ [ᏅᏩᏓᎴ ᎢᏲᎦᏛᏁᏗᏱ] ᏱᏅᏗᎦᎵᏍᏙᏗᏍᎨᎢ, ᏗᏣᏟᎶᏍᏙᏗᏍᎩᏂ ᏃᏣᏓᏛᏁᎲ ᎠᏴ ᏍᎩᏍᏓᏩᏛᏍᏗᏱ ᏅᏓᎦᎵᏍᏙᏗᏍᎬᎩ.

de-si-lo-ni-ga a-ne-hi ta-li-ne 3:9

V-tla no-gi-hv-na ge-sv [nv-wa-da-le i-yo-ga-dv-ne-di-yi] yi-nv-di-ga-li-s-do-di-s-ge-i, di-tsa-tli-lo-s-do-di-s-gi-ni no-tsa-da-dv-ne-hv a-yv s-gi-s-da-wa-dv-s-di-yi nv-da-ga-li-s-do-di-s-gv-gi.

desiloniga anehi taline 3:9

vtla nogihvna gesv [nvwadale iyogadvnediyi] yinvdigalisdodisgei, ditsatlilosdodisgini notsadadvnehv ayv sgisdawadvsdiyi nvdagalisdodisgvgi.

2nd Thessalonians 3:10

For even when we were with you, this we commanded you, that if any would not work, neither should he eat.

ᏕᏏᎶᏂᎦ ᎠᏁᎯ ᏔᎵᏁ 3:10

ᎾᎯᏳᏰᏃ ᏥᏨᏰᎳᏗᏙᎲᎩ, ᎯᎠ ᎾᏍᎩ ᏄᏍᏛᎩ ᎢᏨᏁᏤᎸᎩ, ᎾᏍᎩ ᎢᏳᏃ ᎩᎶ ᏄᏚᎵᏍᎬᎾ ᏱᎩ, ᏧᎸᏫᏍᏓᏁᏗᏱ ᎾᏍᏉ ᎤᎵᏍᏓᏴᏗᏱ ᏂᎨᏒᎾ ᎨᏒᎢ.

de-si-lo-ni-ga a-ne-hi ta-li-ne 3:10

Na-hi-yu-ye-no tsi-tsv-ye-la-di-do-hv-gi, hi-a na-s-gi nu-s-dv-gi i-tsv-ne-tse-lv-gi, na-s-gi i-yu-no gi-lo nu-du-li-s-gv-na yi-gi, tsu-lv-wi-s-da-ne-di-yi na-s-quo u-li-s-da-yv-di-yi ni-ge-sv-na ge-sv-i.

desiloniga anehi taline 3:10

nahiyuyeno tsitsvyeladidohvgi, hia nasgi nusdvgi itsvnetselvgi, ansgi iyuno gilo nudulisgvna yigi, tsulvwisdanediy nasquo ulisdayvdiy nigesvna gesvi.

2nd Thessalonians 3:11

For we hear that there are some which walk among you disorderly, working not at all, but are busybodies.

ᏕᏏᎶᏂᎦ ᎠᏁᎯ ᏔᎵᏁ 3:11

ᎣᏣᏛᎩᎭᏰᏃ ᎾᏍᎩ ᎩᎶ ᎨᏣᏓᏑᏴ ᎤᏣᏘᏂ ᎾᎾᏛᏁᎵᏙᎲᎢ, ᎪᎱᏍᏗ ᎾᎾᏛᏁᎲᎾ, ᎠᏎᏃ ᎠᎾᏛᏁᎵᏙᎯ ᎢᎩ.

de-si-lo-ni-ga a-ne-hi ta-li-ne 3:11

O-tsa-dv-gi-ha-ye-no na-s-gi gi-lo ge-tsa-da-su-yv u-tsa-ti-ni na-na-dv-ne-li-do-hv-i, go-hu-s-di na-na-dv-ne-hv-na, a-se-no a-na-dv-ne-li-do-hi i-gi.

desiloniga anehi taline 3:11

otsadvgihayeno nasgi gilo getsadasuyv utsatini nanadvnelidohvi, gohusdi nanadvnehvna, aseno anadvnelidohi igi.

2nd Thessalonians 3:12

Now them that are such we command and exhort by our Lord Jesus Christ, that with quietness they work, and eat their own bread.

ᏕᏏᎶᏂᎦ ᎠᏁᎯ ᏔᎵᏁ 3:12

ᎾᏍᎩᏃ ᎢᏳᎾᏍᏗ ᎨᏒᎢ, ᏙᏥᏁᏤᎭ ᎠᎴ ᏙᏥᏍᏗᏰᏗᎭ ᏙᏥᏁᎢᏍᏓᏁᎭ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ, ᎾᏍᎩ ᏙᎯᏉ ᏧᏂᎸᏫᏍᏓᏁᏗᏱ, ᎠᎴ ᎤᏅᏒ ᎤᎾᏤᎵ ᎠᎵᏍᏓᏴᏗ ᎤᎾᎵᏍᏓᏴᏙᏗᏱ.

de-si-lo-ni-ga a-ne-hi ta-li-ne 3:12

Na-s-gi-no i-yu-na-s-di ge-sv-i, do-tsi-ne-tse-ha a-le do-tsi-s-di-ye-di-ha do-tsi-ne-i-s-da-ne-ha i-ga-tse-li U-gv-wi-yu-hi Tsi-sa Ga-lo-ne-dv, na-s-gi do-hi-quo tsu-ni-lv-wi-s-da-ne-di-yi, a-le u-nv-sv u-na-tse-li a-li-s-da-yv-di u-na-li-s-da-yv-do-di-yi.

desiloniga anehi taline 3:12

nasgino iyunasdi gesvi, dotsinetseha ale dotsisdiyediha dotsineisdaneha igatseli ugvwiyuhi tsisa galonedv, nasgi dohquo tsunilvwisdanediyi, ale unvsv unatseli alisdayvdi unalisdayvdodiyi.

2nd Thessalonians 3:13

But ye, brethren, be not weary in well doing.

ᏕᏏᎶᏂᎦ ᎠᏁᎯ ᏔᎵᏁ 3:13

ᏂᎯᏍᎩᏂ, ᎢᏓᎵᏅᏟ, ᏞᏍᏗ ᏱᏗᏥᏯᏪᎨᏍᏗ ᎣᏍᏛ ᏕᏥᎸᏫᏍᏓᏁᎲᎢ.

de-si-lo-ni-ga a-ne-hi ta-li-ne 3:13

Ni-hi-s-gi-ni, i-da-li-nv-tli, tle-s-di yi-di-tsi-ya-we-ge-s-di o-s-dv de-tsi-lv-wi-s-da-ne-hv-i.

desiloniga anehi taline 3:13

nihisgini, idalinvtli, tlesdi yiditsiyawegesdi osdv detsilvwisdanehvi.

2nd Thessalonians 3:14

And if any man obey not our word by this epistle, note that man, and have no company with him, that he may be ashamed.

ᏕᏏᎶᏂᎦ ᎠᏁᎯ ᏔᎵᏁ 3:14

ᎢᏳᏃ ᎩᎶ ᏂᎪᎯᏳᎲᏍᎬᎾ ᎢᎨᏎᏍᏗ ᎣᏥᏬᏂᏍᎬ ᎠᏂ ᎣᏦᏪᎵᏍᎬᎢ, ᎬᏂᎨᏒ ᏁᏨᏁᎸᎭ ᎾᏍᎩ, ᎠᎴ ᏞᏍᏗ ᎢᏧᎳᎭ ᎢᏤᏙᎸᎩ, ᎾᏍᎩ ᎬᏩᏕᎰᎯᏍᏗ ᎢᏳᎵᏍᏙᏗᏱ.

de-si-lo-ni-ga a-ne-hi ta-li-ne 3:14

I-yu-no gi-lo ni-go-hi-yu-hv-s-gv-na i-ge-se-s-di o-tsi-wo-ni-s-gv a-ni o-tso-we-li-s-gv-i, gv-ni-ge-sv ne-tsv-ne-lv-ha na-s-gi, a-le tle-s-di i-tsu-la-ha i-tse-do-lv-gi, na-s-gi gv-wa-de-ho-hi-s-di i-yu-li-s-do-di-yi.

desiloniga anehi taline 3:14

iyuno gilo nigohiyuhvsgvna igesesdi otsiwonisgv ani otsowelisgvi, gvnigesv netsvnelvha nasgi, ale tlesdi itsulaha itsedolvgi, nasgi gvwadehohisdi iyulisdodiyi.

2nd Thessalonians 3:15

Yet count him not as an enemy, but admonish him as a brother.

ᏕᏏᎶᏂᎦ ᎠᏁᎯ ᏔᎵᏁ 3:15

ᎠᏗᎾ ᏞᏍᏗ ᎡᏥᏍᎦᎩ ᎢᏳᏍᏗ ᏰᏣᏓᏅᏖᏍᎨᏍᏗ, ᎡᏥᎬᏍᎪᎸᎥᏍᎨᏍᏗᏍᎩᏂ ᎢᏣᏓᏅᏟ ᎾᏍᎩᏯᎢ.

de-si-lo-ni-ga a-ne-hi ta-li-ne 3:15

A-di-na tle-s-di e-tsi-s-ga-gi i-yu-s-di ye-tsa-da-nv-te-s-ge-s-di, e-tsi-gv-s-go-lv-v-s-ge-s-di-s-gi-ni i-tsa-da-nv-tli na-s-gi-ya-i.

desiloniga anehi taline 3:15

Adina tlesdi etsisgagi iyusdi yetsadanvtesgesdi, etsigvsgolvvsgesdisgini itsadanvtli nasgiyai.

2nd Thessalonians 3:16

Now the Lord of peace himself give you peace always by all means. The Lord be with you all.

ᏕᏏᎶᏂᎦ ᎠᏁᎯ ᏔᎵᏁ 3:16

ᎤᎬᏫᏳᎯᏃ ᏅᏩᏙᎯᏯᏛ ᎤᏪᎯ ᎤᏩᏒ ᎠᏎ ᎢᏥᏁᏗ ᎨᏎᏍᏗ ᏅᏩᏙᎯᏯᏛ ᏂᎪᎯᎸᎢ. ᎤᎬᏫᏳᎯ ᏂᏥᎥ ᏕᏥᎧᎿᏗᏙᎮᏍᏗ.

de-si-lo-ni-ga a-ne-hi ta-li-ne 3:16

U-gv-wi-yu-hi-no nv-wa-do-hi-ya-dv u-we-hi u-wa-sv a-se i-tsi-ne-di ge-se-s-di nv-wa-do-hi-ya-dv ni-go-hi-lv-i. U-gv-wi-yu-hi ni-tsi-v de-tsi-ka-hna-di-do-he-s-di.

desiloniga anehi taline 3:16

ugvwiyuhino nvwadohiyadv uwehi uwasv ase itsinedi gesesdi nvwadohiyadv nigohilvi. ugvwiyuhi nitsiv detsikahnadidohesdi.

2nd Thessalonians 3:17

The salutation of Paul with mine own hand, which is the token in every epistle: so I write.

ᏕᏏᎶᏂᎦ ᎠᏁᎯ ᏔᎵᏁ 3:17

ᎠᏴ ᏉᎳ ᎠᏆᏓᏲᎵᏍᏗ ᎨᏒ ᎠᏋᏒ ᎠᏉᏰᏂ ᎠᏋᏔᏅᎯ ᎠᏉᏪᎳᏅᎯ, ᎾᏍᎩ ᏗᎪᎵᏍᏙᏗ ᏥᎩ ᏂᎦᏛ ᎪᏪᎵ; ᎾᏍᎩᏯ ᏂᎬᏁᎰ ᎪᏪᎵᏍᎪᎢ.

de-si-lo-ni-ga a-ne-hi ta-li-ne 3:17

A-yv Quo-la a-qua-da-yo-li-s-di ge-sv a-quv-sv a-quo-ye-ni a-quv-ta-nv-hi a-quo-we-la-nv-hi, na-s-gi di-go-li-s-do-di tsi-gi ni-ga-dv go-we-li; na-s-gi-ya ni-gv-ne-ho go-we-li-s-go-i.

desiloniga anehi taline 3:17

ayv quola aquadayolisdi gesv aqugsv aquoyeni aquvtanvhi aquowelanvhi, nasgi digolisdodi tsigi nigadv goweli; nasgiya nigvneho gowelisgoi.

2nd Thessalonians 3:18

The grace of our Lord Jesus Christ be with you all. Amen.

ᏕᏏᎶᏂᎦ ᎠᏁᎯ ᏔᎵᏁ 3:18

ᎬᏩᎦᏘᏯ ᎤᏓᏙᎵᏍᏗ ᎨᏒ ᎢᎦᏤᎵ ᎤᎬᏫᏳᎯ ᏥᏌ ᎦᎶᏁᏛ ᏕᏥᎧᎿᏩᏗᏙᎮᏍᏗ ᏂᏥᎥᎢ. ᎡᎺᏅ.

de-si-lo-ni-ga a-ne-hi ta-li-ne 3:18

Gv-wa-ga-ti-ya u-da-do-li-s-di ge-sv i-ga-tse-li U-gv-wi-yu-hi Tsi-sa Ga-lo-ne-dv de-tsi-ka-hna-wa-di-do-he-s-di ni-tsi-v-i. E-me-nv.

desiloniga anehi taline 3:18

gvwagatiya udadolisdi gesv igatseli ugvwiyuhi tsisa galonedv detsikahnawadidohesdi nitsivi. emenv.

2 Thessalonians 2 PREVIOUS CHAPTER NEXT BOOK 1 Timothy 1