1 Thessalonians 4

1 Thessalonians 4th Chapter

ᏕᏍᎯᎶᏂᎦ ᎠᏁᎯ ᎢᎬᏱᏱ ᏥᏬᏪᎳᏁᎸᎯ 4 ᎠᏯᏙᎸᎢ

de-s-hi-lo-ni-ga a-ne-hi i-gv-yi-yi tsi-wo-we-la-ne-lv-hi 4 a-ya-do-lv-i

deshiloniga anehi igvyiyi tsiwowelanelvhi 4 ayadolvi

ᎠᏯᏙᎸᎢ 4

ayadolvi 4

Chapter 4

1 Thessalonians 4:1-18

ᏕᏍᎯᎶᏂᎦ ᎠᏁᎯ ᎢᎬᏱᏱ 4:1-18

de-s-hi-lo-ni-ga a-ne-hi i-gv-yi-yi 4:1-18

deshiloniga anehi igvyiyi 4:1-18

1 Thessalonians 4:1

Furthermore then we beseech you, brethren, and exhort you by the Lord Jesus, that as ye have received of us how ye ought to walk and to please God, so ye would abound more and more.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:1

ᎠᎴ ᎾᏍᏉ, ᎢᏓᎵᏅᏟ, ᎢᏨᏔᏲᏎᎭ, ᎠᎴ ᎢᏨᏍᏗᏰᏗᎭ, ᎤᎬᏫᏳᎯ ᏥᏌ ᏅᏗᎦᎵᏍᏙᏗᎭ, ᎾᏍᎩ Ꮎ ᏍᎩᏯᏛᎦᏁᎸᎯ ᏥᎩ ᎢᏣᏛᏁᏗᏱ ᎢᏤᏓᏍᏗᏱ ᎾᏍᎩ ᎣᏏᏳ ᎬᏩᏰᎸᏗ ᎨᏒ ᎤᏁᎳᏅᎯ, ᎾᏍᎩ ᏂᏣᏛᏁᎲ ᎧᏁᏉᏥᏎᏍᏗᏉ.

de-s-hi-lo-ni-ga a-ne-hi i-gv-yi-yi 4:1

A-le na-s-quo, i-da-li-nv-tli, i-tsv-ta-yo-se-ha, a-le i-tsv-s-di-ye-di-ha, U-gv-wi-yu-hi Tsi-sa nv-di-ga-li-s-do-di-ha, na-s-gi na s-gi-ya-dv-ga-ne-lv-hi tsi-gi i-tsa-dv-ne-di-yi i-tse-da-s-di-yi na-s-gi o-si-yu gv-wa-ye-lv-di ge-sv U-ne-la-nv-hi, na-s-gi ni-tsa-dv-ne-hv ka-ne-quo-tsi-se-s-di-quo.

deshiloniga anehi igvyiyi 4:1

ale nasquo, idalinvtli, itsvtayoseha, ale itsvsdiyediha, ugvwiyuhi tsisa nvdigalisdodiha, nasgi na sgiyadvganelvhi tsigi itsadvnediyi itsedasdiyi nasgi osiyu gvwayelvdi gesv unelanvhi, nasgi nitsadvnehv kanequotsisesdiquo.

1 Thessalonians 4:2

For ye know what commandments we gave you by the Lord Jesus.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:2

ᎢᏥᎦᏔᎭᏰᏃ ᏄᏍᏛ ᏕᏨᏲᎯᏎᎸ ᏗᎧᎿᏩᏛᏍᏗ ᎤᎬᏫᏳᎯ ᏥᏌ ᎣᏏᏳ ᎤᏰᎸᏅᎯ ᎨᏒᎢ.

de-s-hi-lo-ni-ga a-ne-hi i-gv-yi-yi 4:2

I-tsi-ga-ta-ha-ye-no nu-s-dv de-tsv-yo-hi-se-lv di-ka-hna-wa-dv-s-di U-gv-wi-yu-hi Tsi-sa o-si-yu u-ye-lv-nv-hi ge-sv-i.

deshiloniga anehi igvyiyi 4:2

itsigatahayeno nusdv detsvyohiselv dikahnawadvsdi ugvwiyuhi tsisa osiyu uyelvnvhi gesvi.

1 Thessalonians 4:3

For this is the will of God, even your sanctification, that ye should abstain from fornication:

ᏕᏍᎯᎶᏂᎦ ᎠᏁᎯ ᎢᎬᏱᏱ 4:3

ᎯᎠᏰᏃ ᎾᏍᎩ ᏄᏍᏗ ᎤᏁᎳᏅᎯ ᎠᏓᏅᏖᏍᎬᎢ, ᏗᏣᏓᏅᎦᎸᏛ ᎢᏣᎵᏍᏙᏗᏱ, ᎾᏍᎩ ᏗᏥᏲᎯᏍᏗᏱ ᎤᏕᎵᏛ ᏗᏂᏏᏗ ᎨᏒᎢ:

de-s-hi-lo-ni-ga a-ne-hi i-gv-yi-yi 4:3

Hi-a-ye-no na-s-gi nu-s-di U-ne-la-nv-hi a-da-nv-te-s-gv-i, di-tsa-da-nv-ga-lv-dv i-tsa-li-s-do-di-yi, na-s-gi di-tsi-yo-hi-s-di-yi u-de-li-dv di-ni-si-di ge-sv-i:

deshiloniga anehi igvyiyi 4:3

hiayeno nasgi nusdi unelanvhi adanvtesgvi, ditsadanvgalvdv itsalisdodiyi, nasgi ditsiyohisdiyi udelidv dinisidi gesvi:

1 Thessalonians 4:4

That every one of you should know how to possess his vessel in sanctification and honour;

ᏕᏍᎯᎶᏂᎦ ᎠᏁᎯ ᎢᎬᏱᏱ 4:4

ᎾᏍᎩ ᏂᏥᎥ ᎢᏥᏏᏴᏫᎭ ᏱᏥᎦᏔᎭ ᎢᏣᏛᏁᏗᏱ ᎢᏥᏍᏆᏂᎪᏙᏗᏱ ᎢᏥᏰᎸᎢ ᎤᏓᏅᎦᎸᏛ ᎨᏒ ᎠᎴ ᎦᎸᏉᏗᏳ ᎨᏒᎢ;

de-s-hi-lo-ni-ga a-ne-hi i-gv-yi-yi 4:4

Na-s-gi ni-tsi-v i-tsi-si-yv-wi-ha yi-tsi-ga-ta-ha i-tsa-dv-ne-di-yi i-tsi-s-qua-ni-go-do-di-yi i-tsi-ye-lv-i u-da-nv-ga-lv-dv ge-sv a-le ga-lv-quo-di-yu ge-sv-i;

deshiloniga anehi igvyiyi 4:4

nasgi nitsiv itsisiyvwiha yitsigataha itsadvnediyi itsisquanigododiyi itsiyelvi udanvgalvdv gesv ale galvquodiyu gesvi;

1 Thessalonians 4:5

Not in the lust of concupiscence, even as the Gentiles which know not God:

ᏕᏍᎯᎶᏂᎦ ᎠᏁᎯ ᎢᎬᏱᏱ 4:5

ᎥᏝᏃ ᎢᏤᎳᏲᎯᏍᏗ ᎨᏒᎢ, ᎾᏍᎩᏯ ᎾᎾᏛᏁᎲ ᏧᎾᏓᎴᏅᏛ ᏴᏫ ᎤᏁᎳᏅᎯ ᎾᏂᎦᏔᎲᎾ ᏥᎩ:

de-s-hi-lo-ni-ga a-ne-hi i-gv-yi-yi 4:5

V-tla-no i-tse-la-yo-hi-s-di ge-sv-i, na-s-gi-ya na-na-dv-ne-hv tsu-na-da-le-nv-dv yv-wi U-ne-la-nv-hi na-ni-ga-ta-hv-na tsi-gi:

deshiloniga anehi igvyiyi 4:5

vtlano itselayohisdi gesvi, nasgiya nanadvnehv tsunadalenvdv yvwi unelanvhi nanigatahvna tsigi:

1 Thessalonians 4:6

That no man go beyond and defraud his brother in any matter: because that the Lord is the avenger of all such, as we also have forewarned you and testified.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:6

ᎾᏍᎩ ᎩᎶ ᎤᎶᏒᏍᏓᏁᏗᏱ ᎠᎴ ᎤᎶᏄᎮᏗᏱ ᏂᎨᏒᎾ ᎠᎾᎵᏅᏟ ᏥᏂᎦᎥᏉ ᎪᎱᏍᏗ ᎤᎬᏩᎵ; ᎤᎬᏫᏳᎯᏰᏃ ᏗᏞᏤᎯ ᎯᎠ ᎾᏍᎩ ᎾᎦᎥ ᏧᏓᎴᏅᏛ, ᎾᏍᎩ ᎦᏳᎳ ᎢᏨᏃᏁᎸᎯ ᎠᎴ ᎢᏨᏲᎢᏳᏓᏁᎸᎯ ᏥᎩ.

de-s-hi-lo-ni-ga a-ne-hi i-gv-yi-yi 4:6

Na-s-gi gi-lo u-lo-sv-s-da-ne-di-yi a-le u-lo-nu-he-di-yi ni-ge-sv-na a-na-li-nv-tli tsi-ni-ga-v-quo go-hu-s-di u-gv-wa-li; U-gv-wi-yu-hi-ye-no di-tle-tse-hi hi-a na-s-gi na-ga-v tsu-da-le-nv-dv, na-s-gi ga-yu-la i-tsv-no-ne-lv-hi a-le i-tsv-yo-i-yu-da-ne-lv-hi tsi-gi.

deshiloniga anehi igvyiyi 4:6

nasgi gilo ulosvsdanediyi ale ulonuhediyi nigesvna analinvtli tsinigavquo gohusdi ugvwali; ugvwiyuhiyeno ditletsehi hia nasgi nagav tsudalenvdv, nasgi gayula itsvnonelvhi ale itsyoiyudanelvhi tsigi.

1 Thessalonians 4:7

For God hath not called us unto uncleanness, but unto holiness.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:7

ᎤᏁᎳᏅᎯᏰᏃ ᎥᏝ ᏱᎩᏯᏅᎲ ᎦᏓᎭ ᎢᎦᎵᏍᏙᏗᏱ ᎢᎦᏓᏅᎦᎸᏛᏍᎩᏂ ᎢᎦᎵᏍᏙᏗᏱ.

de-s-hi-lo-ni-ga a-ne-hi i-gv-yi-yi 4:7

U-ne-la-nv-hi-ye-no v-tla yi-gi-ya-nv-hv ga-da-ha i-ga-li-s-do-di-yi i-ga-da-nv-ga-lv-dv-s-gi-ni i-ga-li-s-do-di-yi.

deshiloniga anehi igvyiyi 4:7

unelanvhiyeno vtla yigiyanvhv gadaha igalisdodiyi igadanvgalvdvsgini igalisdodiyi.

1 Thessalonians 4:8

He therefore that despiseth, despiseth not man, but God, who hath also given unto us his holy Spirit.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:8

ᎾᏍᎩ ᎢᏳᏍᏗ ᎩᎶ ᎠᏓᏂᏉᏘᎯ, ᎥᏝ ᏴᏫ ᏱᎦᏂᏆᏘᎭ, ᎤᏁᎳᏅᎯᏍᎩᏂ, ᎾᏍᎩ ᎾᏍᏉ ᎤᏤᎵ ᎦᎸᏉᏗᏳ ᎠᏓᏅᏙ ᎢᎩᏁᎸᎯ ᏥᎩ.

de-s-hi-lo-ni-ga a-ne-hi i-gv-yi-yi 4:8

Na-s-gi i-yu-s-di gi-lo a-da-ni-quo-ti-hi, v-tla yv-wi yi-ga-ni-qua-ti-ha, U-ne-la-nv-hi-s-gi-ni, na-s-gi na-s-quo u-tse-li Ga-lv-quo-di-yu A-da-nv-do i-gi-ne-lv-hi tsi-gi.

deshiloniga anehi igvyiyi 4:8

nasgi iyusdi gilo adaniquotihi, vtla yvwi yiganiquatiha, unelanvhisgini, nasgi nasquo utseli galvquodiyu adanvdo iginelvhi tsigi.

1 Thessalonians 4:9

But as touching brotherly love ye need not that I write unto you: for ye yourselves are taught of God to love one another.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:9

Ꭰ-ᏍᎩᏂ ᎠᎾᎵᏅᏟ ᏧᎾᏓᎨᏳᏗ ᎨᏒ ᎤᎬᏩᎵ ᎥᏝ ᎤᏚᎸᏗ ᏱᏂᏣᎵᏍᏓᏁᎭ ᏫᏨᏲᏪᎳᏁᏗᏱ: ᎢᏨᏒᏰᏃ ᎤᏁᎳᏅᎯ ᎢᏤᏲᏅᎯ ᎢᎩ ᏗᏣᏓᎨᏳᏗᏱ.

de-s-hi-lo-ni-ga a-ne-hi i-gv-yi-yi 4:9

A--s-gi-ni a-na-li-nv-tli tsu-na-da-ge-yu-di ge-sv u-gv-wa-li v-tla u-du-lv-di yi-ni-tsa-li-s-da-ne-ha wi-tsv-yo-we-la-ne-di-yi: i-tsv-sv-ye-no U-ne-la-nv-hi i-tse-yo-nv-hi i-gi di-tsa-da-ge-yu-di-yi.

deshiloniga anehi igvyiyi 4:9

a sgini analinvtli tsunadageyudi gesv ugvwali vtla udulvdi yinitsalisdaneha witsvyowelanediyi: itsvsvyeno unelanvhi itseyonvhi igi ditsadageyudiyi.

1 Thessalonians 4:10

And indeed ye do it toward all the brethren which are in all Macedonia: but we beseech you, brethren, that ye increase more and more;

ᏕᏍᎯᎶᏂᎦ ᎠᏁᎯ ᎢᎬᏱᏱ 4:10

ᎤᏙᎯᏳᎯᏰᏃ ᎾᏍᎩ ᏂᏣᏛᏁᎭ ᎾᏂᎥ ᏕᏥᎨᏳᎭ ᎠᎾᎵᏅᏟ ᎹᏏᏙᏂ ᎠᏁᎯ; ᎠᏎᏃ ᎢᏨᏍᏗᏰᏗᎭ, ᎢᏓᎵᏅᏟ, ᎢᏥᏁᏉᎢᏍᏗᏱ ᎤᏟᎯᏳ ᎢᎦᎢ;

de-s-hi-lo-ni-ga a-ne-hi i-gv-yi-yi 4:10

U-do-hi-yu-hi-ye-no na-s-gi ni-tsa-dv-ne-ha na-ni-v de-tsi-ge-yu-ha a-na-li-nv-tli Ma-si-do-ni a-ne-hi; a-se-no i-tsv-s-di-ye-di-ha, i-da-li-nv-tli, i-tsi-ne-quo-i-s-di-yi u-tli-hi-yu i-ga-i;

deshiloniga anehi igvyiyi 4:10

udohiyuhiyeno nasgi nitsadvneha naniv detsigeyuha analinvtli masidoni anehi; aseno itsvsdiyediha, idalinvtli, itsinequoisdiyi utlihiyu igai;

1 Thessalonians 4:11

And that ye study to be quiet, and to do your own business, and to work with your own hands, as we commanded you;

ᏕᏍᎯᎶᏂᎦ ᎠᏁᎯ ᎢᎬᏱᏱ 4:11

ᎠᎴ ᎢᏣᏟᏂᎬᏁᏗᏱ ᏅᏩᏙᎯᏯᏛ ᎢᏣᏕᏗᏱ, ᎠᎴ ᎢᏨᏒ ᎢᏣᏤᎵ ᏗᎦᎸᏫᏍᏓᏁᏗ ᏗᏥᎸᏫᏍᏓᏁᏗᏱ, ᎠᎴ ᎢᏨᏒ ᏗᏦᏰᏂ ᏗᏨᏙᏗᏱ ᎪᎱᏍᏗ ᎢᏣᏛᏁᏗᏱ, ᎾᏍᎩᏯ ᏂᏨᏪᏎᎸᎢ;

de-s-hi-lo-ni-ga a-ne-hi i-gv-yi-yi 4:11

A-le i-tsa-tli-ni-gv-ne-di-yi nv-wa-do-hi-ya-dv i-tsa-de-di-yi, a-le i-tsv-sv i-tsa-tse-li di-ga-lv-wi-s-da-ne-di di-tsi-lv-wi-s-da-ne-di-yi, a-le i-tsv-sv di-tso-ye-ni di-tsv-do-di-yi go-hu-s-di i-tsa-dv-ne-di-yi, na-s-gi-ya ni-tsv-we-se-lv-i;

deshiloniga anehi igvyiyi 4:11

ale itsatlinigvnediyi nvwadohiyadv itsadediyi, ale itsvsv itsatseli digalvwisdanedi ditsilvwisdanediyi, ale itsvsv ditsoyeni ditsvdodiyi gohusdi itsadvnediyi, nasgiya nitsvweselvi;

1 Thessalonians 4:12

That ye may walk honestly toward them that are without, and that ye may have lack of nothing.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:12

ᎾᏍᎩ ᎣᏏ ᎬᏰᎸᏗ ᎨᏥᏓᏍᏗ ᏱᎩ ᎠᏂᎦᏔᎲ ᎾᏍᎩ ᎠᏁᎳ ᏂᎨᏒᎾ, ᎠᎴ ᎪᎱᏍᏗ ᏂᏥᏂᎬᏎᎲᎾ ᏱᎩ.

de-s-hi-lo-ni-ga a-ne-hi i-gv-yi-yi 4:12

Na-s-gi o-si gv-ye-lv-di ge-tsi-da-s-di yi-gi a-ni-ga-ta-hv na-s-gi a-ne-la ni-ge-sv-na, a-le go-hu-s-di ni-tsi-ni-gv-se-hv-na yi-gi.

deshiloniga anehi igvyiyi 4:12

nasgi osi gvyelvdi getsidasdi yigi anigatahv nasgi anela nigesvna, ale gohusdi nitsinigvsehvna yigi.

1 Thessalonians 4:13

But I would not have you to be ignorant, brethren, concerning them which are asleep, that ye sorrow not, even as others which have no hope.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:13

ᎠᏎᏃ, ᎢᏓᎵᏅᏟ, ᎥᏝ ᎾᏂᎦᏔᎥᎾᏉ ᎨᏎᏍᏗ ᏱᏨᏰᎵᏎᎭ ᎾᏍᎩ Ꮎ ᎤᏂᎵᏅᏨᎯ ᎤᎬᏩᎵ, ᎾᏍᎩ ᎤᏲ ᎢᏣᏓᏅᏓᏗᏍᏗᏱ ᏂᎨᏒᎾ ᎾᏍᎩ ᏅᏩᎾᏓᎴ ᎤᏚᎩ ᏄᏅᏒᎾ ᎾᏍᎩᏯ ᏄᎾᏍᏛᎢ.

de-s-hi-lo-ni-ga a-ne-hi i-gv-yi-yi 4:13

A-se-no, i-da-li-nv-tli, v-tla na-ni-ga-ta-v-na-quo ge-se-s-di yi-tsv-ye-li-se-ha na-s-gi na u-ni-li-nv-tsv-hi u-gv-wa-li, na-s-gi u-yo i-tsa-da-nv-da-di-s-di-yi ni-ge-sv-na na-s-gi nv-wa-na-da-le u-du-gi nu-nv-sv-na na-s-gi-ya nu-na-s-dv-i.

deshiloniga anehi igvyiyi 4:13

aseno, idalinvtli, vtla nanigatavnaquo gesesdi yitsvyeliseha nasgi na unilinvtsvhi ugvwali, nasgi uyo itsadanvdadisdiyi nigesvna nasgi nvwanadale udugi nunvsvna nasgiya nunasdvi.

1 Thessalonians 4:14

For if we believe that Jesus died and rose again, even so them also which sleep in Jesus will God bring with him.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:14

ᎢᏳᏰᏃ ᏱᏙᎯᏳᎲᏍᎦ ᏥᏌ ᎤᏲᎱᏒᎢ, ᎠᎴ ᏚᎴᎯᏌᏅᎢ, ᎾᏍᎩᏯ ᎾᏍᏉ ᎾᏍᎩ Ꮎ ᏥᏌ ᎤᎾᎵᏍᎦᏍᏙᏔᏅᎯ ᎤᏂᎵᏅᏨᎯ ᎤᏁᎳᏅᎯ ᏧᏘᏃᎯᏍᏗ ᎨᏎᏍᏗ ᏥᏌ ᎦᎷᏨᎭ.

de-s-hi-lo-ni-ga a-ne-hi i-gv-yi-yi 4:14

I-yu-ye-no yi-do-hi-yu-hv-s-ga Tsi-sa u-yo-hu-sv-i, a-le du-le-hi-sa-nv-i, na-s-gi-ya na-s-quo na-s-gi na Tsi-sa u-na-li-s-ga-s-do-ta-nv-hi u-ni-li-nv-tsv-hi U-ne-la-nv-hi tsu-ti-no-hi-s-di ge-se-s-di tsi-sa ga-lu-tsv-ha.

deshiloniga anehi igvyiyi 4:14

iyuyeno yidohiyuhvsga tsisa uyohusvi, ale dulehisanvi, nasgiya nasquo nasgi na tsisa unalisgasdotanvhi unilinvtsvhi unelanvhi tsutinohisdi gesesdi tsisa galutsvha.

1 Thessalonians 4:15

For this we say unto you by the word of the Lord, that we which are alive and remain unto the coming of the Lord shall not prevent them which are asleep.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:15

ᎯᎠᏰᏃ ᏂᏨᏪᏎᎭ ᎣᏨᏗᎭ ᎤᎬᏫᏳᎯ ᎤᏁᏨᎢ, ᎾᏍᎩ ᎠᏴ ᏗᏛᏃᏛ ᎠᎴ ᎢᏓᎴᏂᏙᎯ ᎤᎬᏫᏳᎯ ᎦᎷᏨ ᎢᏳᎢ ᎥᏝ ᏱᏙᎨᏗᎪᏅ ᎾᏍᎩ Ꮎ ᎤᏂᎵᏅᏨᎯ.

de-s-hi-lo-ni-ga a-ne-hi i-gv-yi-yi 4:15

Hi-a-ye-no ni-tsv-we-se-ha o-tsv-di-ha U-gv-wi-yu-hi u-ne-tsv-i, na-s-gi a-yv di-dv-no-dv a-le i-da-le-ni-do-hi U-gv-wi-yu-hi ga-lu-tsv i-yu-i v-tla yi-do-ge-di-go-nv na-s-gi na u-ni-li-nv-tsv-hi.

deshiloniga anehi igvyiyi 4:15

hiayeno nitsvweseha otsvdiha ugvwiyuhi unetsvi, nasgi ayv didvnodv ale idalenidohi ugvwihuyi galutsv iyui vtla yidogedigonv nasgi na unilinvtsvhi.

1 Thessalonians 4:16

For the Lord himself shall descend from heaven with a shout, with the voice of the archangel, and with the trump of God: and the dead in Christ shall rise first:

ᏕᏍᎯᎶᏂᎦ ᎠᏁᎯ ᎢᎬᏱᏱ 4:16

ᎤᎬᏫᏳᎯᏰᏃ ᎤᏩᏒ ᏛᏠᎠᏏᎵ ᎦᎸᎳᏗ ᏅᏓᏳᎶᏒᎯ ᎤᎵᏠᏯᏍᏕᏍᏗ ᎤᏁᎷᎬᎢ, ᎠᎴ ᏄᎬᏫᏳᏒ ᏗᎧᎿᏩᏗᏙᎯ ᎧᏁᎬᎢ, ᎠᎴ ᎠᏤᎷᎩ ᎤᏁᎳᏅᎯ ᎤᏤᎵᎦ ᎤᏃᏴᎬᎢ; ᏧᏂᏲᎱᏒᎯᏃ ᎦᎶᏁᏛ ᎤᎾᎵᏍᎦᏙᏔᏅᎯ ᎢᎬᏱ ᏙᏛᎾᎴᏂ:

de-s-hi-lo-ni-ga a-ne-hi i-gv-yi-yi 4:16

U-gv-wi-yu-hi-ye-no u-wa-sv dv-tlo-a-si-li ga-lv-la-di nv-da-yu-lo-sv-hi u-li-tlo-ya-s-de-s-di u-ne-lu-gv-i, a-le nu-gv-wi-yu-sv di-ka-hna-wa-di-do-hi ka-ne-gv-i, a-le a-tse-lu-gi U-ne-la-nv-hi u-tse-li-ga u-no-yv-gv-i; tsu-ni-yo-hu-sv-hi-no Ga-lo-ne-dv u-na-li-s-ga-do-ta-nv-hi i-gv-yi do-dv-na-le-ni:

deshiloniga anehi igvyiyi 4:16

ugvwihuyiyeno uwasv dvtloasili galvladi nvdayulosvhi ulitloyasdesdi unelugvi, ale nugvwiyusv dikahnawadidohi kanegvi, ale atselugi unelanvhi utseliga unoyvgvi; tsuniyohusvhino galonedv unalisgadotanvhi igvyi dodvnaleni:

1 Thessalonians 4:17

Then we which are alive and remain shall be caught up together with them in the clouds, to meet the Lord in the air: and so shall we ever be with the Lord.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:17

ᎿᏉᏃ ᎠᏴ ᏗᏛᏃᏛ ᎠᎴ ᎢᏓᎴᏂᏙᎯ ᎾᏍᎩ ᎢᏧᎳᎭ ᎡᎦᏘᎾᏫᏛᏗ ᎨᏎᏍᏗ ᎤᎶᎩᎸᎢ, ᏫᏕᏓᏠᎢᏍᏗᏱ ᎤᎬᏫᏳᎯ ᎦᎸᎶᎢ; ᎾᏍᎩᏃ ᏂᎪᎯᎸ ᎤᎬᏫᏳᎯ ᎢᏧᎳᎭ ᏫᏕᎮᏍᏗ.

de-s-hi-lo-ni-ga a-ne-hi i-gv-yi-yi 4:17

Hna-quo-no a-yv di-dv-no-dv a-le i-da-le-ni-do-hi na-s-gi i-tsu-la-ha e-ga-ti-na-wi-dv-di ge-se-s-di u-lo-gi-lv-i, wi-de-da-tlo-i-s-di-yi U-gv-wi-yu-hi ga-lv-lo-i; na-s-gi-no ni-go-hi-lv U-gv-wi-yu-hi i-tsu-la-ha wi-de-he-s-di.

deshiloniga anehi igvyiyi 4:

hnaquono ayv didvnodv ale idalenidohi nasgi itsulaha egatinawidvdi gesesdi ulogilvi, widedatloisdiyi ugvwiyuhi galvloi; nasgino nigohilv ugvwiyuhi itsulaha widehesdi.

1 Thessalonians 4:18

Wherefore comfort one another with these words.

ᏕᏍᎯᎶᏂᎦ ᎠᏁᎯ ᎢᎬᏱᏱ 4:18

ᎾᏍᎩ ᎢᏳᏍᏗ ᏕᏣᏓᎦᎵᏍᏓᏗᏍᏗᏍᎨᏍᏗ ᎯᎠ ᎾᏍᎩ ᏥᏕᏣᏓᏪᏎᎲᎢ.

de-s-hi-lo-ni-ga a-ne-hi i-gv-yi-yi 4:18

Na-s-gi i-yu-s-di de-tsa-da-ga-li-s-da-di-s-di-s-ge-s-di hi-a na-s-gi tsi-de-tsa-da-we-se-hv-i.

deshiloniga anehi igvyiyi 4:18

nasgi iyusdi detsadagalisdadisdisgesdi hia nasgi tsidetsadawesehvi.

CHAPTER 1 1 Thessalonians 1

CHAPTER 2 1 Thessalonians 2

CHAPTER 3 1 Thessalonians 3

CHAPTER 5 1 Thessalonians 5