മുൾമുടി അണിഞ്ഞു കൊണ്ടീശോ
എൻ മുഖത്തൊരു മുത്തം നല്കി
മുളളുകൾ എൻ മുഖത്തെങ്ങും
വിങ്ങുന്ന നൊമ്പരമേകി
സ്നേഹത്തോടേകിയ മുത്തം
വേദനയായ് മാറിയപ്പോൾ(2)
ആ വേദനയ്ക്കൊരു പേരു നല്കി ഞാൻ
അതിൻപേരല്ലോ സഹനം
അതിൻപേരല്ലോ സഹനം
മുൾമുടി...........
ക്ലേശത്തിൻ മുള്ളുകൾക്കിടയിൽ
വേദനയിൽ ഞാൻ പിടഞ്ഞു
പരിഹാസ വാക്കിൻ നടുവിൽ
ഇടനെഞ്ചു നീറി കരഞ്ഞു
ആ നേരമെൻമുന്പിൽ തെളിഞ്ഞു
ക്രൂശിതമാം ദിവ്യരൂപം
ആശ്വാസത്തോടെ ഞാൻ നുകർന്ന്
ആ ദിവ്യ നാഥന്റെ സ്നേഹം
ആ ദിവ്യ നാഥന്റെ സ്നേഹം
മുൾമുടി...........
സഹനത്തിൻ വേളകൾ എല്ലാം
നിശബ്ദനായി ഞാൻ കരഞ്ഞു
ആനേരം ഈശോ നാഥൻ
സാന്ത്വന വചനങ്ങൾ മൊഴിഞ്ഞു
ഇന്നത്തെ സഹനങ്ങൾ എല്ലാം
നാളെ നിൻ മഹത്വമായ് മാറും
ഇന്നത്തെ വേദനയെല്ലാം
നാളെ നിൻ ആനന്ദമാകും
നാളെ നിൻ ആനന്ദമാകും
മുൾമുടി...........
സ്നേഹത്തോടേകിയ മുത്തം
വേദനയായ് മാറിയപ്പോൾ(2)
ആ വേദനയ്ക്കൊരു പേരു നല്കി
അതിൻപേരല്ലോ സഹനം
അതിൻപേരല്ലോ സഹനം
മുൾമുടി...........