ഒരു മഴയും തോരാതിരുന്നിട്ടില്ല..
ഒരു കാറ്റും അടങ്ങാതിരുന്നിട്ടില്ല..
ഒരു രാവും പുലരാതിരുന്നിട്ടില്ല..
ഒരു നോവും കുറയാതിരുന്നിട്ടില്ല..
തിരമാലയില്‍ ഈ ചെറു തോണിയില്‍
അമരത്തെന്നരികേ അവനുള്ളതാല്‍
മഞ്ഞും മഴയും പൊള്ളുന്ന വെയിലും
എല്ലാം നാഥന്റെ സമ്മാനമാം
എന്‍ ജീവിതത്തിന്നു നന്നായ് വരാനായ്
എന്‍പേര്‍ക്ക് താതന്‍ ഒരുക്കുന്നതാം
കല്ലും മുള്ളും കൊള്ളുന്ന വഴിയില്‍
എന്നോടു കൂടെ നടന്നീടുവാന്‍
എന്‍ പാദമിടറീ ഞാന്‍ വീണു പോയാല്‍
എന്നെ തോളില്‍ വഹിച്ചീടുവാന്‍