കാണുന്നു ഞാന്‍ വിശ്വാസത്താല്‍
എന്‍ മുന്‍പില്‍ ചെങ്കടല്‍ രണ്ടാകുന്നു (2)
കാണാത്ത കാര്യങ്ങള്‍ കണ്മുന്‍പിലെന്നപോല്‍
വിശ്വസിച്ചീടുന്നു എന്‍ കര്‍ത്താവേ (2) (കാണുന്നു..)
ജെറിക്കോ മതിലുകള്‍ ഉയര്‍ന്നു നിന്നാല്‍
അതിന്‍ വലുപ്പം സാരമില്ല (2)
ഒന്നിച്ചു നാം ആര്‍പ്പിട്ടെന്നാല്‍
വന്‍ മതില്‍ വീഴും കാല്‍ച്ചുവട്ടില്‍ (2) (കാണുന്നു..)
അഗ്നിയിന്‍ നാളങ്ങള്‍ വെള്ളത്തിന്നോളങ്ങള്‍
എന്നെ തകര്‍ക്കുവാന്‍ സാധ്യമല്ല (2)
അഗ്നിയിലിറങ്ങി വെള്ളത്തില്‍ നടന്നു
കൂടെ വരുവാന്‍ കര്‍ത്തനുണ്ട് (2) (കാണുന്നു..)
നാലു നാളായാലും നാറ്റം വമിച്ചാലും
കല്ലറ മുന്‍പില്‍ കര്‍ത്തന്‍ വന്നീടും (2)
വിശ്വസിച്ചാല്‍ നീ മഹത്വം കാണും
സാത്താന്‍റെ പ്രവര്‍ത്തികള്‍ തകര്‍ത്തിടുമേ (2) (കാണുന്നു..)