മനസാകുമോ സുഖമാക്കുവാന്‍
മതിയാകില്ല മരുന്നേതുമേ...
എഴുന്നള്ളണേ പ്രഭയോടെ നീ
മുറിവേറ്റു വാ..ങ്ങാന്‍.....(2).....
മനസാകുമോ......
അങ്ങേ മുന്‍പിലെന്‍റെ പങ്കപ്പാടുകളും
ആശങ്കകളുമായ് വീഴും
അങ്ങേ മാറില്‍ തല ചായ്ച്ചുറങ്ങിടുമ്പോള്‍
മാറാവ്യാധികളും മാറും
അതിഘോഷവും.....കൂടാതെ ഞാന്‍
മൃദുഗീതമായ്...സ്തുതി പാടിടും
വേനല്‍ ചൂടുരുകി വീഴും എന്‍ മനസ്സില്‍
ഒരു പുതു മഴയുടെ കുളിരായ് മാ..റൂ.....(മനസാകുമോ..)
ദൈവനീതിയെന്നും പൂര്‍ത്തിയാക്കി അങ്ങേ
സ്വന്തമായി വന്നു ചേരാന്‍
ചെന്തീപോലെയെന്‍റെ ഉള്ളിലാളുമൊരു-
ചിന്താഭാരം അകന്നീടാന്‍
മന:ശാന്തിയാം.....മഴ തൂകണേ
മന:സ്താപമാം...മിഴി നീരിതാ
മുട്ടിപ്പായി നിന്നു യാചിച്ചീടുമിനി
തിരുഹിതമറിയുവാന്‍ കഴിവെനിക്കേകൂ...(മനസാകുമോ...)