ഒന്നുമില്ലായ്മയിൽ നിന്നുമെന്നെ
കയ്പിടിച്ചു നടത്തുന്ന സ്നേഹം …
എന്റെ വല്ലായ്മകൾ കണ്ടിട്ടെന്നും ആ
നെഞ്ചോടു ചേർക്കുന്ന സ്നേഹം. (2)
ഇത്ര നല്ല ദൈവത്തോടു ഞാൻ .
എന്തു ചെയ്തു നന്ദി ചൊല്ലീടും .ആ .ആ
എന്റെ കൊച്ചു ജീവിതത്തെ ഞാൻ
നിന്റെ മുൻപിൽ കാഴ്ചയേകീടാം… (2)
ഇന്നലെകൾ തന്ന വേദനകൾ
നിൻ സ്നേഹമാണെന്നറിഞ്ഞില്ല ഞാൻ .(2)
നിൻ സ്വന്തമാക്കുവാൻ മാറോടു ചേർക്കുവാൻ
എന്നെ ഒരുക്കുകയായിരുന്നു.(2)
ദൈവസ്നേഹം എത്ര സുന്ദരം .
(ഇത്ര നല്ല ദൈവത്തോടു ഞാൻ .....)
ഉൾത്തടത്തിൻ ദുഃഖഭാരമെല്ലാം
നിൻ തോളിലേകുവാൻ ഓർത്തില്ല ഞാൻ .(2)
ഞാൻ ഏകനാകുമ്പോൾ മാനസം നീറുമ്പോൾ
നിൻ ജീവനേകുകയായിരുന്നു .(2)
ദൈവമാണെൻ എകയാശ്രയം.
ഒന്നുമില്ലായ്മയിൽ നിന്നുമെന്നെ
കൈ പിടിച്ചു നടത്തുന്ന സ്നേഹം
എന്റെ വല്ലായ്മകൾ കണ്ടിട്ടെന്നും ആ
നെഞ്ചോടു ചേർക്കുന്ന സ്നേഹം
(ഇത്ര നല്ല ദൈവത്തോടു ഞാൻ .....)