ஹைக்கூ கவிதைகள்

மனித உயிர்களோடு பிணைத்த இரசாயன மாற்றம்!  

உண்மை,

உணர்வுகளுக்கு ஊசி போடும் ஓர் மருத்துவன்! 

பசி,

வறுமைக்கு வாழ்க்கைப்பட்ட மனைவி ! 

தலையணை...!

சுகம், துக்கம் ,இரண்டையும் பகிர்ந்து கொள்ளும் ஓர் உறவு!  

கண்ணாடி,

உடலைத் தூக்கிச் செல்லும் இருசக்கர வாகனம்..... 

கொலுசு..!!!

அடிக்கடி காட்டிக் கொடுத்துவிடுகிறது !அவளை, என் கண்களில்.....! 

மேகம்,

வான் வீதியில் உலவும் வெள்ளித் தேர்! 

மது,

மெதுவாக உயிரைக் கொல்லும் போதை,

ஓர் இன்ப மருந்து !

இரவு,

மூளையை பட்டைத் தீட்டும்

ஓர் கருப்பு வைரம்!

மெழுகுவர்த்தி!!

என் உயிர் பிரியும்வரை

உனக்கு உதவிக்கொண்டே

முடிப்பேன் என்

வாழ்க்கையை!

நிலவு,

இரவின் புன்னகையில் சிதறிய உமிழ்நீர்ச்

சொட்டு !

சூரியன்,

வானின் வயிறு இன்னும் எரிந்து

கொண்டிருக்கின்றது !

கல்வி,

அனைவரும் சுவாசிக்கக் கிடைக்கவேண்டிய

மூச்சுக் காற்று !

தென்றல் ,

வளர்ந்து வரும் நகரங்களின் நீண்ட நாள்

கனவு!

சாரல் ,

குடையிருந்தும் முழுவதும் நனையும்

ஓர் சர்க்கரைப்பந்தல் !

காற்று ,

உலக உயிர்களின் பிரணவ

மந்திரம் !