भाग 21 / हम्मीर हठ / ग्वाल कवि रचना

कवित्त

ज्यों के त्यों रन में रहे, डेरा अरु असवाब।

बादसाह गयो भाजिकै, रही न तन में ताब॥218॥

हाथ बढ़ाय-बढ़ाय कै, करै इसारा आप।

भजो, भजो, जल्दी भजो, आई नाहर थाप॥217॥

बादसाह जब यों लख्यो, निज दल को बेहाल।

तब भाज्यो लाज्यो महा, जान्यो काल कराल॥216॥

दोहा

भजे जायें लूले, भजे जायें आँधे।

भजे जायें केते धरे घास काँधे॥

किते रूप पलटें भये संतरंगं।

पुकारैं कहैं हम नहीं साह संगं॥215॥

किते जाय भाजे बिना पाग सिर पर।

किते तेग डारैं न देखैं सिखर पर॥

किते पाँय नंगे, किते सर्व नंगे।

किते ही भजे हैं जहाँ अर्ध अंगे॥214॥

किते सीस हीनं, किते पग विहीनं।

किते जंघ टुकड़े, किते भुज नगीनं॥

किते कर परे हैं, किते पेट न्यारे।

किते कान-ग्रीवा, किते अंग सारे॥213॥

छन्द

पातसाह के कटक कों, पैठ गई नृप फौज।

हनै बहुत ही तुरक जब, भूपति करकै मौज॥212॥