अथ राग देवगांधार / दादू ग्रंथावली / दादू दयाल

मन मूरखा! तैं योंही जन्म गमायो,

सांई केरी सेवा न कीन्हीं, इहि कलि काहे का आयो॥टेक॥

जिन बातन तेरा छूटक नाँहीं, सोइ मन तेरे भायो।

कामी ह्वै विषया संग लागो, रोम-रोम लपटायो॥1॥

कुछ इक चेत विचारी देखो, कहा पाप जिय लायो।

दादू दास भजन कर लीजे, स्वप्ने जग डहकायो॥2॥

256. उपदेश चेतावनी। रंगताल

बौरी तूं बार-बार बौरानी,

सखीसुहाग न पावे ऐसे, कैसे भरम भुलानी॥टेक॥

चरणों चेरी चित नहिं राख्यो, पतिव्रत नाहिं न जान्यों।

सुन्दरि सेज संग नहिं जानैं, पीव सौं मन नहिं मान्यों॥1॥

तन-मन सबै शरीर न सौंप्यो, शीश नाइ नहिं ठाढ़ी।

इक रस प्रीति रही नहिं कबहुँ, प्रेम उमंग न बाढी॥2॥

प्रीतम अपणों परम सनेही, नैन निरख न अघानी।

निशि वासर आनि उर अंतर, परम पूज्य नहिं जानी॥3॥

पतिव्रत आगे जिन-जिन पाल्यो, सुन्दरि तिन सब छाजे।

दादू पिव बिन और न जानैं, ताहि सुहाग विराजै॥4॥

255. पतिव्रत उपदेश। त्रिताल

शरण तुम्हारी आइ परे,

जहाँ-तहाँ हम सब फिर आये, राखि-राखि हम दुखित खरे॥टेक॥

कस-कस काया तप व्रत कर कर, भ्रमत-भ्रमत हम भूल परे।

कहुँ शीतल कहुँ तप्त दहे तन, कहुँ हम करवत शीश धरे॥1॥

कहुँ वन तीरथ फिर-फिर थाके, कहँ गिरि पर्वत जाइ चढ़े।

कहुँ शिखर चढ परे धरणि पर, कहुँ हति आपा प्राण हरे॥2॥

अंध भये हम निकट न सूझे, तातैं तुम तजि जाइ जरे।

हा-हा हरि अब दीन लीन कर, दादू बहु अपराध भरे॥3॥

254. विनती अनन्यशरण। त्रिताल

(गायन समय प्रातः 6 से 9)