अथ जीवित मृतक का अंग / दादू ग्रंथावली / दादू दयाल

दीनता-गरीबी

दादू अंतर गति आपा नहीं, मुखसौं मैं तैं होय।

दादू दोष न दीजिए, यों मिल खेलैं दोय॥26॥

जे जन आपा मेटकर, रहे राम ल्यौ लाय।

दादू सब ही देखतां, साहिब सौं मिल जाय॥27॥

आपा निर्दोष

दादू आपा कहा दिखाइए, जे कुछ आपा होइ।

यहु तो जाता देखिए, रहता चीन्हो सोइ॥24॥

दादू आप छिपाइए, जहाँ न देखे कोइ।

पिव को देख दिखाइए, त्यों-त्यों आनँद होइ॥25॥

उभय असमाव

दादृ मृतक तब ही जाणिये, जब गुण इन्द्रिय नाँहिं।

जब मन आपा मिट गया, तब ब्रह्म समाना माँहिं॥22॥

दादू जीवित ही मर जाइये, मर माँहीं मिल जाय।

सांई का सँग छाड़ कर, कौण सहे दुख आय॥23॥

जीवित मृतक

दादू जीवित मृतक होइ कर, मारग माँहैं आव।

पहलै शीश उतार कर, पीछे धरिये पाँव॥18॥

दादू मारग साधु का, खरा दुहेला जाण।

जीवित मृतक ह्वै चले, राम नाम नीशाण॥19॥

दादू मारग कठिन है, जीवित चले न कोइ।

सोई चल है बापुरा, जे जीवित मृतक होइ॥20॥

मृतक होवे सो चले, निरंजन की बाट।

दादू पावे पीव को, लंघे औघट घाट॥21॥

सूक्ष्म-मार्ग

दादू भाव भक्ति दीनता अंग, प्रेम प्रीति तिहिं संग॥8॥

तब साहिब को सिजदा किया, जब शिर धर्या उतार।

यों दादू जीवित मरे, हिर्स हवा को मार॥9॥

राव-रंक सब मरेंगे, जीवे नाँहीं कोइ।

सोई कहिए जीवता, जे मरजीवा होइ॥10॥

दादू मेरा वैरी मैं मुवा, मुझे न मारे कोइ।

मैं ही मुझको मारता, मैं मरजीवा होइ॥11॥

वैरी मारे मर गये, चित्त तैं बिसरे नाँहिं।

दादू अजहूँ साल है, समझ देख मन माँहिं॥12॥

दादू तो तूं पावे पीव को, जे जीवन मृतक होइ।

आप गमाये पिव मिले, जानत हैं सब कोइ॥13॥

दादू तो तूं पावे पीव को, आपा कछू न जाण।

आपा जिस मैं ऊपजे, सोई सहज पिछाण॥14॥

दादू तो तूं पावे पीव को, मैं मेरा सब खोय।

मैं मेरा सहजैं गया, तब निर्मल दर्शन होय॥15॥

मैं ही मेरे पोट शिर, मरिये ताके भार।

दादू गुरु परसाद सौं शिर तैं धरी उतार॥16॥

मेरे आगे मैं खड़ा, ता तैं रह्या लुकाय।

दादू परगट पीव है, जे यहु आपा जाय॥17॥

जीवित-मृतक

आपा गर्व गुमान तज, मद मत्सर हंकार।

गहै गरीबी बन्दगी, सेवा सिरजनहार॥5॥

मद मत्सर आपा नहीं, कैसा गर्व गुमान।

स्वप्ने ही समझे नहीं, दादू क्या अभिमान॥6॥

झूठा गर्व गुमान तज, तज आपा अभिमान।

दादू दीन गरीब ह्वै, पाया पद निर्वान॥7॥

दीनता-गरीबी

दादू नमो नमो निरंजनं, नमस्कार गुरु देवतः।

वन्दनं सर्व साधवा, प्रणामं, पारंगतः॥1॥

धरती मत आकाश का, चंद-सूर का लेइ।

दादू पाणी पवन का, राम नाम कह देइ॥2॥

दादू धरती ह्वै रहै, तज कूड़ कपट हंकार।

सांई कारण शिर सहै, ता को प्रत्यक्ष सिरजनहार॥3॥

जीवित माटी मिल रहै, सांई सन्मुख होइ।

दादू पहली मर रहै, पीछे तो सब कोइ॥4॥