अथ राग माली गौड़ी / दादू ग्रंथावली / दादू दयाल

मेरा मेरा छाड गँवारा, शिर पर तेरे सिरजनहारा।

अपणे जीव विचारत नाँहीं, क्या ले गइला वंश तुम्हारा॥टेक॥

तब मेरा कृत करता नाँहीं, आवत है हंकारा।

कालचक्र सौं खरी परी रे, विसर गया घर बारा॥1॥

जाइ तहाँ का संयम कीजे, विकट पंथ गिरिधारा।

दादू रे तन अपणा नाँहीं, तो कैसे भया संसारा॥2॥

88. निसारुक ताल

दादू दास पुकारे रे, शिर काल तुम्हारे रे, शर साँधे मारे रे॥टेक॥

यम काल निवारी रे, मन मनसा मारी रे, यहु जन्म न हारी रे॥1॥

सुख नींद न सोइ रे, अपणा दुख रोइ रे, मन मूल न खोई रे॥2॥

शिर भार न लीजे रे, जिसका तिसको दीजे रे, अब ढील न कीजे रे॥3॥

यहु अवसर तेरा रे, पंथी जाग सवेरा रे, सब बाट बसेरा रे॥4॥

सब तरुवर छाया रे, धन यौवन माया रे, यहु काची काया रे॥5॥

इस भरम न भूली रे, बाजी देख न फूली रे, सुख सागर झूली रे॥6॥

रस अमृत पीजे रे, विष का नाम न लीजे रे, कह्या सो कीजे रे॥7॥

सब आतम जाणी रे, अपणा पीव पिछाणी रे, यहु दादू वाणी रे॥8॥

89. भक्ति उपदेश। त्रिकाल

पूजूँ पहली गणपति राय, पड़हूँ पावों चरणों धाय।

आगैं ह्वै कर तीर लगावे, सहजैं अपणे वैन सुनावे॥टेक॥

कहूँ कथा कुछ कही न जाई, इक तिल में ले सबै समाइ॥1॥

गुण हु गहीर धीर तन देही, ऐसा समर्थ सबै सुहाइ॥2॥

जिस दिशि देखूँ ओही है रे, आप रह्या गिरि तरुवर छाइ॥3॥

दादू रे आगे क्या होवे, प्रीति पिया कर जोड़ लगाइ॥4॥

90. परिचय। पंचम ताल

नीको धन हरि कर मैं जान्यौं, मेरे अखई ओही।

आगे-पीछे सोई है रे, और न दूजा कोई॥टेक॥

कबहूँ न छाडूँ संग पिया को, हरि के दर्शन मोही।

भाग हमारे जो हौं पाऊँ, शरणे आयो तोही॥1॥

आनँद भयो सखी जिय मेरे, चरण कमल को जोई।

दादू हरि को बावरो, बहुरि वियोग न होई॥2॥

91. हितोपदेश। पंचम ताल

बाबा मर्दे मर्दां गोइ, ये दिल पाक करदम धोइ॥टेक॥

तर्क दुनियाँ दूर कर दिल, फर्ज फारिग होइ।

पैवस्त परवरदिगार सौं आकिलां सिर सोइ॥1॥

मनी मुरदः हिर्स फानी, नफ्स रा पामाल।

बदी रा बरतरफ करदः; नाम नेकी ख्याल॥2॥

जिंदगानी मुरदः बाशद, कुंजे कादिर कार।

तालिबां रा हक हासिल, पासबाने यार॥3॥

मर्दे मर्दां सालिकां सर, आशिकां सुलतान।

हजूरी होशियार दादू, इहै गो मैदान॥4॥

92. ईवर चरित। त्रिताल

ये सब चरित तुम्हारे मोहना, मोहे सब ब्रह्मंड खंडा।

मोहे पवन पापी परमेश्वर, सब मुनि मोहे रवि चंदा॥टेक॥

साइर सप्त मोहे धरणी धरा, अष्ट कुली पर्वत मेरु मोहे।

तीन लोक मोहे जग जीवन, सकल भुवन तेरी सेव सोहे॥1॥

शिव विरंचि नारद मुनि मोहे, मोहे सुर सब सकल देवा॥

मोहे इन्द्र फणींद्र पुनि मोहे, मुनि मोहे तेरे करत सेवा॥2॥

अगम अगोचर अपार अपरं परा, को यहु तेरे चरित न जाणे।

ये शोभा तुमको सोहे सुन्दर, बलि-बलि जाऊँ दादू न जाणे॥3॥

93. गुरु ज्ञान। त्रिताल

ऐसा रे गुरु ज्ञान लखाया, आवे जाइ सो दृष्टि न आया॥टेक॥

मन थिर करूँगा नाद भरूँगा, राम रमूँगा, रस माता॥1॥

अधर रहूँगा, करम दहूँगा, एक भजूँगा, भगवन्ता॥2॥

अलख लखूँगा, अकथ कथूँगा, एक मथूँगा, गोविन्दा॥3॥

अगह गहूँगा, अकह कहूँगा अलह लहूँगा, खोजन्ता॥4॥

अचर चरूँगा, अजर जरूँगा, अतिर तिरूँगा, आनन्दा॥5॥

यहु तन तारूँ, विषय निवारूँ, आप उतारूँ, साधन्ता॥6॥

आऊँ न जाऊँ, उनमनि लाऊँ, सहज समाऊँ, गुणवन्ता॥7॥

नूर पिछाणूँ, तेजहि जाणूँ, दादे ज्योतिहि, देखन्ता॥8॥

94. तत्त्व उपदेश। पंचम ताल

बंदे हाजिरां हजूर वे, अल्लह आली नूर वे।

आशिकां रा सिदक साबित, तालिबा भरपूर वे॥टेक॥

वजूद मैं मौजूद है, पाक परवरदिगार वे।

देख ले दीदार को, गेब गोता मार वे॥1॥

मौजूद मालिक तख्त खालिक, आशिकां रा ऐन वे।

गुदर कर दिल मग्ज भीतर, अजब है यहु सैंन वे॥2॥

अर्श ऊपर आप बैठा, दोस्त दाना यार वे।

खोज कर दिल कब्ज करले, दरूने दीदार वे॥3॥

हुशियार हाजिर चुस्त करदा, मीराँ महरवान वे।

देख ले दर हाल दादू, आप है दीवान वे॥4॥

95. वस्तु निर्देश। चौताल

निर्मल तत निर्मल तत, निर्मल तत ऐसा।

निर्गुण निज निधि निरंजन, जैसा है तैसा॥टेक॥

उत्पत्ति आकार नाँहीं, जीव नाँहीं काया।

काल नाँहीं कर्म नाँहीं, रहिता राम राया॥1॥

शीत नाँहीं घाम नाँहीं, धूप नाँहीं छाया।

वायु नाँहीं वर्ण नाँहीं, मोह नाँहीं माया॥2॥

धरणि आकाश अगम, चन्द सूर नाँहीं।

रजनी निशि दिवस नाँहीं, पवना नहिं जाँहीं॥3॥

कृत्रिम घट कला नाँहीं, सकल रहित सोई

दादू निज अगम-निगम, दूजा नहिं कोई॥4॥

॥इति राग माली गौड़ सम्पूर्ण॥