कही जु साह यों जबै। उड़ान वेग ने तबै॥
कियो विचार है सबै। गिराउँ पातुरै अबै॥122॥
कही उड़ान वेग सों। जु साह ने अवेग सों॥
चलाय तीर पातुरै। जु सब्द साथ आतुरै॥121॥
उड़ान बेग नाम है। करै अनोख काम है॥
चलाइ बान तान कै। हनै जु सब्द जान कै॥120॥
लघु नाराच
महिमा मीर मंगोल को, भैया हो इक और।
बादसाह के पास वह, हाजिर हौ वा ठौर॥119॥
बखत रात के इक दिना, थमे मोरचे भूल।
बैठे साह इकंत में, परी नाच धुनि कूल॥118॥
धारु वारु नाम द्वै, पातुर परम प्रवीन।
नचैं नृपति दरबार में, ताल सुरन में लीन॥117॥
लरैं दुहूँ दल के सुभट, रह्यो सब्द अति माच।
बादसाह इत ऐस में, नृपति लखै नित नाच॥116॥
गढ़ ऊपर तें नृपति के, छूटत बान अचूक।
गढ़ नीचे तें साह की, छूटैं तोप बँदूक॥115॥
बादसाह बैठे तखत, घेर बनात कनात।
दिये मोरचे लायकै, करी जुद्ध की घात॥114॥
सैन साज चतुरंगिनी, चले कूच दर कूच।
पहुँचे रनथंभौर में, देख्यौ अति ही ऊँच॥113॥
दियौ हुकम सब कटक को, करौ कूच इस वक्त।
आप सवार भयो तबै, तजिकै दिल्ली तख्त॥112॥
बादसाह सुनि बचन ये, भयो क्रोध को रूप।
तब वजीर सों यों कही, अब ही मारो भूप॥111॥
दोहा